olympics

Cricket at Olympics 2028:128 ఏళ్ల నిరీక్షణకు తెర! 2028 లాస్ ఏంజిల్స్ ఒలింపిక్స్‌లో క్రికెట్‌! వేదిక ప్రకటించి జైషా!

Khagesh — Thu, 23 Apr 2026 20:15:51 +0530

Cricket at Olympics 2028:ప్రపంచంలో రెండో అత్యంత ప్రజాదరణ పొందిన క్రీడ అయినప్పటికీ, ఒలింపిక్ వేదికపై కనిపించి దశాబ్దాలు దాటిపోయింది. చివరిసారిగా 1900 పారిస్ ఒలింపిక్స్‌లో క్రికెట్‌ మ్యాచ్‌లు జరిగాయి. సరిగా 128 ఏళ్ల సుదీర్ఘ విరామం తర్వాత 2028 లాస్ ఏంజిల్స్‌ ఒలింపిక్ క్రీడల్లో మళ్లీ మెరవబోతోంది. 2023 అక్టోబర్‌లో ముంబైలో జరిగిన అంతర్జాతీయ ఒలింపిక్స్ కమిటీ సమావేశంలో ఈ నిర్ణయం తీసుకున్నారు.

లాస్ ఏంజిల్స్‌ 2028 నిర్వాహకులు క్రికెట్ పోటీల కోసం దక్షిణ కాలిఫోర్నియాలోని పామోనాలో ఉన్న ఫెయిర్ గ్రౌండ్స్‌ను వేదికగా ఎంపిక చేశారు. ఈ చారిత్రక మైదానంలో బుధవారం నాడు స్టేడియం నిర్మాణ పనులకు శంకుస్థాపన జరిగింది. ఈ స్టేడియం సుమారు పదివేల కంటే ఎక్కువ మంది ప్రేక్షకులు కూర్చునే సామర్థ్యంతో నిర్మించబోతున్నారు. అంతర్జాతీయ ప్రామాణాలతో కూడిన ఈ ప్రీమియర్ క్రికెట్‌ స్టేడియం పురుషుల, మహిళల పోటీలకు ఆతిథ్యం ఇవ్వనుంది. ఈ నిర్మాణ పనుల ప్రారంభాన్ని అంతర్జాతీయ క్రికెట్ కౌన్సిల్‌ ఒక మైలురాయిగా అభివర్ణించింది.

ఒలింపిక్ చరిత్రలో తొలిసారిగా ఒక క్రీడ మ్యాచ్‌ సమయాలను భారతీయ ప్రామాణిక సమయానికి అనుగుణంగా రూపొందించడం విశేషం. భారత ఉపఖండంలోని వంద కోట్లకు పైగా ఉన్న క్రికెట్‌ అభిమానులను ఆకర్షించేందుకు నిర్వాహకులు ఈ నిర్ణయం తీసుకున్నారు. లాస్ ఏంజిల్స్‌ స్థానిక కాలమానం ప్రకారం మ్యాచ్‌లు ఉదయం 9 గంటలకు, సాయంత్రం ఆరున్నర గంటలకు ప్రారంభమవుతాయి. ఇది భారత కాలమాన ప్రకారం వరుసగా రాత్రి 9.30 గంటలకు, ఉదయం 7 గంటలకు అవుతుంది. ఈ సమయాలు భారత టీవీ ప్రేక్షకులకు, డిజిటల్ వీక్షకులకు అత్యంత అనుకూలమైనవి.

మరిన్ని వార్తల కోసం ఇక్కడ క్లిక్ చేయండి

సాధారణంగా ఒలింపిక్స్‌ క్రీడల్లో కాంస్య పతక పోరు ముగిసిన తర్వాతే స్వర్ణ పతక పోరు జరుగుతుంది. కానీ క్రికెట్‌ విషయంలో ఈ సంప్రదాయాన్ని పక్కన పెట్టి, స్వర్ణ పతక మ్యాచ్‌ను ఉదయం 9 గంటల నుంచి మధ్యాహ్నం 12 గంటల మధ్య నిర్వహించాలని నిర్ణయించారు. ఇది భారత్‌ ప్రైమ్‌కు సరిగా సరిపోతుంది. భారత జట్టు ఫైనల్‌కు చేరుకుంటుందని నమ్మకంతోనే వీక్షకుల సంఖ్యను పెంచుకోవడానికి నిర్వాహకులు ఈ మార్పులు చేసినట్టు తెలుస్తోంది.

LA28 ఒలింపిక్స్‌లో క్రికెట్ అత్యంత వేగవంతమైన టీ 20 ఫార్మాట్‌లో నిర్వహిస్తారు. పురుషుల, మహిళల విభాగాల్లో చెరో ఆరు జట్లు ఈ మెగా ఈవెంట్‌లో పాల్గొంటాయి క్రికెట్ ఒలింపిక్స్‌ో చేర్చడం ద్వారా కొత్త దేశాలకు ఈ క్రీడను విస్తరించవచ్చని ఐసీసీ భావిస్తోంది. ఇప్పటికే ఆసియా క్రీడలు, కామన్వెల్త్ క్రీడల్లో టీ20 ఫార్మాట్‌ విజయవంతమైంది.

ఐసీసీ ఛైర్మన్ జైషా ఈ పరిణామాలపై సంతోషం వ్యక్తం చేశారు. వేదికల ప్రకటన అనేది ఒలింపిక్స్‌లో క్రికెట్ పునరాగమనానికి పడిన తొలి అడుగు అని ఆయన పేర్కొన్నారు. ఐఓసీతో కలిసి క్రికెట్‌ను మరింత ఉన్నత స్థాయికి తీసుకెళ్తామని ఆయన ఆశాభావం వ్యక్తం చేశారు. ఒలింపిక్ ఉద్యమంలో భాగం కావడం వల్ల క్రికెట్‌కు వివిధ దేశాల ప్రభుత్వాల నుంచి మరింత నిధులు , మద్ధతు లభిస్తుందని ఐసీసీ పేర్కొంది.

అమెరికా క్రీడా అభిమానులు హోమ్ రన్‌లు, లాంగ్ బాల్స్‌ను ఇష్టపడతారని, క్రికెట్‌లో ఇవి పుష్కలంగా ఉంటాయని విశ్లేషకులు అభిప్రాయపడుతున్నారు. ఒలింపిక్స్‌ ద్వారా అమెరికన్లకు క్రికెట్ పట్ల ఆసక్తి పెరుగుతుందని నిర్వాహకులు భావిస్తున్నారు. LA28లో క్రికెట్‌తోపాటు బేస్ బాల్/ సాఫ్ట్ బాల్, ఫ్లాగ్‌ ఫుట్‌బాల్, లాక్రోస్‌, స్క్వాష్ వంటి క్రీడలు కూడా కొత్తగా చేరాయి.

భారత్‌ , ఉపఖండం కోసం మీడియా హక్కుల విక్రయం విషయంలో నిర్వాహకులు మూడు రకాల ప్యాకేజీలు సిద్ధం చేశారు. మల్టీప్లాట్‌ఫామ్‌, టీవీ ఓన్లీ, డిజిటల్‌ ఓన్లీ. దీని ద్వారా భారీ ఆదాయం సమకూరుతుందని నిర్వాహకులు అంచనా వేస్తున్నారు.

Lieutenant Colonel Neeraj Chopra: 'లెఫ్టినెంట్ కల్నల్'గా నీరజ్ చోప్రా, జావెలిన్ వీరుడికి ప్రోమోషన్

Khagesh — Wed, 22 Oct 2025 21:36:32 +0530

Lieutenant Colonel Neeraj Chopra: భారతదేశపు స్టార్ ఒలింపిక్ అథ్లెట్ నీరజ్ చోప్రాకు బుధవారం నాడు భారత సైన్యంలో 'లెఫ్టినెంట్ కల్నల్' పోస్టు వరించింది. క్రీడల్లో గొప్ప విజయాలు సాధించినందుకు, యువతకు స్ఫూర్తినిచ్చినందుకు నీరజ్‌కు ఈ గౌరవం దక్కింది. ఢిల్లీలో రక్షణ మంత్రి రాజ్‌నాథ్ సింగ్, ఆర్మీ చీఫ్ జనరల్ ఉపేంద్ర ద్వివేది సమక్షంలో ఆయన ఈ పదవిని అందుకున్నారు. నీరజ్ చోప్రా 2016లో నాయిబ్ సుబేదార్‌గా భారత సైన్యంలోకి ప్రవేశించారు. 2021లో ఆయనకు పదోన్నతి లభించింది, ఆ తర్వాత ఆయన సుబేదార్ పదవిని పొందారు.

