iPhone Voice Control: 'సిరి'తో పనిలేదు.. మీ వాయిస్‌తో ఐఫోన్‌ కంట్రోల్.. ఎలా పనిచేస్తుదంటే?

WhatsApp Business API Pricing Changes: వాట్సాప్ బిజినెస్ వాడుతున్నారా? - ఏపీఐ కొత్త ఛార్జీలు ఇవే!

Raja Sekhar Allu — Thu, 1 Oct 2026 12:12:56 +0530

WhatsApp Business API New Rules: మెటా కంపెనీకి చెందిన వాట్సాప్ బిజినెస్ ప్లాట్‌ఫారమ్ ఉపయోగిస్తున్న వ్యాపార సంస్థల కోసం ధరల చెల్లింపు నిబంధనల్లో కీలక మార్పులు అమల్లోకి వచ్చాయి. ఇప్పటివరకు కస్టమర్ కేర్ రెస్పాన్స్‌లు, లైవ్ ఏజెంట్ రిప్లైలు , సర్వీస్ మెసేజ్‌లు ఉచితంగా లభించగా, ఇకపై నిర్దిష్ట పరిమితి దాటిన తర్వాత పంపే ప్రతి మెసేజ్‌కు మెటా చార్జీలు వసూలు చేయనుంది. ఈ నూతన ధరల విధానం డిజిటల్ కస్టమర్ సపోర్ట్ , సందేశాలు పంపే ప్రతి చిన్న, పెద్ద వ్యాపార సంస్థ బడ్జెట్‌పై ప్రభావం చూపనుంది.

కొత్త నిబంధనల ప్రకారం, వ్యాపార సంస్థలు తమ కస్టమర్ల ప్రశ్నలకు ఇచ్చే సర్వీస్ మెసేజ్‌లు నెలకు ఉచితంగా లభించే 1,000 మెసేజ్‌ల పరిమితి దాటితే చార్జీలు వర్తిస్తాయి. భారతదేశంలో ప్రతి డెలివరీ అయిన సర్వీస్ మెసేజ్‌కి దాదాపు 0.115 జీఎస్టీతో కలిపి సుమారు 0.136 పైసలు రుసుముగా చెల్లించాల్సి ఉంటుంది. ప్రతినెల ఉచితంగా లభించే 1,000 మెసేజ్‌ల కోటా వ్యాపార సంస్థకు చెందిన ప్రతి ఫోన్ నంబర్‌కు విడివిడిగా వర్తిస్తుంది.

దీంతో పాటు, కస్టమర్ విచారణ విండో ఓపెన్‌లో ఉన్న సమయంలో పంపే యుటిలిటీ మెసేజ్‌‌లు ఆర్డర్ కన్ఫర్మేషన్, బిల్లింగ్ అప్‌డేట్‌‌లు, డెలివరీ అలర్ట్‌లు కూడా ఇకపై ఛార్జ్ పరిధిలోకి వస్తాయి. గతంలో 24 గంటల విండో వ్యవధిలో వీటిని ఉచితంగా పంపుకునే సౌలభ్యం ఉండగా, ఇకపై ప్రతి యుటిలిటీ మెసేజ్‌‌కు కూడా ప్రమాణిక చార్జీలు వర్తిస్తాయి. అయితే కస్టమర్లు వ్యాపారాలకు పంపే సాధారణ సందేశాలు యథావిధిగా ఉచితంగానే ఉంటాయి.

₹0.14 per message for WhatsApp Business API in India from October 1st? 🤔

And to @kunalb11, the head of WhatsApp… now that you’ve taken charge, what exactly are we bringing to the table in the name of “improvement”?

More monetisation? More charges?

Some meaningful…
— Vicks Ki Boli (@Vicks_ki_boli) September 30, 2026

కస్టమర్ సపోర్ట్ కోసం ఏఐ ను వినియోగించే సంస్థలకు టోకెన్ ఆధారిత రుసుము విధానం అమలులో ఉంటుంది. ఏఐ ప్రాసెసింగ్ మరియు మెసేజ్ డెలివరీ స్థాయిని బట్టి గ్లోబల్‌గా 1 మిలియన్ టోకెన్లకు 2 డాలర్ల చొప్పున ఛార్జ్ చేస్తారు. ఒక సాధారణ ఏఐ జెనరేటెడ్ మెసేజ్ కన్వర్జేషన్‌కు భారత కరెన్సీలో రూ. 3.8 నుండి రూ. 4.7 వరకు ఛార్జ్ పడే అవకాశం ఉంది.

వ్యాపారాలు తమ వాట్సాప్ కమ్యూనికేషన్‌లో అంతరాయం కలగకుండా ఉండటానికి ముందుగానే చెల్లింపు వివరాలను బిజినెస్ ఖాతాలో నమోదు చేసుకోవాలని మెటా స్పష్టం చేసింది. సాధారణ వాట్సాప్ వినియోగదారులకు , ఉచితంగా లభించే వాట్సాప్ బిజినెస్ యాప్ వాడుతున్న చిన్న వ్యాపారులకు ఈ కొత్త రుసుములు వర్తించవని, కేవలం API ఆధారిత వాట్సాప్ బిజినెస్ ప్లాట్‌ఫారమ్ వాడే ఎంటర్‌ప్రైజెస్ కంపెనీలకే ఈ మార్పులు అమలులోకి వస్తాయని సంస్థ తెలిపింది.

AI To SI: కృత్రిమ మేధ పేరు మార్పుతో ముప్పు తొలగిపోతుందా? AI నుంచి SI పేరు మార్పు వెనుక అసలు సవాళ్లు!

Satyaprasad Bandaru — Wed, 30 Sep 2026 18:47:34 +0530

AI To SI: గూగుల్, మెటా, ఓపెన్‌ఏఐ, ఎన్విడియా వంటి ప్రముఖ టెక్ దిగ్గజాలతో సమావేశమైన అనంతరం, ఆర్టికల్ ఇంటెలిజెన్స్ (AI)ను "సూపర్ ఇంటెలిజెన్స్" (SI)గా పేరు మార్చాలని అమెరికా అధ్యక్షుడు డొనాల్డ్ ట్రంప్ చేసిన ప్రకటన ప్రపంచవ్యాప్తంగా కొత్త చర్చకు తెరలేపింది. ఈ పేరు మార్పు చట్టపరంగా, రాజకీయంగా ఒక ముందడుగులా అనిపించినప్పటికీ.. సాంకేతిక, భద్రతా ప్రమాణాల నుండి ఒక ముఖ్యమైన ప్రశ్న తలెత్తుతోంది. అదేమిటంటే, AI పేరును SIగా మార్చడం వల్ల దాని నిజమైన ప్రమాదాలు వాస్తవంగా తగ్గుతాయా? అనే ప్రశ్నలు తలెత్తాయి.

పేరు మార్పుతో ఏమి మారుతుంది?

