laptop

Smartphones Expensive: భారీగా పెరగనున్న స్మార్ట్‌ఫోన్, ల్యాప్‌టాప్ ధరలు.. కారణం తెలిస్తే ఆశ్చర్యపోతారు

Shankar Dukanam — Wed, 7 Jan 2026 14:53:03 +0530

Smartphone Price Hike | మీరు 2026లో కొత్త స్మార్ట్‌ఫోన్, ల్యాప్‌టాప్ లేదా PC కొనుగోలు చేయాలని చూస్తున్నారా, అయితే అదనపు ఖర్చు పెట్టాల్సి రావొచ్చు. ఇందుకు కారణం మనం తరచుగా పట్టించుకోని ఒక భాగమైన RAM. ఒకప్పుడు చౌకైనదిగా భావించే RAM ధరలు ఇప్పుడు వేగంగా పెరుగుతున్నాయి. ఇది దాదాపు ప్రతి డిజిటల్ పరికరం ఖర్చులపై ప్రభావం చూపుతుంది.

RAM ధరలు అకస్మాత్తుగా ఎందుకు పెరిగాయి?

అక్టోబర్ 2025 నుంచి భారత్‌తో పాటు పలు దేశాలలో RAM ధరలు రెట్టింపు కంటే ఎక్కువ పెరిగాయి. చాలా సందర్భాలలో, కంపెనీలకు మునుపటి కంటే 4 నుండి 5 రెట్లు ఎక్కువ ధరలు చెబుతున్నారు. ఈ పెరుగుదలకు ఒక్క కారణం అని చెప్పలేం. పలు అంశాల కారణంగా రామ్ అవసరమయ్యే అన్ని పరికరాల ధరలు పెరిగాయి. దీనికి అతిపెద్ద కారణం AI సాంకేతికత వేగంగా విస్తరించడం అని నిపుణులు చెబుతున్నారు.

AI, డేటా సెంటర్స్ సమతుల్యతను దెబ్బతీశాయి

నేడు ఆర్టిఫీషియల్ ఇంటెలిజెన్స్ (AI)ని అమలు చేయడానికి పెద్ద డేటా కేంద్రాలు నిర్మిస్తున్నారు. ఈ డేటా సెంటర్స్ అధిక పనితీరు గల సర్వర్లు, ప్రత్యేక రకం మెమరీ, వేగవంతమైన టెక్నాలజీపై ఆధారపడి ఉంటాయి. ఇందులో RAM వినియోగం చాలా ఎక్కువగా ఉంటుంది. AI వినియోగం పెరిగేకొద్దీ ప్రపచం వ్యాప్తంగా RAM డిమాండ్ కూడా అదే స్థాయిలో పెరుగుతోంది. సమస్య ఏమిటంటే RAM సరఫరా ఆ వేగంతో పెరగలేదు. ఫలితంగా డిమాండ్, సరఫరా మధ్య పెద్ద వ్యత్యాసం ఏర్పడి నిరంతరం పెరుగుతూనే ఉన్నాయి.

ఇవి చిన్న ఖర్చులు కాదు, పెద్దవి

బీబీసీ నివేదిక ప్రకారం, సాంకేతిక కంపెనీలు తరచుగా చిన్న ఖర్చులను భరిస్తాయి. దాంతో కస్టమర్‌లపై ఎటువంటి ప్రభావం ఉండదు. కానీ పెట్టుబడి చాలా పెరిగినప్పుడు, దాని భారం చివరికి కస్టమర్‌పై పడుతుంది. కంప్యూటర్లను తయారు చేసే అనేక కంపెనీలు ప్రస్తుత పరిస్థితుల్లో ధరలను పెంచకుండా ఉండటం దాదాపు అసాధ్యమని చెబుతున్నాయి. ఒక PC తయారీదారు ప్రకారం, ఇటీవల కొన్ని RAM భాగాల కోసం 500 శాతం వరకు ఎక్కువ ధరలను కోట్ చేశారు. కంపెనీలకు లాభాలను తగ్గించుకోవడం లేదా ఉత్పత్తుల ఖర్చు పెంచడం ఏదో ఒకటి చేయక తప్పదు.

ప్రతి పరికరంపై ప్రభావం

RAM అనేది పరిమితమైనది కాదు. స్మార్ట్‌ఫోన్‌లు, ల్యాప్‌టాప్‌లు, డెస్క్‌టాప్‌లు, స్మార్ట్ టీవీలు, వైద్య పరికరాలు దాదాపు ప్రతి ఎలక్ట్రానిక్ పరికరంలోనూ ఉపయోగిస్తారు. మెమరీ ఖరీదైనదిగా మారితే, దాని ప్రభావం మొత్తం మార్కెట్‌పై కనిపిస్తుంది. కొన్ని కంపెనీలు ఇప్పటికే స్టాక్‌ను సిద్ధం చేసుకున్నాయి. కానీ తక్కువ ఇన్వెంటరీ ఉన్న తయారీదారులు 4 నుండి 5 రెట్లు ధరలను పెంచారు.

2026 వరకు ద్రవ్యోల్బణం

సాంకేతిక పరిశ్రమ నిపుణుల అభిప్రాయం ప్రకారం RAM ధరలలో ఈ పెరుగుదల 2026 వరకు కొనసాగుతుంది. 2027 వరకు కూడా పరిస్థితులు సవాలుగా మారతాయి. AI కోసం ఉపయోగించే హై-ఎండ్ మెమరీ మొత్తం మార్కెట్‌ను ప్రభావితం చేసింది. దీంతో సాధారణ వినియోగదారులకు సైతం RAM ఖరీదైనదిగా మారింది. క్లౌడ్ సేవలను అందించే పెద్ద కంపెనీలు ఇప్పటికే 2026, 2027 అవసరాలను అంచనా వేశాయి. దీని వలన RAM తయారు చేసే కంపెనీలకు డిమాండ్ చాలా ఎక్కువగా ఉంటుందని, సరఫరా పరిమితంగా ఉందని గుర్తించారు.

ఖర్చులను భరించలేకపోతున్న కంపెనీలు

ఒక సాధారణ ల్యాప్‌టాప్‌లో, RAM మొత్తం వ్యయంలో దాదాపు 15 నుండి 20 శాతం ఉంటుంది. ప్రస్తుత ధరలతో ఇది 30 నుండి 40 శాతం వరకు పెరిగింది. కనుక కంపెనీలు ఇంత పెద్ద వ్యయాన్ని భరించలేవు. కొంతమంది సరఫరాదారులు ధరల గురించి కోటేషన్ ఇవ్వడం మానేశారు. ఇది రాబోయే రోజుల్లో మరింత ద్రవ్యోల్బణానికి దారితీస్తుందని సూచిస్తుంది.