ది గెజిట్ ఆఫ్ ఇండియా ప్రకారం, ఈ నియామకం ఏప్రిల్ 16 నుంచి అమల్లోకి వచ్చింది. 2016లో ఆయన భారత సైన్యంలో చేరారు. అథ్లెటిక్స్‌లో నిరంతరం మంచి ప్రదర్శన చేసినందుకు 2018లో అర్జున అవార్డుతో సత్కరించిచారు. మూడేళ్ల తర్వాత, అతను టోక్యో ఒలింపిక్స్‌లో పురుషుల జావెలిన్ త్రోలో స్వర్ణ పతకం సాధించి చరిత్ర సృష్టించాడు. ఈ ఒక్క విజయంతో ఆయన భారతదేశంలోని లక్షలాది మంది యువతకు స్ఫూర్తినిచ్చారు 2021లో ఆయనకు ఖేల్ రత్న అవార్డు లభించింది.

#WATCH | Delhi | Olympic medallist javelin thrower Neeraj Chopra conferred the honorary rank of Lieutenant Colonel in the Indian Army, in the presence of Defence Minister Rajnath Singh and COAS General Upendra Dwivedi pic.twitter.com/bjLwuvoSLj
— ANI (@ANI) October 22, 2025

భారత అథ్లెటిక్స్‌కు నీరజ్ చోప్రా చేసిన కృషి అనిర్వచనీయమైనది. 2022లో ఆయనకు పరమ విశిష్ట సేవా పతకం లభించింది, ఇది భారత సైన్యం అందించే అత్యున్నత గౌరవం. ఈ విజయాలన్నింటితో నీరజ్ చోప్రా కారణంగా భారతదేశంలో అథ్లెటిక్స్ , జావెలిన్ త్రో సరికొత్త అధ్యాయంగా మారింది.

జావెలిన్ త్రోలో నిరంతరం సాధిస్తున్న విజయాల కారణంగా, 2022లో ఆయనకు సుబేదార్ మేజర్ పోస్టుకు పదోన్నతి లభించింది. అదే సంవత్సరంలో, ఆయన భారతదేశ నాల్గో అత్యున్నత పౌర పురస్కారమైన పద్మశ్రీ అవార్డు వరించింది. నీరజ్ చోప్రా చివరిసారిగా ప్రపంచ అథ్లెటిక్స్ ఛాంపియన్‌షిప్‌లో కనిపించారు, అక్కడ అతను ఎనిమిదో స్థానంతో సరిపెట్టుకోవలసి వచ్చింది.

యూనిఫామ్ ధరించడం గర్వంగా ఉంది: నీరజ్ చోప్రా

ఆర్మీ యూనిఫామ్ ధరించడం చాలా గర్వంగా ఉందని అన్నాడు నీరజ్ చోప్రా, తనకు దగ్గిన గౌరవంపై ఎక్స్‌ వేదికగా స్పందించాడు. " ఇది గౌరవం కంటే ఎక్కువ - ఇది నా దేశం పట్ల నా బాధ్యత. నాకు లెఫ్టినెంట్ కల్నల్ గౌరవ హోదాను ఇచ్చినందుకు రక్షణ మంత్రి రాజ్‌నాథ్ సింగ్, టెరిటోరియల్ ఆర్మీకి ధన్యవాదాలు. ఈ యూనిఫాం ధరించడం గర్వంగా ఉంది. జై హింద్. " అని ఓ పోస్టు పెట్టాడు.

This is more than an honour - it is a responsibility towards my country. Thank you Raksha Mantri Shri Rajnath Singh ji and the Territorial Army for conferring upon me the honorary rank of Lt Col. Proud to wear this uniform. Jai Hind. 🇮🇳 pic.twitter.com/CQjAvLAznB
— Neeraj Chopra (@Neeraj_chopra1) October 22, 2025

Neeraj Chopra as Lieutenant Colonel:లెఫ్టినెంట్ కల్నల్‌గా నీరజ్ చోప్రాకు జీతం ఎంత ఇస్తారు?

Khagesh — Thu, 15 May 2025 15:34:21 +0530

Neeraj Chopra as Lieutenant Colonel: ఒలింపిక్స్‌లో బంగారు పతకం గెలుచుకున్న నీరజ్ చోప్రాకు భారత సైన్యంలో ఒక ప్రముఖ పదవి లభించింది. నీరజ్ చోప్రాకు టెరిటోరియల్ ఆర్మీలో లెఫ్టినెంట్ కల్నల్ హోదాను ప్రకటించారు. నీరజ్ చోప్రా ప్రపంచంలోని అత్యుత్తమ జావెలిన్ త్రో క్రీడాకారుల్లో ఒకరు. నీరజ్ 2021 టోక్యో ఒలింపిక్స్‌లో జావెలిన్ త్రోలో బంగారు పతకం గెలుచుకున్నారు. ఇప్పుడు ఆయనకు భారత సైన్యంలో లెఫ్టినెంట్ కర్నల్‌ పదవి లభించింది.

లెఫ్టినెంట్ కల్నల్‌గా గా నీరజ్ చోప్రా

భారతదేశ టెరిటోరియల్ ఆర్మీ నిబంధనలు, 1948కు చెందిన పారా-31 ప్రకారం నీరజ్ చోప్రాను చేర్చుకున్నారు. భారత రాష్ట్రపతి ద్రౌపది ముర్ము ఆయనకు లెఫ్టినెంట్ కర్నల్‌ ర్యాంక్‌ను ప్రదానం చేశారు. ఇంతకుముందు నీరజ్ రాజపుతానా రైఫిల్స్‌లో సూబేదార్‌గా ఉన్నారు. నీరజ్ 2016లో నాయబ్ సూబేదార్‌గా భారత సైన్యంలో చేరారు.

నీరజ్ చోప్రా బంగారు పతకం గెలుచుకున్నారు

టోక్యో ఒలింపిక్స్‌లో జావెలిన్ త్రోలో బంగారు పతకం గెలుచుకుని నీరజ్ చోప్రా చరిత్ర సృష్టించారు. దేశానికి వ్యక్తిగత బంగారు పతకం గెలుచుకున్న మొదటి ట్రాక్ అండ్ ఫీల్డ్ అథ్లెట్ ఆయన. నీరజ్ తన రెండో ప్రయత్నంలో 87.58 మీటర్ల దూరం విసిరి మొదటి స్థానం సంపాదించి బంగారు పతకాన్ని గెలుచుకున్నారు. టోక్యో ఒలింపిక్స్‌లో భారతదేశానికి మొదటి బంగారు పతకాన్ని ఆయన గెలుచుకున్నారు.

నీరజ్ చోప్రా రజత పతకం గెలుచుకున్నారు

టోక్యో ఒలింపిక్స్‌లో స్వర్ణ పతకం గెలుచుకున్న నీరజ్ చోప్రా, 2024 పారిస్ ఒలింపిక్స్‌లోనూ భారతదేశానికి రజత పతకం సాధించారు. ఒలింపిక్స్‌లో వరుసగా రెండు పతకాలు గెలుచుకున్న తర్వాత నీరజ్ చోప్రాకు అనేక సంస్థల నుంచి ఆఫర్లు వచ్చాయి. దీనివల్ల ఆయన ఆదాయం మెరుగైంది. ఈ ఏడాది 2025లో ప్రొఫెషనల్ టెన్నిస్ ఆటగాడు హిమాని మోర్‌ను నీరజ్ వివాహం చేసుకున్నారు. నీరజ్ ముందు టెరిటోరియల్ ఆర్మీలో అనేకమంది అథ్లెట్లు ఉన్నారు. భారత క్రికెట్ జట్టు మాజీ కెప్టెన్ మహేంద్ర సింగ్ ధోని కూడా టెరిటోరియల్ ఆర్మీలో ఉన్నారు.

లెఫ్టినెంట్ కల్నల్‌గా నీరజ్ చోప్రా జీతం ఎంత?

లెఫ్టినెంట్ కల్నల్ అయిన తర్వాత, నీరజ్ చోప్రాకు భారత సైన్యంలో పదోన్నతి లభించింది. దీనితో పాటు, అతని జీతం కూడా పెరిగింది. ఒలింపిక్ బంగారు పతక విజేత నీరజ్ చోప్రా లెఫ్టినెంట్ కల్నల్ అయిన తర్వాత భారత సైన్యం నుంచి మెరుగైన జీతం పొందుతారు. ఇండియన్ డిఫెన్స్ అకాడమీ అధికారిక వెబ్‌సైట్ ప్రకారం, ఇండియన్ ఆర్మీలో లెఫ్టినెంట్ కల్నల్ రూ.1,21,200 , రూ.2,12,400 మధ్య జీతం పొందుతారు. భారత సైన్యం ఈ జీతం నిర్మాణం 7వ వేతన కమిషన్ ఆధారంగా రూపొందించారు.

నీరజ్ చోప్రా నికర విలువ
NDTV స్పోర్ట్స్ ప్రకారం, లెఫ్టినెంట్ కల్నల్ కాకముందు నీరజ్ చోప్రా ఆస్తుల విలువ దాదాపు రూ. 37 కోట్లు. ఇప్పుడు నీరజ్ చోప్రా వార్షిక ఆదాయం దాదాపు రూ. 4 కోట్లు. అంతర్జాతీయ క్రీడలు, ఎండార్స్‌మెంట్ల నుంచి నీరజ్ చోప్రా చాలా డబ్బు సంపాదిస్తాడు. ఒలింపిక్ పతకం గెలుచుకున్న తర్వాత, నీరజ్ చోప్రాను అనేక కంపెనీలు బ్రాండ్ అంబాసిడర్‌గా కూడా నియమించారు.