సాంకేతికత అపారమైన శక్తి, సామర్థ్యం, ప్రపంచ ఆధిపత్యాన్ని సూచించడానికి "సూపర్ ఇంటెలిజెన్స్" అనే పదాన్ని ఉపయోగించవచ్చు. నిపుణులు, పెట్టుబడిదారులకు ఇది కేవలం ఒక సాధారణ సాంకేతికత కాదని, మానవ సామర్థ్యాన్ని అధిగమించే ఒక కొత్త విప్లవమని తెలియజేస్తుంది. అయితే, కేవలం పేరు మార్చడం వల్ల కోడ్, మెయిన్ అల్గోరిథం అలాగే ఉంటాయి. న్యూరల్ నెట్‌వర్క్ నిర్మాణం, శిక్షణ డేటా, స్వయంప్రతిపత్తి లేదా మెషిన్ లెర్నింగ్ లో ఎలాంటి మార్పు ఉండదు. దీనిని ఆర్టిఫిషీయల్ లేదా సూపర్‌ ఇంటెలిజెన్స్‌ అని పిలిచినా, యంత్రాల నిర్ణయ వేగం, ఆటోమేషన్, భారీ పరిమాణంలో డేటాను ప్రాసెస్ చేసే సామర్థ్యం ఒకే విధంగా కొనసాగుతాయని నిపుణులు అంటున్నారు. కేవలం పేరు మార్చడం వల్ల ప్రమాదం తగ్గుతుందని భావించడం తప్పుడు భ్రమ మాత్రమే అంటున్నారు.

Also Read: చైనా సంచలన ఆవిష్కరణ.. 300 ఏళ్లు పనిచేసే వాటర్ బేస్డ్ బ్యాటరీ!

సూపర్ ఇంటెలిజెన్స్

సూపర్‌ఇంటెలిజెన్స్ వల్ల కలిగే ముప్పులను కేవలం ఊహాజనితమైనవిగా కొట్టిపారేయలేమని నిపుణులు అంటున్నారు. వాటిని ప్రధానంగా వివిధ కోణాల్లో పరిశీలించాల్సి ఉంటుంది. ఒక వ్యవస్థ మానవ ఆలోచనను అధిగమించిన కొద్దీ, దాని ప్రాథమిక లక్ష్యాలను మానవ విలువలతో బ్యాలెన్స్ చేయడం కష్టమవుతుంది. అత్యవసర పరిస్థితుల్లో వాటిని నిలిపివేసే సామర్థ్యాన్ని హ్యూమన్స్ కోల్పోయే ప్రమాదం ఉంది.

మానవ ప్రమేయం లేకుండా దాడి చేయగల ఆటోమేటెడ్ ఆయుధాలు, డీప్‌ఫేక్‌లు, ఆడియో క్లోనింగ్‌ల ద్వారా ఎన్నికలను ప్రభావితం చేయడం ఈజీ అవుతుంది. అలాగే, గ్రిడ్లు, బ్యాంకింగ్ వ్యవస్థలపై సైబర్‌‌దాడుల ముప్పు పెరుగుతుంది. శారీరక శ్రమతో పాటు కోడింగ్, రైటింగ్, న్యాయ సమీక్ష వంటి "వైట్-కాలర్" ఉద్యోగాలు ఆటోమేషన్‌కు గురై నిరుద్యోగానికి దారితీస్తాయి. టెక్ కంపెనీలు బలం పుంజుకుని ప్రపంచ అసమానతలు పెరుగుతాయి. యంత్రాల తప్పుడు సమాచారాన్ని నిజమని నమ్మడం వల్ల వైద్య, న్యాయ రంగాల్లో ప్రాణాంతక పరిస్థితులు ఎదురుకావచ్చు. కాలక్రమేణా ఇది మానవ ఇంటెలిజెన్స్ ను బలహీనపరుస్తుంది.

Also Read: ఆండ్రాయిడ్ ఫోన్లలో వాట్సాప్ అదిరిపోయే అప్‌డేట్.. ఐఫోన్ లాంటి కొత్త డిజైన్!

కృత్రిమ మేధస్సు (AI) పేరును “సూపర్ ఇంటెలిజెన్స్” (SI)గా మార్చడం రాజకీయ లేదా చర్చల దృష్టిని మార్చవచ్చు కానీ అది ఆ సాంకేతికతతో ముడిపడి ఉన్న ఏ వాస్తవ ప్రమాదాలనూ తొలగించదు. ఈ వ్యవస్థలను మనం ఎంత సురక్షితంగా, పారదర్శకంగా, నైతికంగా, జవాబుదారీగా తీర్చిదిద్దుతామనే దానిలోనే అసలైన సవాలు ఉంది. ప్రమాదాన్ని నివారించడానికి కేవలం పేర్లు మార్చడం సరిపోదని, అంతర్జాతీయ భద్రతా ప్రమాణాలు, కఠినమైన సాంకేతిక నియంత్రణ అత్యవసరంగా అవసరమని ఎక్స్ పర్ట్స్ అంటున్నారు.

Also Read: మీ ఫోన్‌ "నో సర్వీస్" అని చూపిస్తుందా?.. సిమ్ మార్చే ముందు ఈ సెట్టింగ్‌లను చెక్ చేయండి!

Water Based Battery: చైనా సంచలన ఆవిష్కరణ.. 300 ఏళ్లు పనిచేసే వాటర్ బేస్డ్ బ్యాటరీ!

Satyaprasad Bandaru — Tue, 29 Sep 2026 18:48:56 +0530

Water Based Battery: బ్యాటరీ టెక్నాలజీ రంగంలో చైనా శాస్త్రవేత్తలు చరిత్ర సృష్టించారు. గ్లోబల్ ఎనర్జీ స్టోరేజ్ భవిష్యత్తును పూర్తిగా మార్చేసే సరికొత్త వాటర్ బేస్డ్ బ్యాటరీని (Water based Battery) అభివృద్ధి చేశారు. ల్యాబ్ టెస్టుల్లో ఈ బ్యాటరీ ఏకంగా 120,000 ఛార్జింగ్ సైకిల్స్‌ను తట్టుకుని అద్భుతమైన పనితీరు కనబరిచింది. దీనిని గ్రిడ్ నిల్వ కోసం ఉపయోగిస్తే సుమారు 300 ఏళ్ల పాటు పనిచేస్తుందని శాస్త్రవేత్తలు అంచనా వేస్తున్నారు.

