ప్రపంచం కీలకమైన మలుపులో ఉంది. భవిష్యత్లో ఆర్టిఫిషియల్ ఇంటెలిజెన్స్కు ముందు తరం, తర్వాత తరం అని చెప్పుకోవాల్సి వస్తుంది. దీనికి క్రీడారంగం మినహాయింపు కాదు. ఈ ఏఐ టెక్నాలజీ ప్రత్యేక అవసరాలు కలిగిన క్రీడాకారుల్లో కొత్త ఆశలు కలిగిస్తోంది. మైదానంలో అథ్లెట్లకు నేరుగా గైడ్ చేసి వారి విజయానికి తోడ్పాటును అందిస్తోంది. ఈ ఏఐ సహాయంతో అంధ అథ్లెట్లు మారథాన్ పూర్తి చేశారంటే టెక్నాలజీ ఏ స్థాయిలో డెవలప్ అవుతుందో అర్థం చేసుకోవచ్చు.
ఏఐ అద్దాలతో అంధ అథ్లెట్లు మారథాన్తో ప్రపంచ రికార్డు
ఇటీవల బ్రైటనలో మారథాన్ జరిగింది. అందులో క్లార్క్ రేనాల్డ్స్ అనే అథ్లెట్ పాల్గొన్నారు. ఆయనకు ఐదు శాతం మాత్రమే కనిపిస్తుంది. అయినా సరే ఆ ఈవెంట్లో పాల్గొని 26.2 కిలోమీటర్ల పరుగు పందాన్ని పూర్తి చేసి అందర్నీ ఆశ్చర్యపరిచాడు. దీనికి ఆయన మెటా ఏఐ స్మార్ గ్లాసెస్ సహాయం తీసుకున్నాడు. దీనికి తోడు Be My Eyes అనేయాప్ సహకరించింది. మొత్తానికి టెక్నాలజీ సహాయంతో అతను సాధించిన రికార్డు మాత్రం ఎప్పటికీ గుర్తుండిపోతుంది.
ఎలా సాధ్యమైంది?
క్లార్క్ ధరించిన రేబాన్ మెటా స్మార్ట్ గ్లాసెస్ నేరుగా యాప్తో కనెక్ట్ అయ్యి ఉంటుంది. వీటి సహాయంతో ప్రపంచవ్యాప్తంగా ఏర్పాటు చేసిన వాలంటీర్లు ఈ అద్దాల సహాయంతో కెమెరా ద్వారా క్లార్క్ ముందు ఉన్న మార్గాన్ని చూస్తూ గైడ్ చేశారు. దీని వల్ల ఫిజికల్గా గైడ్ అవసరం లేకుండానే ఏఐ, వాలంటీర్ల సమన్వయంతో ఆయన పరుగును కంప్లీట్ చేశాడు.
న్యూయార్క్ హాఫ్ మారథాన్ో థామస్ పానెక్ అనే రన్నర్ కూడా మెటా ఏఐ అద్దాల సహాయంతో పరుగును పూర్తి చేసి మరో మైలురాయిని అధిగమించారు. ఆయన కోచ్ కొలరాడోలోని తన నివాసం నుంచే ఈ అద్దాల ద్వారా రేసును వీ౭ిస్తూ పానెక్ను గైడ్ చేశారు.
ఎలైట్ స్పోర్ట్స్లో ఏఐ వ్యూహాలు
కేవలం అంధ అథ్లెట్లకే కాకుండా ఫుట్బాలు, క్రికెట్ వంటి ప్రధాన క్రీడల్లో కూడా ఏఐ కీలక పాత్ర పోషిస్తోంది. గూగుల్ డీప్మైండ్ సహకారంతో లీవర్పూల్ ఎఫ్సీ టాక్టిక్ ఏఐ అనే వ్యవస్థను అభివృద్ధి చేశారు. ఇది 7వేల కంటే ఎక్కువ కార్నర్ కిక్లను విశ్లేషించి ఆటగాళ్ల స్థానాలను ఎలా సర్దుబాటు చేయాలో కోచ్లకు సూచిస్తుంది. వేరబుల్ సెన్సార్లు, జీపీఎస్ పరికరాల ద్వారా అథ్లెట్లు హృదయ స్పందన రేటు, అలసట,కండరాల ఒత్తిడిని పర్యవేక్షించవచ్చు. ప్రతిభావంతులైన క్రీడాకారులను గుర్తించడానికి కూడా కొన్ని ప్లాట్ఫామ్స్ పని చేస్తున్నాయి.
పారా ఒలింపిక్ క్రీడల్లో ఏఐ ప్రభావం
పారా ఒలింపిక్ క్రీడల్లో ఏఐ టెక్నాలజీ అథ్లెట్ల పనితీరును మెరుగుపరచడమే కాకుండా వారికి మంచి గుర్తింపు తీసుకొస్తుంది. అథ్లెట్ల వైకల్యానికి అనుగుణంగా శిక్షణ ప్రణాళికలను ఏఐ రూపొందిస్తుంది. స్వీడిష్ పారా ఒలింపిక్ అథ్లెట్లపై చేసిన పరిశోధనలో ఏఐ ఆధారిత యాప్ల ద్వారా వారి ఆరోగ్యాన్ని పర్యవేక్షించవచ్చు. క్రీడల్లో ఏఐ కేవలం ఒక ప్రయోగంకాదు, అది ఒక అనివార్యమైన శక్తిగా మారుతోంది. దీని వల్ల కొన్ని ప్రతికూల ప్రభావాలు కూాడ ఉన్నాయని నిపుణులు హెచ్చరిస్తున్నారు.