స్మార్ట్‌ఫోన్‌లు, ల్యాప్‌టాప్‌లు ఎంత ఖరీదు అవుతాయి

16GB RAM ఉన్న సాధారణ ల్యాప్‌టాప్ తయారీ ఖర్చు 2026లో 40 నుండి 50 డాలర్లు పెరగవచ్చు. స్మార్ట్‌ఫోన్‌ల విషయానికి వస్తే, ఒక ఫోన్ ధర దాదాపు 30 డాలర్లు పెరగవచ్చు. దాంతో స్మార్ట్‌ఫోన్, ల్యాప్‌టాప్ ధరలు అదే స్థాయిలో పెరగనున్నాయి.

Year Ender 2025: పోస్టు కార్డు నుంచి టీవీ వరకు - డిజిటల్‌ విప్లవంతో జ్ఞాపకాల పెట్టేలో చేరిన వస్తువులు ఇవే!

Khagesh — Wed, 31 Dec 2025 18:35:20 +0530

Technology Transformation India: కాలం ఎవరి కోసం ఆగదు. కానీ కాలంతోపాటు మనం వాడే వస్తువులు మన అలవాట్లు ఎంతో వేగంగా మారిపోతుంటాయి. ఒక్కసారి వెనక్కి చూసుకుంటే మాత్రం ఆశ్చర్య కలగక మానదు. 2000 సంవత్సరానికి స్వాగతం పలుకుతూ స్నేహితులకు గ్రీటింగ్ కార్డు పంపిన వాళ్లు కోట్లలో ఉండి ఉంటారు. కానీ నేడు బొటను వేలి క్లిక్‌తో సమాచారాన్ని క్షణాల్లో పంపిస్తున్నారు. పోస్టు బాక్స్ దగ్గర నిలబడి ఉత్తరం కోసం ఎదురు చూసిన రోజులు, ఇన్‌లాండ్ లెటర్‌లో నాలుగు ముక్కు రాసిన క్షేమ సమాచారాలు పంచుకున్న క్షణాలు ఇప్పుడు కేవలం జ్ఞాపకాలుగానే మిగిలిపోయాయి. సరిగ్గా పాతికేళ్ల క్రితం అంటే 2000 మనం ఉన్న ప్రపంచానికి, నేటి 2025 ప్రపంచానికి మధ్య మహా సముద్రమంత వ్యత్యాసం ఉంది.

డిజిటల్‌ మీడియాలో గత రెండు దశాబ్దాలుగా మారుతున్న టెక్నాలజీని, సామాజిక పరిణామాలను నిశితంగా గమిస్తే.. పాతికేళ్ల ప్రయాణంలో మనం కోల్పోయిన వస్తువు వెనుక భావోద్వేగాలను పొందిన సౌకర్యాలను విశ్లేషించాల్సిన సమయం ఇది. ఈ మార్పులు కేవలం సాంకేతికమైనవి మాత్రమే కావు. ఇవి సామాజిక మూలాలను కూడా మార్చేశాయి.

Also Read: పాతికేళ్లలో భారత క్రికెట్ ప్రభంజనం; ఫిక్సింగ్ తుపాను నుంచి ప్రపంచ ఆధిపత్యం దిశగా సాగిన ప్రస్థానం!

జ్ఞాపకాల పెట్టే: 2000 కి ముందు మన జీవనశైలి

2000 సంవత్సరానికి ముందు భారత దేశంలో సమాచార మార్పిడి అనేది అత్యంత నెమ్మదిగా, కానీ ఎంతో ఆత్మీయంగా సాగేది. అప్పట్లో ప్రతి వీధిలో ఒక ఎర్రటి పోస్టు బాక్స్‌ దర్శనమిచ్చేది. ఇంటికి టెలిఫోన్ ఉండటం ఒక లగ్జరీగా పరిగణించేవాళ్లు. వార్తల కోసం ఉదయం పేపర్‌ కోసం, వినోదం కోసం రేడియో లేదా బ్లాక్ అండ్‌ వైట్ టీవీల కోసం ఎదురు చూడటం ఒక దినచర్య. ఆ రోజుల్లో ఒక ఉత్తరం ముక్క కనిపిస్తే ఇంట్లో పండగ వాతావరణం నెలకొనేది. కానీ వైటూకే భయాల మధ్య మొదలైన 21వ శతాబ్ధం పాతికేళ్లలో మన ఇళ్లను, మన అలవాట్లను పూర్తిగా మారుస్తుందని ఎవరూ ఊహించలేదు.

Also Read: భారతదేశం 25 ఏళ్ల ప్రయాణం: సంక్షోభాల నుంచి AI వృద్ధి వరకు.. యువ భారత్ భవిష్యత్తు ఎలా ఉండబోతుంది?

దశాబ్దాల వారీగా మాయమైన వస్తువులు

2000-2003: పోస్టల్ యుగానికి చరమగీతం

ఈ మూడేళ్ల కాలంలో మొబైల్‌ ఫోన్‌లు నెమ్మదిగా సామాన్యుల జీవితాల్లోకి ప్రవేశించడం మొదలైంది. అప్పటి వరకు లేఖలే ప్రధాన సమాచార సాధనంగా ఉండేవి. అయితే ఎస్‌ఎంఎస్‌ సేవలు అందుబాటులోకి రావడంతో పోస్టు కార్డులు, ఇన్‌లాండ్ లెటర్లు వాడకం తగ్గడం ప్రారంభమైంది. ఉత్తరం రాసే ఓపిక లేని వారు గుడ్ మార్నింగ్ అని ఒక మెసేజ్‌ పంపడం అలవాటు చేసుకున్నారు. దీంతో పోస్టు బాక్స్ వద్ద సందడి తగ్గింది.

2004-2006: డైరీలు, అడ్రెస్‌ బుక్స్ మాయం:

మొబైల్ ఫోన్ల మెమొరీ పెరగడంతో మనకు అత్యంత అవసరమైన అడ్రెస్‌ బుక్స్‌, పర్సనల్‌ డైరీలు అటకెక్కి కాలమిది. ఒకప్పుడు ల్యాండ్‌లైన్ పక్కన తప్పనిసరిగా ఉండే టెలిఫోన్ డైరీల స్థానాన్ని మొబైల్‌ కాంటాక్ట్స్‌ ఆక్రమించాయి. చిరునామాలు, ఫోన్ నంబర్లు గుర్తు పెట్టుకునే అవసరం లేకుండా పోయింది.