వాటర్ బేస్డ్ బ్యాటరీ ప్రత్యేకతలు

ఈ బ్యాటరీ కేవలం నార్మల్ వాటర్‌తో పనిచేసేది కాదు. దీనిని 'ఆక్వియస్ బ్యాటరీ' అని పిలుస్తారు. ఇందులో సుమారు 7 pH ఉన్న మెగ్నీషియం, కాల్షియం వంటి సాల్ట్స్ ఉన్న ప్రత్యేక ఎలక్ట్రోలైట్‌ను వాడారు. ఇది బ్యాటరీ లోపల జరిగే చర్యలను గణనీయంగా తగ్గిస్తుంది. ఈ డిజైన్‌లో నెగటివ్ ఎలక్ట్రోడ్‌గా కోవలెంట్ ఆర్గానిక్ పాలిమర్ 'హెక్స్ టాడ్ COP'ను ఉపయోగించారు. పాజిటివ్ ఎలక్ట్రోడ్ కోసం 'ప్రష్యన్ బ్లూ అనలాగ్'ను వాడారు.

గ్రిడ్ స్టోరేజ్‌లో ఈ బ్యాటరీని రోజుకు సగటున 1.1 సైకిల్స్ చొప్పున నడిపితే, 1.2 లక్షల సైకిల్స్ సుమారు 300 ఏళ్లకు సమానమవుతాయని అంచనా. అయితే ఇది వాస్తవ లైఫ్ హామీ కాదని, కేవలం ల్యాబ్ పరీక్షల ఆధారిత వచ్చిన అంచనా మాత్రమే.

Also Read: ఆండ్రాయిడ్ ఫోన్లలో వాట్సాప్ అదిరిపోయే అప్‌డేట్.. ఐఫోన్ లాంటి కొత్త డిజైన్!

పర్యావరణ హితం, సెక్యూరిటీ

ఈ టెక్నాలజీ వల్ల పర్యావరణానికి కూడా ఎంతో ప్రయోజనం ఉంటుంది. ఇందులో ఉపయోగించే తటస్థ ఎలక్ట్రోలైట్ విషపూరితం కానివి. టోఫు తయారీకి వాడే ఉప్పునీటిని పోలిన మినరల్స్ నుంచి దీనిని సేకరించవచ్చు. లిథియం-అయాన్ బ్యాటరీలతో పోలిస్తే వాటర్ బేస్డ్ బ్యాటరీలకు అగ్ని ప్రమాదాలు జరిగే అవకాశం చాలా తక్కువ. కాబట్టి ఎక్కువ స్థాయి ఎనర్జీ స్టోరీజీ ఇది అద్భుతమైన ప్రత్యామ్నాయంగా ఉంటుందని నిపుణులు అంటున్నారు.

Also Read: మీ ఫోన్‌ "నో సర్వీస్" అని చూపిస్తుందా?.. సిమ్ మార్చే ముందు ఈ సెట్టింగ్‌లను చెక్ చేయండి!

స్మార్ట్‌ఫోన్లలో వాడుకోవచ్చా?

ప్రస్తుతానికి దీనిని స్మార్ట్‌ఫోన్లు లేదా పోర్టబుల్ గాడ్జెట్లలో వాడటం కష్టమే. వాటర్ బేస్డ్ బ్యాటరీలకు సెక్యూరిటీ, తక్కువ ఖర్చు వంటి ప్లస్ పాయింట్లు ఉన్నప్పటికీ.. తక్కువ బరువు, తక్కువ స్థలంలో భారీ మొత్తంలో శక్తిని నిల్వ చేసే ఎనర్జీ డెన్సిటీ సమస్య ఉంది. ఈ సవాలును అధిగమిస్తే భవిష్యత్తులో టెక్నాలజీ రంగంలో మరో విప్లవం రావడం ఖాయం.

Also Read: ఏఐ మీ వ్యక్తిత్వాన్ని అంచనా వేయగలదా? ఈ ప్రయోగంతో తెలుసుకోవచ్చు!

WhatsApp Android Redesign: ఆండ్రాయిడ్ ఫోన్లలో వాట్సాప్ అదిరిపోయే అప్‌డేట్.. ఐఫోన్ లాంటి కొత్త డిజైన్!

Satyaprasad Bandaru — Tue, 29 Sep 2026 15:09:41 +0530

WhatsApp Android Redesign: మెసేజింగ్ యాప్ వాట్సాప్ ఆండ్రాయిడ్ యూజర్ల కోసం ఒక పెద్ద మార్పు తీసుకొచ్చేందుకు సిద్ధమైంది. ఆండ్రాయిడ్ వినియోగదారులకు త్వరలో కొత్త ఐఫోన్ లాంటి సరికొత్త నావిగేషన్ డిజైన్ లభించనుంది. యాప్ ఇంటర్‌ఫేస్‌ను మరింతగా అభివృద్ధి చేసేందుకు కంపెనీ ఈ మార్పులు చేపడుతోంది.

నావిగేషన్ బార్

వాట్సాప్ తన ఆండ్రాయిడ్ యాప్ దిగువ నావిగేషన్ బార్ కోసం సరికొత్త డిజైన్‌ను ప్రవేశపెట్టనుంది. దీనికి రౌండ్ కార్నర్స్ ఉండటం వల్ల ఇది ఒక ఫ్లోటింగ్ బార్‌లా కనిపిస్తుంది. ఈ డిజైన్ ఐఫోన్‌లోని వాట్సాప్ ఇంటర్‌ఫేస్‌ను చాలావరకు పోలి ఉంటుంది. ఐఓఎస్‌లో యాపిల్ డిజైన్‌ను పోలిన విధంగా నావిగేషన్ ఎలిమెంట్లను తీసుకొచ్చింది. అదే కాన్సెప్ట్‌ను ఇప్పుడు ఆండ్రాయిడ్‌లోనూ తీసుకువస్తున్నారు. అయితే, ఇది ఐఫోన్ డిజైన్‌ను పూర్తిగా కాపీ చేయకుండా గూగుల్ డిజైన్ కు అనుగుణంగా రూపుదిద్దుకుంటోంది. ఈ కొత్త డిజైన్ లైట్ థీమ్‌లో చాలా స్పష్టంగా కనిపిస్తుంది. అయితే డార్క్ థీమ్‌లో మాత్రం ఈ తేడా అంతగా కనిపించకపోవచ్చు.

Also Read: మీ ఫోన్‌ "నో సర్వీస్" అని చూపిస్తుందా?.. సిమ్ మార్చే ముందు ఈ సెట్టింగ్‌లను చెక్ చేయండి!

బీటా వెర్షన్

ఈ కొత్త మార్పు ప్రస్తుతం ఆండ్రాయిడ్ కోసం వాట్సాప్ బీటా వెర్షన్ 2.26.38.10లో డెవలప్ చేశారు. దీని అర్థం ఇది ఇంకా బీటా కస్టమర్లకు అందుబాటులోకి రాలేదని, సాధారణ యూజర్లకు చేరేందుకు కొంత సమయం పట్టొచ్చని తెలుస్తోంది. దాదాపు మూడేళ్ల క్రితం చాట్స్, కమ్యూనిటీస్, అప్‌డేట్స్, కాల్స్ వంటివి స్క్రీన్ దిగువకు మార్చిన వాట్సాప్.. ఇప్పుడు అదే నావిగేషన్ బార్‌కు కొత్త రూపాన్ని ఇస్తోంది. యాప్‌ను మరింత ఆకర్షణీయంగా, యూజర్ ఫ్రెండ్లీగా మార్చడానికి మెటా కొత్త సాంకేతికతను తీసుకొస్తుంది. అయితే ఈ కొత్త డిజైన్‌ను ఎప్పుడు అందుబాటులోకి తెస్తారనేదానిపై అధికారిక ప్రకటన వెలువడాల్సి ఉంది.