Jyothi Surekha Vennam Gold: తెలుగ‌మ్మాయి జ్యోతి సురేఖ‌కు గోల్డ్.. ఆర్చ‌రీ ప్ర‌పంచ‌క‌ప్.. ఒలింపిక్స్ లో తాజాగా ఆర్చ‌రీ కాంపౌండ్ కు చోటు

Ayesha — Sun, 13 Apr 2025 00:14:39 +0530

Archery World Cup Stage 1 Updates: ప్రపంచ యవనికపై తెలుగుమ్మాయి మెరిసింది. విల్లు చేతబట్టి, ఆర్చరీ వ‌రల్డ్ ను త‌న వైపు తిప్పుకుంది. ఆర్చ‌రీ ప్ర‌పంచ‌క‌ప్ లో బంగారు ప‌త‌కంతో వెన్నం జ్యోతీ సురేఖ స‌త్తా చాటింది. అమెరికాలోని ఫ్లోరిడాలో జరుగుతున్న ఆర్చరీ వరల్డ్ కప్ స్టేజ్ 1 టోర్నీలో తెలుగమ్మాయి, ఆంధ్రప్రదేశ్‌కు చెందిన వెన్నెం జ్యోతి సురేఖ స్వర్ణ పతకం కొల్లగొట్టింది.. శనివారం ఉత్కంఠభరితంగా సాగిన కాంపౌండ్ మిక్స్‌డ్ టీమ్ ఈవెంట్‌లో రిషబ్ యాదవ్‌తో కలిసి విజేతగా నిలిచింది. శనివారం జరిగిన ఫైనల్‌లో జ్యోతి-రిషబ్ జోడీ 153-151 తేడాతో చైనీస్ తైపీకి చెందిన హువాంగ్ ఐ జౌ-చెన్ చిహు లిన్ జంటపై గెలుపొందింది. జ్యోతి జంటకు ముందుగా అనుకున్నట్లుగా ఆడలేదు. తొలి రెండు సెట్లలో(37-38, 37-39) చైనీస్ తైపీ ఆర్చరీలే ముందంజ వేశారు. రెండు సెట్లు ముగిసే సరికి 75-77తో వెనుకబడిన జ్యోతి, రిషబ్ ఆ తర్వాత అద్భుతంగా పుంజుకున్నారు. మూడో సెట్‌లో 39-38తో నెగ్గి ప్రత్యర్థులు లీడ్‌ను 114-115తో గణనీయంగా తగ్గించారు. ఇక, నాలుగో సెట్‌లో సత్తాచాటిన జ్యోతి, రిషబ్ 39-36తో అద్భుతంగా పైచేయి సాధించి, మొత్తంగా రెండు పాయింట్ల తేడాతో గెలుపొందారు. వరల్డ్ కప్‌ టోర్నీల్లో జ్యోతికి ఇది 9వ స్వర్ణ పతకం కావడం విశేషం. రిషబ్‌కు ఇది తొలి వరల్డ్ కప్ గోల్డ్ మెడల్ కావడం విశేషం. మరోవైపు, టోర్నీలో భారత్‌కు ఇది తొలి బంగారు పతకం కావడం గమనార్హం. మొత్తంగా రెండోవది.

Rishabh Yadav with his bronze medal from the men’s team event alongside Jyothi Surekha Vennam with whom he won the Mixed team Gold medal.

For India, men’s recurve team will fight for gold while there are still a few more medal prospects. #archeryworldcup pic.twitter.com/6gRpIJIvPU
— Kalyani Mangale (@MangaleKalyani) April 12, 2025

ఒలింపిక్స్ లో చాన్స్..
ఒలింపిక్స్ లో ప‌త‌కం గెల‌వ‌డ‌మ‌నేది క్రీడాకారుల లైఫ్ టైమ్ గోల్. ఆర్చ‌రీలోని ఒక విభాగం క్రీడాకారుల‌కు ఈ కల నిజంక కాబోతోంది. ఇన్నాళ్లుగా ప్రాతినిథ్యం లేని, కాంపౌడ్ విభాగాన్ని ఒలింపిక్స్ లో ప్రవేశ పెట్టనున్నారు. ఈ క్ర‌మంలో తెలుగమ్మాయి అమ్మాయి కల నిజం కాబోతోంది. ఒలింపిక్స్ లో ఆడాలనే డ్రీమ్ కోసం కష్టపడుతున్న ఈ తెలుగు ఆర్చర్ కు ఆ ఛాన్స్ దక్కనుంది. లాస్ ఏంజిల్స్ లో జరిగే 2028 ఒలింపిక్స్ లో కాంపౌండ్ ఆర్చరీకి ఎంట్రీ దొరకడమే ఇందుకు కారణం కావ‌డం విశేషం. కొన్నేళ్లుగా భారత కాంపౌండ్ ఆర్చ‌రీ యోధురాలిగా గా సాగుతున్న తెలుగమ్మాయి వెన్నం జ్యోతి సురేఖ ఒలింపిక్స్ డ్రీమ్ నిజం అవ‌నుంది. . లాస్ ఏంజిల్స్ 2028 ఒలింపిక్స్ లో కాంపౌండ్ ఆర్చరీ మిక్స్‌డ్‌ టీమ్ఈవెంట్ చేర్చడమే ఇందుకు కారణం కానుందిని విశ్లేష‌కులు పేర్కొంటున్నారు. కాంపౌండ్ ఆర్చరీలో పోటీపడే సురేఖ.. ఇన్ని రోజులూ ఒలింపిక్స్ లో ఈ విభాగం లేకపోవడంతో నిరాశ చెందిన‌ట్లు చాలా సార్లు పేర్కొంది. తాజా మార్పుతో ఆమె కూడా ఒలింపిక్స్ లో పాల్గొన‌నుంది.

Cricket In Olympics: ఒలంపిక్స్‌లోక్రికెట్‌ను ఇన్నేళ్లు చేర్చకపోవడానికి ఐదు ప్రధాన కారణాలు ఏంటో తెలుసా ?

Yedla Sudhakar Rao — Fri, 11 Apr 2025 18:04:19 +0530

Cricket In Olympics: ప్రపంచవ్యాప్తంగా అతి పెద్ద క్రీడా సమరం ఒలంపిక్స్. ఈ క్రీడా వేదికపై ఒక్క పతకం గెలిచినా చాలని ప్రాణాలు ఫణంగా పెట్టి శ్రమిస్తారు క్రీడాకారులు. ఆయా దేశాలు ఎంతో శిక్షణ ఇచ్చి మరీ ఒలంపిక్స్ మెడల్స్ తీసుకురావాలని క్రీడాకారులను ప్రోత్సహిస్తుంటాయి. అలాంటి వేదికపై క్రికెట్ లేకపోవడం వింతైన విషయమే కదా. ఇవాళ ఇంటర్నేషనల్ క్రికెట్ కౌన్సిల్ కింద 108 దేశాలు క్రికెట్ ఆడుతున్నాయి. ఇందులో పూర్తి సభ్యత్వం కలిగిన దేశాలు 12 కాగా, 96 అసోసియేటెడ్ సభ్యత్వం దేశాలకు ఉంది. ఇండియా, ఇంగ్లండ్, పాకిస్థాన్, సౌత్ ఆఫ్రికా, ఆస్ట్రేలియా, న్యూజీలాండ్, వెస్టిండిస్, బంగ్లాదేశ్, జింబాబ్వే, ఆఫ్ఘనిస్తాన్‌, శ్రీలంక, ఐర్లండ్ పూర్తి సభ్యత్వం కలిగి ఉన్నాయి. ఇవి టెస్ట్, వన్డే, టీ ట్వంటీ హోదా కలిగిన దేశాలు.

ఇక 96 అసోసియేటెడ్ మెంబర్షిప్ ఉన్న దేశాల్లో ముఖ్యమైనవి నెదర్లాండ్స్, స్కాట్లాండ్, నమీబియా, అమెరికా, యూఏఈ, నేపాల్, కెనడా, ఉగాండా, పపువా న్యూగినియా వంటి దేశాలు ఉన్నాయి. వీటితోపాటు మరి కొన్ని దేశాలు క్రికెట్‌ను ఆడుతున్నాయి. ఈ దేశాలకు ఇంకా టెస్ట్ హోదా ఇవ్వలేదు. వీటిల్లో కొన్ని వన్డే హోదా కలిగినవి. ప్రపంచ కప్‌లో ఆడిన దేశాలు ఉన్నాయి. మిగతా దేశాలకు టీ ట్వంటీ హోదా ఉంది. టీ ట్వంటీ క్రికెట్ ఫార్మాట్ వచ్చాకా చాలా దేశాలు క్రికెట్‌పై మక్కువ పెంచుకుని ఐసీసీలో చేరాయి. అయితే తాజాగా 2028 లాస్ ఏంజిల్స్ ఒలంపిక్స్‌లో టీట్వంటీ ఫార్మట్‌లో క్రికెట్‌ను చేర్చనున్నారు. అయితే ఇప్పటి వరకు క్రికెట్‌ను ఒలంపిక్స్‌లో ఎందుకు చేర్చలేదో మీకు తెలుసా?

