chatgpt

AI Impact on Relationships: చాట్‌జీపీటీ కారణంగా భారత్‌లో బ్రేకప్‌లు, విడాకులు! రిలేషన్‌షిప్‌పై ఏఐ ఎఫెక్ట్!

Khagesh — Thu, 23 Apr 2026 13:19:56 +0530

AI Impact on Relationships: ఈ మధ్య కాలంలో విడుదలైన లైక్ సినిమాలో టెక్నాలజీ ఆధారంగా సరిజోడీ వెతుక్కునే ప్రక్రియను చూసి అంతా ఆశ్చర్యపోయారు. లేటెస్ట్ ట్రెండ్ చూస్తుంటే మాత్రం అది నిజమనే నమ్మక తప్పని పరిస్థితి ఏర్పడింది. ప్రపంచవ్యాప్తంగా ముఖ్యంగా అమెరికా యూరప్ దేశాలలో భాగస్వాములు కేవలం సలహాల కోసమే కాకుండా, సాంగత్యం, మానసిక ఊరట కోసం ఏఐ చాట్‌బాట్‌లను ఆశ్రయిస్తున్నారు. ఇప్పుడు ఈ ధోరణి నెమ్మదిగా భారత్‌లోకి వచ్చేసింది.

మరిన్ని ఆసక్తికరమైన వార్తల కోసం ఈ లింక్ క్లిక్ చేయండి

భారత్‌లో విడాకుల కేసులు, రిలేషన్‌షిప్ కౌన్సెలింగ్‌లలో ఏఐ ప్రస్తావన వస్తోంది. చాలా మంది జంటలు చాట్ జీపీటీ లాంటి వాటి వల్ల తన రిలేషన్ బ్రేక్ అయిందని చెబుతున్నారు. ఒకప్పుడు కుటుంబ సభ్యులు,లేదా సన్నిహిత మిత్రులు ఇచ్చే సలహాల స్థానాన్ని ఇప్పుడు అల్గారిథమ్‌ భర్తీ చేస్తున్నాయి.

రిలేషన్‌షిప్‌ సమస్యల్లో ఏఐని ఆశ్రయించడానికి ప్రధాన కారణం గోప్యత. విడాకులు లేదా బ్రేకప్‌ కావడం అనేది భారతీయ సమాజంలో ఇప్పటికీ సామాజికంగా కొంత భారంగా భావిస్తారు. అటువంటి పరిస్థితుల్లో ఎవరికీ తెలియకుండా ఎటువంటి జడ్జిమెంట్‌ లేకుండా తన మనసులో మాట చెప్పుకోవడానికి చాట్ జీపీటి ఒక సురక్షితమైన వేదికగా ప్రజలకు కనిపిస్తోంది.

అయితే ఇందులో ఒక పెద్ద ప్రమాదం పొంచి ఉందని నిపుణులు హెచ్చరిస్తున్నారు. ఏఐకి సైకోఫాన్సీ అనే లక్షణం ఉంటుంది. అంటే అది ఎప్పుడూ యూజర్‌ను మెప్పించేలా సమాధానాలు ఇస్తుంది. మనం ఒక సమస్యను ఏ కోణంలో వివరిస్తే ఏఐ దానికి మద్ధతుగా నిలుస్తుంది. ఉదాహరణకు ఒక వ్యక్తి తన భాగస్వామి గురించి నెగిటివ్‌గా వివరిస్తే, ఏఐ ఆ అభిప్రాయాన్ని బలపరుస్తుంది. ఇది సమస్యను పరిష్కరించడానికి బదులు, విడిపోవాలనే నిర్ణయాన్ని మరింత దృఢం చేస్తుంది.

చాలా మంది తమ రిలేషన్‌లో వచ్చిన సందేహాలకు చాట్‌జీపీటీ నుంచి వచ్చిన సమాధానాలతో ప్రభావితమై తమ రిలేషన్‌షిప్‌కు బ్రేకప్ చెబుతున్నారు. ఆ తర్వాత అసలు విషయం తెలుసుకొని పశ్చాత్తాపపడుతున్నారు. భాగస్వామి ప్రవర్తనను తప్పుగా అర్థం చేసుకోవడానికి లేదా అపోహలు పెంచుకోవడానికి ఏఐ జనరేటెడ్ సమాధానాలను సాక్ష్యాలుగా చూపుతున్నారు.

మరిన్ని ఆసక్తికరమైన వెబ్‌స్టోరీ కోసం ఈ లింక్‌పై క్లిక్ చేయండి

మానసిక వైద్య నిపుణులు, కౌన్సిలర్లు చెబుతున్న ప్రకారం ఏఐ అనేది కేవలం తాత్కాలికంగా మనసులోని బాధను చెప్పుకోవడానికి పనికి రావచ్చు కానీ అది వృత్తిపరమైన చికిత్సకు ప్రత్యామ్నాయం కాదు. ఏఐ కేవలం అఫర్మేషన్ మాత్రమే ఇస్తుంది. కానీ వాస్తవ పరిస్థితిని ప్రతిబింబించదు. సంబంధాల్లో సమస్యలు పునరావృతమవుతున్నప్పుడు వృత్తిపరమైన సహాయం తీసుకోవడం చాలా ముఖ్యం

భారతీయ చట్టాల ప్రకారం కేవలం ఏఐ చెప్పింది అనే కారణంతో విడాకులు తీసుకోవడం అసాధ్యం. భారతీయ న్యాయస్థానాలు ప్రవర్తను, సాక్ష్యాధారాల ఆధారంగానే పని చేస్తాయి. అయితే ఏఐపై అతిగా ఆధారపడటం వల్ల భాగస్వామిని నిర్లక్ష్యం చేయడం లేదా మానసిక వేదనకు గురి చేయడం జరిగే అది మానసిక క్రూరత్వం కిందికి వస్తుంది.

భారతీయ సంస్కృతిలో కుటుంబ వ్యవస్థ బలంగా ఉండటం వల్ల విదేశాలతో పోలిస్తే ఇక్కడ విడాకులు తీసుకోవడం అనేది చాలా క్లిష్టమైన, సుదీర్ఘమైన ప్రక్రియ. కాబట్టి చాట్ జీపీటీ ప్రభావంతో విడాకులు తీసుకోవడం తక్కువే అయినప్పటికీ ప్రమాదం లేదని చెప్పలేమంటున్నారు నిపుణులు. ఏఐ అనేది అద్దం లాంటిదని, అది మనసులోని భావాలనే చూపిస్తుంది. ఆ ప్రతిబింబం స్పష్టంగా ఉందా లేదా వక్రీకరించి ఉందా అనేది గుర్తించాలని సూచిస్తున్నారు.

Google Gemini: ఆత్మహత్య ఆలోచనలు పసిగట్టే ఏఐ ఫీచర్‌! గూగుల్ జెమినీలో విప్లవాత్మక మార్పు!

Khagesh — Wed, 8 Apr 2026 01:44:44 +0530

Google Gemini: నేటి డిజిటల్ యుగంలో కృత్రిమ మేధ మనుషులతో మాట్లాడే విధానం రోజురోజుకూ మారుతోంది. అయితే ఇంట్రాక్షన్ కేవలం సమాచార సేకరణకే పరిమితం కాకుండా, అత్యవసర సమయాల్లో ప్రాణాలను కాపాడేవిగా ఉండాలని గూగుల్ భావిస్తోంది. ఇందులో భాగంగా గూగుల్‌ జెమినీలో సరికొత్త హెల్ప్ ఈజ్ అవైలబుల్ అనే ఫీచర్‌ను రీడీజైన్ చేసి ప్రవేశపెట్టింది.

ఈ అప్‌డేట్‌ ప్రకారం ఒక వినియోగదారుడు జెమినితో చాట్ చేస్తున్నప్పుడు తన మానసిక వేదనను లేదా ఆత్మహత్య వంటి తీవ్రమైన ఆలోచనలను వ్యక్తం చేస్తే, ఏఐ సంకేతాలను తక్షణమే పసిగడుతుంది. వెంటనే సంభాషణ మధ్యలో ఒక ప్రత్యేకమైన ఇంటర్‌ఫేస్ ప్రత్యక్షమవుతుంది. ఇది వినియోగదాడికి క్రైసిస్‌ హాట్‌లైన్‌లను సంప్రదించడానికి, టెక్స్ట్‌ మెసేజ్ పంపడానికి లేదా నేరుగా నిపుణులతో మాట్లాడటానికి వన్‌ టాప్‌ సదుపాయాన్ని కల్పిస్తుంది. ఈ సహాయక ఫీచర్ ఆ సంభాషణ ముగిసే వరకు స్క్రీన్‌పైనే కనిపిస్తూ ఉంటుంది.

గూగుల్ ఈ చర్య తీసుకోవడానికి ప్రధాన కారణం అమెరికాలోని కాలిఫోర్నియా కోర్టులో నమోదైన ఒక దావా. ఫ్లోరిడాకు చెందిన 36 ఏళ్ల జోనాథన్ గవాలాస్ అనే వ్యక్తి 2025లో అక్టోబ్‌లో ఆత్మహత్య చేసుకున్నాడు. జెమిని చాట్‌బాట్ అతనితో వారాల తరబడి ఇంట్రాక్షన్ అయ్యింది. అతని ఆత్మహత్యను ఒక ఆధ్యాత్మిక ప్రయాణంగా చిత్రీకరించిందని, అతని మరణానికి ఏఐ సహకరించిందని అతని తండ్రి ఆరోపిస్తూ కోర్టును ఆశ్రయించారు.