Also Read: ఓపెన్ ఏఐని హ్యాక్ చేసిన భారత టెకీలు.. ఏపీకి చెందిన ఒకరు.. లోపాన్ని సరిదిద్దుకున్న సంస్థ!

SIM No Service Problem: మీ ఫోన్‌ "నో సర్వీస్" అని చూపిస్తుందా?.. సిమ్ మార్చే ముందు ఈ సెట్టింగ్‌లను చెక్ చేయండి!

Satyaprasad Bandaru — Mon, 28 Sep 2026 18:28:53 +0530

SIM No Service Problem: మీ ఫోన్‌లో సడెన్ గా "నో సర్వీస్" అని కనిపించి, కాల్స్, మెసేజ్‌లు లేదా మొబైల్ డేటా పనిచేయడం ఆగిపోతే, సిమ్ లేదా నెట్‌వర్క్‌లో లోపం ఉందని భావించడం సహజం. అయితే ఎల్లప్పుడూ ఇదే కారణం కావాలని లేదు. కొన్నిసార్లు ఫోన్‌లో సిమ్ సరిగ్గా ఉన్నప్పటికీ, నెట్‌వర్క్ కనెక్షన్ మాయమవుతుంది. ఇలాంటి సమయంలో వెంటనే కొత్త సిమ్ తీసుకోవడం లేదా పదేపదే సిమ్ తీయడం అవసరం లేదు. కొన్ని సాధారణ సెట్టింగ్‌లను చెక్ చేయడం ద్వారా ఈ సమస్యను ఈజీగా పరిష్కరించుకోవచ్చు.

1. ఎరోప్లేన్ మోడ్‌ను చెక్ చేయండి

కొన్నిసార్లు ఫోన్‌లో ఎరోప్లేన్ మోడ్ అనుకోకుండా ఆన్‌ కావడం వల్ల కనెక్షన్ ఆగిపోతుంది. ముందుగా దాన్ని ఆఫ్ చేసి నెట్‌వర్క్‌ను చెక్ చేయండి. ఒకవేళ అప్పటికే ఆఫ్ చేసి ఉంటే, దాన్ని 10 నుంచి 15 సెకన్ల పాటు ఆన్ చేసి మళ్లీ ఆఫ్ చేయండి. దీనివల్ల ఫోన్ తిరిగి మొబైల్ నెట్‌వర్క్‌కు కనెక్ట్ అవుతుంది.

2. ఆటోమేటిక్ నెట్‌వర్క్ సెలక్షన్

మొబైల్ నెట్‌వర్క్‌కు ఆటోమేటిక్‌గా కనెక్ట్ కాకపోతే, సెట్టింగ్స్‌లోకి వెళ్లి 'నెట్‌వర్క్ & ఇంటర్నెట్' లేదా 'మొబైల్ నెట్‌వర్క్'ను సెలెక్ట్ చేయండి. ఆటోమేటిక్ నెట్‌వర్క్ సెలక్షన్ ఎనేబుల్ అయిందో లేదో చెక్ చేయండి. అలాగే వేరే నెట్‌వర్క్ మోడ్ కూడా కనెక్షన్‌ను ఎఫెక్ట్ చేస్తుంది కాబట్టి దాన్ని నార్మల్‌కు సెట్ చేయండి.

3. 5G బదులుగా 4G

వీక్ లేదా అస్థిరమైన 5G కవరేజ్ ఉన్న ప్రాంతాలలో ఫోన్ 5G, 4G మధ్య పదేపదే నెట్ మారుతుంటుంది. ఈ సమయంలో ప్రిఫర్డ్ నెట్‌వర్క్ టైప్‌ను తాత్కాలికంగా 4G లేదా LTEకి మార్చి చూడండి. సిగ్నల్ సమస్య నెట్‌వర్క్ స్విచింగ్‌కు సంబంధించినదని గుర్తించవచ్చు.

4. సిమ్‌ మార్చి, రీస్టార్ట్

ఫోన్ ఆఫ్ చేసి సిమ్ కార్డును తీసివేసి, దానిపై ఎలాంటి దుమ్ము లేదా గీతలు లేవని నిర్ధారించుకోండి. ట్రేలో సిమ్ సరిగ్గా పెట్టి ఫోన్‌ను రీస్టార్ట్ చేయండి. eSIM అయితే సెట్టింగ్స్‌లో సిమ్ ఆఫ్ చేసి మళ్లీ ఆన్ చేయవచ్చు. తాత్కాలిక సాఫ్ట్‌వేర్ సమస్యలొస్తే ఫోన్‌ను రీస్టార్ట్ చేయడం ద్వారా కూడా నెట్‌వర్క్ సమస్య పరిష్కారమవుతుంది.

Also Read: ఏఐ మీ వ్యక్తిత్వాన్ని అంచనా వేయగలదా? ఈ ప్రయోగంతో తెలుసుకోవచ్చు!

5. నెట్‌వర్క్ సెట్టింగ్స్ రీసెట్

ఇతర పద్ధతులన్నీ విఫలమైతే మీ ఫోన్‌లోని నెట్‌వర్క్ సెట్టింగ్స్‌ను రీసెట్ చేయవచ్చు. దీంతో సేవ్ చేసిన వై-ఫై, బ్లూటూత్, మొబైల్ నెట్‌వర్క్ సెట్టింగ్‌లు మాత్రమే తొలగిపోతాయి కానీ మీ వ్యక్తిగత డేటా, ఫోటోలు లేదా యాప్‌లకు ఎలాంటి నష్టం జరగదు. కాబట్టి "నో సర్వీస్" రాగానే టెన్షన్ పడకుండా ఈ సెట్టింగ్‌లను పరిశీలించడం ఎంతో బెస్ట్.

Also Read: ఒకే ప్రశ్నకు ChatGPT, Gemini, Claude వేర్వేరు సమాధానాలు.. ఇలా ఎందుకు వస్తాయంటే?

AI analyzes Characters: ఏఐ మీ వ్యక్తిత్వాన్ని అంచనా వేయగలదా? ఈ ప్రయోగంతో తెలుసుకోవచ్చు!