కిక్రెట్‌ను ఒలంపిక్స్‌లో చేర్చకపోవడానికి కారణాలు ఇవే..

1. పరిమిత ఆదరణ కలిగిన క్రికెట్- క్రికెట్ ముఖ్యంగా కామన్‌వెల్త్ దేశాల్లో అంటే ఇండియా, ఇంగ్లండ్, పాకిస్థాన్, ఆస్ట్రేలియా వంటి దేశాల్లో ఎక్కువ ఆడే క్రీడ. ప్రపంచ వ్యాప్తంగా ఈ క్రీడకు ఆదరణ తక్కువ అని భావించి గతంలో ఇంటర్నేషనల్ ఒలంపిక్ కమిటీ క్రికెట్‌కు ప్రాధాన్యత ఇవ్వలేదు. ఈ క్రీడకు ఆఫ్రికా, యూరప్ ఖండంలో పెద్దగా ఆదరణ లేదు. అదే రీతిలో అమెరికాలోనూ అంత ఆదరణ పొందలేదు. పరిమతి ఆదరణ మాత్రమే ఉండటంతో క్రికెట్‌ను ఒలంపిక్స్‌లో చేర్చలేదు. అయితే 1900లో జరిగిన పారిస్ ఒలంపిక్స్‌లో మాత్రం రెండు జట్ల మధ్యే క్రికెట్ పోటీ నిర్వహించారు. గ్రేట్ బ్రిటన్, ఫ్రాన్స్ మధ్య అంటే రెండు దేశాల మధ్యే క్రికెట్ పోటీ నిర్వహించారు. ఆ తర్వాత అంతర్జాతీయంగా పెద్ద ప్రాచుర్యం లేదన్న కారణంతో ఐఓసీ క్రికెట్ పక్కన పెట్టింది.

2. క్రికెట్ ఆడే టైం కూడా ముఖ్యం - పాత రోజుల్లో క్రికెట్ అంటే టెస్ట్ మ్యాచ్. గతంలో క్రికెట్ మ్యాచ్‌లు ఆల్ అవుట్ అయ్యే వరకు జరిగేవి. వారం కావచ్చు, పది రోజులు కావచ్చు. టైం ఎక్కువ తీసుకుంటున్నారని చెప్పి దాన్ని ఆరు రోజులు ముందు కుదించారు. కాలక్రమేనా ఐదు రోజులకు తీసుకొచ్చారు. ఇన్ని రోజులు క్రికెట్ పోటీలు ఒలంపిక్స్‌లో నిర్వహించడం కష్టతరమైన పని. వన్డే ఫార్మాట్ వచ్చినా రోజంతా మ్యాచ్‌లు వీక్షించడం కష్టం. ఈ కారణాలతో అంతర్జాతీయ ఒలంపిక్ సంఘం క్రికెట్‌ను పక్కన పెట్టింది. టీ ట్వంటీ ఫ్రార్మాట్ రావడం, త్వరిత గతిన మ్యాచ్ ఫలితాలు వస్తుడంటం వల్ల క్రికెట్‌ను తిరిగి ఒలంపిక్స్‌లో చేర్చింది ఐఓసీ.

3. ఐసీసీ షెడ్యూల్ - ఇంటర్నేషనల్ క్రికెట్ కౌన్సిల్ కింద క్రికెట్ ఆడే దేశాలకు ఏడాది పాటు టెస్ట్, వన్డే, టీ ట్వంటీ ఫార్మాట్‌లో క్రికెట్ షెడ్యూల్ నిర్ణయిస్తుంది. అంతే కాకుండా ఆయా దేశాల మధ్య ద్వైపాక్షిక త్రైపాక్షిక క్రికెట్ పోటీలు జరుగుతాయి. వన్డే ప్రపంచకప్, టెస్ట్ సిరీస్‌లు, టీ ట్వంటీ వరల్డ్‌కప్, ఛాంపియన్స్ ట్రోఫీ ఇలా ఏడాదంతా క్రికెట్ క్యాలండర్ మొత్తం బిజీ షెడ్యూలే. దాంతో పాటు ఐపీఎల్, బిగ్‌బాష్ లాంటి లీగ్‌లు ఉండనే ఉన్నాయి. ఈ షెడ్యూల్ మధ్యలో ఒలంపిక్స్ కోసం ఇటు ఐసీసీ అటు ఐఓసీ ఈ క్రీడను ఒలంపిక్స్ లో చేర్చాలన్న ఆలోచన చేయలేదు. టీ ట్వంటీ ఫార్మట్ వల్ల కొంత వెసులుబాటు ఇచ్చి ఇప్పుడు ఒలంపిక్స్‌లో దీన్ని చేర్చారు.

4. క్రికెట్ గ్రౌండ్ సమస్య - ఒలంపిక్స్ నిర్వహించే దేశాల్లో క్రికెట్ క్రీడా మైదానలు లేకపోవడం సమస్యే. ఉదాహరణకు జర్మనీ, ఫ్రాన్స్, జపాన్, బ్రెజిల్ వంటి దేశాలు క్రికెట్ ఆడే దేశాలు కావు. అక్కడ ఒలంపిక్స్ నిర్వహిస్తే క్రికెట్ గ్రౌండ్ ఏర్పాటు చేయడం కష్టమైన పనే. ఖర్చుతో కూడుకున్న పని. సాధారణంగా ఒలంపిక్స్ నిర్వహించే దేశాలు క్రీడా మైదానాలు పలు క్రీడలు ఒకే దగ్గర ఆడేలా ప్లాన్ చేసి గ్రౌండ్స్ ప్రిపేర్ చేస్తుంది. కాని క్రికెట్ గ్రౌండ్ ఏర్పాటు, సీటింగ్, పిచ్ నిర్మాణం ప్రత్యేకంగా ఉండాలి. ఎంతో ఖర్చుతో తాత్కాలికంగా క్రికెట్ గ్రౌండ్ నిర్మిస్తే ఆ తర్వాత ఆ దేశాలు వాటిని నిరుపయోగంగా ఉంచాల్సిన పరిస్థితి. ఇలాంటి సవాళ్లు కూడా గతంలో క్రికెట్ ను ఒలంపిక్స్ లో చేర్చకపోవడానికి గల కారణాల్లో ఒకటిగాఉంది.

5. ఆర్థిక సమస్యలు- ఐఓసీ, ఐసీసీ మధ్య కొన్ని విభేదాలు ఉన్నాయి. క్రికెట్‌ను ప్రపంచవ్యాప్త క్రీడగా ఐఓసీ గుర్తించడం లేదు. ప్రపంచ క్రీడా మార్కెట్‌లో క్రికెట్ వాటా తక్కువని భావిస్తోంది. విభిన్న ఆకర్షణీయమైన క్రీడల ద్వారా ఆర్థిక వనరులు సమకూర్చుకోవడం ఐఓసీ ఆలోచన. మరోవైపు క్రికెట్ ద్వారా వచ్చే ఆదాయాన్ని ఐఓసీతో పంచుకోవడం ఐసీసీకి ఇష్టం లేదన్న వాదనలు ఉన్నాయి. ఒలంపిక్స్‌లో క్రికెట్ చేర్చితే వచ్చే ఆదాయాన్ని ఈ రెండు సంస్థలు పంచుకోవాల్సి వస్తుంది. ఇది ఐసీసీకి మింగుడుపడని విషయంగా కొద్ది మంది క్రీడా విశ్లేషకులు చెబుతారు. అయితే ఇవన్నీ అధిగమించి ఇప్పుడు 2028లో క్రికెట్‌ను కూడా ఒలంపిక్స్‌లో చూడటం నిజంగా గొప్ప విషయంగా చెప్పవచ్చు.

Olympics 2036 In India: ఒలింపిక్స్ నిర్వహణకు భారత్ ముమ్మర ప్రయత్నాలు.. ఖర్చు ఎంతో తెలిస్తే షాకే..!