Also Read: ఎస్టీడీ బూత్‌లో నిరీక్షణ నుంచి 5G వరకు; 25 ఏళ్ల భారత టెలికాం రంగంలో అద్భుతాలు ఇవే!

2007-2009 పేజర్‌, కాయిన్ బూత్‌లు మాయం:

ఒకప్పుడు స్టేటస్ సింబల్‌గా ఉండే పేజర్లు, మొబైల్ కాల్స్‌ చౌకగా మారడంతో పూర్తిగా కనుమరుగయ్యాయి. అదే సమయంలో ప్రతి కూడలిలో కనిపించే ఎల్లో కలర్‌ పీసీవో కాయిన్ బూత్‌లు మూతపడ్డాయి. ఒక రూపాయి నాణెం వేసి ప్రియమైన వారితో మాట్లాడే ఆ సంస్కృతి మొబైల్ విప్లవం ముగింపు పలికింది.

2010-2015 సీడీలు, డీవీడీలు, కాగితపు టికెట్లు మాయం

ఇంటర్నెట్‌ వేగం పెరగడం, బ్రాడ్ బ్యాండ్ రాకో ఎంటర్‌టైన్‌మెంట్ రంగం పూర్తిగా మారిపోయింది. ఫ్యాక్స్‌ మెషిన్ల స్థానంలో ఈ మెయిళ్లు వచ్చాయి. ఒకప్పుడు అలమారలో జాగ్రత్తగా దాచుకునే సీడీలు, డీవీడీలు కలెక్షన్లు అవసరం లేకుండా పోయింది. ఎందుకంటే ఆన్‌లైన్‌ స్ట్రీమింగ్ ప్లాట్‌ఫామ‌లు అందుబాటులోకి వచ్చాయి. ప్రయాణాల విషయానికి వస్తే రైల్వే లేదా బస్‌ టికెట్ల కోసం క్యూలో నిలబడటం తగ్గిపోయింది. ఈ టికెట్లు మొబైల్‌లోకి వచ్చేశాయి.

2016-2025 నగదు రహితం డిజిట్ గ్యాలరీలు

యూపీఐ, డిజిటల్ చెల్లింపులు విప్లవం తర్వాత మన జేబుల్లో ఉండే పెద్ద పెద్ద వాలెట్లు మాయమైపోయాయి. పర్సుల్లో నోట్లు పెట్టుకునే అలవాటు తగ్గిపోయింది. చిల్లర సమస్య కూడా తీరిపోయింది. అలాగే ఇంట్లోని ఫొటో ఆల్బమ్‌ల స్థానాన్ని ఫోన్ గ్యాలరీలు, క్లౌడ్ స్టోరేజ్‌లు ఆక్రమించాయి. ప్రస్తుతం మనం 2025లో ఉన్నాం. ఇప్పుడు చేతి రాత నోట్లు, మాన్యువల్‌ అలారమ్‌ గడియారాలు, గోడ క్యాలెండర్లు కూడా అరుదైనవిగా మారిపోతున్నాయి.

ఈ పాతికేళ్ల మార్పులు మన జీవితాలను ఎంత సులభతరం చేశాయి. అనడంలో సందేహం లేదు. సమాచార మార్పిడి వేగవంతమైంది. సమయం ఆదా అయ్యింది. కానీ ఈ ప్రయాణంలో మనం కొన్ని విలువైన భావోద్వేగాలను కోల్పోయాం.

అమ్మ చేతిరాత: ఒకప్పుడు ఉత్తరంలో అమ్మ రాసిన అక్షరాలు చూస్తే కలిగే ఆనందం, ఇప్పుడు వాట్సాప్‌లో వచ్చే ఎమోజీలలో కనిపించడం లేదు.

ఎదురు చూపులు: పోస్ట్‌ మ్యాన్‌ కోసం ఎదురు చూసే ఆ ఆత్రుత ఇప్పుడు ఇన్‌స్టెంట్‌ మెసేజ్‌ల యుగంలో మాయమైపోయింది.

సామాజిక అనుబంధం: ఒకప్పుడు కాయిన్ బూత్ దగ్గర్లో లేదా పోస్టు బాక్స్‌ దగ్గరో పలకరించుకునే మనుషులు ఇప్పుడు స్మార్ట్‌ ఫోన్ స్క్రీన్‌లకే పరిమితమవుతున్నారు.

పాతికేళ్లలో వచ్చిన మార్పులు సహజమైన పరిణామ క్రమమే. టెక్నాలజీ అభివృద్ధి చెందుతున్నప్పుడు పాత సాధనాలు కనుమరుగవ్వడం ఒక నిరంతర ప్రక్రియ. ఉదాహరణకు ఫ్లాపీ డిస్కుల స్థానంలో యూఎస్‌బీ డ్రైవ్‌లు, ఆపై క్లౌడ్‌ స్టోరేజ్‌ రావడం వల్ల డేటా భద్రత పెరిగింది. సీఆర్టీ టీవీల స్థానంలో వచ్చిన ఎల్‌ఈడీ టీవీలు విద్యుత్‌ ఆదా చేయడమే కాకుండా కంటికి తక్కువ హాని కలిగిస్తున్నాయి.

గత 25 ఏళ్లలో మనం కోల్పోయిన వస్తువులు కేవలం సామగ్రి మాత్రమే కాదు, అవి ఒక తరం జీవ విధానానికి ప్రతీకలు, 2000లో ఒక జీవితం ముగిస్తే, 2025 నాటికి మరో సరికొత్త డిజిటల్ జీవితం ప్రారంభమైంది. టెక్నాలజీ వేగంతో మనం ముందుకు సాగడం అవసరమే. కానీ ఆపాత వస్తువులతో కూడిన తీపి జ్ఞాపకాలు మాత్రం కాలాన్ని దాటి మనం మనస్సుల్లో నిలిచిపోతాయి.

Starlink India Price: భారత్‌లో స్టార్‌లింక్ ప్లాన్స్‌ రివీల్ చేసిన కంపెనీ! బేసిక్ ప్రైస్‌ తెలిస్తే షాక్ అవుతారు!