Satyaprasad Bandaru — Sun, 27 Sep 2026 07:00:32 +0530

AI analyzes Characters: ఈ రోజుల్లో, ఏ చిన్న విషయమైనా ఏఐను అడిగేస్తున్నాం. తమ చదువులు, ఉద్యోగాలు, ఇష్టాయిష్టాలు, రోజువారీ సమస్యల గురించి కూడా చర్చిస్తున్నారు. మీ గత చాట్‌ల ఆధారంగా ఏఐ మీ వ్యక్తిత్వం గురించి అంచనా వేస్తుందా? సమాధానం తెలుసుకోవడానికి, మీరే స్వయంగా ఒక చిన్న ప్రయోగం చేయవచ్చు. మనం AIతో మాట్లాడుతున్నప్పుడు, మన ఆలోచనలను, ప్రవర్తనను తెలియజేసే అనేక విషయాలను అది రికార్డ్ చేస్తుంది. ఉదాహరణకు, మీరు అడిగే ప్రశ్నలు, ఒక సమస్యను మీరు ఎలా పరిష్కరించుకోవాలనుకుంటున్నారు, మీకు ఎంత సమాచారం కావాలి, నిర్ణయాలు తీసుకోవడంలో మీ ప్రాధాన్యతలు ఏమిటి వంటివి. కేవలం ఒకటి లేదా రెండు చాట్‌ల నుంచి వ్యక్తిత్వాన్ని కచ్చితంగా అంచనా వేయడం కష్టం, కానీ సుదీర్ఘ సంభాషణల ద్వారా ఈ నమూనాలు మరింత స్పష్టంగా కనిపిస్తాయి. ఈ నమూనాలు మీ ప్రవర్తన గురించి అంచనాలు వేయడానికి AIకి సహాయపడతాయి.

ఈ టెస్ట్ చేయండి

ఒక AI చాట్‌బాట్‌తో మీరు గతంలో అడిగిన గురించి అడగండి. మీ వద్ద పాత చాట్ టెక్స్ట్ ఉంటే, దాన్ని కాపీ చేసి కొత్త చాట్‌లో అడగొచ్చు. ఆ తర్వాత, AIకి మీ వ్యక్తిత్వాన్ని నేరుగా వివరించడానికి బదులుగా, ఇలాంటి ప్రశ్న అడగండి.

"ఈ సంభాషణ ఆధారంగా నా గురించి ఏం ఊహించవచ్చు? నా ఆలోచనా శైలి, నిర్ణయాలు తీసుకునే విధానం, ఇష్టాలు, సంభాషణలను విశ్లేషించండి. చాట్‌ ఆధారంగా మాత్రమే స్పందించండి, మీకు సందేహం ఉన్నచోట ఊహించుకో." దీనిపై ఏఐ స్పందించిన తీరును జాగ్రత్తగా చూడండి. ముఖ్యంగా, మీ సంభాషణలో మీరు ఎప్పుడూ గమనించని నమూనాలను అది గుర్తిస్తుందో లేదో చూడండి.

మీ పాత చాట్‌లను రెండు పార్టులుగా చేయండి. సంభాషణలోని మొదటి భాగాన్ని AIకి అందించి, మీ వ్యక్తిత్వాన్ని అంచనా వేయమని అడగండి. ఆ తర్వాత, దాని అంచనాలు ఎంతవరకు సరిపోతున్నాయో చూడటానికి రెండో పార్టుతో పోల్చండి.

ఉదాహరణకు, చాట్‌లోని మొదటి భాగాన్ని చూసిన తర్వాత, మీరు ఒక నిర్ణయం తీసుకునే ముందు అనేక ఎంపికలను తూకం వేస్తారని AI చెబితే, అటువంటి నమూనా నిజంగా కనిపిస్తుందో లేదో చూడటానికి సంభాషణలోని రెండో భాగాన్ని చూడండి.

ఏఐ చెప్పే ప్రతీదాన్నీ నమ్మవద్దు

ఇక్కడ ఒక ముఖ్యమైన విషయాన్ని అర్థం చేసుకోవడం చాలా కీలకం. ఏఐ ఒక వ్యక్తి వ్యక్తిత్వానికి సంబంధించిన మానసిక పరీక్షను నిర్వహించలేదు. అది మెయిన్‌గా మీ టెక్స్ట్, ప్రశ్నలు, సంభాషణ సరళి నుంచి సాధ్యమయ్యే విషయాలను రాబడుతుంది. మీరు ఒక నిర్దిష్ట అంశం గురించి ఎక్కువగా ప్రశ్నలు అడుగుతుంటే, మీకు దానిపై ప్రత్యేక ఆసక్తి ఉందని AI భావించవచ్చు. కానీ దీని అర్థం మీ మొత్తం వ్యక్తిత్వం దాని ఆధారంగానే నిర్ణయిస్తుందని కాదు.

గోప్యత విషయంలో జాగ్రత్త

పాత చాట్‌లను AI మోడల్‌కు అందించే ముందు, వాటిలో ఎలాంటి వ్యక్తిగత సమాచారం లేదని నిర్ధారించుకోండి. ఫోన్ నెంబర్లు, ఇమెయిల్‌లు, పాస్‌వర్డ్‌లు, బ్యాంకింగ్, వ్యక్తిగత డాక్యుమెంట్లు, మరొక వ్యక్తికి సంబంధించిన ఇతర సున్నితమైన సమాచారాన్ని తొలగించడం ఉత్తమం.

AI Chatbots: ఒకే ప్రశ్నకు ChatGPT, Gemini, Claude వేర్వేరు సమాధానాలు.. ఇలా ఎందుకు వస్తాయంటే?

Satyaprasad Bandaru — Wed, 23 Sep 2026 12:38:27 +0530

AI Chatbots: ఈ రోజుల్లో ఆఫీస్ పని, కంటెంట్ క్రియేషన్, ఏదైనా సమాచారం.. ఇలా దేనికైనా ఏఐ (AI) చాట్‌బాట్‌ల వాడకం ఎక్కువ అవుతుంది. అయితే, ChatGPT, Google Gemini, Claude వంటి AI చాట్‌బాట్‌లను ఒకే ప్రశ్న అడిగినప్పుడు వేర్వేరు సమాధానాలు వస్తుంటాయి. ప్రశ్న ఒకటే అయినప్పటికీ ఆన్సర్స్ ఎందుకు భిన్నంగా ఉంటున్నాయి? దీని వెనుక అనేక సాంకేతిక కారణాలు ఉన్నాయంటున్నారు నిపుణులు.

వివిధ కంపెనీలు- వేర్వేరు ట్రైనింగ్ ప్రక్రియలు

ChatGPT, Gemini, Claude అనేవి వేర్వేరు కంపెనీలు అభివృద్ధి చేసిన AI మోడల్స్. వాటిని వేర్వేరు డేటా, పద్ధతులు, ట్రైనింగ్ ఉపయోగించి అభివృద్ధి చేశారు. భాషను అర్థం చేసుకోవడానికి సమాధానాలు ఇవ్వడానికి ఒక మోడల్ తీసుకునే డేటా టైపు, ఫైన్-ట్యూనింగ్ దాని సమాధానంపై ఆధారపడి ఉంటుంది. అంటే, ఒకే ప్రశ్నను అర్థం చేసుకున్నప్పటికీ, వేర్వేరు మోడల్స్ దాని సందర్భాన్ని విభిన్నంగా అర్థం చేసుకుంటాయి. అందుకే ఒక మోడల్ ఇచ్చే సమాధానం, మరొకటి ఇవ్వకపోవచ్చు.