ఏఐ వ్యవస్థలు మనుషుల వలే ప్రవర్తించకూడదని, అవి భావోద్వేగాలను అనుకరించిడం వల్ల మానసిక బలహీనత ఉన్న వారు సులభంగా ప్రభావితం అవుతారని, ఈ కేసు ద్వారా వెలుగులోకి వచ్చింది. ఈ నేపథ్యంలోనే ఏఐ తన పరిమితులను తెలుసుకొని ప్రవర్తించేలా గూగుల్ మార్పులు చేర్పులు చేసింది.

ఎప్పుడు ఎలా అమలులోకి వస్తుంది?

గూగుల్ ఈ అప్‌డేట్‌ను ప్రపంచవ్యాప్తంగా దశలవారిగా విడుదల చేస్తోంది. ప్రస్తుతం అమెరికా వంటి దేశాల్లో ఇది అందుబాటులోకి రాగా, భారత్‌లో ఇంకా పూర్తి స్థాయిలో అమలు కావాల్సి ఉంది. జెమిని చాట్‌బాట్‌కు వినియోగదారుల మానసిక స్థితిని అర్థం చేసుకునేలా ప్రత్యేక శిక్షణ ఇచ్చారు.

వచ్చిన మార్పులు ఏంటీ?

జెమిని ఇకపై మనుషుల వెల భావోద్వేగ సాన్నిహిత్యాన్ని ప్రదర్శించకుండా, కేవలం ఒక సహాయకారిగా మాత్రమే వ్యవహరించేలా శిక్షణ ఇచ్చారు. ఇతరులను వేధించడం లేదా ఎగతాళి చేసేలా ప్రవర్తించకుండా ఏఐను నియంత్రించారు. ఆత్మహత్య ఆలోచనలు ఉన్నప్పుడు కేవలం సమాధానం ఇవ్వడమే కాకుండా, మానవ సహాయం పొందేలా వనరులను చూపిస్తుంది.

కృత్రిమ మేధ విస్తరిస్తున్న వేళ టెక్ కంపెనీల భాద్యత పెద్ద ఎత్తున చర్చ జరుగుతోంది. ఏఐ కేవలం కోడింగ్ లేదా సమాచారాన్ని ఇచ్చే యంత్రం మాత్రమే కాదని , అది సామాజిక బాధ్యతను కూడా కలిగి ఉండాలని అప్‌డేట్‌ స్పష్టం చేస్తోంది. గతంలో ఏఐ చాట్‌బాట్‌లు వినియోగదారులతో అతిగా చనువు ప్రదర్శించడం వల్ల వారు భ్రమల్లోకి వెళ్లే ప్రమాదం ఉందని నిపుణులు హెచ్చరించారు.

గూగుల్‌ తన బ్లాగ్‌ పోస్టులో పేర్కొన్నట్టుగా, సరైన సమయంలో సరైన సమాచారం, మానవ మద్ధతుతో ప్రజలను అనుసంధానించడమే మా లక్ష్యం. టెక్నాలజీ, మానవ భావోద్వేగాల మధ్య ఉన్న సన్నని గీతను గౌరవిస్తూ ప్రాణాపాయ స్థితిలో ఉన్న వారికి ఏఐ ఒక రక్షణ కవచంగా మారాలని ఈ అప్‌డేట్ ఉద్దేశం.

Telugu Innovation: రెగ్యులర్‌ పనుల కోసం డజన్లు కొద్దీ వెబ్‌సైట్లు అవసరం లేదు! ఒకే ప్లాట్‌ఫామ్‌పై అన్ని సర్వీస్‌లు అందిస్తున్న MiOffice.ai

Khagesh — Sat, 14 Mar 2026 00:01:30 +0530

Telugu Innovation: నేటి ఆధునిక డిజిటల్ జీవశైలిలో మనమందరం నిత్యం అనేక రకాల ఫైళ్లతో కుస్తీపడుతుంటాం. ఒక ఆఫీస్‌ ఉద్యోగికి పీడీఎఫ్‌ పైళ్లను స్ప్లిట్‌ చేయాల్సి రావచ్చు, ఒక విద్యార్థికి తన ఫొటో పరిమాణాన్ని తగ్గించాల్సి రావచ్చు. ఒక సోషల్ మీడియా క్రియేటర్‌కు వీడియో నుంచి ఆడియోను వేరు చేయాల్సి రావచ్చు. ఇలాంటి ప్రతి చిన్ని పనికి వేర్వేరు వెబ్‌సైట్లు వెతుక్కోవడం, ఆయా సైట్లలో మన వ్యక్తిగత ఫైళ్లను అప్‌లోడ్‌ చేయడం అనేది సమయం వృథాతోపాటు డేటా భద్రతకు కూడా ముప్పుగా మారుతుంది. ఈ క్లిష్టమైన సమస్యకు పరిష్కారంగా MiOffice.ai అనే సరికొత్త డిజిటల్‌ ప్లాట్‌పామ్‌ అందుబాటులోకి వచ్చింది.

ఒక వెబ్‌సైట్‌ ద్వారా ఇన్ని రకాల సేవలను నాణ్యతతో అందించడం అనేది డిజిటల్‌ మీడియా రంగంలో ఒక పెద్ద మార్పుగా బావించవచ్చు. కేవలం ఒక టూల్‌ మాత్రమే కాకుండా, ఇది ఒక పూర్తిస్థాయి డిజిట్‌ ప్రొడక్టివిటి సూట్‌గా రూపుదిద్దుకుంది. దీని ప్రత్యేకతలు, పనితీరు, వినియోగదారులకు కల్పించే ప్రయోజనాలు గురించి చూద్దాం.

ఒకే వేదిక అనేక పరిష్కారాలు

సాధారణంగా మనం పీడీఎఫ్‌ ఫైళ్లను ఎడిట్ చేయడానికి ఒక సైట్‌, ఫోటోల కోసం మరొకటి, వీడియో ఎడిటింగ్‌ కోసం ఇంకొకటి వాడుతుంటాం. కానీ MiOffice.ai ఈ ధోరణి మారుస్తోంది. డాక్యుమెంట్లు, ఫొటోలు, వీడియోలు, ఆడియో, స్కానింగ్, ఏఐ ఆధారిత టూల్స్ అన్నీ ఒకే చోట లభించం దీని ప్రధాన బలం. వినియోగదారులు తమ బ్రౌజర్‌ ట్యాబ్‌లను మార్చకుండానే అన్ని పనులను వేగంగా పూర్తి చేసుకోవచ్చు.

వేగం- భద్రత; వెబ్ అసెంబ్లీ మ్యాజిక్

చాలా ఆన్‌లైన్ టూల్స్ మన ఫైళ్లను వారి సర్వర్‌కు అప్‌లోడ్‌ చేసి, అక్కడ ప్రాసెస్‌ చేసి తిరిగి మనకు అందిస్తాయి. దీని వల్ల ఇంటర్నెట్‌ వేగం తక్కువగా ఉన్నప్పుడు పనులు ఆలస్యం అవుతాయి. అయితే MiOffice.ai ఇక్కడ భిన్నమైన మార్గాన్ని ఎంచుకుంది. ఇది వెబ్‌ అసెంబ్లీ అనే అత్యాధునిక సాంకేతికతను ఉపయోగిస్తోంది.

దీని వల్ల కలిగే అతి పెద్ద ప్రయోజనం ఏంటంటే, మీ ఫైళ్లు మీ డివైస్‌ దాటి బయటకు వెళ్లవు. ప్రాసెసింగ్ అంతా మీ బ్రౌజర్‌లోనే జరుగుతుంది. ఫలితంగా క్లౌడ్ ఆధారిత టూల్స్ కంటే సుమారు పది రెట్లు వేగంగా పీడీఎఫ్‌ పైళ్లను ప్రాసెస్‌ చేయవచ్చని ఈ ప్లాట్‌ఫామ్‌ పేర్కొంటోంది. ఇది కేవలం వేగంగా మాత్రమే కాదు, వినియోగదారుడి డేటా గోప్యతకు ఇచ్చే భోరసా కూడా. సర్వర్‌ అప్‌లోడ్‌లు లేకపోవడం, కుకీలు లేదా అనలిటిక్స్‌ సేకరించకపోవడం వల్ల మీ డేటా సురక్షితంగా ఉంటుంది.

పీడీఎఫ్‌ మేనేజ్మెంట్‌

ఆఫీస్‌ పనుల్లో పీడీఎఫ్‌ ఫైళ్ల ప్రాధాన్యత గురించి ప్రత్యేకంగా చెప్పక్కర్లేదు.MiOffice.ai లో పీడీఎఫ్‌ ఫైళ్లు మెర్జ్, స్లిట్ చేయడం, వర్డ్, ఎక్సెల్‌ పార్మాట్లలోకి మార్చడం వంటి పనులు సులభంగా చేయవచ్చు.