Khagesh — Mon, 8 Dec 2025 16:56:36 +0530

Starlink Internet India Price Per Month: ఎలాన్ మస్క్ స్పేస్ఎక్స్ యాజమాన్యంలోని ఉపగ్రహ ఇంటర్నెట్ సేవ స్టార్‌లింక్, భారతదేశంలో సేవలు ప్రారంభించేందుకు సిద్ధమైంది. ఇందులో భాగంగా మరో అడుగు ముందుకేసింది. సేవలు పొందాలంటే ఎంత చెల్లించాలనే విషయాలను వెల్లడించింది. చాలా నెలల గ్రౌండ్ వర్క్, సన్నాహాల తరువాత, కంపెనీ ఇప్పుడు భారతీయ కమ్యూనికేషన్ల మార్కెట్‌లోకి ప్రవేశించడానికి చాలా సమీపంలో ఉంది. వేగవంతమైన, నమ్మదగిన ఇంటర్నెట్‌ను మారుమూల, సేవలు సరిగ్గా లేని ప్రాంతాలకు తీసుకురావడమే తమ లక్ష్యమని స్టార్‌లింక్ చెబుతోంది.

ఈ ధరల ప్రకటనతో, స్థిరమైన బ్రాడ్‌బ్యాండ్ పొందడానికి ఇంకా కష్టపడుతున్న భారతీయ గృహాలకు హై-స్పీడ్ కనెక్టివిటీని అందించడానికి కంపెనీ ఇప్పుడు ఒక అడుగు దగ్గరగా ఉంది. అయితే, ఇప్పటికే స్టార్‌లింక్ సేవలను కలిగి ఉన్న భారతదేశానికి దగ్గరగా ఉన్న పొరుగు దేశంతో పోల్చితే, ధర కొంచెం ఆశ్చర్యం కలిగిస్తుంది.

స్టార్‌లింక్ ఇండియా ధర & ప్రణాళికలు

స్టార్‌లింక్ ఇండియా వెబ్‌సైట్‌లో పెట్టిన అప్‌డేట్ ప్రకారం, రెసిడెన్షియల్ ప్యాకేజీ నెలకు రూ.8,600 అవుతుంది. చందాదారులతోపాటు, వినియోగదారులు రూ.34,000 వేలతో హార్డ్‌వేర్ కిట్‌ కూడా కొనుగోలు చేయాలి. ఇది ఒకసారి మాత్రమే చెల్లించాల్సి ఉంటుంది.

ఈ ప్లాన్‌లో అపరిమిత డేటా ఉంటుంది. కొత్త వినియోగదారులు కొనసాగించాలా వద్దా అని నిర్ణయించుకునే ముందు సేవను పరీక్షించడానికి 30 రోజుల ట్రయల్ కూడా ఇస్తుంది.

గత మార్చిలో భారతదేశానికి దగ్గరగా ఉన్న భూటాన్‌లో స్టార్‌లింక్ ప్లాన్‌ల ధర ఎలా ఉందో ఒకసారి చూద్దాం. అక్కడ ఇప్పటికే సేవలు అందుబాటులో ఉన్నాయి. అక్కడ, వినియోగదారులకు రెండు ప్లాన్‌లు అందుబాటులో ఉన్నాయి. అవి స్టార్‌లింక్ రెసిడెన్షియల్- స్టార్‌లింక్ రెసిడెన్షియల్ లైట్.

రెసిడెన్షియల్ ప్లాన్ సాధారణ గృహ వినియోగదారుల కోసం ఉద్దేశించింది. అయితే రెసిడెన్షియల్ లైట్ ప్లాన్ తక్కువ ఇంటర్నెట్ వినియోగించే వారి కోసం సిద్ధం చేశారు. ఇది అపరిమితంగా డేటాను అందిస్తుంది, అంటే పీక్ అవర్స్‌లో వేగం తగ్గవచ్చు.

భూటాన్‌లో స్టార్‌లింక్ ధర (హార్డ్‌వేర్ మినహా, సేవ మాత్రమే): స్టార్‌లింక్ రెసిడెన్షియల్: నెలకు BTN 4,200 (సుమారు రూ. 4,211) స్టార్‌లింక్ రెసిడెన్షియల్ లైట్: నెలకు BTN 3,000 (సుమారు రూ. 3,007)

ఇప్పుడు భారత దేశంలో అమలు చేయబోయే ప్లాన్‌లు భూటాన్ ధరలతో పోల్చితే చాలా ఖరీదైనవిగా చెప్పవచ్చు.

భారతదేశంలోని నగరాల్లో ప్రస్తుతం స్టార్‌లింక్ సేవలు అందుబాటులో లేవు. అధికారికంగా ఎక్కడా ప్రారంభంచలేదు. వెబ్‌సైట్‌లో ఇదే విషయం స్పష్టమైంది.

స్టార్‌లింక్ ఏమి అందిస్తుంది?

స్టార్‌లింక్ ప్రకారం, దాని సిస్టమ్ అన్ని వాతావరణ పరిస్థితుల్లో పనిచేస్తుంది. 99.9% కంటే ఎక్కువ సమయం పనిచేసేలా నిర్మితమైంది. కస్టమర్‌లు ఇంటర్నెట్‌ను ఉపయోగించడం ప్రారంభించడానికి పరికరాలను ప్లగ్ ఇన్ చేయాలి. కాబట్టి సులభమైన సెటప్‌ను కూడా కంపెనీ హైలైట్ చేస్తుంది. సాధారణ బ్రాడ్‌బ్యాండ్ సంవత్సరాలుగా నెమ్మదిగా, అందుబాటులో లేకుండా లేదా అస్థిరంగా ఉన్న ప్రాంతాల్లోని గృహాలను ఆకర్షించడం ఈ లక్ష్యం.

ప్రస్తుతానికి, స్టార్‌లింక్ రెసిడెన్షియల్ ప్లాన్ కోసం మాత్రమే ధరను పంచుకుంది. వ్యాపార శ్రేణిని ఇంకా ప్రకటించలేదు. కంపెనీ అధికారులు తుది రోల్‌అవుట్ చర్చలను కొనసాగిస్తున్నందున , దాని వాణిజ్య ప్రణాళికలను సిద్ధం చేస్తున్నందున మరిన్ని వివరాలు త్వరలో వస్తాయని భావిస్తున్నారు.

స్టార్‌లింక్ ఇండియా ప్రారంభం అప్‌డేట్ & విస్తరణ

భారతదేశంలో స్టార్‌లింక్ సేవలు త్వరలోనే ప్రారంభంకానున్నాయని తెలియజేసేందుకు ఈ మధ్య కాలంలో ఆ కంపెనీ భారీగా నియామకాలు చేపట్టింది. అక్టోబర్ చివరిలో స్పేస్‌ఎక్స్ బెంగళూరు కార్యాలయానికి లింక్డ్‌ఇన్‌లో నాలుగు ఖాళీలు భర్తీ చేస్తున్నట్టు పోస్ట్ చేసింది. పేమెంట్స్ మేనేజర్, అకౌంటింగ్ మేనేజర్, సీనియర్ ట్రెజరీ అనలిస్ట్, టాక్స్ మేనేజర్ ఉద్యోగాలు భర్తీ చేయబోతున్నట్టు నోటిఫికేషన్ జారీ చేసింది. అంతర్జాతీయ మార్కెట్‌లలో విస్తరించాలనే స్టార్‌లింక్ ప్రణాళికలో భాగంగా ఈ నియామకం ఉందని జాబితాలు తెలిపాయి.