Ayesha — Thu, 27 Mar 2025 10:59:45 +0530

2036 Summer Olympics In India Latest Updates: 2036 ఒలింపిక్స్ నిర్వ‌హ‌ణ‌కు భార‌త్ సిద్ద‌మైన సంగ‌తి తెలిసిందే. ఆ ఏడాది స‌మ్మ‌ర్, వింట‌ర్ ఒలింపిక్స్ నిర్వ‌హ‌ణ కోసం ఇప్ప‌టికే ఆస‌క్తి వ్య‌క్తిక‌ర‌ణ లేఖ‌ను అంత‌ర్జాతీయ ఒలింపిక్ క‌మిటీ (ఐఓసీ)కి అందజేసింది. ప్ర‌స్తుతం ఒలింపిక్ బిడ్ వేసేందుకు గాను కార్యాచ‌ర‌ణ సాగుతోంది. అయితే తాజాగా జ‌రిగిన స‌మావేశంలో ఒలింపిక్స్ నిర్వ‌హ‌ణ‌కు ఎంత ఖ‌ర్చువుతుందో అంచ‌నా వేశారు. సుమారు రూ.34 వేల నుంచి రూ.72వేల కోట్ల వ‌ర‌కు ఖ‌ర్చ‌వుతుంద‌ని అంచనా వేశారు. గ‌త ఒలింపిక్స్ ను పారిస్ లో నిర్వ‌హించారు. దీని కోసం రూ.32 వేల కోట్ల‌కుపైగా ఖ‌ర్చయ్యింది. తాజాగా గుజ‌రాత్ అహ్మ‌దాబాద్ లో ఒలింపిక్ నిర్వ‌హ‌ణ క‌మిటీ భేటీ వేసింది. ఇందుకు సంబంధించిన వివ‌రాలు బ‌హిర్గ‌త‌మ‌య్యాయి. ఈ ఒలింపిక్స్ ను గుజ‌రాత్ లోని జంట న‌గ‌రాలైన గాంధీ న‌గ‌ర్, అహ్మ‌దాబాద్ ల‌తోపాటు ముంబై, పుణే, గోవా, భోపాల్ లో నిర్వ‌హించ‌నున్నట్లు తెలుస్తోంది. తాజాగా ఐఓసీ నూత‌న సార‌థిగా ఎంపికైన కోవెంట్రీ క్రిస్టీ కూడా భార‌త బిడ్ పై సానుకూలంగా ఉన్నారు. తాను ప‌గ్గాలు చేప‌ట్టిన త‌ర్వాత దీనిపై మ‌రింత మేథోమ‌థ‌నం జ‌రుగుతుంద‌ని పేర్కొన్నారు.

జూన్ లో ప‌గ్గాలు చేప‌ట్టనున్న క్రిస్టీ..
ఐఓసీ చీఫ్ గా చాలాకాలంగా బాధ్య‌త‌లు నిర్వ‌ర్తిస్తున్న థామ‌స్ బ్యాచ్ వ‌చ్చే జూన్ లో ప‌దవి నుంచి దిగిపోతున్నాడు. జూన్ 23 ఒలింపిక్ డే సంద‌ర్బంగా నూత‌న సార‌థిగా క్రిస్టీ బాధ్య‌తలు చేప‌డ‌తారు. ఒలింపిక్ బిడ్ కోసం పాత ప‌ద్ద‌తే పున‌రావృతం అవుతుంద‌ని, ఇందులో మార్పులేవీ ఉండ‌బోవని, అయితే తాను కొన్ని కొత్త ఐడియాల‌ను ప్ర‌వేశ పెడ‌తాన‌ని పేర్కొన్నారు. ఇక 2036 ఒలింపిక్స్ నిర్వ‌హ‌ణ కోసం ఖ‌తార్, సౌదీ అరేబియాల‌తోపాటు ప‌ది దేశాలు ఆస‌క్తిగా ఉన్నాయి. 2026 ముగిసేలోపు దీనిపై స్ప‌ష్ట‌త వ‌స్తుంది.

పావులు క‌దుపుతున్న భార‌త్..
క్రీడల్లో ఒలింపిక్స్ ఉన్న క్రేజ్ సంగతి తెలిసిందే. ప్రపంచవ్యాప్తంగా వివిధ దేశాలు ఈ టోర్నీని ఒక్కసారైనా నిర్వహించాలని కలలు కంటుంటాయి. ఇప్పటికే దాదాపు అగ్రదేశాలన్నీ ఈ టోర్నీని నిర్వహించి, సత్తా చాటాయి. చైనా, బ్రెజిల్ కూడా ఈ టోర్నీని నిర్వహించిన తమ శక్తియుక్తుల్ని ప్రపంచానికి చాటాయి. బిలియన్ డాలర్లలో అయ్యే ఈ నిర్వహణ ఖర్చును భరించడం చాలా కష్టమే. గ్రీస్ లాంటి దేశాలు దీన్ని నిర్వహించి దివాళా కూడా తీశాయి. అయినప్పటికీ ఒలింపిక్స్ ను నిర్వహించడంలో ఉన్న మజాను దక్కించుకునేందుకు వివిధ దేశాలు ఎప్పటికప్పుడు పోటీపడుతుంటాయి. భారత్ కూడా ఈ ఒలింపిక్స్ పోటీలను నిర్వహించాలని పావులు కదుపుతోంది. అన్నీ అనుకున్నట్లు జరిగితే 2036 ఒలింపిక్స్ కు భారత్ వేదికయ్యే అవకాశముంది. ఆట‌ల‌కు కేంద్ర‌మైన‌ గుజరాత్ లో మధ్యపాన నిషేధం అమల్లో ఉన్నందున, కొన్ని సడలింపులు ఇవ్వాలని సూచించారు. అలాగే ప్రపంచంలోని పేరేన్నికలగల హోటళ్ల బ్రాంచిలు నగరంలో ఏర్పాటు చేస్తే వసతికి వచ్చిన ఇబ్బందేమీ ఉండదని తెలుస్తోంది. ఇక గుజరాత్ లోని కొన్ని వాతావరణ పరిస్థితులపైన కేంద్రం ఆలోచిస్తోంది. భారీ వర్షాలు, హ్యుమిడిటీ, కొన్ని సందర్బాల్లో 30 డిగ్రీలకు మించిన ఎండ అనేది ఒలింపిక్స్ నిర్వహించే జూలై-ఆగస్టు మాసాల్లో ఉంటుంది, కాబట్టి, తేదిలను అనుకూలంగా ఉండే అక్టోబర్ మాసానికి షిప్ట్ చేసే విధంగా ప్రణాలికలు రచించమని అధికారులకు కేంద్రం ఆదేశించింది.

IPL 2025 SRH VS RR Updates: ఫేవ‌రెట్ గా స‌న్ రైజ‌ర్స్, బ్యాటింగ్, బౌలింగ్ విభాగాల్లో ప‌టిష్టం.. కెప్టెన్సీకి సంజూ దూర‌మవ‌డంతో బ‌లహీనంగా రాయ‌ల్స్.. మ్యాచ్ కు వ‌ర్షం ముప్పు!!

Ayesha — Sun, 23 Mar 2025 06:30:23 +0530

IPL 2025 Favourite SRH VS RR: ఐపీఎల్ 2025లో ఆదివారం రెండు ఆస‌క్తిక‌ర మ్యాచ్ లు జ‌రుగ‌నున్నాయి. డ‌బుల్ హెడ‌ర్ అని పిలిచే ఈ మ్యాచ్ ల్లో తొలి దాంట్లో స‌న్ రైజ‌ర్స్ హైద‌రాబాద్, రాజ‌స్థాన్ రాయ‌ల్స్ త‌ల‌ప‌డుతాయి. ఉప్ప‌ల్ లోని రాజీవ్ గాంధీ స్టేడియంలో ఈ మ్యాచ్ జ‌రుగుతుంది. మ‌రో మ్యాచ్ లో చెన్నై సూప‌ర్ కింగ్స్ తో ముంబై ఇండియ‌న్స్ చెన్నై వేదిక‌గా అమీతుమీ తేల్చుకోనుంది. ఇక ఈ రెండు మ్యాచ్ ల్లో అంద‌రి దృష్టి ఎక్కువ‌గా స‌న్ రైజ‌ర్స్ మ్యాచ్ పైనే ఉంది.

గ‌త సీజ‌న్ లో ఫియ‌ర్లెస్ బ్యాటింగ్ తో సన్.. దుమ్ము రేప‌డం, ఈ సారి జ‌ట్టు మ‌రింత బ‌లంగా మార‌డంతో ఈ మ్యాచ్ పై అంద‌రి ఫోక‌స్ నెల‌కొంది. సొంత‌గ‌డ్డ‌పై జ‌రిగే ఈ మ్యాచ్ లో గెలుపొందాల‌ని స‌న్ త‌హ‌త‌హ‌లాడుతోంది. అటు బ్యాటింగ్, ఇటు బౌలింగ్ లో ప‌టిష్టంగా క‌నిపిస్తున్న స‌న్.. ఈ మ్యాచ్ లో ఫేవ‌రెట్ గా బ‌రిలోకి దిగుతోంది. ఇక తొలి మూడు మ్యాచ్ ల‌కు సంజూ శాంస‌న్ కెప్టెన్సీ సేవ‌లు దూర‌మైన వేళ‌, రియాన్ ప‌రాగ్ నాయ‌క‌త్వంలో రాయ‌ల్స్ ఈ మ్యాచ్ లో బ‌రిలోకి దిగుతోంది. గ‌త సీజ‌న్ లో క్వాలిఫ‌య‌ర్-2లో రాయ‌ల్స్ ను ఓడించి, స‌న్ ఫైన‌ల్లో ప్ర‌వేశించింది. దీంతో ఈ మ్యాచ్ లో గెలిచి ప్ర‌తీకారం తీర్చుకోవాల‌ని రాయ‌ల్స్ భావిస్తోంది.