మరో ఆసక్తికరమైన ఫీచర్ ఏంటంటే, పైల్‌ ప్రాసెసింగ్ పూర్తి అయిన తర్వాత దానిని ఇతరులతో పంచుకోవడానికి సురక్షితమైన షేర్ లింక్‌ను సృష్టించవచ్చు. ఈ లింక్‌లను 24 గంట గడువు సెట్‌ చేయడం లేదా పాస్‌వర్డ్‌ రక్షణ కల్పించడం వంటి సదుపాయాలు ఉండటం వల్ల, అనధికారిక వ్యక్తులు మీ డేటాను చూడకుండా నియంత్రించవచ్చు.

ఇమేజ్‌, మల్టీమీడియా ఎడిటింగ్

ఫొటో ఎడిటింగ్ కోసం భారీ సాఫ్ట్‌వేర్‌లు ఇన్‌స్టాల్ చేయాల్సిన అవసరం లేకుండానే బ్రౌంజర్‌లోనే ప్రాథమిక, అడ్వాన్స్డ్‌ పనులు పూర్తి చేయవచ్చు.

ఫొటో టూల్స్‌; క్రాప్ చేయడం, రీసైజ్ చేయడం, కంప్రెస్ చేయడం, ఫార్మాట్‌ మార్చడం వంటివి ఇందులో అందుబాటులో ఉన్నాయి.

ఏఐ పవర్‌: ఫొటోల బ్యాక్ గ్రౌండ్‌ తొలగించం, ఇమేజ్ నాణ్యత పెంచడం వంటి పనులను ఏఐ సహాయంతో పూర్తి చేయవచ్చు.

వీడియో, ఆడియో: వీడియోల నిడివిని తగ్గించడం, వీడియోను జిఫ్‌గా మార్చడం, వీడియో నుంచి ఆడియోను వేరు చేయడం వంటి మల్టీమీడియా పనులు చక్కబెట్ట వచ్చు.

బ్యాచ్ ప్రాసెసింగ్‌తో సమయం ఆదా

ఒక్కో ఫైల్‌ను విడివిడిగా ప్రాసెస్‌ చేయడం అనేది విసుగు కలిగించే పని. MiOffice.ai లోని బ్యాచ్ ప్రాసెసింగ్ ఫీచర్ ద్వారా ఒకేసారి 50 కంటే ఎక్కువ ఫొటోలు, వీడియోలను ప్రాసెస్ చేసే అవకాం ఉంది. ఇది ముఖ్యంగా పెద్ద ఎత్తున డేటాతో పని చేసే వారికి ఎంతో మేలు చేస్తుంది.

స్మార్ట్‌ స్కానింగ్- యూజర్‌ ఇంటర్‌ఫేస్‌

ఫిజికల్‌ స్కానర్ల అవసరం లేకుండానే మొబైల్‌ కెమెరా ద్వారా రసీదులు, ఐడీ కార్డులు, డాక్యుమెంట్‌లను స్కాన్ చేసి పీడీఎఫ్‌లు మార్చుకోవచ్చు. క్యూఆ్‌ కోడ్, బార్‌ కోడ్ రీడర్లు కూడా ఇందులో అంతర్భాగంగా ఉన్నాయి.

వినియోగదారులకు సహాయం చేయడానికి ఈ ప్లాట్‌ఫామ్‌లో Groot అనే మాస్కట్‌ ఉంటుంది. ఇది టూల్స్ గురించి చిట్కాలను అందించడమే కాకుండా, ప్రాసెసింగ్ స్టాటస్‌ను ఎప్పటికప్పుడు తెలియజేస్తుంది. అలాగే, రైట్ క్లిక్ మెను ద్వారా నేరుగా టూల్స్‌ను యాక్సెస్‌ చేసే సౌకర్యం వినియోగదారుడి పనిని ఈజీ చేస్తుంది.

క్రోమ్‌, ఎడ్జ‌ బ్రౌజర్ల కోసం ప్రత్యేక ఎక్స్‌టెన్షన్లు ఉండటం వల్ల జీమెయిల్ లేదా డ్రాప్‌బాక్స్ నుంచి నేరుగా ఫైళ్లను ప్రాసెస్‌ చేయవచ్చు. ఆండ్రాయిడ్ యూజర్లు ప్లే స్టోర్‌తో సంబందం లేకుండా ప్రోగ్రెసివ్‌ వెబ్‌ యాప్‌ రూపంలో దీనిని ఇన్‌స్టా్‌ చేసుకోవచ్చు.

తెలుగు వారి ప్రతిభ

అంతర్జాతీయ స్థాయిలో పోటీ పడగల ఇలాంటి ఒక అద్భుతమైన డిజిటల్‌ ప్లాట్‌ఫామ‌ను రూపొందించిన వ్యక్తి ఒక తెలుగు వాడు కావడం గర్వకారణం. ఈ MiOffice.ai ప్లాట్‌ఫామ్‌లోని అన్ని టూల్స్‌ ప్రస్తుతం ఉచితంగా అందుబాటులో ఉన్నాయి.

గూగుల్‌ నోట్ బుక్‌ ఎల్‌ఎమ్‌లో అద్భుతమైన ఫీచర‌-గంటల పని నిమిషాల్లోనే పూర్తి!

Khagesh — Mon, 9 Mar 2026 15:35:18 +0530

డిజిటల్ యుగంలో సమాచారాన్ని సేకరించడం ఒక ఎత్తైతే, దాన్ని అందంగా ప్రజెంట్‌ చేయడం మరో టాస్క్. ఇప్పటి వరకు దీని కోసం చాలా టూల్స్ వాడే ఉంటారు, ఇంకా వాడుతూనే ఉంటారు. గంటల సమయాన్ని వృథా చేస్తూనే ఉంటారు. ఇప్పుడు ఆ ఇబ్బంది లేదు. గంటల సమయం వృథా కాకుండా క్షణాల్లోనే మీ టాస్క్‌ను పూర్తి చేసుకోవచ్చు. అలాంటి అద్భుతమైన ఫీచర్‌ను గూగుల్‌ సంస్థకు చెందిన నోట్‌బుక్ ఎల్ఎం‌ తీసుకొచ్చింది. ఈ సరికొత్త టూల్‌ ఇప్పుడు ప్రజెంటేషన్‌లో సరికొత్త విప్లవానికి శ్రీకారం చుట్టనుంది.

గతంలో నోట్‌బుక్ ఎల్‌ఎం అందించే ప్రజెంటేషన్లు అన్నీ ఒకే రకంగా ఉండేవి. రంగు, లేఅవుట్‌ అన్నీ ఒకేలా ఉన్నాయని చాలా మంది నెగిటివ్ రివ్యూలు ఇచ్చారు. ప్రజెంటేషన్ చూస్తే అది ఏఐ టెంప్లేట్ అని స్ఫష్టంగా తెలిసిపోయేది. కాని ఇప్పుడు జెమిని ఏఐ సహాయంతో మనకు నచ్చిన బ్రాండ్‌ స్టైల్‌లో, కస్టమ్‌ డిజైన్లతో వండర్‌ఫుల్ స్లైడ్‌లతో రూపొందించుకోవచ్చు.

ఇతర ఏఐలకు దీనికి తేడా ఏంటీ?

సాధారణంగా చాట్‌జీపీటీ లేదా ఇతర ఏఐలను ఏదైనా ప్రజెంటేషన్ చేయమని అడిగితే అవి ఇంటర్నెట్‌లోని సాధారణ సమాచారం నుంచి విషయాలను సేకరిస్తాయి. దీని వల్ల కొన్నిసార్లు తప్పుడు సమాచారం వచ్చే అవకాశం ఉంది. కానీ నోట్‌బుక్ ఎల్ఎమ్‌ ప్రత్యేకత ఏంటంటే,, ఇది కేవలం మీరు ఇచ్చిన సమాచారం ఆధారంగానే ప్రజెంటేషన్ తయారు చేస్తుంది. మీకు నచ్చినట్టు సోర్స్ ఇవ్వొచ్చు. అది పీడీఎఫ్‌లో కానీ, వీడియో రూపంలో, డాక్యుమెంట్‌ ద్వారా కూడా మీరు సోర్స్‌ ఇవ్వొచ్చు. ఇది మీ సోర్స్‌ పరిధిని దాటి వెళ్లద్దు. తద్వారా కంటెంట్‌ అత్యంత కచ్చితంగా ఉంటుంది.