ఈ నెల ప్రారంభంలో, స్టార్‌లింక్ ప్రపంచవ్యాప్తంగా బలమైన పురోగతి సాధిస్తోందని, భారతదేశానికి సేవను తీసుకురావడంపై తనకు నమ్మకం ఉందని మస్క్ అన్నారు. జీరోధా సహ వ్యవస్థాపకుడు నిఖిల్ కామత్‌తో పీపుల్ బై WTF పోడ్‌కాస్ట్ చర్చలో ఆయన ఈ ఆలోచనలను పంచుకున్నారు.

Laptop Using on the Bed : మంచం మీద ల్యాప్‌టాప్ వాడుతున్నారా? ఆ తప్పులు చేస్తే మదర్‌బోర్డ్ కాలిపోతుందట

Geddam Vijaya Madhuri — Wed, 26 Nov 2025 07:37:29 +0530

Dangers of using laptop on Bed : మొబైల్తో పాటు ల్యాప్‌టాప్ కూడా రోజూవారీ ఉపయోగించే వస్తువుల్లో ఒకటిగా మారింది. ముఖ్యంగా వర్క్ చేసేవారికి ఇది చాలా అవసరం. ఎందుకంటే దాదాపు ప్రతి ఒక్కరి పని ల్యాప్టాప్ మీదనే నడుస్తుంది. కేవలం జాబ్స్ చేసేవాళ్లే కాదు.. చదువుకోసం, గేమ్స్ ఆడేవారు, ఎంటర్టైన్మెంట్ కోసం ఇలా చాలా రకాలుగా దీనిని వాడుతున్నారు. పైగా దీనిని ఎక్కడికి తీసుకెళ్లి అయినా వర్క్ చేయవచ్చు కాబట్టి.. ఎక్కువమంది దగ్గర ల్యాప్టాప్ ఉంటుంది. అయితే కొన్నిసార్లు తెలియక చేసే కొన్ని మిస్టేక్స్.. ల్యాప్టాప్కి తీవ్రమైన నష్టాన్ని కలిగిస్తాయి. ముఖ్యంగా మంచం మీద ల్యాప్‌టాప్‌ వాడే అలవాటు ఉంటే వెంటనే దానిని మానేయండి. లేదంటే మదర్‌బోర్డ్ పాడయ్యే అవకాశం ఎక్కువగా ఉంటుంది. ఎందుకంటే..

మంచం మీద ల్యాప్‌టాప్ వాడితే..

అనువుగా ఉంటుందని చాలామంది ల్యాప్‌టాప్ను మంచమీద కూడా ఉపయోగిస్తారు. అలా వాడితే ల్యాప్టాప్ త్వరగా పాడవుతుందట. ఎందుకంటే.. ల్యాప్టాప్ కింద గాలి రంధ్రాలు ఉంటాయి. వీటి నుంచి వేడి గాలి బయటకు వస్తుంది. కానీ మంచం లేదా సోఫా లేదా దుప్పటి వంటి మృదువైన ఉపరితలాలపై ఉంచడం వల్ల ఈ రంధ్రాలు మూసుకుపోతాయి. వేడి బయటకు రాదు. దీనివల్ల ల్యాప్‌టాప్ వేగంగా వేడెక్కుతుంది. ఇది పనితీరును తగ్గించడమే కాకుండా.. చిప్‌సెట్, మదర్‌బోర్డ్‌పై ఒత్తిడిని కలిగిస్తుంది. చివరికి వాటిని కాల్చివేస్తుంది.

కూలింగ్ ఫ్యాన్‌పై ప్రభావం

ల్యాప్టాప్కి గాలి ప్రవాహం ఆగిపోయినప్పుడు.. కూలింగ్ ఫ్యాన్ వేగంగా తిరగడం ప్రారంభిస్తుంది. దీనివల్ల ఫ్యాన్ పాడైపోతుంది. ల్యాప్‌టాప్ తరచుగా లాగ్ అవుతుంది. అందుకే మంచం మీద కొద్దిసేపు ఉపయోగించిన తర్వాత కూడా సిస్టమ్ నెమ్మదిస్తుంది. ఎక్కువ కాలం పాటు ఇలా జరిగితే.. ఫ్యాన్, మదర్‌బోర్డ్ రెండూ దెబ్బతినవచ్చు.

సర్క్యూట్‌ డ్యామేజ్

మంచం షీట్లు, దిండ్లు, దుప్పట్లలో ఉండే చిన్న ఫైబర్‌లు, ధూళి కణాలు ల్యాప్‌టాప్‌లోకి ప్రవేశించడం ప్రారంభిస్తాయి. ఈ ధూళి ఫ్యాన్, RAM స్లాట్, థర్మల్ పేస్ట్, మదర్‌బోర్డ్‌పై పేరుకుపోతుంది. క్రమంగా సర్క్యూటరీ ప్రభావితమవుతుంది. పరికరం హ్యాంగ్ అవుతుంది. క్రాష్ అవుతుంది. లేదా అకస్మాత్తుగా ఆగిపోతుంది.

స్క్రీన్ విరిగిపోయే ప్రమాదం

మంచం మీద ల్యాప్‌టాప్‌ను ఉంచేటప్పుడు.. స్క్రీన్ తరచుగా సరిగ్గా ఉండదు. కాలక్రమేణా స్క్రీన్‌పై ఒత్తిడి పెరుగుతుంది. దీనివల్ల దాని కీలు వదులుగా మారతాయి. దీనివల్ల డిస్‌ప్లే లైన్‌లు ఏర్పడవచ్చు. స్క్రీన్ విరిగిపోవచ్చు. దాని మరమ్మత్తు కోసం వేల రూపాయలు ఖర్చు చేయవలసి రావచ్చు.

