Virat Kohli Records: టీ20లో విరాట్ కోహ్లీ రికార్డ్.. ప్రపంచంలోనే తొలి ఆటగాడిగా అరుదైన ఘనత
MI vs RCB | ముంబై ఇండియన్స్ పై అత్యధిక పరుగులు చేసిన బ్యాటర్ల జాబితాలో విరాట్ కోహ్లీ అరుదైన ఘనత సాధించాడు. MI జట్టుపై 1000 పరుగులు పూర్తి చేసిన తొలి క్రికెటర్ కోహ్లీనే.
ముంబై: రన్ మేషిన్ విరాట్ కోహ్లీ IPL 2026లో రికార్డులు సృష్టిస్తున్నాడు. ముంబై ఇండియన్స్ జట్టుపై ముంబై వేదికగా ఆడుతూ అరుదైన ఘనత సాధించాడు. ముంబై ఇండియన్స్ పై వెయ్యి పరుగులు చేసిన మొదటి క్రికెటర్గా కోహ్లీ చరిత్రలో నిలిచాడు. ఛాంపియన్స్ లీగ్ T20, ఇండియన్ ప్రీమియర్ లీగ్ రెండింటిలోనూ కలిపి ముంబై జట్టుపై కింగ్ కోహ్లీ వెయ్యి పరుగులు పూర్తి చేశాడు. ఈ ఘనత సాధించిన ఏకైక క్రికెటర్గా నిలిచాడు.
వాంఖడే మైదానంలో ఆదివారం రాత్రి జరుగుతున్న మ్యాచ్లో 20 పరుగులు చేయడంతో కోహ్లీ ఈ ఘనత సాధించాడు. ఈ విషయంలో అతను భారత బ్యాటర్లు కేఎల్ రాహుల్, శిఖర్ ధావన్లను అధిగమించాడు. ఈ జాబితాలో ఏబీ డివిలియర్స్, డేవిడ్ వార్నర్ ఎక్కువ దూరంలో లేరు. విరాట్ రికార్డు మాత్రం చారిత్రాత్మకమైనది. ఎందుకంటే అతను ఒకే జట్టు (RCB) తరఫున ఆడుతూ ప్రత్యర్థి జట్టుపై ఏకంగా వెయ్యి పరుగులు పూర్తి చేశాడు. కేఎల్ రాహుల్ ముంబైకి వ్యతిరేకంగా వెయ్యి పరుగులు చేయడానికి కేవలం 23 పరుగుల చేరువలో ఉన్నాడు. అయితే కోహ్లీ మాత్రం ఒకే జట్టుకు ఆడుతూ ఈ ఫీట్ నమోదు చేసిన ఏకైక క్రికెటర్.
Wrists made of Gold. 🤌✨ pic.twitter.com/QquXPxp57c
— Royal Challengers Bengaluru (@RCBTweets) April 12, 2026
T20లో MI జట్టుపై అత్యధిక పరుగుల వీరులు
- 1000+ పరుగులు - విరాట్ కోహ్లీ (ఆర్సీబీ)
- 977 పరుగులు - కేఎల్ రాహుల్
- 888 పరుగులు - అజింక్యా రహానే
- 850 పరుగులు - సురేష్ రైనా
- 829 పరుగులు - MS ధోని (సీఎస్కే, ఆర్పీఎస్)
4 జట్లపై 1000 పరుగులు
ఇండియన్ ప్రీమియర్ లీగ్ చరిత్రలో విరాట్ కోహ్లీ 4 వేర్వేరు జట్లపై వెయ్యికి పైగా పరుగులు చేశాడు. కోహ్లీ చెన్నై సూపర్ కింగ్స్పై 1174 పరుగులు చేయగా, పంజాబ్ కింగ్స్పై 1159 పరుగులు చేశాడు. కోల్కతా నైట్ రైడర్స్, ఢిల్లీ క్యాపిటల్స్పై కూడా వెయ్యికి పైగా పరుగులు చేసి సరికొత్త రికార్డులు నమోదు చేస్తున్నాడు.
ముంబై ఇండియన్స్తో ఆదివారం జరుగుతున్న మ్యాచ్కు ముందు విరాట్ కోహ్లీ IPLలో ముంబై ఇండియన్స్పై 922 పరుగులు చేశాడు. ఇతర టోర్నీ్లలోనూ ముంబైపై పరుగులు చేశాడని తెలిసిందే. IPLలో ముంబైకి వ్యతిరేకంగా వెయ్యి పరుగులు పూర్తి చేయడానికి ఆదివారం జరిగిన మ్యాచ్లో 78 పరుగులు చేయాల్సి ఉంది. IPL చరిత్రలో 8 వేలు లేదా అంతకంటే ఎక్కువ పరుగులు చేసిన ఏకైక బ్యాటర్ కోహ్లీనే.
టాప్ హెడ్ లైన్స్
ట్రెండింగ్ వార్తలు