భిన్నమైన ఆర్కిటెక్చర్

AI చాట్‌బాట్‌లు మనిషిలాగా ప్రశ్నను చదివి, సిద్ధంగా ఉన్న సమాధానం కోసం ఇంటర్నెట్‌లో వెతకవు. ఇవి మీ ప్రశ్న ఆధారంగా నెక్ట్స్ వర్డ్ లేదా వాక్యాన్ని అంచనా వేస్తూ ఆన్సర్స్ ఇస్తుంటాయి. వేర్వేరు మోడళ్లకు వేర్వేరు ఆర్కిటెక్చర్‌లు, పారామీటర్‌లు ఉంటాయి. అందువల్ల, ఒకే ఇన్‌పుట్ ఇచ్చినప్పటికీ వాటి అవుట్‌పుట్‌లు ఎప్పుడూ ఒకేలా ఉండవు.

Also Read: వైర్డ్ వర్సెస్ వైర్‌లెస్ ఇంటర్నెట్.. మీ ఇంటికి ఏ కనెక్షన్ బెస్ట్?

ఇంటర్నెట్, తాజా సమాచారం

మీ ప్రశ్న ఇటీవలి సంఘటనలు, కొత్త టెక్నాలజీ, స్టాక్ మార్కెట్, తాజా వార్తలకు సంబంధించినదైతే, సమాచారాన్ని సేకరించే AI కెపాసిటీని బట్టి ఆన్సర్ మారుస్తుంది. కొన్ని AI వ్యవస్థలు అవసరమైనప్పుడు వెబ్ నుంచి నేరుగా తాజా సమాచారాన్ని తీసుకుంటాయి. మరికొన్ని తమ సొంత టెక్నాలజీపై ఆధారపడవచ్చు. దీనివల్ల వేర్వేరు సమాధానాలు, ఉదాహరణలు కనిపించవచ్చు.

Also Read: ఓపెన్ ఏఐని హ్యాక్ చేసిన భారత టెకీలు.. ఏపీకి చెందిన ఒకరు.. లోపాన్ని సరిదిద్దుకున్న సంస్థ!

ఇంటర్నల్ సెట్టింగ్‌లు

AI మోడల్ ఇంటర్నల్ సెట్టింగ్‌లు కూడా మారుస్తాయి. ఉష్ణోగ్రత, యాదృచ్ఛికత వంటి సెట్టింగ్‌ల వల్ల, ఒకే AIని ఒకే ప్రశ్న రెండుసార్లు అడిగినా అది ఇచ్చే సమాధానంలో స్వల్ప తేడాలు ఉండొచ్చు.

Also Read: 'సిరి'తో పనిలేదు.. మీ వాయిస్‌తో ఐఫోన్‌ కంట్రోల్.. ఎలా పనిచేస్తుదంటే?

Wired vs Wireless Internet: వైర్డ్ వర్సెస్ వైర్‌లెస్ ఇంటర్నెట్.. మీ ఇంటికి ఏ కనెక్షన్ బెస్ట్?

Satyaprasad Bandaru — Mon, 21 Sep 2026 19:40:52 +0530

Wired vs Wireless Internet: ఈ రోజుల్లో ఇంటర్నెట్ కోసం ఫైబర్, కేబుల్, డీఎస్ఎల్, 4G, 5G ఫిక్స్‌డ్ వైర్‌లెస్ వంటి అనేక రకాలు అందుబాటులో ఉన్నాయి. దీంతో ఏ కనెక్షన్‌ను తీసుకోవాలో అనే విషయంలో చాలా మందిలో ఓ గందరగోళం నెలకొంటుంది. మీ ఇంటికి వైర్డ్ ఇంటర్నెట్ మంచిదా లేక వైర్‌లెస్ ఇంటర్నెట్ సెట్ అవుతుందా? అనేది కేవలం ఇంటర్నెట్ స్పీడ్‌తో మాత్రమే కాకుండా, మీ ఏరియాలో అందుబాటులో ఉన్న సేవలు, నెట్‌వర్క్ క్వాలిటీ, మీ వ్యక్తిగత అవసరాలపై ఆధారపడి ఉంటుంది.

వైర్డ్ vs వైర్‌లెస్ ఇంటర్నెట్

సాధారణ వైర్డ్ కనెక్షన్ అంటే ఇంటర్నెట్ సర్వీస్ ప్రొవైడర్ ఫైబర్, కోయాక్సియల్ కేబుల్ లేదా డీఎస్ఎల్ వంటి ఫిజికల్ లైన్ ద్వారా మీ ఇంటికి కనెక్షన్‌ను అందిస్తే దానిని 'వైర్డ్ ఇంటర్నెట్' అంటారు. మరోవైపు 'ఫిక్స్‌డ్ వైర్‌లెస్ ఇంటర్నెట్' ఇంట్లోకి ఎలాంటి కేబుల్ రాదు. ఇంట్లో ఏర్పాటు చేసిన ఒక గేట్‌వే ద్వారా 4G LTE , 5G నెట్‌వర్క్ సిగ్నల్స్‌ను రిసీవర్ నుంచి వై-ఫై లేదా ఈథర్‌నెట్ ద్వారా డివైజ్‌లకు ప్రసారం చేస్తుంది.

వైర్డ్ ఇంటర్నెట్ ప్రత్యేకతలు

మీ ఏరియాలో బెస్ట్ ఫైబర్ సర్వీస్ అందుబాటులో ఉంటే, వైర్డ్ ఇంటర్నెట్ అత్యంత వేగవంతమైన కనెక్షన్‌ను అందిస్తుంది. అయితే అన్ని వైర్డ్ కనెక్షన్లు వేగంగా ఉండవు. ఉదాహరణకు ఒక పాత DSL కనెక్షన్ మంచి 5G హోమ్ ఇంటర్నెట్ కంటే నెమ్మదిగా ఉండొచ్చు. 2026 ఓపెన్‌సిగ్నల్ విశ్లేషణ ప్రకారం, ఫిక్స్‌డ్ వైర్‌లెస్ వినియోగదారులతో పోలిస్తే ఫైబర్, కేబుల్ బ్రాడ్‌బ్యాండ్ వినియోగదారులు అధిక డౌన్‌లోడ్ స్పీడ్ పొందుతున్నారు.