లిక్విడ్ డ్యామేజ్

మంచం మీద ల్యాప్టాప్ అస్థిరంగా ఉంటుంది. కొంచెం కదలిక లేదా తప్పు స్థానం మారిన వెంటనే ల్యాప్‌టాప్ పడిపోవచ్చు. నీటి సీసా, టీ లేదా కాఫీని దగ్గరగా ఉంచుకుని పని చేయడం కూడా పెద్ద ప్రమాదం. ఒక చుక్క కూడా మదర్‌బోర్డ్‌ను షార్ట్ చేయవచ్చు.

ల్యాప్టాప్ను వాడితే తీసుకోవాల్సిన జాగ్రత్తలు

ల్యాప్‌టాప్‌ను ఎల్లప్పుడూ చదునైన టేబుల్‌పై ఉంచాలి.
కూలింగ్ ప్యాడ్‌ను ఉపయోగిస్తే మంచిది.
ప్రతి 6–12 నెలలకు ల్యాప్‌టాప్‌ను సర్వీస్ చేయించాలి.
మంచం మీద పని చేయవలసి వస్తే.. ల్యాప్‌టాప్ స్టాండ్‌ను ఉపయోగించండి.

ఈ జాగ్రత్తలు మీ ఖరీదైన ల్యాప్టాప్ ఎక్కువ కాలం సురక్షితంగా ఉండేలా చేస్తుంది. మిమ్మల్ని భారీ ఖర్చు నుంచి కాపాడుతుంది.

How To Find Virus in Laptop:ల్యాప్‌టాప్‌లో వైరస్ ఉందని ఈ సంకేతాలతో గుర్తించవచ్చు! రక్షించుకోవడానికి వెంటనే ఈ పని చేయండి!

Khagesh — Mon, 24 Nov 2025 23:31:08 +0530

Google Warning: పబ్లిక్ వైఫైలో ఈ పొరపాట్లు చేయవద్దు.. నిమిషాల్లోనే మీ ఫోన్ హ్యాక్, బ్యాంక్ ఖాతా ఖాళీ

Shankar Dukanam — Sat, 15 Nov 2025 16:52:36 +0530

Google Warning over Public WIFI: మీరు తరచుగా రైల్వేస్టేషన్లు, కేఫ్‌లు, విమానాశ్రయాలు, హోటళ్లలో ఉచిత Wi-Fiకి కనెక్ట్ అవుతున్నారా? అయితే, మీరు వెంటనే ఈ అలవాటును మార్చుకోవాలి. పబ్లిక్ Wi-Fi సైబర్ నేరస్థులకు వినియోగదారుల వ్యక్తిగత సమాచారం, బ్యాంక్ వివరాలు, చాట్‌లను దొంగిలించడానికి సులభమైన మార్గంగా మారిందని Google కొత్త నివేదికలో హెచ్చరించింది.

Android: బిహైండ్ ది స్క్రీన్ నివేదిక వెల్లడి

Google తాజా Android: బిహైండ్ ది స్క్రీన్ నివేదిక ప్రకారం.. పబ్లిక్ Wi-Fi నెట్‌వర్క్‌లు ఇప్పుడు యూజర్లకు భద్రతా ప్రమాదాలు (Cyber Crime)గా మారుతున్నాయి. హ్యాకర్లు అసురక్షిత నెట్‌వర్క్‌లను ఉపయోగించుకుని వినియోగదారుల స్మార్ట్‌ఫోన్, ల్యాప్‌టాప్స్, ఇతర డివైజ్‌లలోకి ప్రవేశించి పాస్‌వర్డ్‌లు, బ్యాంకింగ్ లాగిన్‌లు లేదా ఇతర వ్యక్తిగత డేటాను యాక్సెస్ చేయవచ్చని కంపెనీ తెలిపింది. ఆన్‌లైన్ బ్యాంకింగ్, షాపింగ్ లేదా ఏదైనా ఆర్థిక సంబంధిత అకౌంట్ లాగిన్ అవుతున్నప్పుడు పబ్లిక్ Wi-Fiని ఉపయోగించవద్దని Google తన యూజర్లను ప్రత్యేకంగా హెచ్చరించింది.

పెరుగుతున్న మొబైల్ స్కామ్‌ల నుంచి ముప్పు

భారతదేశంతో సహా ప్రపంచంలోని అనేక దేశాలలో మొబైల్ స్కామ్‌లు వేగంగా పెరుగుతున్నాయి. Google ప్రకారం స్మార్ట్‌ఫోన్ మోసాలు ఇప్పుడు ఒక గ్లోబల్ సమస్యగా మారింది. ఇది ప్రతి సంవత్సరం వినియోగదారుల బిలియన్ల డాలర్లు దోచుకునేలా చేస్తుంది. ఆ నివేదిక ప్రకారం, గత ఏడాది ప్రపంచవ్యాప్తంగా దాదాపు $400 బిలియన్లు (దాదాపు 33 లక్షల కోట్ల రూపాయలకు పైగా) మొబైల్ స్కామ్‌ల ద్వారా మోసం చేశారు. ఇందులో చాలా మంది బాధితులు తమ డబ్బును తిరిగి పొందలేకపోయారు.

హ్యాకర్లు ఎలా మోసం చేస్తారు?

Google తెలిపిన ప్రకారం.. ఇప్పుడు సైబర్ నేరగాళ్లు ఒక నెట్‌వర్క్‌గా పనిచేస్తున్నారు. వారు దొంగిలించిన మొబైల్ నంబర్‌లను కొనుగోలు చేస్తారు. ఆటోమేటెడ్ సిస్టమ్‌ల నుండి లక్షలాది సందేశాలను పంపుతారు. ఫిషింగ్-యాజ్-ఎ-సర్వీస్ లాంటి టూల్స్ ఉపయోగించి అసలైన వెబ్‌సైట్‌లను తయారు చేస్తారు. తద్వారా ప్రజలు తమ లాగిన్ వివరాలు అందిస్తారు. ఈ నెట్‌వర్క్‌లు చాలా సౌకర్యవంతంగా ఉంటాయి. వాటి స్థానాలను పదేపదే మారుస్తూ మోసాలు చేస్తారు.

సిమ్ కార్డ్‌లు తీసుకుని కొత్త స్కామ్‌లను ప్రారంభించడం సైబర్ నేరగాళ్లకు సులభం అవుతుంది. కొన్నిసార్లు వారు ఫేక్ డెలివరీ లేదా టాక్స్ అలర్ట్‌లను పంపుతారు. కొన్నిసార్లు ఉద్యోగ అవకాశాలు లేదా ఆన్‌లైన్ రిలేషన్ ఏర్పరచుకోవడం ద్వారా నమ్మకాన్ని పొంది, తరువాత డబ్బును కాజేస్తారు.