స్టైలిష్‌ ప్రజెంటేషన్ల కోసం జెమిని మ్యాజిక్

నోట్‌బుక్ ఎల్‌ఎం ఇచ్చే డెఫ్లాల్డ్‌డిజైన్లు కొన్ని సార్లు ప్రొఫెషనల్‌ అవసరాలకు సరిపోవు. దీనిని అధిగమించడానికి ఒక అద్భుతమైన మార్గం అందుబాటులోకి వచ్చింది. ముందుగా గూగుల్ ఇమేజెస్‌లో మీకు నచ్చిన ఒక ఇన్ఫోగ్రాఫిక్ లేదాస్లైడ్‌ డిజైన్‌ను వెతికి ఆ చిత్రాన్ని సేవ్ చేసుకోండి. ఉచిత జెమిని ఏఐని ఉపయోగించి ఆ చిత్రాన్ని అప్‌లోడ్ చేయండి. దాని రంగులు, టైపోగ్రఫీ, లే అవుట్‌ శైలని వివరించమని అడగండి. జెమిని ఇచ్చిన ఆ వివరణను కాపీ చేసి నోట్‌బుక్‌ ఎల్‌ఎమ్‌లోని పెన్సిల్‌ ఐకాన్‌ క్లిక్ చేసి అక్కడ పేస్ట్ చేయండి. ఈ చిన్న ట్రిక్‌ ద్వారా అదే సమాచారాన్ని మీకు నచ్చిన విజువల్ లాంగ్వేజ్‌లో నోట్‌బుక్‌ ఎల్‌ఎమ్‌ అద్భుతంగా తయారు చేస్తుంది. ఇది మీ ప్రజెంటేషన్‌ను ఇతరుల కంటే భిన్నంగా, ఆకర్షణీయంగా మారుస్తుంది.

డీప్‌ రీసెర్చ్‌ గంటల్లోనే పూర్తి

ఏదైనా కొత్త అంశంపై ప్రజెంటేషన్ చేయాలంటే గంటల కొద్దీ గూగుల్ సెర్చ్ చేయడం, లింకులు సేవ్ చేసుకోవడం పెద్ద తలపోటు, నోట్‌బుక్‌ ఎల్‌ఎమ్‌లోని డీప్ రీసెర్చ్ ఫీచర్‌ ఈ భారాన్ని తగ్గిస్తుంది. మీరు ఒక టాపిక్‌ ఇస్తే చాలు అది వెబ్‌సైట్లు గిట్‌హబ్‌, రెడ్డిట్‌, రీసెర్చ్ పేపర్లను వెతికి, అత్యంత విలువైన సోర్స్‌లను సేకరిస్తుంది. దీని వల్ల మీకు ఒక రోజంతా చేసే పరిశోధన కేవలం నిమిషాల్లో పూర్తి అవుతుంది.

స్లైడ్‌ ఎడిట్‌, ఎక్స్‌పోర్ట్

గతంలో ఒక స్లైడ్‌ నచ్చకపోతే మొత్తం ప్రజెంటేషన్‌ను మళ్లీ జనరేట్ చేయాల్సి వచ్చేది. కానీ ఇప్పుడు రివైజ్‌ బటన్ ద్వారా ఒక్కో స్లైడ్‌ను విడివిడిగా మార్చుకోవచ్చు. ఈ స్లైడ్‌ చాలా క్లిష్టంగా ఉంది, దీనికి మూడు బుల్లెట్‌ పాయింట్లుగా మార్చు అని మీరు స్పెసిఫిక్ సూచనలు ఇస్తే, అది వెంటనే మార్పులు చేస్తుంది.

అంతేకాకుండా, నోట్‌బుక్ ఎల్‌ఎమ్‌లో తయారైన స్లైడ్‌పై ఉండే వాటర్ మార్క్ సమస్యను కూడా గూగుల్ పరిష్కరించింది. ఇప్పుడు మీరు రూపొందించిన స్లైడ్‌ను నేరుగా పవర్‌పాయింట్‌ ఫైల్‌గా డౌన్‌లోడ్ చేసుకోవచ్చు. దీని వల్ల ఆ ఫైల్‌ను మీరు గూగుల్ స్లైడ్‌లో లేదా పవర్ పాయింట్‌లో ఓపెన్ చేసి, మీకు నచ్చినట్టుగా మరింత ఎడిటింగ్‌ చేసుకోవచ్చు.

చక్కనైన డేటా టేబుల్

నోట్‌బుక్ ఎల్‌ఎమ్‌లో చేరిన మరో కీలక ఫీచర్‌ డేటా టేబుల్స్‌. మీరు ఇచ్చిన సోర్స్‌లలోని సమాచారాన్ని ఒక స్ప్రెడ్‌షీట్‌లా రోస్‌, కాలమ్స్‌లోకి మారుస్తుంది. గూగుల్ నోట్‌బుక్ ఎల్‌ఎమ్‌ కేవలం ఒక రీసెర్చ్ టూల్‌గానే కాకుండా డేటా సేకరణ నుంచి ప్రజెంటేషన్ తయారీ వరకు అన్ని పనులను ఒకే చోట పూర్తి చేసే శక్తివంతమైన టూల్‌గా మారింది.

Elon Musk on AI: 2026 చివరి నాటికి మానవుల కంటే స్మార్ట్‌గా AI, భవిష్యత్‌లో మనుషుల కంటే రోబోలే ఎక్కువ : ఎలాన్ మస్క్

Khagesh — Sat, 24 Jan 2026 14:52:40 +0530

Elon Musk on AI: కృత్రిమ మేధస్సు చుట్టూ అనేక ప్రశ్నలు వినిపిస్తూనే ఉన్నాయి. మానవుల కంటే తెలివైనవిగా మారే రోజు ఎప్పుడు వస్తుంది అనే అనుమానం చాలా మందిలో ఉంది. ఇప్పుడు, దీనికి ప్రపంచ ప్రఖ్యాత టెక్ వ్యవస్థాపకుడు ఎలాన్ మస్క్ ఒక ఆశ్చర్యకరమైన సమాధానం చెప్పారు. అది ఎంతో దూరంలో లేదని, కానీ రాబోయే కొద్ది కాలంలోనే అది సాధ్యమవుతుందని ఆయన అన్నారు.

ప్రపంచ ఆర్థిక వేదికపై నుంచి ఎలాన్ మస్క్ హెచ్చరిక

వరల్డ్ ఎకనామిక్ ఫోరం (WEF) వార్షిక సమావేశంలో ఎలాన్ మస్క్ AI భవిష్యత్తు గురించి మాట్లాడారు. చర్చ కోసం ప్రఖ్యాత పెట్టుబడిదారుడు లారీ ఫింక్ కూడా వేదికపై ఉన్నారు. డిస్కషన్ సందర్భంగా, AI, రోబోటిక్స్, ఇతర అధునాతన సాంకేతికతలు అభివృద్ధి చెందుతున్న వేగం మానవ నాగరికత, ఆర్థిక వ్యవస్థ, దైనందిన జీవితాన్ని సమూలంగా మార్చగలదని మస్క్ పేర్కొన్నారు.

ఆయన ప్రకారం, "పదేళ్లలో ప్రపంచం ఎలా ఉంటుందో నాకు తెలియదు, కానీ AI అభివృద్ధి చెందుతున్న వేగాన్ని చూస్తే, 2026 చివరి నాటికి అది మానవుడికన్నా తెలివైనదిగా మారగలదని అనిపిస్తుంది."

మానవులను AI అధిగమిస్తుందా?

ఎలాన్ మస్క్ అక్కడితో ఆగలేదు. ప్రస్తుత వేగం కొనసాగితే, 2030 లేదా 2031 నాటికి, AI అనేది మనుషులనే కాకుండా, మానవాళి సమిష్టి మేధస్సును కూడా అధిగమించగలదని ఆయన అన్నారు. దీని అర్థం యంత్రాలు కలిసి, మానవులను మించి ఆలోచించగల, అర్థం చేసుకోగల, నిర్ణయాలు తీసుకోగల సమయం రావచ్చు. ఇప్పటివరకు AIని కేవలం సహాయక సాధనంగా మాత్రమే చూసిన వారికి ఈ ప్రకటన చాలా ఆశ్చర్యకరంగా ఉంది.

నిజమైన మార్పు AI, రోబోటిక్స్ కలయికతో వస్తుంది

ప్రపంచంలో అతిపెద్ద మార్పు కేవలం AI సాఫ్ట్‌వేర్ నుంచి మాత్రమే కాకుండా, AI, రోబోటిక్స్ కలయికతో వస్తుందని మస్క్ విశ్వసిస్తున్నారు. కృత్రిమ మేధస్సు స్క్రీన్‌లను దాటి భౌతిక యంత్రాలలోకి, అంటే రోబోలలోకి ప్రవేశించినప్పుడు, దాని ప్రభావం మరింత తీవ్రంగా ఉంటుంది.

అధునాతన AIతో కూడిన హ్యూమనాయిడ్ రోబోలు కొత్త ఆర్థిక యుగానికి నాంది పలుకుతాయని, ఇది మునుపటి పారిశ్రామిక విప్లవాలతో పోల్చదగినది కావచ్చు లేదా బహుశా వాటి కంటే పెద్ద మార్పు కూడా కావచ్చునని ఆయన అన్నారు.

హ్యూమనాయిడ్ రోబోల తయారీ

ఎలాన్ మస్క్ ప్రకారం, ఈ భవిష్యత్తు కేవలం ఒక ఫాంటసీ కాదు, దానికి సన్నాహాలు ఇప్పటికే ప్రారంభమయ్యాయి. టెస్లాతో సహా అనేక కంపెనీలు హ్యూమనాయిడ్ రోబో‌లను తీసుకురావడానికి కృషి చేస్తున్నాయని ఆయన వివరించారు.

