Sunrisers Hyderabad Dominance: పంజాబ్ కింగ్స్‌పై ఎస్ఆర్‌హెచ్ నయా రికార్డ్.. మళ్ళీ 200 ప్లస్ స్కోరుతో ముంబై ఇండియన్స్ రికార్డ్ సమం! SRH బ్యాటర్ల ఊచకోత

ఐపీఎల్ 2026లో పంజాబ్ కింగ్స్‌పై సన్ రైజర్స్ హైదరాబాద్ బ్యాటర్లు మరోసారి విరుచుకుపడ్డారు. 235 పరుగుల భారీ స్కోరుతో ముంబై ఇండియన్స్ పేరిట ఉన్న ఒక అరుదైన రికార్డును ఎస్ఆర్‌హెచ్ సమం చేసింది.

హెన్రిచ్ క్లాసెన్

Source : PTI

Sunrisers Hyderabad Dominance Against Punjab Kings : ఐపీఎల్‌లో సన్ రైజర్స్ హైదరాబాద్ (SRH) బ్యాటింగ్ విధ్వంసం ఆగడం లేదు. ముఖ్యంగా పంజాబ్ కింగ్స్ (PBKS) కనిపిస్తే చాలు హైదరాబాద్ బ్యాటర్లు రికార్డుల వేట మొదలుపెడుతున్నారు. తాజాగా జరిగిన మ్యాచ్‌లో మరోసారి 200 ప్లస్ స్కోరు సాధించిన ఎస్ఆర్‌హెచ్.. ఐపీఎల్ చరిత్రలో ఒకే టీమ్ పై అత్యధిక సార్లు 200 పైగా పరుగులు చేసిన జట్టుగా ముంబై ఇండియన్స్ తో కలిసి సంయుక్తంగా అగ్రస్థానంలో నిలిచింది. ఢిల్లీ క్యాపిటల్స్ పై ముంబైకి ఎనిమిది సార్లు ఈ ఫీట్ సాధించిన రికార్డ్ ఉండగా, ఇప్పుడు పంజాబ్ పై హైదరాబాద్ కూడా అదే మ్యాజిక్ ఫిగర్ ను అందుకుంది.

Innings Break!

A powerful batting show from #SRH 💪

Will they defend it or will #PBKS chase it down? ⏳

Scorecard ▶️ https://t.co/8L0gAuxW78#TATAIPL | #KhelBindaas | #SRHvPBKS pic.twitter.com/chWDeWNLBO

— IndianPremierLeague (@IPL) May 6, 2026

రికార్డుల హోరు - హైదరాబాద్ జోరు..
హైదరాబాద్ వేదికగా జరిగిన ఈ మ్యాచ్‌లో ఎస్ఆర్‌హెచ్ 4 వికెట్ల నష్టానికి 235 పరుగులు చేసింది. పంజాబ్ పై హైదరాబాద్ కు ఇది రెండో అత్యుత్తమ స్కోరు. గతంలో 2025లో ఇదే వేదికపై సెకండ్ ఇన్నింగ్స్ లో 247/2 పరుగులు చేయడం విశేషం. ఇరుజ‌ట్ల మ‌ధ్య‌ టాప్ 5 స్కోర్లను గమనిస్తే అందులో నాలుగు హైదరాబాద్ లోనే నమోదు కావడం గమనార్హం. పంజాబ్ బౌలర్లు ఎవరైనా, స్టేడియం ఏదైనా ఎస్ఆర్‌హెచ్ బ్యాటర్లు మాత్రం బౌండరీల వర్షం కురిపిస్తూనే ఉన్నారు.

టాప్ స్కోర్ల వివరాలు ఇవే:

247/2 - హైదరాబాద్ (2025)

235/4 - హైదరాబాద్ (2026)

219/6 - ముల్లన్ పూర్ (2026)

215/6 - హైదరాబాద్ (2024)

212/6 - హైదరాబాద్ (2019)

విధ్వంసం సృష్టించిన బ్యాటర్లు..
ఈ మ్యాచ్‌లో కూడా ఓపెనర్లు అభిషేక్ శర్మ, ట్రావిస్ హెడ్ అదిరిపోయే ఆరంభాన్ని ఇచ్చారు. ఆ తర్వాత వచ్చిన హెన్రిచ్ క్లాసెన్ (69), ఇషాన్ కిషన్ (55) పంజాబ్ ఫీల్డర్లు ఇచ్చిన అవకాశాలను వాడుకుని స్కోరు బోర్డును పరుగులు పెట్టించారు. ఆఖర్లో నితీష్ కుమార్ రెడ్డి మెరుపు మెరుపులు మెరిపించడంతో స్కోరు 230 దాటింది. ఈ ఇన్నింగ్స్‌లో మొత్తం 17 సిక్సర్లు నమోదయ్యాయి. పంజాబ్ పై ఒకే మ్యాచ్‌లో ఎస్ఆర్‌హెచ్ కొట్టిన అత్యధిక సిక్సర్లు ఇవే కావడం విశేషం.

పంజాబ్ ఫీల్డింగ్ వైఫల్యం..
మరోవైపు పంజాబ్ కింగ్స్ ఫీల్డింగ్ లో చాలా తప్పిదాలు చేసింది. స్టార్ స్పిన్నర్ యుజ్వేంద్ర చాహల్ 1/32 తో రాణించినప్పటికీ.. క్యాచ్‌లు డ్రాప్ చేయడం, స్టంపింగ్ మిస్ చేయడం వల్ల అతనికి వికెట్లు దక్కలేదు. బౌలర్లకు ఏమాత్రం సహకరించని పిచ్‌పై ఫీల్డర్లు కూడా చేతులెత్తేయడంతో పంజాబ్ భారీ మూల్యం చెల్లించుకుంది. క్లాసెన్, కిషన్ వంటి డేంజరస్ బ్యాటర్లకు లైఫ్ ఇవ్వడం పంజాబ్ భారీగా ప‌రుగులు స‌మ‌ర్పించుకోడానికి ప్రధాన కారణమైంది. ఎస్ఆర్‌హెచ్ వర్సెస్ పంజాబ్ మ్యాచ్ అంటేనే ఇప్పుడు భారీ స్కోర్లకు కేరాఫ్ అడ్రస్ గా మారిపోయింది. ఈ రెండు జట్ల మధ్య పోరు ఇప్పుడు ఐపీఎల్ లోనే అత్యంత ఆసక్తికరమైన బ్యాటింగ్ రైవల్రీగా మారింది. హైదరాబాద్ బ్యాటర్ల జోరు చూస్తుంటే ఈ సీజన్ లో మరిన్ని రికార్డులు బద్దలయ్యేలా కనిపిస్తున్నాయి. 

మరిన్ని చదవండి

హార్దిక్ పాండ్యాను దూరం పెట్టిన ముంబై ఇండియన్స్‌! సంచలనంగా మారుతున్న పరిణామాలు!

ఐపీఎల్ ఫైనల్ ఆతిథ్య హక్కులను RCB నుంచి ఎందుకు తొలగించారు? BCCI క్లారిటీ ఇదే