వైర్‌లెస్ ప్రయోజనాలు

ఫిక్స్‌డ్ వైర్‌లెస్ ఇంటర్నెట్ ప్లస్ పాయింట్ ఈజీ సెటప్. టెక్నీషియన్ కోసం వేచి ఉండాల్సిన పని లేకుండా, వినియోగదారులే స్వయంగా గేట్‌వేను ఇంట్లో సిగ్నల్ బాగా వచ్చే చోట ఇన్‌స్టాల్ చేసుకోవచ్చు. అయితే, సిగ్నల్ స్పీడ్, నెట్‌వర్క్ ట్రాఫిక్‌ను బట్టి వేగంలో మార్పులు వస్తుంటాయి.
Also Read: ఓపెన్ ఏఐని హ్యాక్ చేసిన భారత టెకీలు.. ఏపీకి చెందిన ఒకరు.. లోపాన్ని సరిదిద్దుకున్న సంస్థ!

వై-ఫై నెమ్మదిగా ఉంటే

ఒక రూములో వై-ఫై సిగ్నల్ వీక్ గా ఉంటే, అది ఇంటర్నెట్ సమస్య కానక్కర్లేదు. ఇంట్లో వై-ఫై కవరేజ్ సరిగా లేకపోవడం కూడా కారణం కావచ్చు. అలాంటి సమయంలో 'మెష్ వై-ఫై సిస్టమ్' వాడటం ద్వారా కవరేజీని పెంచుకోవచ్చు. అలాగే, 5G హోమ్ ఇంటర్నెట్ వాడేటప్పుడు కూడా కంప్యూటర్లు, స్మార్ట్ టీవీలను ఈథర్‌నెట్ కేబుల్ ద్వారా కనెక్ట్ చేసుకోవచ్చు.
Also Read: 'సిరి'తో పనిలేదు.. మీ వాయిస్‌తో ఐఫోన్‌ కంట్రోల్.. ఎలా పనిచేస్తుదంటే?

మీకు ఏది బెస్ట్

మీ దగ్గర్లో ఏ సేవలు అందుబాటులో ఉన్నాయో ముందుగా నిర్ధారించుకోండి. ఆ తర్వాత డౌన్‌లోడ్, అప్‌లోడ్ స్పీడ్, లేటెన్సీ, నెలవారీ ధర, ఇన్‌స్టాలేషన్ ఛార్జీలు, డేటా లిమిట్స్ బేరీజు వేసుకోవాలి. మీ ఏరియాలో తక్కువ ధరలో హై స్పీడ్ ఫైబర్ లభిస్తే అదే బెస్ట్ ఆప్షన్. ఒకవేళ వైర్డ్ ఆప్షన్లు ఎక్కువ ఖరీదైనవిగా లేదా కష్టంగా ఉంటే, మంచి సిగ్నల్ ఇచ్చే 5G ఫిక్స్‌డ్ వైర్‌లెస్ ఇంటర్నెట్ అద్భుతమైన ప్రత్యామ్నాయం.
Also Read: ఐఫోన్ వాట్సాప్ యూజర్లకు బిగ్ అప్‌డేట్.. ఒకే యాప్‌లో 3 వాట్సాప్ అకౌంట్స్!

Open AI Hacking: ఓపెన్ ఏఐని హ్యాక్ చేసిన భారత టెకీలు.. ఏపీకి చెందిన ఒకరు.. లోపాన్ని సరిదిద్దుకున్న సంస్థ!

Satyaprasad Bandaru — Mon, 21 Sep 2026 10:23:28 +0530

Open AI Hacking: ఆర్టిఫిషియల్ ఇంటెలిజెన్స్ టూల్ 'ఓపెన్ ఏఐ' ను ముగ్గురు భారతీయులు హ్యాక్ చేశారు. వీరిలో ఒకరిది ఏపీ కావడం విశేషం. ఈ ముగ్గురు టెక్‌ పరిశోధకులు ‘ఓపెన్‌ ఏఐ’ హ్యాక్‌ చేసి సంచలనం సృష్టించారు. ఆ సంస్థ నిర్వహించిన బగ్‌ బౌంటీ ప్రోగ్రామ్‌లో భాగంగా హ్యాక్ చేశారు. ఓపెన్‌ ఏఐ ఇటీవల బగ్‌ బౌంటీ ప్రోగ్రామ్‌ నిర్వహించగా.. సైబర్‌ సెక్యూరిటీ స్టార్టప్‌ హ్యాక్‌ట్రాన్‌ ఏఐకు చెందిన హర్ష్‌ జైశ్వాల్, మోహన్‌ పెదపాటి, రాహుల్‌ మైనీలు పాల్గొన్నారు. ఈ ముగ్గురు టెక్ పరిశోధకులు 72 గంటల పాటు కృషి చేసి, ఓపెన్‌ ఏఐ ప్రైవేట్‌ రిపాజిటరీలో బగ్‌ను గుర్తించి, యాక్సెస్‌ చేయగలిగారు. ఈ విషయాన్ని ఓపెన్‌ ఏఐకు వివరించారు. ఆ లోపాన్ని ఓపెన్‌ ఏఐ సరిచేసుకుంది. బగ్ బౌంటీ కింద వీరి 6,500 డాలర్ల అంటే సుమారు రూ.6.23 లక్షల రివార్డు అందించింది.

హ్యాక్‌ట్రాన్ సహ వ్యవస్థాపకుడు

మోహన్ పెదపాటి, హర్ష్ జైస్వాల్, రాహుల్ మైనీ ఈ ముగ్గురు పరిశోధకులు సైబర్‌సెక్యూరిటీ స్టార్టప్ హ్యాక్‌ట్రాన్ AIలో పనిచేస్తున్నారు. వీరు చాలా ఏళ్లుగా సాఫ్ట్‌వేర్ లోపాలను కనుగొనడం, సిస్టమ్‌లను పరీక్షించడం, బగ్-బౌంటీ ప్రోగ్రామ్‌లలో పాల్గొనడం వంటివి చేస్తున్నారు. హ్యాక్‌ట్రాన్ ప్రకారం మోహన్, మైనీలతో పాటు జైస్వాల్ ఈ ఓపెన్ ఏఐ బగ్ కనుక్కోవడానికి పరిశోధన చేశారు. ఓపెన్‌ ఏఐని హ్యాక్‌ చేసిన టీమ్‌లో ఒకరైన మోహన్‌ పెదపాటి.. హ్యాక్‌ట్రాన్‌ ఏఐ సహ వ్యవస్థాపకుల్లో ఒకరు. ఆ సంస్థకు సీటీవోగానూ ఉన్నారు. ఏపీలోని రాజమహేంద్రవరం దగ్గర్లోని కొండగుంటూరు ప్రాంతానికి చెందిన మోహన్.. సంపత్‌నగర్‌లోని ప్రభుత్వ పాఠశాలలో చదువుకున్నారు. నూజివీడు ఆర్‌జీయూకేటీలో ఇంజినీరింగ్‌ పూర్తి చేసి... ఎథికల్‌ హ్యాకింగ్‌పై ఆసక్తితో సైబర్‌ సెక్యూరిటీ కంపెనీ స్థాపించారు. అనేక సాఫ్ట్ వేర్ సంస్థలకు చెందిన బగ్‌లను గుర్తించి ప్రత్యేక గుర్తింపు తెచ్చుకున్నారు. తాను ప్రస్తుతం హైదరాబాద్‌లో ఉంటున్నట్లు మోహన్‌ పెదపాటి తెలిపారు.

