Google Pay Offer: యూపీఐ సర్వీసులను అందించే గూగుల్ పే మనదేశంలో చాలా విస్తృతంగా ఉపయోగించే పేమెంట్ యాప్స్‌లో ఒకటి. ఇప్పుడు గూగుల్ పే ప్రజలకు ఒక గొప్ప ఆఫర్‌ని అందిస్తుంది. దీని ద్వారా ప్రజలు రూ. 1,001 నగదు గెలుచుకోవచ్చు. ఈ ఆఫర్‌ను ప్రస్తుతం ఉన్న పండుగ సీజన్‌లో ప్రారంభించారు. ఈ ఆఫర్ ద్వారా వినియోగదారులు రూ. 1001 క్యాష్‌బ్యాక్ పొందవచ్చు.
గూగుల్ పే ఆఫర్ ఏంటి?
ఈ ఆఫర్‌ను పొందడానికి మీరు కొన్ని నియమాలను పాటించాల్సి ఉంది. గూగుల్ పే అందిస్తున్న ఈ ఆఫర్ కింద మీరు ఆరు రకాల లడ్డూలను డిపాజిట్ చేయాలి. ఈ ఆఫర్‌లో గూగుల్ పే వినియోగదారులు రూ. 51 నుంచి రూ. 1001 వరకు క్యాష్‌బ్యాక్ పొందవచ్చు. మీరు రోజువారీ జీవితంలో ఆన్‌లైన్ చెల్లింపు కోసం గూగుల్ పేని ఉపయోగించే వారు అయితే ఈ ఆఫర్‌ను ఉపయోగించుకోవచ్చు. క్యాష్‌బ్యాక్ కోసం మీరు కనీసం ఆరు లడ్డూలను కలిగి ఉండాలి. ఈ ఆఫర్ అక్టోబర్ 21వ తేదీ నుంచి ప్రారంభం అయింది. నవంబర్ 7వ తేదీ వరకు ఉండనుంది.
Also Read: మోస్ట్ అవైటెడ్ వన్‌ప్లస్ 13 లాంచ్ - ధర, ఫీచర్లు ఎలా ఉన్నాయి?
లడ్డూ ఎలా పొందాలి?
మీరు ఎవరైనా వ్యాపారి వద్ద యూపీఐ ద్వారా కనీసం రూ.100 చెల్లిస్తే లడ్డూలు పొందవచ్చు. ఇది మాత్రమే కాదు మీరు మొబైల్ ఫోన్‌ను రీఛార్జ్ చేసినా లేదా యూపీఐ ద్వారా రూ. 100 పోస్ట్‌పెయిడ్ బిల్లు చెల్లింపు చేసినా మీరు ఈ లడ్డూలను పొందవచ్చు. అలాగే యూపీఐ ద్వారా కనీసం రూ.3000 క్రెడిట్ కార్డ్ బిల్లు చెల్లినా గూగుల్ పే అందించే ఈ లడ్డూలు లభిస్తాయి.
లడ్డూలను పొందిన తర్వాత మీరు గూగుల్ పే యాప్‌కి వెళ్లి మీ వద్ద ఎన్ని లడ్డూలు ఉన్నాయో తెలుసుకోవడానికి ఆఫర్‌లు, రివార్డ్‌ల విభాగానికి వెళ్లాలి. ఇక్కడ మీరు ఈ ఆఫర్‌కు సంబంధించిన మొత్తం ఇతర సమాచారాన్ని కూడా పొందుతారు.
Also Read: షాకిస్తున్న పైరసీ ఇన్‌కమ్ - నిర్మాతల కంటే ఎక్కువ డబ్బులు వీరికే - ఏటా ఎన్ని వేల కోట్లు?