భీక‌రంగా ఆరెంజ్ ఆర్మీ ..
గత సీజన్ లో విధ్వంస‌క‌ర బ్యాటింగ్ తో ప్ర‌త్య‌ర్థుల వెన్నులో వ‌ణుకు పుట్టించిన ఎస్ఆర్ హెచ్ ఈ ఏడాది త‌న టీమ్ ను మ‌రింత ప‌టిష్టం ప‌రుచుకుంది. ముఖ్యంగా ఇషాన్ కిష‌న్, అభిన‌వ్ మ‌నోహ‌ర్ రాక‌తో మిడిలార్డ‌ర్ మ‌రింత ప‌టిష్టంగా మారింది. అలాగే బౌలింగ్ కూడా రాటుదేలింది. వెట‌ర‌న్ మ‌హ్మ‌ద్ ష‌మీ, ఆడ‌మ్ జంపా, హ‌ర్ష‌ల్ ప‌టేల్, రాహుల్ చ‌హ‌ర్‌, జ‌య‌దేవ్ ఉనాద్క‌ట్ త‌దిత‌ర బౌల‌ర్ల‌ను తీసుకుని మ‌రింత ప‌టిష్టంగా మారింది. గతేడాది మాదిరిగానే ఈ ఏడాది కూడా ప‌రుగుల సునామీ కురిపించాల‌ని అభిమానులు కోరుకుంటున్నారు.

ముఖ్యంగా ఓపెన‌ర్లు ట్రావిస్ హెడ్, అభిషేక్ శ‌ర్మ జంట ఫియ‌ర్లెస్ బ్యాటింగ్ తో ప్ర‌త్య‌ర్థుల‌కు చుక్కలు చూపించాల‌ని కోరుకుంటున్నారు. గ‌తేడాది వీళ్లిద్ద‌రి బ్యాటింగ్ తో చాలాసార్లు జ‌ట్టు 250 ప‌రుగుల‌ను అల‌వోక‌గా సాధించింది. ఈసారి వీరి జోరు కొన‌సాగించాల‌ని ఆశిస్తున్నారు. వ‌న్ డౌన్ లో ఇషాన్ కిషాన్, తెలుగు ప్లేయర్ నితీశ్ రెడ్డి, హెన్రిచ్ క్లాసెన్, అభినవ్ మనోహర్ లాంటి ప్లేయర్లతో పటిస్టంగా ఉంది. కెప్టెన్ పాట్ కమిన్స్ ఆల్ రౌౌండర్ గా బరిలోకి దిగగలడు. బౌలర్లలో మహ్మద్ షమీ, హర్షల్, చాహర్, జంపాలతో పటిష్టంగా ఉంది. రాయల్స్ తో జట్టు కూర్పు ఎలా ఉంటుందో చూడాలి.

కష్టాల్లో రాయల్స్..
రాజస్థాన్ ఎక్కువగా రెగ్యుల‌ర్ కెప్టెన్ సంజూ పై ఆధార‌ప‌డుతుంది. అత‌ను చేతి వేలి గాయంతో తొలి మూడు మ్యాచ్ ల‌కు కెప్టెన్సీకి దూరంగా ఉన్నాడు. కేవ‌లం స్పెష‌లిస్టు బ్యాట‌ర్ గానే బ‌రిలోకి దిగుతాడు. ఇక ఓపెన‌ర్లుగా సంజూ, య‌శ‌స్వి జైస్వాల్ ఆడతారు. వ‌న్ డౌన్ లో నితీశ్ రాణా ఆడుతుండ‌గా, మిడిలార్డ‌ర్లో ప‌రాగ్, ధ్రువ్ జురెల్, షిమ్రాన్ హిట్ మెయ‌ర్ బ‌రిలోకి దిగుతారు. బౌల‌ర్లుగా వ‌నిందు హ‌స‌రంగా, జోఫ్రా ఆర్చ‌ర్, మ‌హేశ్ తీక్ష‌ణ‌, సందీప్ శ‌ర్మ‌, తుషార్ దేశ్ పాండే బ‌రిలోకి దిగే అవ‌కాశ‌ముంది.

హ‌స‌రంగాకు బ్యాటింగ్ కూడా రావ‌డంతో త‌న‌ను ఆల్ రౌండ‌ర్ గా ప‌రిగ‌ణించ‌వ‌చ్చు. అయితే ఫుల్ బ్యాటింగ్ ప‌వ‌ర్ తో ఉన్న స‌న్ ను రాయ‌ల్స్ నిలువ‌రించ‌డం బ‌ట్టే వారి గెలుపు ఆధార‌ప‌డి ఉంటుంది. అయితే ఈ మ్యాచ్ కు వ‌ర్షం ముప్పు ఉంది. ఆల్రెడీ శుక్ర‌వారం నుంచే తెలంగాణ వ్యాప్తంగా వ‌ర్షాలు కురుస్తున్నాయి. ఆదివారం వ‌ర‌కు కొన‌సాగే అవ‌కాశం ఉండటంతో మ్యాచ్ నిర్వ‌హ‌ణ‌పై సందేహాలు ఏర్పడుతున్నాయి.

Kirsty Coventry:IOC అధ్యక్షురాలిగా కిర్స్టీ కోవెంట్రీ- 130 ఏళ్ల చరిత్రలో మొదటి మహిళా చీఫ్‌

Khagesh — Fri, 21 Mar 2025 14:17:54 +0530

Kirsty Coventry:అంతర్జాతీయ ఒలింపిక్ కమిటీ (ఐఓసీ) నూతన అధ్యక్షురాలిగా కిర్స్టీ కోవెంట్రీ ఎన్నికయ్యారు. అంతర్జాతీయ ఒలింపిక్ కమిటీ అధ్యక్షురాలిగా ఎన్నికైన మొదటి మహిళ క్రిస్టీ కోవెంట్రీ రికార్డు సృష్టించారు. ఇది కాకుండా, క్రిస్టీ కోవెంట్రీ జింబాబ్వే క్రీడా మంత్రిగా పని చేశారు. ఇప్పుడు అంతర్జాతీయ ఒలింపిక్ కమిటీ అధ్యక్షురాలిగా బాధ్యతలు స్వీకరించనున్నారు.

ఐసిసి అధ్యక్షుడు జై షా ఏం అన్నారు?
అంతర్జాతీయ ఒలింపిక్ కమిటీ అధ్యక్షురాలిగా ఎన్నికైనందుకు క్రిస్టీ కోవెంట్రీని అంతర్జాతీయ క్రికెట్ కౌన్సిల్ (ఐసిసి) అధ్యక్షుడు జై షా అభినందించారు. ఆయన సోషల్ మీడియా ప్లాట్‌ఫామ్‌ ఎక్స్‌లో... 2028 లాస్ ఏంజిల్స్ ఒలింపిక్ క్రీడల్లో క్రికెట్‌ను చేర్చడానికి తాను కట్టుబడి ఉన్నానని అన్నారు. దీని కోసం, అంతర్జాతీయ ఒలింపిక్ కమిటీ (IOC) కొత్తగా ఎన్నికైన అధ్యక్షురాలు క్రిస్టీ కోవెంట్రీతో కలిసి పని చేయడానికి ఎదురు చూస్తున్నట్టు చెప్పారు.

Congratulations and best wishes to newly-elected IOC President @KirstyCoventry, an honour thoroughly deserved and something I’m humbled to have been present for in Greece after hosting you at the @ICC #ChampionsTrophy.

I look forward to working with you and your team on… pic.twitter.com/9ShJLxwL5w
— Jay Shah (@JayShah) March 20, 2025

గత 12 సంవత్సరాలుగా IOC అధ్యక్షుడిగా సేవలు అందించిన థామస్ బాచ్ సాధించిన విజయాలను ప్రశంసించారు జైషా. జూన్ 23 తర్వాత IOC అధ్యక్షుడిగా ఆయన పదవీకాలం ముగియనుందని తర్వాత ఆయన IOC జీవితకాల గౌరవ అధ్యక్షుడిగా ఉండటం చాలా మంచి పరిణామం అని అన్నారు. తాను ఆయనతో గడిపిన సమయాన్ని ఆస్వాదించానని ఎక్స్‌లో తెలియజేశారు.

I want to commend Thomas Bach for his achievements as IOC President for the past 12 years, and it was fitting he was elected Honorary President for Life of the IOC which begins when his term of office as IOC President ends after 23rd June. I enjoyed my time with him this year and… pic.twitter.com/0d3uQPTi8e
— Jay Shah (@JayShah) March 21, 2025

ఇప్పటికే క్రికెట్‌ను 2022 కామన్వెల్త్ గేమ్స్, 2023 ఆసియా గేమ్స్‌లో చేర్చారు. అదే సమయంలో 2028 లాస్ ఏంజిల్స్ ఒలింపిక్ గేమ్స్‌లో క్రికెట్‌ చేర్చడానికి సన్నాహాలు జరుగుతున్నాయి. ఇది జరిగితే, దాదాపు 128 సంవత్సరాల తర్వాత క్రికెట్ తిరిగి ఒలింపిక్ క్రీడల్లోకి వస్తుంది.