భావోద్వేగ బ్లాక్‌మెయిల్‌తో దాడి

సాంకేతిక మోసాలతో పాటు ఇప్పుడు స్కామర్లు భావోద్వేగాలను కూడా ఉపయోగిస్తున్నారు. వారు మీ ఖాతా మూసివేశాం. లేదా "మీ లైసెన్స్ సస్పెండ్ అవుతుంది" వంటి భయం లేదా ఆందోళనను కలిగించే సందేశాలను పంపుతారు. ఇవి చూసిన ప్రజలు ఏం ఆలోచించకుండా వారు చెప్పింది చేస్తుంటారు. కొంతమంది స్కామర్లు గ్రూప్ చాట్‌లలో తమ సహచరులను చేర్చుకుంటారు. దాంతో అది అసలైన చాటింగ్ గా చూపిస్తారు, తద్వారా బాధితుడిని నమ్మించవచ్చు.

సురక్షితంగా ఉండటానికి ఏం చేయాలి?

వినియోగదారులకు Google కొన్ని ముఖ్యమైన భద్రతా చిట్కాలను అందించింది.
అత్యవసరమైనప్పుడు మాత్రమే పబ్లిక్ Wi-Fiని ఉపయోగించాలి.
పబ్లిక్ వైఫై ద్వారా బ్యాంకింగ్ లేదా ఏదైనా సున్నితమైన వెబ్‌సైట్‌కు లాగిన్ అవ్వకూడదు
Wi-Fi ఆటో కనెక్ట్ సెట్టింగ్‌ను ఆఫ్ చేయండి.
నెట్‌వర్క్ ఎన్‌క్రిప్షన్, వాస్తవాలను చెక్ చేయాలి.

ఏదైనా తెలియని సందేశానికి రియాక్షన్ ఇవ్వడానికి ముందు, దాని మూలాన్ని చెక్ చేయాలి. మీ ఫోన్‌లో సేఫ్టీ యాప్స్ వాడాలి. ఎప్పటికప్పుడూ బ్యాంక్ స్టేట్‌మెంట్‌లను చెక్ చేయాలని Google సిఫార్సు చేస్తోంది.

Gmail Password :జీమెయిల్‌కు స్ట్రాంగ్‌ పాస్‌వర్డ్‌ ఎలా పెట్టాలి? హ్యాకర్లకు దొరక్కుండా ఉండాలంటే ఈ టిప్స్ పాటించండి!

Khagesh — Thu, 30 Oct 2025 17:28:25 +0530

ఇకపై Apple MacBook సులభంగా కొనొచ్చు! బడ్జెట్ ఫ్రెండ్లీ ల్యాప్‌టాప్ తెస్తున్న యాపిల్

Shankar Dukanam — Wed, 29 Oct 2025 14:33:42 +0530

Apple MacBook: యాపిల్ ఇప్పుడు ల్యాప్‌టాప్ విభాగంలో తన మార్క్ చూపాలని భావిస్తోంది. ఇటీవల మీడియా నివేదికల ప్రకారం, కంపెనీ ఐఫోన్ A-సిరీస్ చిప్‌సెట్‌తో కూడిన కొత్త తక్కువ ధర మ్యాక్‌బుక్‌ను డెవలప్ చేస్తోంది. బడ్జెట్‌లో కొత్త మ్యాక్‌బుక్‌ను కొనుగోలు చేయాలనుకునే వినియోగదారులను లక్ష్యంగా చేసుకుని యాపిల్ మార్కెట్లోకి అడుగు పెడుతుంది.

A18 ప్రో చిప్‌తో మొదటి బడ్జెట్ మ్యాక్‌బుక్
డిజిటైమ్స్ నివేదిక ప్రకారం.. ఈ ఎంట్రీ లెవల్ మ్యాక్‌బుక్ ఐఫోన్ 16 ప్రోలో వినియోగించే A18 ప్రో చిప్‌ను ఉపయోగిస్తుంది. గతంలోని అన్ని మ్యాక్‌బుక్‌లు M-సిరీస్ ప్రాసెసర్‌లపై ఆధారపడి పనిచేస్తాయి. కానీ ఈ మార్పు ధరను భారీగా తగ్గిస్తుంది. బడ్జెట్ మ్యాక్ బుక్ ప్రారంభ ధర $599 (సుమారు రూ. 52,000) లేదా $699 (సుమారు రూ. 61,000) గా ప్రచారం జరుగుతోంది. దాంతో ఇప్పటివరకు యాపిల్ నుంచి చౌకైన మ్యాక్‌బుక్‌గా మారుతుంది. ప్రస్తుత M4 మ్యాక్‌బుక్ ఎయిర్ భారత మార్కెట్లో రూ. 99,990 నుండి ప్రారంభమవుతుంది.

స్క్రీన్ సైజ్, డిజైన్
నివేదికల ప్రకారం, ఈ కొత్త మ్యాక్‌బుక్ 12.9-అంగుళాల డిస్‌ప్లే కలిగి ఉంటుంది. ఇది 13.6 అంగుళాల మ్యాక్‌బుక్ ఎయిర్ కంటే చిన్నగా ఉంటుంది. దీని కాంపాక్ట్ సైజు దీన్ని మరింత పోర్టబుల్‌గా చేస్తుందని కంపెనీ తెలిపింది. ఇది నీలం, గులాబీ, వెండి (Silver), పసుపు వంటి రంగులలో కూడా అందుబాటులోకి వస్తుంది.

A18 Pro vs. M1 చిప్ పనితీరు
ఐఫోన్ చిప్‌ను ఉపయోగించడం డౌన్‌గ్రేడ్ లాగా అనిపించవచ్చు, కానీ A18 Pro M1 కంటే మెరుగైన పనితీరును కలిగి ఉంటుందని నిపుణులు చెబుతున్నారు. ఈ మ్యాక్ బుక్ సింగిల్-కోర్ టెస్ట్ (గీక్‌బెంచ్): M1 – 2,368, అయితే A18 Pro – 3,409 (43% వేగంగా) పనిచేయనుంది. ఒకవేళ మల్టీ-కోర్ టెస్ట్ అయితే M1 – 8,576, A18 Pro – 8,482 (దాదాపు సమానంగా) వర్క్ చేస్తుంది. యాపిల్ దీనిని మ్యాక్‌బుక్‌ల కోసం మరింత ఆప్టిమైజ్ చేస్తుంది. కస్టమర్లకు ఎక్కువ బ్యాటరీ లైఫ్, సులువుగా వినియోగించేలా అందిస్తుంది.