అన్నీ అనుకున్నట్లు జరిగితే, వచ్చే ఏడాది నాటికి అలాంటి రోబోలు అమ్మకానికి అందుబాటులోకి రావచ్చు. ఈ రోబోలు ఫ్యాక్టరీ పని నుంచి రోజువారీ ఇంటి పనుల వరకు వివిధ రకాల పనులను నిర్వహించగలవు.

మనుషుల కంటే రోబోలే ఎక్కువ అవుతాయి

మస్క్ చేసిన మరో వాదన మరింత ఆశ్చర్యకరమైనది. భవిష్యత్తులో, రోబోలు, AI ఉత్పత్తి చాలా వేగంగా పెరుగుతుందని, అవి మానవ అవసరాలను పూర్తిగా భర్తీ చేస్తాయని ఆయన అంటున్నారు. ప్రపంచంలో మనుషుల కంటే ఎక్కువ రోబోలు ఉండే సమయం కూడా రావచ్చు. ఆయన ప్రకారం, పెద్ద ఎత్తున రోబోల ఉత్పత్తి మానవ సమాజ నిర్మాణాన్ని పూర్తిగా మార్చగలదు.

రోజువారీ జీవితంలోకి రోబోల ప్రవేశం

హ్యూమనాయిడ్ రోబోలు మన దైనందిన జీవితంలో భాగమయ్యే భవిష్యత్తును చూడతున్నామని ఎలాన్ మస్క్ చెబుతున్నారు. ఈ రోబోలు వృద్ధ తల్లిదండ్రులను చూసుకోగలవు, పిల్లలను చూసుకోగలవు, సాధారణ ఇంటి పనులకు సహాయం చేయగలవు. కాలక్రమేణా, వాటి సంఖ్య, సామర్థ్యాలు మానవుల డిమాండ్లకు మించి సేవలను అందించగల స్థాయికి పెరుగుతాయి.

AI vs Real Video: ఏ వీడియో AIతో క్రియేట్ చేశారా? నిజమైనదేనా అని ఎలా గుర్తించాలి?

Khagesh — Mon, 19 Jan 2026 17:33:05 +0530

How to Identify a Video is AI Generated or Real : నేటి డిజిటల్ యుగంలో సోషల్ మీడియా మన దైనందిన జీవితంలో ఒక ముఖ్యమైన భాగంగా మారింది. Facebook, Instagram, X, YouTube వంటి ప్లాట్‌ఫారమ్‌లలో ప్రతిరోజూ లక్షల వీడియోలు, ఫోటోలు వైరల్ అవుతున్నాయి. కొన్నిసార్లు, ఒక నాయకుడి ఆశ్చర్యకరమైన ప్రకటన కనిపిస్తుంది, మరికొన్నిసార్లు ఒక సెలబ్రిటీ వీడియో వస్తుంది. ఇందులో కొన్ని రియల్‌గా ఉంటే మరికొన్ని ఫేక్‌వి యి ఉంటాయి. ఇలాంటి పరిస్థితుల్లో చాలా వీడియోలు ఫేక్ అయినా వాటిని నిజమైనవిగా అనిపించవచ్చు. ఇది గందరగోళానికి దారి తీస్తుంది. ప్రజలు ఆలోచించకుండా వాటిని నిజమని నమ్ముతారు.

వాస్తవానికి, AI మారుతున్న కాలంలో వీడియోలను తయారు చేయడం చాలా సులభమైంది. ఇప్పుడు, కొన్ని సెకన్లలో ఎవరి రూపాన్ని, స్వరాన్ని, హావభావాలను కాపీ చేయడం ద్వారా నకిలీ వీడియోలను తయారు చేయవచ్చు. అందుకే నిజమైన, నకిలీ వీడియోల మధ్య వ్యత్యాసాన్ని గుర్తించడం సాధారణ ప్రజలకు కష్టంగా మారింది. అయితే, మీరు కొంచెం శ్రద్ధ పెడితే, కొన్ని సంకేతాల ద్వారా వీడియో AI ద్వారా క్రియేట్ చేసిందా లేదా అనేది సులభంగా గుర్తించవచ్చు. కాబట్టి, AI ద్వారా ఏ వీడియో తయారైందో ఏది కాదో ఎలా గుర్తించవచ్చో ఇప్పుడు చూద్దాం.

ముఖ కవళికలపై కన్నేయండి!

AI ఎంత అప్‌డేట్ అవుతున్నా, ముఖ కవళికలలో తరచుగా లోపాలు కనిపిస్తూనే ఉంటాయి. డీప్‌ఫేక్ వీడియోలలో, చిరునవ్వులు కొన్నిసార్లు నిజమైనవిగా అనిపించవు, పెదవుల కదలికలు అంతగా మ్యాచ్ కావు. కనుబొమ్మలు, బుగ్గలు విచిత్రంగా కదులుతున్నట్లు కనిపిస్తాయి. దీనితో పాటు, నిజమైన వ్యక్తి ముఖ కదలికలు సహజంగా ఉంటాయి, అయితే నకిలీ వీడియోలలో కొంచెం లోపం కనిపిస్తుంది.

లైట్, షాడోలను చెక్ చేయండి

నిజమైన వీడియోలో ముఖం, దుస్తులు, బ్యాక్ గ్రౌండ్‌ లైట్‌ సహజంగా ఉంటుంది. AI వీడియోలో, ఫేస్‌ లైట్‌ మిగిలిన ఫ్రేమ్‌కు భిన్నంగా ఉంటుంది. కొన్నిసార్లు నీడ కూడా వేరే దిశలో ఉంటుంది. అయితే కాంతి మరొక దిశ నుంచి కనిపిస్తుంది. వేర్వేరు షాట్‌లలో ముఖం కాంతిలో మార్పు స్పష్టంగా గమనించవచ్చు.

వీడియోను పాజ్ చేసి ఫ్రేమ్ బై ఫ్రేమ్ చెక్ చేయండి

ఏదైనా వీడియోపై అనుమానం ఉంటే, దాన్ని పాజ్ చేసి జాగ్రత్తగా గమనించండి. AI ద్వారా సిద్ధమైన వీడియోలలో, ముఖం అంచులు కొన్నిసార్లు అస్పష్టంగా కనిపిస్తాయి. జుట్టు విచిత్రంగా ఉంటుంది. బ్యాంక్‌ గ్రౌండ్‌తో కలిసిపోతుంది లేదా గ్లిచ్ కనిపిస్తుంది. కొన్నిసార్లు కళ్ళు లేదా దంతాల ఆకారంలో మార్పులు కూడా కనిపిస్తాయి. ఫ్రేమ్‌లోని విషయాలు ఒకేలా లేకపోతే, వీడియో నకిలీ కావచ్చు.

వాయిస్‌, టోన్ ద్వారా కూడా వ్యత్యాసాన్ని చెక్ చేయవచ్చు

డీప్‌ఫేక్ వీడియోలో, వాయిస్ తరచుగా అవసరమైన దానికంటే ఎక్కువ స్పష్టంగా లేదా మెషిన్ లాగా అనిపిస్తుంది. కొన్నిసార్లు స్వరంలో భావోద్వేగాల లోపం ఉంటుంది. టోన్ మొత్తం వీడియోలో ఒకే విధంగా ఉంటుంది. నిజమైన వ్యక్తి స్వరంలో హెచ్చు తగ్గులు, భావోద్వేగాలు ఉంటాయి, అయితే AI రూపొందించిన ఆడియోలో ఈ లోపం స్పష్టంగా అనిపిస్తుంది.

రివర్స్ సెర్చ్, ఫ్యాక్ట్ చెక్ టూల్స్ సహాయం తీసుకోండి

ఒక వీడియో వేగంగా వైరల్ అవుతుంటే, దాని వెనుక ఉన్న వాస్తవాన్ని తనిఖీ చేయడానికి Google లెన్స్ లేదా Google రివర్స్ ఇమేజ్ సెర్చ్ ఉపయోగించవచ్చు. వీడియో స్క్రీన్‌షాట్‌ను అప్‌లోడ్ చేయడం ద్వారా కూడా మీరు దాని సోర్స్‌ను గుర్తించవచ్చు. దీనితో పాటు, InVID వంటి సాధనాలు వైరల్ వీడియోల ప్యాక్ట్ చెక్ చేయడంలో సహాయపడతాయి.

AI డిటెక్షన్ టూల్స్ సహాయం కూడా తీసుకోవచ్చు

నేడు, ఫోటోలు, వీడియోలు, ఆడియో, టెక్స్ట్ స్కానింగ్ చేసి, అది AI ద్వారా రూపొందించిందా లేదా అని చెప్పే అనేక వెబ్‌సైట్‌లు, సాధనాలు ఉన్నాయి. AI or Not, GPT Zero, Zero GPT, QuillBot Detector, ThecHive AI Detector వంటి సాధనాలు ఇందులో చాలా ఉపయోగకరంగా ఉంటాయి.

Gemini and ChatGPT Pro Plans Free: ఫ్రీగా జెమిని, చాట్‌జిపిటి ప్రోవెర్షన్! ఈ పని చేస్తే వేల రూపాయల ప్లాన్‌లు ఉచితంగా వాడుకోవచ్చు!