మొదటి మహిళా, మొదటి ఆఫ్రికన్ IOC అధ్యక్షురాలు
క్రిస్టీ కోవెంట్రీ అంతర్జాతీయ ఒలింపిక్ కమిటీ (IOC)కి పదో అధ్యక్షురాలు. ఆమె IOC అధ్యక్షురాలిగా ఎన్నికైన మొదటి మహిళ, మొదటి ఆఫ్రికన్ కూడా. గ్రీస్‌లోని కోస్టా నవరినోలో జరిగిన IOC 144వ సమావేశంలో క్రిస్టీ కోవెంట్రీ అధ్యక్షురాలిగా ఎన్నికయ్యారు. క్రిస్టీ కోవెంట్రీ ICC ఛాంపియన్స్ ట్రోఫీ మ్యాచ్‌లో తళుక్కున మెరిశారు. ఇండియా-ఆస్ట్రేలియా సెమీ-ఫైనల్ సమయంలో క్రిస్టీ కోవెంట్రీ సందడి చేశారు. ఒలింపిక్ క్రీడల్లో క్రికెట్ తిరిగి ప్రవేశపెడితే అదో పెద్ద అడుగుగా మారనుంది. క్రికెట్‌తోపాటు, బేస్ బాల్, ఫ్లాగ్ ఫుట్‌బాల్, లాక్రోస్, స్క్వాష్‌ 2028 లాస్ ఏంజిల్స్ ఒలింపిక్ క్రీడలలో తిరిగి వచ్చే అవకాశం ఉంది.

అంతర్జాతీయ ఒలింపిక్ కమిటీ చీఫ్‌ IOC పాలన, దాని వ్యవహారాల చూసుకుంటారు. IOC కార్యనిర్వాహక బోర్డులో ఛైర్మన్, నలుగురు ఉపాధ్యక్షులు, పది మంది ఇతర సభ్యులు ఉంటారు. బోర్డు సభ్యులందరినీ IOC సభ్యులు రహస్య బ్యాలెట్ ద్వారా ఎన్నుకుంటారు. ఇలా ఎన్నికైన IOC అధ్యక్షులు నాలుగు సంవత్సరాల చొప్పున రెండు పర్యాయాలు పదవిలో ఉంటారు. రెండు టెర్ములు సేవలందించే అధ్యక్షుడు కనీసం రెండు వేసవి ఒలింపిక్ క్రీడలు, రెండు వింటర్ ఒలింపిక్ గేమ్స్‌కు నాయకత్వం వహిస్తాడు .

ఇప్పటి వరకు పని చేసిన ఐవోసీ చీఫ్‌ల వివరాలు

ఐవోసీ చీఫ్‌ పేరు	ఎప్పటి నుంచి	ఎప్పటి వరకు	పదవీ కాలం	దేశం
డిమెట్రియస్ వికెలాస్	28 జూన్ 1894	10 ఏప్రిల్ 1896	1 సంవత్సరం, 287 రోజులు	గ్రీస్
పియర్ డి కూబెర్టిన్	10 ఏప్రిల్ 1896	28 మే 1925	29 సంవత్సరాలు, 48 రోజులు	ఫ్రాన్స్
హెన్రీ డి బైలెట్-లాటూర్	28 మే 1925	6 జనవరి 1942 ( పదవిలో ఉండగా మరణించారు )	16 సంవత్సరాలు, 223 రోజులు	బెల్జియం
సిగ్‌ఫ్రిడ్ ఎడ్‌స్ట్రోమ్	6 జనవరి 1942	6 సెప్టెంబర్ 1946	4 సంవత్సరాలు, 243 రోజులు ( యాక్టింగ్)	స్వీడన్
సిగ్‌ఫ్రిడ్ ఎడ్‌స్ట్రోమ్	6 సెప్టెంబర్ 1946	15 ఆగస్టు 1952	5 సంవత్సరాలు, 344 రోజులు	స్వీడన్
అవేరి బ్రండేజ్	15 ఆగస్టు 1952	11 సెప్టెంబర్ 1972	20 సంవత్సరాలు, 27 రోజులు	యునైటెడ్ స్టేట్స్
మైఖేల్ మోరిస్	11 సెప్టెంబర్ 1972	3 ఆగస్టు 1980	7 సంవత్సరాలు, 327 రోజులు	ఐర్లాండ్
జువాన్ ఆంటోనియో సమరంచ్	3 ఆగస్టు 1980	16 జూలై 2001	20 సంవత్సరాలు, 347 రోజులు	స్పెయిన్
జాక్వెస్ రోగ్	16 జూలై 2001	10 సెప్టెంబర్ 2013	12 సంవత్సరాలు, 56 రోజులు	బెల్జియం
థామస్ బాచ్	10 సెప్టెంబర్ 2013	23 జూన్, 2025	11 సంవత్సరాలు, 192 రోజులు	జర్మనీ
క్రిస్టీ కోవెంట్రీ	23 జూన్, 2025	కొత్తగా ఎన్నికైన వ్యక్తి	కొత్తగా ఎన్నికైన వ్యక్తి	జింబాబ్వే

Padma Sri For R Ashwin: శ్రీజేశ్ కు పద్మ భూషణ్, అశ్విన్ కు పద్మశ్రీ.. క్రీడాకారులకు పద్మ అవార్డుల ప్రకటన

Ayesha — Sat, 25 Jan 2025 22:32:56 +0530

Padma Awards 2025 Update: కేంద్ర ప్రభుత్వం తాజాగా ప్రకటించిన పద్మ శ్రీ అవార్డుల్లో క్రీడాకారుల్లో పెద్ద పీట వేసింది. దిగ్గజ క్రీడాకారులు పీఆర్ శ్రీజేశ్, రవిచంద్రన్ అశ్విన్, ఏఎం విజయన్, హర్విందర్ సింగ్, సత్యపాల్ సింగ్ లకు ప్రతిష్టాత్మక పద్మ అవార్డులను ప్రకటించింది. హకీలో శ్రీజేశ్ , క్రికెట్లో అశ్విన్, ఫుట్ బాల్ లో విజయన్, పారాలింపియన్ హరిందర్ సింగ్ తమదైన ముద్ర వేశారు. పద్మ అవార్డుల్లో మూడో అత్యున్నత పురస్కారమైన పద్మ భూషణ్ అవార్డు శ్రీజేశ్ కు లభించింది. గతేడాది భారత్ వరుసగా రెండో ఒలింపిక్ కాంస్య పతకాన్ని పురుషుల హకీ జట్టు సాధించడంతో గోల్ కీపర్ గా శ్రీజేశ్ సత్తా చాటాడు. అడ్డుగోడలా నిలబడి, ప్రత్యర్థి ఆటగాళ్లకు సింహస్వప్నంలా నిలిచాడు. ఆ ఒలింపిక్స్ లో ముఖ్యంగా క్వార్టర్ ఫైనల్లో గ్రేట్ బ్రిటన్ పై షూటౌట్ లో కీలకపాత్ర పోషించాడు. తన పోరాట పటిమతో ఎన్నో మ్యాచ్ ల్లో భారత్ విజయం సాధించేలా చేశాడు. అంతకుముందు కెప్టెన్ గాను భారత్ కు చిరస్మరణీయ విజయాలతోపాటు టోర్నీలను అందించాడు. ఇక ఒలింపిక్స్ టోర్నీ తర్వాత తన రిటైర్మెంట్ ను ప్రకటించాడు. ఆ తర్వాత భారత జూనియర్ పురుషల జట్టుకు ప్రధాన కోచ్ గా శ్రీజేశ్ నియమితులయ్యాడు.

PADMA BHUSHAN HONOUR FOR PARATTU RAVEENDRAN

- SREEJESH 🐐 – THE LEGEND OF INDIAN HOCKEY 🏑

A TRUE ICON & THE GREATEST INDIAN HOCKEY PLAYERS OF ALL TIME !#TeamIndia #Sreejesh #Hockey #HockeyTwitter pic.twitter.com/wREYjhllfQ
— KAPIL DEV TAMRAKAR 🇮🇳 (@kapildevtamkr) January 25, 2025

క్రికెట్ లెజెండ్ అశ్విన్..
భారత్ తరపున మూడు ఫార్మాట్లలో ప్రాతినిథ్యం వహించిన అశ్విన్.. గతేడాది ఆసీస్ పర్యటనలో అంతర్జాతీయ క్రికెట్ కు రిటైర్మెంట్ ప్రకటించి సడెన్ షాకిచ్చాడు. ముఖ్యంగా భారత్ తరపున తను కీలక బౌలర్ గా నిలిచాడు. ఈ ఫార్మాట్లో అత్యధిక వికెట్లు తీసిన రెండో బౌలర్ గా ఘనత వహించాడు. తన కెరీర్లో 106 టెస్టులాడిన అశ్విన్, 537 వికెట్లతో సత్తా చాటాడు.

