IPL 2026 Mohammed Shami: చరిత్ర సృష్టించిన మహ్మద్ షమీ.. ఐపీఎల్ చరిత్రలోనే తొలి బౌలర్‌గా అరుదైన ఘనత

Mohammed Shami Wickets on First Ball IPL: పంజాబ్ కింగ్స్‌తో శనివారం జరుగుతున్న మ్యాచ్‌లో ప్రియాంష్ ఆర్య వికెట్ తీయడంతో మహమ్మద్ షమీ ఐపీఎల్‌లో సరికొత్త చరిత్ర సృష్టించాడు.

By : Shankar Dukanam | Updated at : 23 May 2026 11:02 PM (IST)

Mohammed Shami becomes first bowler took wicket on first ball of ipl innings lsg vs pbks IPL 2026 Mohammed Shami: చరిత్ర సృష్టించిన మహ్మద్ షమీ.. ఐపీఎల్ చరిత్రలోనే తొలి బౌలర్‌గా అరుదైన ఘనత

వికెట్ తీసిన ఆనందంలో మహ్మద్ షమీ

Source : social media

IPL 2026 LSG vs PBKS | ఇండియన్ ప్రీమియర్ లీగ్‌ (IPL)లో మహ్మద్ షమీ (Mohammed Shami) సరికొత్త చరిత్ర సృష్టించాడు. పంజాబ్ కింగ్స్ (Punjab Kings) బ్యాటర్ ప్రియాంశ్ ఆర్యను తొలి బంతికే అవుట్ చేయడం ద్వారా ఈ చారిత్రాత్మక రికార్డును షమీ నెలకొల్పాడు. ఈ వికెట్ ద్వారా షమీ ఇప్పుడు ఐపీఎల్‌లో ఇన్నింగ్స్ మొదటి బంతికే అత్యధిక వికెట్లు తీసిన బౌలర్‌గా నిలిచాడు. ఫస్ట్ బ్యాటింగ్ కు దిగిన లక్నో సూపర్ జెయింగ్స్ జట్టు నిర్ణీత ఓవర్లలో 6 వికెట్ల నష్టానికి 196 పరుగులు చేసింది.

పంజాబ్ కింగ్స్ జట్టు 197 పరుగుల లక్ష్యంతో బ్యాటింగ్‌కు దిగింది. ప్లే ఆఫ్ ఆశలు నిలుపుకోవాలంటే ఈ మ్యాచులో పంజాబ్ కచ్చితంగా విజయం సాధించాలి. మహ్మద్ షమీ ఇన్నింగ్స్ మొదటి బంతికే పంజాబ్ ఓపెనర్ ప్రియాంశ్ ఆర్యను ఔట్ చేశాడు. అర్జున్ టెండూల్కర్ క్యాచ్ పట్టడంతో ప్రియాంశ్ నిరాశగా పెవిలియన్ బాట పట్టాడు. ఈ క్రమంలో ఇండియన్ ప్రీమియర్ లీగ్ (IPL)లో షమీ ఇన్నింగ్స్ మొదటి బంతికే వికెట్ తీయడం ఇది మొత్తంగా ఆరోసారి. ఈ విషయంలో రాజస్తాన్ రాయల్స్ బౌలర్ జోఫ్రా ఆర్చర్‌ను వెనక్కి నెట్టాడు.

Also Read: Virat Kohli vs Travis Head : కోహ్లీ... నీకు అంత అహంకారమా? హెడ్‌కు షేక్‌హ్యాండ్ ఇవ్వకపోవడంపై నెటిజన్లు ఫైర్!

ఆర్చర్ ఐపీఎల్ ఇన్నింగ్స్ మొదటి బంతికి 5 సార్లు వికెట్ పడగొట్టాడు. ఈ జాబితాలో నంబర్-3 లో ముంబై తరఫున ఆడుతున్న ట్రెంట్ బౌల్ట్ ఉన్నాడు. బౌల్ట్ ఇన్నింగ్స్ మొదటి బంతికి 3 సార్లు వికెట్లు పడగొట్టాడు.