Khagesh — Thu, 1 Jan 2026 19:01:13 +0530

Gemini and ChatGPT Pro Plans Free: ఈ రోజుల్లో మీరు AI టూల్స్ వాడకపోతే ప్రపంచంలో వెనుకబడిపోతారు. ఈ రోజుల్లో ఒకదానికొకటి మించిన AI టూల్స్ అందుబాటులో ఉన్నాయి. ముఖ్యంగా భారతదేశంలో AI కంపెనీలు తమ ఖరీదైన ప్లాన్‌లను కూడా ఉచితంగా అందిస్తున్నాయి. కాబట్టి మీరు కొత్త సంవత్సరం నుంచి AIని ఉపయోగించాలనుకుంటే, Google, OpenAI, Perplexity AI వేల రూపాయల సబ్‌స్క్రిప్షన్ ఫీజుతో కూడిన ప్లాన్‌లను ఉచితంగా ఎలా పొందవచ్చో మేము మీకు చెప్పబోతున్నాము.

ఈ కంపెనీల ప్లాన్‌లు ఉచితంగా లభిస్తున్నాయి

Google Gemini AI Pro Plan- Google భారతదేశంలో Jio వినియోగదారులకు తన Gemini AI Pro ప్లాన్‌ను ఉచితంగా అందిస్తోంది. Jio వినియోగదారులు 18 నెలల వరకు ఎటువంటి డబ్బు చెల్లించకుండా ఈ ప్లాన్‌లో లభించే Veo, Nano Banana Pro, Gemini మోడల్‌లను ఉపయోగించవచ్చు. దీని కోసం, Jio వినియోగదారులు కంపెనీ ఏదైనా ప్లాన్‌తో రీఛార్జ్ చేసుకోవాలి, దీనిలో అపరిమిత 5G డేటా అందుతుంది. అలా చేస్తే మీకు Gemini AI ప్లాన్ ఉచితంగా లభిస్తుంది.

ChatGPT Go- OpenAI కూడా గత సంవత్సరం నవంబర్‌లో తన ChatGPT Go ప్లాన్‌ను ఉచితం చేస్తున్నట్లు ప్రకటించింది. నెలకు 399 రూపాయలు ఉండే ఈ ప్లాన్‌ను ఏ వినియోగదారు అయినా ఉచితంగా పొందవచ్చు. దీనిని ChatGPTలో సబ్‌స్క్రైబ్ చేసుకోవచ్చు, సంవత్సరం పాటు దీనికి ఎటువంటి డబ్బు చెల్లించాల్సిన అవసరం లేదు. ఇందులో వినియోగదారులకు ఎక్కువ ఇమేజ్ జనరేషన్, లాంగ్ మెమరీ వంటి అనేక ఫీచర్లు లభిస్తాయి.

Perplexity AI- Google Jio వినియోగదారులకు తన AI ప్లాన్‌ను ఉచితంగా అందిస్తుండగా, Perplexity Airtelతో భాగస్వామ్యం కుదుర్చుకుంది. మీరు Airtel వినియోగదారు అయితే, ఎటువంటి షరతులు లేకుండా ఒక సంవత్సరం పాటు Perplexity AI ప్రో ప్లాన్‌ను ఉచితంగా పొందవచ్చు. దీంతో పాటు, Perplexity AI బ్రౌజర్ Cometకు కూడా యాక్సెస్ ఇస్తారు.

Year Ender 2025: పోస్టు కార్డు నుంచి టీవీ వరకు - డిజిటల్‌ విప్లవంతో జ్ఞాపకాల పెట్టేలో చేరిన వస్తువులు ఇవే!

Khagesh — Wed, 31 Dec 2025 18:35:20 +0530

Technology Transformation India: కాలం ఎవరి కోసం ఆగదు. కానీ కాలంతోపాటు మనం వాడే వస్తువులు మన అలవాట్లు ఎంతో వేగంగా మారిపోతుంటాయి. ఒక్కసారి వెనక్కి చూసుకుంటే మాత్రం ఆశ్చర్య కలగక మానదు. 2000 సంవత్సరానికి స్వాగతం పలుకుతూ స్నేహితులకు గ్రీటింగ్ కార్డు పంపిన వాళ్లు కోట్లలో ఉండి ఉంటారు. కానీ నేడు బొటను వేలి క్లిక్‌తో సమాచారాన్ని క్షణాల్లో పంపిస్తున్నారు. పోస్టు బాక్స్ దగ్గర నిలబడి ఉత్తరం కోసం ఎదురు చూసిన రోజులు, ఇన్‌లాండ్ లెటర్‌లో నాలుగు ముక్కు రాసిన క్షేమ సమాచారాలు పంచుకున్న క్షణాలు ఇప్పుడు కేవలం జ్ఞాపకాలుగానే మిగిలిపోయాయి. సరిగ్గా పాతికేళ్ల క్రితం అంటే 2000 మనం ఉన్న ప్రపంచానికి, నేటి 2025 ప్రపంచానికి మధ్య మహా సముద్రమంత వ్యత్యాసం ఉంది.

డిజిటల్‌ మీడియాలో గత రెండు దశాబ్దాలుగా మారుతున్న టెక్నాలజీని, సామాజిక పరిణామాలను నిశితంగా గమిస్తే.. పాతికేళ్ల ప్రయాణంలో మనం కోల్పోయిన వస్తువు వెనుక భావోద్వేగాలను పొందిన సౌకర్యాలను విశ్లేషించాల్సిన సమయం ఇది. ఈ మార్పులు కేవలం సాంకేతికమైనవి మాత్రమే కావు. ఇవి సామాజిక మూలాలను కూడా మార్చేశాయి.

Also Read: పాతికేళ్లలో భారత క్రికెట్ ప్రభంజనం; ఫిక్సింగ్ తుపాను నుంచి ప్రపంచ ఆధిపత్యం దిశగా సాగిన ప్రస్థానం!

జ్ఞాపకాల పెట్టే: 2000 కి ముందు మన జీవనశైలి

2000 సంవత్సరానికి ముందు భారత దేశంలో సమాచార మార్పిడి అనేది అత్యంత నెమ్మదిగా, కానీ ఎంతో ఆత్మీయంగా సాగేది. అప్పట్లో ప్రతి వీధిలో ఒక ఎర్రటి పోస్టు బాక్స్‌ దర్శనమిచ్చేది. ఇంటికి టెలిఫోన్ ఉండటం ఒక లగ్జరీగా పరిగణించేవాళ్లు. వార్తల కోసం ఉదయం పేపర్‌ కోసం, వినోదం కోసం రేడియో లేదా బ్లాక్ అండ్‌ వైట్ టీవీల కోసం ఎదురు చూడటం ఒక దినచర్య. ఆ రోజుల్లో ఒక ఉత్తరం ముక్క కనిపిస్తే ఇంట్లో పండగ వాతావరణం నెలకొనేది. కానీ వైటూకే భయాల మధ్య మొదలైన 21వ శతాబ్ధం పాతికేళ్లలో మన ఇళ్లను, మన అలవాట్లను పూర్తిగా మారుస్తుందని ఎవరూ ఊహించలేదు.

Also Read: భారతదేశం 25 ఏళ్ల ప్రయాణం: సంక్షోభాల నుంచి AI వృద్ధి వరకు.. యువ భారత్ భవిష్యత్తు ఎలా ఉండబోతుంది?

దశాబ్దాల వారీగా మాయమైన వస్తువులు

2000-2003: పోస్టల్ యుగానికి చరమగీతం

ఈ మూడేళ్ల కాలంలో మొబైల్‌ ఫోన్‌లు నెమ్మదిగా సామాన్యుల జీవితాల్లోకి ప్రవేశించడం మొదలైంది. అప్పటి వరకు లేఖలే ప్రధాన సమాచార సాధనంగా ఉండేవి. అయితే ఎస్‌ఎంఎస్‌ సేవలు అందుబాటులోకి రావడంతో పోస్టు కార్డులు, ఇన్‌లాండ్ లెటర్లు వాడకం తగ్గడం ప్రారంభమైంది. ఉత్తరం రాసే ఓపిక లేని వారు గుడ్ మార్నింగ్ అని ఒక మెసేజ్‌ పంపడం అలవాటు చేసుకున్నారు. దీంతో పోస్టు బాక్స్ వద్ద సందడి తగ్గింది.

2004-2006: డైరీలు, అడ్రెస్‌ బుక్స్ మాయం:

మొబైల్ ఫోన్ల మెమొరీ పెరగడంతో మనకు అత్యంత అవసరమైన అడ్రెస్‌ బుక్స్‌, పర్సనల్‌ డైరీలు అటకెక్కి కాలమిది. ఒకప్పుడు ల్యాండ్‌లైన్ పక్కన తప్పనిసరిగా ఉండే టెలిఫోన్ డైరీల స్థానాన్ని మొబైల్‌ కాంటాక్ట్స్‌ ఆక్రమించాయి. చిరునామాలు, ఫోన్ నంబర్లు గుర్తు పెట్టుకునే అవసరం లేకుండా పోయింది.

Also Read: ఎస్టీడీ బూత్‌లో నిరీక్షణ నుంచి 5G వరకు; 25 ఏళ్ల భారత టెలికాం రంగంలో అద్భుతాలు ఇవే!