Also Read: గ్రే గ్రోత్ నుంచి గ్రీన్ గ్రోత్ వైపు అడుగులు - డీకేతో కలిసి ది ఎర్త్ సెంటర్‌ ప్రారంభించిన చంద్రబాబు

మోహన్ పెదపాటి వెబ్ ఎక్స్‌ప్లాయిటేషన్, సోర్స్-కోడ్ రివ్యూ, మొబైల్ అప్లికేషన్ సెక్యూరిటీలో నైపుణ్యం కలిగి ఉన్నారు. హ్యాక్‌ట్రాన్‌కు ముందు, ఆయన ఎలక్ట్రోవోల్ట్ ఇన్ఫోసెక్‌ను స్థాపించి, క్యూర్53లో సెక్యూరిటీ కన్సల్టెంట్‌గా పనిచేశారు. అతను ఈగెన్ వెక్టర్స్‌లో డేటా సైన్స్ ఇంటర్న్‌గా కూడా పనిచేశారు. అక్కడ స్పీచ్ రికగ్నిషన్ కోసం రికరెంట్ న్యూరల్ నెట్‌వర్క్‌లను పరిశోధించారు.

Also Read: గ్రామ, వార్డు సచివాలయ ఉద్యోగులకు ఏపీ ప్రభుత్వం గుడ్ న్యూస్

iPhone Voice Control: 'సిరి'తో పనిలేదు.. మీ వాయిస్‌తో ఐఫోన్‌ కంట్రోల్.. ఎలా పనిచేస్తుదంటే?

Satyaprasad Bandaru — Sun, 20 Sep 2026 14:39:39 +0530

iPhone Voice Control: ఐఫోన్ వాయిస్ కంట్రోల్ అంటే మనకు మొదటగా గుర్తుకువచ్చే పేరు 'సిరి'. అయితే, సిరి సహాయం లేకుండానే కేవలం మాట్లాడటం ద్వారా ఫోన్ స్క్రీన్‌పై ఉన్న ప్రతి అంశాన్ని కంట్రోల్ చేసేందుకు అద్భుతమైన ఫీచర్ ఐఫోన్‌లో అందుబాటులో ఉంది. దీనినే 'వాయిస్ కంట్రోల్' అంటారు. ఈ ఫీచర్ అనేక సందర్భాల్లో చాలా ఉపయోగకరంగా ఉంటుంది.

ఫోన్‌ టచ్ చేయకుండానే

వాయిస్ కంట్రోల్‌ కేవలం ప్రశ్నలకు ఆన్సర్స్ ఇవ్వడం మాత్రమే కాదు. మీ వాయిస్‌తో స్క్రీన్‌పై టచ్ చేయడానికి, స్వైప్ చేయడానికి, డ్రాగ్ చేయడానికి, లాంగ్-ప్రెస్ చేయడానికి ఉపయోగపడుతుంది. ఉదాహరణకు, "కంట్రోల్ సెంటర్ ఓపెన్ చేయి", "ఇన్‌స్టాగ్రామ్‌ను ట్యాప్ చేయి", "వాల్యూమ్ పెంచు" వంటి ఆదేశాలను ఇవ్వొచ్చు. అంతేకాకుండా, స్క్రీన్‌పై ఉన్న నెంబర్ల ఆధారంగా కూడా వాటిని ఎంచుకోవచ్చు. "నెంబర్లు చూపించు" అని చెప్పగానే స్క్రీన్‌లోని ఆ విభాగంలోని నెంబర్లు కనిపిస్తాయి.

వాయిస్ కంట్రోల్‌ను ఎలా ఆన్ చేయాలి?

ఈ ఫీచర్‌ను యాక్టివేట్ చేయడం చాలా సులభం
మీ ఐఫోన్‌లోని Settings లోకి వెళ్లాలి.
ఆ తర్వాత Accessibility సెలెక్ట్ చేయండి.
అనంతరం Voice Control ఆప్షన్‌పై క్లిక్ చేసి, దానిని ఆన్ చేయాలి.
మొదటిసారి యూజ్ చేస్తున్నప్పుడు అవసరమైన భాషను డౌన్‌లోడ్ చేసుకోవాల్సి ఉంటుంది. ఈ ఫీచర్ యాక్టివేట్ అయినప్పుడు స్టేటస్ బార్‌లో బ్లూ కలర్ ఐకాన్ కనిపిస్తుంది.

Also Read: ఐఫోన్ వాట్సాప్ యూజర్లకు బిగ్ అప్‌డేట్.. ఒకే యాప్‌లో 3 వాట్సాప్ అకౌంట్స్!

ప్రత్యేక ఫీచర్లు

యాపిల్ కస్టమ్ కమాండ్‌ల ఆప్షన్ కూడా కల్పించింది. కస్టమర్లు ఒక నిర్దిష్ట కమాండ్ ద్వారా అంటే కస్టమ్ గెశ్చర్, షార్ట్‌కట్, టెక్స్ట్ ఇన్సర్ట్ తో లింక్ చేసుకోవచ్చు. ఓవర్‌లే ఫీచర్ ద్వారా స్క్రీన్‌పై సంఖ్యలు, పేర్లు లేదా గ్రిడ్‌లను డిస్ ప్లే చేయవచ్చు.
ఫేస్ ఐడీ ఉన్న ఐఫోన్‌లలో ఈ ఆప్షన్‌ను ఎనేబుల్ చేస్తే, మీరు ఫోన్ వైపు చూసినప్పుడు వాయిస్ కంట్రోల్ యాక్టివేట్ అవుతుంది. మీ ఫేస్ పక్కకు తిప్పితే ఆటోమేటిక్‌గా స్లీప్ మోడ్‌లోకి వెళుతుంది.
వాయిస్ కంట్రోల్ పూర్తిగా ఆఫ్‌లైన్‌లో పనిచేస్తుంది. ప్రతి ఆదేశానికి ఇంటర్నెట్ కనెక్షన్ అవసరం లేదు.
చేతికి గాయాలైనప్పుడు, వంట చేసేటప్పుడు, లేదా ఇతర కారణాల వల్ల స్క్రీన్‌ను తాకలేనటువంటి సందర్భాల్లో ఈ వాయిస్ కంట్రోల్ ఫీచర్ ఒక గొప్ప అవకాశంగా పనిచేస్తుంది.

Also Read: ఐఫోన్ 18 ప్రో, 18 ప్రో మ్యాక్స్ సేల్స్ షురూ.. EMI, క్యాష్‌బ్యాక్ వివరాలు ఇవే!