Lala 🤝 Powerplay wickets - 𝗠𝗔𝗧𝗖𝗛 𝗠𝗔𝗗𝗘 𝗜𝗡 𝗛𝗘𝗔𝗩𝗘𝗡 🥹🧿pic.twitter.com/cElKMrwQ5j
— Lucknow Super Giants (@LucknowIPL) May 23, 2026

IPL ఇన్నింగ్స్ తొలి బంతికే వికెట్:

6 సార్లు - మహ్మద్ షమీ

5 సార్లు - జోఫ్రా ఆర్చర్

3 సార్లు - ట్రెంట్ బౌల్ట్

ఐపీఎల్ 2026 సీజన్ మహ్మద్ షమీకి అంతగా కలిసిరాలేదు. లక్నో బౌలర్ షమీ ఇప్పటివరకు ఈ సీజన్ మొత్తంలో 13 మ్యాచ్‌లు ఆడి కేవలం 12 వికెట్లు మాత్రమే తీశాడు. మొత్తం టీ20 క్రికెట్ విషయానికి వస్తే, ఇన్నింగ్స్ మొదటి బంతికే అత్యధిక వికెట్లు తీసిన రికార్డు షాహీన్ అఫ్రిది, ల్యూక్ వుడ్ పేరిట ఉంది. ఈ బౌలర్లు ఇన్నింగ్స్ తొలి బంతికే 9 సార్లు వికెట్లు పడగొట్టారు.

ఐపీఎల్ 2026లో మహ్మద్ షమీ ఇన్నింగ్స్ తొలి ఓవర్లు అద్భుతంగా బౌలింగ్ చేశాడు. ఈ సీజన్‌లో షమీ 13 సార్లు ఇన్నింగ్స్ మొదటి ఓవర్ బౌలింగ్ వేయగా, అందులో కేవలం 7.23 ఎకానమీ రేటుతో పరుగులు ఇచ్చి 5 వికెట్లు కూడా పడగొట్టాడు.

Also Read: Vinesh Phogat: రెజ్లర్ వినేష్ ఫొగాట్‌కు భారీ ఊరట.. WFI తీరును తప్పుపట్టిన హైకోర్టు

మరిన్ని చదవండి

ఆర్సీబీపై SRH ప్ర‌తీకార విజ‌యం.. ఎలిమినేట‌ర్ కు అర్హ‌త‌.. రాణించిన కిష‌న్, అభిషేక్ క్లాసెన్, మ‌లింగా

'BIHAR IPL TEAM'"వైభవ్‌ ప్రభావం"

About the author Shankar Dukanam

జర్నలిజంలో గత పదేళ్లుగా పనిచేస్తున్నారు. గత దశాబ్దకాలంలో పలు ప్రముఖ తెలుగు మీడియా సంస్థలలో పనిచేసిన అనుభవం ఆయనకు ఉంది. ఏపీ, తెలంగాణ, జాతీయ, అంతర్జాతీయ, రాజకీయ, వర్తమాన అంశాలపై కథనాలు అందిస్తారు. గ్రాడ్యుయేషన్ పూర్తయ్యాక జర్నలిజం కోర్సు పూర్తిచేసి కెరీర్‌గా ఎంచుకున్నారు. నేషనల్ మీడియాకు చెందిన పలు తెలుగు మీడియా సంస్థలలో సీనియర్ కంటెంట్ రైటర్‌గా సేవలు అందించారు. జర్నలిజంలో వందేళ్లకు పైగా చరిత్ర ఉన్న ఆనంద్ బజార్ పత్రిక నెట్‌వర్క్ (ABP Network)కు చెందిన తెలుగు డిజిటల్ మీడియా ఏబీపీ దేశంలో గత నాలుగేళ్ల నుంచి న్యూస్ ప్రొడ్యూసర్‌గా పనిచేస్తున్నారు.