2007-2009 పేజర్‌, కాయిన్ బూత్‌లు మాయం:

ఒకప్పుడు స్టేటస్ సింబల్‌గా ఉండే పేజర్లు, మొబైల్ కాల్స్‌ చౌకగా మారడంతో పూర్తిగా కనుమరుగయ్యాయి. అదే సమయంలో ప్రతి కూడలిలో కనిపించే ఎల్లో కలర్‌ పీసీవో కాయిన్ బూత్‌లు మూతపడ్డాయి. ఒక రూపాయి నాణెం వేసి ప్రియమైన వారితో మాట్లాడే ఆ సంస్కృతి మొబైల్ విప్లవం ముగింపు పలికింది.

2010-2015 సీడీలు, డీవీడీలు, కాగితపు టికెట్లు మాయం

ఇంటర్నెట్‌ వేగం పెరగడం, బ్రాడ్ బ్యాండ్ రాకో ఎంటర్‌టైన్‌మెంట్ రంగం పూర్తిగా మారిపోయింది. ఫ్యాక్స్‌ మెషిన్ల స్థానంలో ఈ మెయిళ్లు వచ్చాయి. ఒకప్పుడు అలమారలో జాగ్రత్తగా దాచుకునే సీడీలు, డీవీడీలు కలెక్షన్లు అవసరం లేకుండా పోయింది. ఎందుకంటే ఆన్‌లైన్‌ స్ట్రీమింగ్ ప్లాట్‌ఫామ‌లు అందుబాటులోకి వచ్చాయి. ప్రయాణాల విషయానికి వస్తే రైల్వే లేదా బస్‌ టికెట్ల కోసం క్యూలో నిలబడటం తగ్గిపోయింది. ఈ టికెట్లు మొబైల్‌లోకి వచ్చేశాయి.

2016-2025 నగదు రహితం డిజిట్ గ్యాలరీలు

యూపీఐ, డిజిటల్ చెల్లింపులు విప్లవం తర్వాత మన జేబుల్లో ఉండే పెద్ద పెద్ద వాలెట్లు మాయమైపోయాయి. పర్సుల్లో నోట్లు పెట్టుకునే అలవాటు తగ్గిపోయింది. చిల్లర సమస్య కూడా తీరిపోయింది. అలాగే ఇంట్లోని ఫొటో ఆల్బమ్‌ల స్థానాన్ని ఫోన్ గ్యాలరీలు, క్లౌడ్ స్టోరేజ్‌లు ఆక్రమించాయి. ప్రస్తుతం మనం 2025లో ఉన్నాం. ఇప్పుడు చేతి రాత నోట్లు, మాన్యువల్‌ అలారమ్‌ గడియారాలు, గోడ క్యాలెండర్లు కూడా అరుదైనవిగా మారిపోతున్నాయి.

ఈ పాతికేళ్ల మార్పులు మన జీవితాలను ఎంత సులభతరం చేశాయి. అనడంలో సందేహం లేదు. సమాచార మార్పిడి వేగవంతమైంది. సమయం ఆదా అయ్యింది. కానీ ఈ ప్రయాణంలో మనం కొన్ని విలువైన భావోద్వేగాలను కోల్పోయాం.

అమ్మ చేతిరాత: ఒకప్పుడు ఉత్తరంలో అమ్మ రాసిన అక్షరాలు చూస్తే కలిగే ఆనందం, ఇప్పుడు వాట్సాప్‌లో వచ్చే ఎమోజీలలో కనిపించడం లేదు.

ఎదురు చూపులు: పోస్ట్‌ మ్యాన్‌ కోసం ఎదురు చూసే ఆ ఆత్రుత ఇప్పుడు ఇన్‌స్టెంట్‌ మెసేజ్‌ల యుగంలో మాయమైపోయింది.

సామాజిక అనుబంధం: ఒకప్పుడు కాయిన్ బూత్ దగ్గర్లో లేదా పోస్టు బాక్స్‌ దగ్గరో పలకరించుకునే మనుషులు ఇప్పుడు స్మార్ట్‌ ఫోన్ స్క్రీన్‌లకే పరిమితమవుతున్నారు.

పాతికేళ్లలో వచ్చిన మార్పులు సహజమైన పరిణామ క్రమమే. టెక్నాలజీ అభివృద్ధి చెందుతున్నప్పుడు పాత సాధనాలు కనుమరుగవ్వడం ఒక నిరంతర ప్రక్రియ. ఉదాహరణకు ఫ్లాపీ డిస్కుల స్థానంలో యూఎస్‌బీ డ్రైవ్‌లు, ఆపై క్లౌడ్‌ స్టోరేజ్‌ రావడం వల్ల డేటా భద్రత పెరిగింది. సీఆర్టీ టీవీల స్థానంలో వచ్చిన ఎల్‌ఈడీ టీవీలు విద్యుత్‌ ఆదా చేయడమే కాకుండా కంటికి తక్కువ హాని కలిగిస్తున్నాయి.

గత 25 ఏళ్లలో మనం కోల్పోయిన వస్తువులు కేవలం సామగ్రి మాత్రమే కాదు, అవి ఒక తరం జీవ విధానానికి ప్రతీకలు, 2000లో ఒక జీవితం ముగిస్తే, 2025 నాటికి మరో సరికొత్త డిజిటల్ జీవితం ప్రారంభమైంది. టెక్నాలజీ వేగంతో మనం ముందుకు సాగడం అవసరమే. కానీ ఆపాత వస్తువులతో కూడిన తీపి జ్ఞాపకాలు మాత్రం కాలాన్ని దాటి మనం మనస్సుల్లో నిలిచిపోతాయి.

ChatGPT vs Human Brain : ప్రతి పనికి AI, ChatGPT ఉపయోగించే అలవాటు మానుకోండి.. లేదంటే మీ బ్రైయిన్ హాంఫట్

Geddam Vijaya Madhuri — Thu, 25 Dec 2025 19:09:38 +0530

AI Tools and the Human Brain : నేటి యువత AI (ఆర్టిఫిషియల్ ఇంటెలిజెన్స్)పై ఎక్కువగా ఆధారపడుతుంది. ఆఫీస్ వర్క్స్ నుంచి.. ఆరోగ్య సమస్యల వరకు, ఎమోషనల్ సపోర్ట్ కోసం కూడా చాలామంది AIని ఆశ్రయిస్తున్నారు. అలాగే AI అనేది మనల్ని మనం అప్డేట్ చేసుకోవాల్సిన ఒక సాధారణ ప్రక్రియగా మారిపోయింది. దీంతో ప్రతి చిన్న విషయాన్ని కూడా దానితో చర్చించే అలవాటు చాలామందిలో పెరిగిపోయింది.

ఒక సర్వే ప్రకారం చాలామంది తమ ఒంటరితనాన్ని అధిగమించడానికి కూడా AIని ఉపయోగిస్తున్నారట. పరీక్షల సమయంలో, చిన్న చిన్న వ్యాధులకు చికిత్స కోసం, ఆఫీసు పని కోసం ఇలా ప్రతిదానికీ ప్రజలు AIని ఉపయోగిస్తున్నారు. అయితే కొన్ని పనులకు AI చాలా ఉపయోగకరంగా ఉన్నప్పటికీ.. అలా చేయడం వల్ల కూడా ప్రమాదం ఉందని చెప్తున్నారు శాస్త్రవేత్తలు. దీనికి అనేక కారణాలను అందిస్తున్నారు.

స్టడీలో భాగంగా ఏమి చేశారంటే..

AI సాధనాలను ఉపయోగించే వ్యక్తుల మెదడుపై ఆలోచనా శక్తి, పని శక్తి ఎక్కువగా ప్రభావితమవుతుందని అనేక పరిశోధనల ద్వారా శాస్త్రవేత్తలు నిరూపించారు. ఒక అధ్యయనంలో 54 మంది స్వచ్ఛంద సేవకుల బృందంపై స్టడీ చేశారు. వీరిలో ఎక్కువ మంది 18 నుంచి 19 సంవత్సరాల మధ్య వయస్సు గల వారికి ఒక వ్యాసం రాసే పనిని అప్పగించారు. ఈ 54 మందిని మూడు గ్రూపులుగా విభజించారు. వారిలో ఒక గ్రూపును Chatgptని ఉపయోగించమని, రెండవ గ్రూపును Google AIని ఉపయోగించమని, మూడవ గ్రూపును స్వయంగా వ్యాసం రాయమని టాస్క్ ఇచ్చారు. ఈ సమయంలో శాస్త్రవేత్తలు EEG హెడ్‌సెట్‌ని ఉపయోగించి వారి మెదడు కార్యకలాపాలను ట్రాక్ చేశారు.

అధ్యయనంలో షాకింగ్ విషయాలు

అయితే ఆ సమయంలో శాస్త్రవేత్తలు ఆశ్చర్యకరమైన ఫలితాలు కనుగొన్నారు. ఉపాధ్యాయులు తమ వ్యాసాలను రాస్తున్నప్పుడు.. వారి చేతిరాతలో లోతు, భావోద్వేగం లేదని కనుగొన్నారు. ఇంకా ChatGPTని ఉపయోగించిన వారిలో మెదడు కార్యకలాపాలు తక్కువగా ఉన్నట్లు కనుగొన్నారు. Googleని ఉపయోగించి రాసిన వారి మెదడు కార్యకలాపాలు అలా చేయని వారి కంటే ఎక్కువగా కనిపించాయట. మిగిలిన వారు తమ వ్యాసాలలో పెద్ద డెప్త్ లేదని గమనించారు. మరోవైపు తమ సొంత మనస్సు నుంచి వ్యాసాలు రాసిన వారు తమ వ్యాసాలతో ఎక్కువగా అనుసంధానమైనట్లు భావించారు. ఇంకా వాటిని రాసిన వారిలో మానసిక కార్యకలాపాలు అత్యధికంగా, ఉత్తమంగా ఉన్నట్లు గుర్తించారు.