PADMA SHRI FOR ASHWIN NNA🤍#RavichandranAshwin has been honoured with #PadmaShri Award🐐🇮🇳 pic.twitter.com/k47ahUxyzy
— Akshay S (@Akshayyes2001) January 25, 2025

ఇక భారత ఫుట్ బాల్లో లెజెండ్ గా పేరుపొందిన ఐఎం విజయన్ కు కూడా పద్మశ్రీని ప్రభుత్వం ప్రకటించింది. 2000-2004 మధ్య భారత కెప్టెన్ గా కూడా విజయన్ పని చేశాడు. కేరళకు చెందిన విజయన్ 72 మ్యాచ్ ల్లో 29 అంతర్జాతీయ గోల్స్ సాధించాడు. భారత్ తరపున అత్యుత్తమ ఆటగాళ్లలో ఒకడిగా నిలిచాడు. కేరళ నుంచి ఎంతోమంది ఆటగాళ్లు వచ్చినా, వారిలో తన ప్రత్యేకతను విజయన్ చాటుకున్నాడు.

పారాలింపియన్ హర్విందర్..
ఇక పారాలింపియన్ హర్విందర్ సింగ్ కు కూడా ప్రతిష్టాత్మక పద్మ శ్రీ అవార్డు లభించింది. పురుషుల ఇండివిడ్యువల్ రికర్వ్ ఫైనల్లో పొలాండ్ కు చెందిన లుకాస్ట్ సిజెక్ ను ఓడించి గతేడాది పారాలింపిక్స్ లో నాలుగవ పతకాన్ని అందించాడు. భారతదేశంలో అత్యంత ప్రతిష్టాత్మక పౌర గౌరవాలలో ఒకటైన పద్మ అవార్డులు మూడు విభాగాలలో ప్రదానం చేస్తారనే సంగతి తెలిసిందే. పద్మవిభూషణ్, పద్మ భూషణ్, పద్మశ్రీలుగా వివిధ రంగాల్లో విశిష్ట సేవలు అందించిన వారికి ఈ అవార్డులు అందిస్తారు. కళలు, సామాజిక సేవ, ప్రజా వ్యవహారాలు, సైన్స్ అండ్ టెక్నాలజీ, వాణిజ్యం, వైద్యం, సాహిత్యం వంటి విభిన్న రంగాలలో అత్యుత్తమ సేవలు అందించిన వారికి గౌరవార్థంగా ఇస్తుంటారు. ఈ అవార్డును పొందడం వివిధ వర్గాలకు చెందిన వ్యక్తులు గౌరవంగా భావిస్తున్నారు.
పద్మ అవార్డులు పొందిన ఆటగాళ్లు:

పీఆర్ శ్రీజేష్- పద్మభూషణ్, రవిచంద్రన్ అశ్విన్ – పద్మశ్రీ, ,IM విజయన్ – పద్మశ్రీ, సత్యపాల్ సింగ్ – పద్మశ్రీ, హర్విందర్ సింగ్- పద్మశ్రీ.

Also Read: Ind Vs Eng 2nd T20 Updates: సమష్టిగా రాణించిన బౌలర్లు, సత్తా చాటిన అక్షర్, వరుణ్.. బట్లర్ కెప్టెన్ ఇన్నింగ్స్

Cricket In Olympics: ఐఓసీ ప్రెసిడెంట్‌ను కలిసిన జై షా - బ్రిస్బేన్ ఒలింపిక్స్‌లోనూ క్రికెట్‌కు స్థానం!

Ayesha — Tue, 21 Jan 2025 22:12:46 +0530

ICC Vs IOC : ప్రతిష్టాత్మక ఒలింపిక్స్‌లో క్రికెట్‌ను శాశ్వతంగా ప్రవేశపెట్టేలా ఐసీసీ ఛైర్మన్ జైషా చర్యలు తీసుకుంటున్నట్లు తెలుస్తోంది. తాజాగా స్విట్జర్లాండ్‌లో ఆయన అంతర్జాతీయ ఒలింపిక్ కమిటీ (ఐఓసీ) చీఫ్ థామస్ బ్యాచ్‌తో సమావేశమయ్యారు. లాస్ ఏంజెలిస్ ఒలింపిక్ క్రీడలు 2028లో ఇప్పటికే క్రికెట్‌ను ప్రవేశపెట్టిన సంగతి తెలిసిందే. దీనిపై చర్చించేందుకుగాను జై షా.. ఆయనతో సమావేశమయ్యారు. సమావేశం అర్థవంతగా జరిగిందని, అటు ఒలింపిక్స్‌లో పాల్గొనడం ద్వారా నూతన అభిమానులను పొందడం, ఇటు క్రికెట్ అభిమానుల్లో ఒలింపిక్స్‌పై క్రేజ్ తీసుకురావడంపై చర్చలు జరిగినట్లు తెలుస్తోంది. ఇందుకు తీసుకోవాల్సిన చర్యలపై ఇరువురు చర్చించినట్లు సమాచారం. జనవరి 30న స్విట్జర్లాండ్‌లోనే ఐఓసీ సెషన్ జరుగనున్న క్రమంలో థామస్ బ్యాచ్‌తో జై షా సమావేశమవ్వడం ప్రాధాన్యం సంతరించుకుంది. మీటింగ్‌కు సంబంధించిన ఫొటోలను ఐసీసీ సోషల్ మీడియాలో పంచుకుంది.

Momentum continues to build around cricket’s inclusion as an @Olympics sport at the @LA2028 Games and beyond, with @JayShah meeting International Olympic Committee (IOC) President Thomas Bach in Lausanne, Switzerland this week. pic.twitter.com/hiySGMGNPg
— ICC (@ICC) January 21, 2025

128 ఏళ్ల తర్వాత...
లాస్ ఏంజెలిస్ ఒలింపిక్స్ క్రీడల్లో క్రికెట్‌ను ప్రవేశపెడుతూ 2023లో నిర్ణయం తీసుకున్న సంగతి తెలిసిందే. ముంబైలో జరిగిన ఐఓసీ సెషన్లలో ఈ చరిత్రాత్మక నిర్ణయం తీసుకున్నారు. పొట్టి ఫార్మాట్లో క్రికెట్‌ను ఈ క్రీడల్లో ప్రవేశపెడతారు. ఇందుకు సంబంధించిన కార్యచరణను రూపొందిస్తున్నట్లు తెలుస్తోంది. రాబోయే మూడున్నరేళ్ల పాటు మరింత కట్టుదిట్టంగా పని చేసి, క్రికెట్‌ను ఒలింపిక్స్‌లో భాగం చేయాలని ఐసీసీ భావిస్తోంది. ఈ నేపథ్యంలో ఒక కార్యాచరణతో ముందుకు పోతోంది. చివరిసారిగా 1900లో జరిగిన ఒలింపిక్ క్రీడల్లో క్రికెట్‌ను ఆడారు. పారిస్‌లో ఈ ఎడిషన్ క్రీడలు జరిగాయి. ప్రపంచవ్యాప్తంగా క్రికెట్‌కు ఉన్న క్రేజ్‌ను చూసి ఐఓసీ కూడా క్రికెట్‌పై మక్కువతోనే ఉంది.

బ్రిస్బేన్ ఒలింపిక్స్‌లోనూ..
లాస్ ఎంజిలిస్ తర్వాత జరిగే బ్రిస్బేన్ ఒలింపిక్స్‌లోనూ క్రికెట్‌కు స్థానం కల్పించాలని ఐసీసీ చైర్మన్ జై షా ఇప్పటికే పావులు కదుపుతున్నారు. గతనెలలో జరిగిన బోర్డర్- గావస్కర్ ట్రోఫీ సందర్భంగా ఆస్ట్రేలియాను సందర్శించిన ఆయన.. క్రికెట్ ఆస్ట్రేలియా చైర్మన్ తో పాటు బ్రిస్బేన్ ఒలింపిక్స్ ఆర్గనైజేషన్ కమిటీతోనూ చర్చలు జరిపారు. లాస్ ఏంజెలిస్ ఎడిషన్‌లో వచ్చే ఆదరణను బట్టి, దీనిపై నిర్ణయం తీసుకోనున్నారని తెలుస్తోంది. మరోవైపు క్రికెట్ ఆస్ట్రేలియా దేశపు జాతీయ క్రీడ కాబట్టి, ఒలింపిక్స్‌లో కొనసాగించే అంశంపై మద్ధతు లభిస్తుందని ఐసీసీ వ్యూహాలు రచిస్తున్నట్లు తెలుస్తోంది. ఏదేమైనా ఒలింపిక్స్ లో క్రికెట్ ను ప్రవేశ పెడితే భారత్ ఖాతాలో కచ్చితంగా ఒక పతకం చేరుతుందని అభిమానులు ఆశగా చూస్తున్నారు. 2028తోపాటు మిగతా ఎడిషన్లలోనూ క్రికెట్ ను కొనసాగించడం సంప్రదాయంగా రావాలని కోరుకుంటున్నారు.

Also Read: Sanju Samson: నా కొడుకుపై కుట్ర చేశారు - మిగతా ప్లేయర్లతో సమానంగా చూడట్లేదు, సంజూ తండ్రి సంచలన ఆరోపణలు