లాంచింగ్ ఎప్పుడంటే..
మొదట ఈ యాపిల్ మ్యాక్ బుక్ ట్రయల్ ప్రొడక్షన్ సెప్టెంబర్ 2025లో ప్రారంభమవుతుందని భావించారు. తర్వాత భారీ ఉత్పత్తి జరుగుతుందనుకున్నారు. ఈ సంవత్సరం చివరి నాటికి లేదా 2026 ప్రారంభంలో లాంచింగ్ సాధ్యం కానుంది. బడ్జెట్ కస్టమర్లు తరచుగా పాత M1 మ్యాక్‌బుక్‌లను డిస్కౌంట్‌తో కొనుగోలు చేస్తుంటారు. అయితే, ఈ కొత్త డివైజ్ వారికి లేటెస్ట్ టెక్నాలజీ, కాంపాక్ట్ సైజు, తక్కువ ధరను అందిస్తుంది. ఈ నివేదిక వివరాలు నిజమైతే యాపిల్ మొదటిసారిగా నేరుగా దిగువ శ్రేణి ల్యాప్‌టాప్ మార్కెట్‌లోకి ప్రవేశించినట్లే. దాంతో అభివృద్ధి చెందుతున్న మార్కెట్లలో భవిష్యత్తులో గణనీయమైన మార్పును తీసుకువస్తుందని నిపుణులు భావిస్తున్నారు.

Incognito Mode History Delete:మొబైల్‌, ల్యాప్‌టాప్‌లో ఇన్‌కాగ్నిటో మోడ్‌ హిస్టరీని ఇలా ఈజీగా డిలీట్ చేసేయండి!

Khagesh — Tue, 28 Oct 2025 15:01:57 +0530

Zoom App : జూమ్‌ యాప్‌పై ప్రభుత్వం సంచలన ప్రకటన; ప్రమాదంలో వినియోగదారుల డేటా!

Khagesh — Sat, 18 Oct 2025 13:22:20 +0530

CERT-In హెచ్చరిక: భారతదేశపు Computer Emergency Response Team (CERT-In) Zoom వినియోగదారుల కోసం కొత్త హెచ్చరికను విడుదల చేసింది. వీడియో కాన్ఫరెన్సింగ్ ప్లాట్‌ఫారమ్‌లోని కొన్ని వెర్షన్‌ల్లో తీవ్రమైన భద్రతా లోపాలు ఉన్నాయని ప్రభుత్వ సంస్థ తెలిపింది. ఈ లోపాలు Windows, macOS, iOS, Android అన్ని ఆపరేటింగ్ సిస్టమ్‌లలో ఉన్నాయి. ఈ లోపాన్ని ఉపయోగించుకుని, సైబర్ నేరస్థులు వినియోగదారుల సమావేశాలలోకి ప్రవేశించవచ్చు, సున్నితమైన సమాచారాన్ని యాక్సెస్ చేయవచ్చు. సిస్టమ్‌లో ప్రమాదకరమైన ఆదేశాలను అమలు చేయవచ్చు.

నష్టం ఎలా జరగవచ్చు

CERT-In ప్రకారం, Zoom పాత వెర్షన్‌లలో (ముఖ్యంగా 6.5.1) అనేక సాంకేతిక లోపాలు ఉన్నాయి. ఈ లోపాల ద్వారా, హ్యాకర్లు Zoom Roomsకి అనధికారికంగా యాక్సెస్ పొందవచ్చు. అంతేకాకుండా, వారు సమావేశం నుంచి ఎవరినైనా తొలగించవచ్చు, రహస్య సమాచారాన్ని లీక్ చేయవచ్చు. వినియోగదారుల కాన్ఫిగరేషన్ డేటాను కూడా యాక్సెస్ చేయవచ్చు. ఈ సమస్య వ్యక్తిగత వినియోగదారులకు మాత్రమే కాకుండా కంపెనీలు, సంస్థలకు కూడా ముప్పుగా పరిణమిస్తుంది, ఎందుకంటే ఇది సమావేశాల గోప్యత, భద్రత రెండింటినీ ప్రభావితం చేస్తుంది.

భద్రతా నివేదికలో ఏముంది

CERT-In నివేదిక (CIVN-2025-0261) ఈ బలహీనతలను మధ్యస్థ భద్రతా స్థాయి ప్రమాదంగా పేర్కొంది. Zoom Windows, macOS వెర్షన్‌లలో కమాండ్ ఇంజెక్షన్ ఫ్లావ్ కనుగొంది, దీని ద్వారా హ్యాకర్లు నెట్‌వర్క్ ద్వారా అనుమతి లేకుండా సున్నితమైన సమాచారాన్ని పొందవచ్చని నివేదిక పేర్కొంది. అదే సమయంలో, ప్రమాణీకరణను దాటవేయడం సమస్య కారణంగా, కొంతమంది వినియోగదారులు ప్రమాణీకరణ లేకుండా డేటాను యాక్సెస్ చేయగలిగారు.

ఈ సమస్య ఎందుకు వచ్చింది

CERT-In ప్రకారం, ఈ భద్రతా లోపాలకు ప్రధాన కారణం ఇన్‌పుట్ డేటాను తప్పుగా నిర్వహించడం, సెషన్ ధ్రువీకరణ లేకపోవడం. వాస్తవానికి, Zoom కొన్ని పాత వెర్షన్‌లలో, సమావేశంలో చేరుతున్న వినియోగదారుడు నిజమైనవా కాదా అని తనిఖీ చేయలేదు. అదే సమయంలో, సిస్టమ్‌లో ఉంచిన డేటాను సరిగ్గా ఫిల్టర్ చేయలేదు. ప్రాసెస్ చేయలేదు, దీని వలన హ్యాకర్లు సిస్టమ్‌లోకి ప్రవేశించడానికి మార్గం ఏర్పడింది.

Zoom యాప్‌ను అప్‌డేట్ చేయమని సలహా

అయితే, ఈ సమస్యను గుర్తించిన తర్వాత, కంపెనీ అక్టోబర్ 14న ఒక కొత్త అప్‌డేట్‌ను విడుదల చేసింది, ఇందులో ఈ లోపాలను పరిష్కరించామని చెప్పింది. CERT-In వినియోగదారులందరూ తమ పరికరాల్లో Zoom యాప్‌ను వెంటనే తాజా వెర్షన్‌కు అప్‌డేట్ చేయాలని సూచించింది. ఇది మీ ఆన్‌లైన్ సమావేశాలను మాత్రమే కాకుండా మీ వ్యక్తిగత, వృత్తిపరమైన డేటాను కూడా సైబర్ దాడుల నుంచి రక్షిస్తుంది.