IPL 2026 MI VS RCB Latest Update: సాల్ట్ విధ్వంసం.. ఆర్సీబీ భారీ స్కోరు.. సత్తా చాటిన కోహ్లీ, పటిదార్, డేవిడ్
MI VS RCB: బ్యాటర్లు సత్తా చాటడంతో ముంబైపై ఆర్సీబీ భారీ స్కోరు సాధించింది. సాల్ట్, కోహ్లీ, పటిదార్ అర్థ సెంచరీలతో సత్తా చాటారు.
IPL 2026 MI VS RCB Update: ఐపీఎల్ 2026 సీజన్ లో చిరకాల ప్రత్యర్థి ముంబై ఇండియన్స్ తో జరుగుతున్న మ్యాచ్ లో మంచి బ్యాటింగ్ ప్రదర్శన కనబర్చింది. వాంఖడేలో శనివారం జరిగిన లీగ్ మ్యాచ్ లో ఆర్సీబీ.. నిర్ణీత 20 ఓవర్లలో 4 వికెట్లకు 240 పరుగులు చేసింది. ఓపెనర్ ఫిల్ సాల్ట్ సూపర్బ్ అర్ధ సెంచరీ (36 బంతుల్లో 78, 6 ఫోర్లు, 6 సిక్సర్లు)తో టాప్ స్కోరర్ గా నిలిచాడు. బౌలర్లలో హార్దిక్ పాండ్యా ఒక వికెట్ తీసి, మిగతావారితో పోలిస్తే కాస్త పొదుపుగా బౌలింగ్ చేశాడు. ఇక ఈ మ్యాచ్ లోనూ స్టార్ పేసర్ జస్ ప్రీత్ బుమ్రా వికెట్ తీయడంలో విఫలమయ్యాడు.
Salty & Fiery a flavour that was just too hot to handle. ♨️🥵
— Royal Challengers Bengaluru (@RCBTweets) April 12, 2026
Well played boys! This was beyond entertaining. 🍿 #PlayBold #ನಮ್ಮRCB #IPL2026 #MIvRCB pic.twitter.com/Q5QyiFsPi0
పవర్ ప్లేలో బాదుడు..
టాస్ ఓడి ఫస్ట్ బ్యాటింగ్ చేసిన ఆర్సీబీకి ఓపెనర్లు సాల్ట్, మాజీ కెప్టెన్ విరాట్ కోహ్లీ (38 బంతుల్లో 50, 5 ఫోర్లు, 1 సిక్సర్) శుభారంభాన్నిచ్చారు. ఆరంభ ఓవర్లలో కాస్త నెమ్మదిగా ఆడినట్లు కనిపించిన సాల్ట్.. మూడో ఓవర్లో కళ్లు చెదిరే సిక్సర్ కొట్టాడు. ఇక ఐదో ఓవర్లలో మూడు సిక్సర్లతో 22 పరుగులు పిండుకున్నాడు. ఆ తర్వాత మాయాంక్ మార్కండే ఓవర్లో సిక్సర్ తో 25 బంతుల్లో ఫిఫ్టీని పూర్తి చేసుకున్నాడు సాల్ట్. ఆ తర్వాత మరో రెండు ఫోర్లు హ్యాట్రిక్ నమోదు చేసి, సిక్సర్ తో ఘనంగా ముగింపునిచ్చాడు. దీంతో ఈ ఓవర్లో 20 పరుగులను రాబట్టాడు. ఆ తర్వాత ఏమాత్రం జోరు తగ్గని సాల్ట్ బౌండరీలతో విరుచుకు పడ్డాడు. అప్పటికే పవర్ ప్లేలో 71 పరుగులను రాబట్టింది. ఇక 12వ ఓవర్ వేసిన లార్డ్ శార్దూల్ ఠాకూర్.. సాల్ట్ ను ఔట్ చేసి, ముంబైకి బ్రేక్ ఇచ్చాడు. దీంతో 120 పరుగుల భాగస్వామ్యానికి తెరపడింది.
The #RCB skipper is putting on a show! 🔥
— IndianPremierLeague (@IPL) April 12, 2026
🎥 3️⃣ consecutive sixes for Rajat Patidar right out of the blocks 👊
Updates ▶️ https://t.co/q1MGJfD2d8#TATAIPL | #KhelBindaas | #MIvRCB | @RCBTweets pic.twitter.com/spvz9kZVSr
పటిదార్ పంజా..
వన్ డౌన్ లో బ్యాటింగ్ కు దిగిన కెప్టెన్ రజత్ పటిదార్ స్టన్నింగ్ ఫిఫ్టీ (20 బంతుల్లో 53, 4 ఫోర్లు, 5 సిక్సర్) తో బీస్ట్ మోడ్ లో ఆడాడు. ఆరంభం నుంచే బౌలర్లపైకి ఎదురుదాడికి దిగాడు. బౌండరీతో ఇన్నింగ్స్ ను స్టార్ట్ చేసిన పటిదార్, మార్కండే బౌలింగ్ హ్యాట్రిక్ సిక్సర్లను సాధించాడు. ఆ తర్వాత కోహ్లీ కూడా జత కూడటంతో స్కోరు బోర్డు పరుగులెత్తింది. ఈక్రమంలో ముందుగా 37 బంతుల్లో కోహ్లీ.. ఫిఫ్టీ పూర్తి చేసుకుని ఔటయ్యాడు. మరుసటి ఓవర్లోనే 17 బాల్స్ పిఫ్టీ కొట్టిన పటిదార్.. అదే ఓవర్లో పెవిలియన్ కు చేరాడు. చివర్లో టిమ్ డేవిడ్ (34 నాటౌట్) మూడు సిక్సర్లు కొట్టడంతో ఆర్సీబీ భారీ స్కోరును సాధించింది. మిగతా బౌలర్లలో ట్రెంట్ బౌల్ట్, మిషెల్ శాంట్నర్, శార్దూల్ ఠాకూర్ లకు తలో వికెట్ దక్కింది.
టాప్ హెడ్ లైన్స్
ట్రెండింగ్ వార్తలు