AI సాధనాలపై తక్కువ ఆధారపడితే మంచిదట

పరిశోధన ప్రకారం.. ఈ AI సాధనాలపై ఎక్కువగా ఆధారపడిన వ్యక్తుల మెదడుల్లో చురుకుదనం చాలా తక్కువగా ఉన్నట్లు గుర్తించారు. అలాగే వారి జ్ఞాపకశక్తి కూడా గణనీయంగా క్షీణించిందట. మెదడు పెరిగే ప్రారంభ సంవత్సరాల్లో ఈ సాధనాలను ఉపయోగించే వ్యక్తులపై గణనీయమైన నెగిటివ్ ఇంపాక్ట్ ఉంటుందని చెప్తున్నారు. అందువల్ల AI సాధనాలను పరిమితంగా ఉపయోగించాలని అంటున్నారు. లేకుంటే మెదడు పూర్తిగా దాని సామర్థ్యాన్ని కోల్పోతుందని హెచ్చరిస్తున్నారు.

గమనిక: ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.

Google Year in Search 2025: గూగుల్‌లో అత్యధికంగా సెర్చ్ చేసిన AI టూల్‌గా జెమిని, వెనుకబడ్డ గ్రోక్, ChatGPT

Khagesh — Fri, 5 Dec 2025 21:34:30 +0530

Google Year in Search 2025: Google ఏటా ఒక రిపోర్టును విడుదల చేస్తుంది. అందులో జనాలు ఎక్కువగా ఏం సెర్చ్ చేసారో చెప్తుంది. ఈ ఏడాది కూడా అలాంటి రిపోర్టును విడుదల చేసింది. ఇందులో నెటిజన్‌లను AI చాట్‌బాట్‌ల కోసం ఎక్కువ సెర్చ్ చేశారు. ఈ ఏడాదిలో భారత్‌లో ఎక్కువమంది జెమిని ఏఐ టూల్ కోసం ఎక్కువ సెర్చ్ చేసినట్టు గూగుల్‌ రిపోర్టు చెబుతోంది. ChatGPTని కూడా వెనక్కు నెట్టేసింది. ఈ రిపోర్ట్ చూస్తే భారత్‌లో ఎక్కువ క్రియేట్‌ ప్రొడెక్ట్‌ విషయాలపై దృష్టి పెడుతున్నారని అర్థమవుతోంది.

AI టూల్స్ ప్రభావం

గూగుల్ ఇయర్లీ సెర్చ్ రిపోర్టు ప్రకారం, IPL తర్వాత ఈ సంవత్సరంలో అత్యంత ట్రెండింగ్‌లో ఉన్న రెండో సెర్చ్‌ టాపిక్ గూగుల్ జెమిని. AI కేటగిరీలో, జెమిని తర్వాత జెమిని AI ఫోటో రెండో స్థానంలో, ఎలాన్ మస్క్ కంపెనీ xAI చాట్‌బాట్ మూడో స్థానంలో, చైనీస్ చాట్‌బాట్ డీప్‌సీక్ నాల్గో స్థానంలో, పెర్ప్లెక్సిటీ ఐదో స్థానంలో నిలిచాయి. ఇతర ట్రెండింగ్ శోధనల విషయానికొస్తే, గూగుల్ AI స్టూడియో ఆరో స్థానంలో, చాట్‌జిపిటి ఏడో స్థానంలో, చాట్‌జిపిటి గిబ్లి ఆర్ట్ ఎనిమిదో స్థానంలో, ఫ్లో తొమ్మిదో స్థానంలో, గిబ్లి-శైలి ఇమేజ్ జనరేటర్ 10వ స్థానంలో నిలిచాయి. సందర్భం వారీగా, ప్రజలు హాస్యభరితమైన చాటింగ్ కోసం గ్రోక్‌ను, సెర్చ్‌ స్టైల్ రెస్పాన్స్‌ల కోసం పెర్ప్లెక్సిటీని, ఇమేజ్ జనరేషన్ కోసం డీప్‌సీక్‌ను ఉపయోగించారు.

AIపై ఆసక్తి

ఈ సంవత్సరం భారతీయ వినియోగదారులు AI హెల్పర్లను, ఎడిటర్, ఇమేజ్ జనరేటర్ల పూర్తి ఎకో సిస్టమ్‌ను ఉపయోగించుకున్నారని నివేదిక పేర్కొంది. ఈ సంవత్సరం AI అందరికీ అండగా మారిందని నివేదిక పేర్కొంది. ప్రజలు లెర్న్‌, క్రియేట్‌, వర్క్‌ కోసం AIని విస్తృతంగా ఉపయోగించారు. ఉత్పాదకతతోపాటు కళాత్మక కార్యకలాపాల కోసం కూడా ప్రజలు AI టూల్‌ను ఉపయోగించారు. జెమిని నానో బనానా మోడల్‌ను ఉపయోగించి, ప్రజలు ఈ సంవత్సరం సోషల్ మీడియాలో వివిధ స్టైల్‌లో తమ ఫోటోలను సృష్టించి, పంచుకున్నారు.

2025 సంవత్సరం గూగుల్ కు చాలా ముఖ్యమైనది, ఎందుకంటే ఈ సంవత్సరం ప్రజలు శోధించిన విధానం గతంలో ఎన్నడూ లేని విధంగా ఉంది. AI సెర్చ్‌ ఎక్స్‌పీరియన్స్‌ను పూర్తిగా మార్చివేసిందని, ప్రజలు గతంలో కంటే మరింత వినూత్న మార్గాల్లో ప్రశ్నలు అడుగుతున్నారని గూగుల్ చెబుతోంది. కంపెనీ ప్రకారం, ప్రతిరోజూ గూగుల్‌లో దాదాపు 15% సెర్చ్‌లు పూర్తిగా కొత్తవి, అంటే వాటి కోసం ఇంతకు ముందు ఎప్పుడూ సెర్చ్ చేయలేదని చెబుతోంది.

ప్రపంచవ్యాప్తంగా వీడియో సెర్చ్‌ గత సంవత్సరంతో పోలిస్తే 70% పెరిగింది. ఈ మార్పుకు భారతదేశంలో ఎక్కువగా కనిపిస్తోంది. ప్రపంచంలోనే భారతీయులు గూగుల్ లెన్స్‌ను ఎక్కువగా ఉపయోగిస్తున్నారు. వినియోగదారులు ఇప్పుడు ఏదైనా అర్థం చేసుకోవడానికి, గుర్తించడానికి లేదా తెలుసుకోవడానికి చిత్రాలను మాత్రమే ఎక్కువగా ఉపయోగిస్తున్నారు.

AI మోడ్, సెర్చ్ లైవ్, న్యూ అప్‌డేట్‌ సెర్చ్‌ను సులభతరం చేయడానికి, గూగుల్ 2025లో అనేక ముఖ్యమైన అప్‌డేట్‌లను విడుదల చేసింది. కంపెనీ ప్రకారం, జెమిని 3ని సెర్చ్‌కు యాడ్ చేసింది. దీనిలో సంక్లిష్టమైన ప్రశ్నలకు అధునాతన లాజిక్‌ ఉపయోగించే కొత్త AI మోడ్ ఉంది.

నానో బనానా ప్రో (జెమిని 3 ప్రో ఇమేజ్) ఫీచర్‌తో, వినియోగదారులు ఏదైనా ఆలోచనను చిత్రంగా మార్చవచ్చు, అది డిజైన్, ఇన్ఫోగ్రాఫిక్ లేదా ప్రోటోటైప్ అయినా అందిస్తుంది. వర్చువల్ అప్పారెల్ ట్రై ఆన్ ఫీచర్ భారతదేశంలో ప్రారంభించింది. ఇది వివిధ వెబ్‌సైట్‌లలో ఉన్న మిలియన్ల కొద్దీ దుస్తులను వర్చువల్‌గా ప్రయత్నించడానికి మిమ్మల్ని అనుమతిస్తుంది.

2025లో భారతదేశం దేని గురించి ఎక్కువగా సెర్చ్ చేశారు?

ఈ సంవత్సరం భారతదేశంలో సెర్చ్ ట్రెండ్‌ చాలా వైవిధ్యంగా ఉంది. క్రీడల్లో IPL, మహిళా క్రికెట్ రెండూ ప్రజాదరణలో ఉన్నాయి. అంతేకాకుండా, AI ప్రపంచంలో విపరీతమైన ఆసక్తి ఉంది, గూగుల్ జెమిని ఈ సంవత్సరంలో రెండో అత్యంత వేగవంతమైన ట్రెండింగ్ శోధనగా నిలిచింది.