IPL 2026 CSK VS DC Result Update: సీఎస్కే గ్రాండ్ విక్ట‌రీ.. సంజూ స్ట‌న్నింగ్ ఫిఫ్టీ.. రాణించి కార్తీక్, చిత్తుగా ఓడిన డీసీ

ప్లే ఆఫ్స్ ద‌గ్గ‌ర పడుతున్న కొద్దీ, చెన్నై ఆట‌తీరు గొప్ప‌గా మారుతోంది. అన్ని రంగాల్లో ఆధిప‌త్యం ప్ర‌ద‌ర్శించిన సీఎస్కే.. ఢిల్లీపై ఘ‌న‌విజ‌యం సాధించింది. శాంస‌న్ అద్బుత ఇన్నింగ్స్ తో ఆక‌ట్టుకున్నాడు. 

సంజూ శాంసన్, కార్తీక్ శర్మ

Source : PTI

IPL 2026 CSK VS DC Latest Update: ఐపీఎల్ 2026లో ఐదుసార్లు చాంపియ‌న్ చెన్నై సూప‌ర్ కింగ్స్ వ‌రుస‌గా రెండో విజ‌యాన్ని సాధించింది. మంగ‌ళ‌వారం అరుణ్ జైట్లీ స్టేడియం వేదిక‌గా జ‌రిగిన మ్యాచ్ లో ఆతిథ్య ఢిల్లీ క్యాపిట‌ల్స్ పై 8 వికెట్ల‌తో ఘ‌న విజ‌యం సాధించింది. అంత‌కుముందు టాస్ గెలిచి ఫ‌స్ట్ బ్యాటింగ్ చేసిన ఢిల్లీ.. స్లో వికెట్ పై నిర్ణీత 20 ఓవ‌ర్ల‌లో 7 వికెట్ల‌కు 155 ప‌రుగులు చేసింది. స‌మీర్ రిజ్వీ ఇంపాక్ట్ ప్లేయ‌ర్ (24 బంతుల్లో 40 నాటౌట్, 4 సిక్సర్లు)తో టాప్ స్కోర‌ర్ గా నిలిచాడు. బౌల‌ర్ల‌లో నూర్ అహ్మ‌ద్ కు రెండు వికెట్లు ద‌క్కాయి. అనంత‌రం ఛేజింగ్ ను చెన్నై.. ఆడుతూ పాడుతూ ఈ ఛేజ్ ను కంప్లీట్ చేసింది. కేవ‌లం 17.3 ఓవ‌ర్ల‌లో 2 వికెట్ల‌కు 159 ప‌రుగులు చేసింది. ఓపెన‌ర్ సంజూ శాంస‌న్ స్ట‌న్నింగ్ ఫిఫ్టీ (52 బంతుల్లో 87 నాటౌట్, 7 ఫోర్లు, 6 సిక్స‌ర్లు )తో చివ‌రికంటా నిలిచి, జ‌ట్టును విజ‌య‌తీరాల‌కు చేర్చాడు. బౌల‌ర్ల‌లో కెప్టెన్ అక్ష‌ర్ ప‌టేల్, లుంగీ ఎంగిడికి త‌లో వికెట్ ద‌క్కింది. ఈ విజ‌యంతో ప‌ది పాయింట్ల‌తో త‌న ఆరోస్థానాన్ని ప‌టిష్టం చేసుకుంది. ఇక ఈ సీజ‌న్ లో ఢిల్లీపై సీఎస్కే కు ఇది వ‌రుస‌గా రెండో విజ‌యం కావ‌డం విశేషం.  బుధ‌వారం హైద‌రాబాద్ వేదిక‌గా జ‌రిగే మ్యాచ్ లో పంజాబ్ కింగ్స్ తో సన్ రైజ‌ర్స్ హైద‌రాబాద్ త‌ల‌ప‌డ‌నుంది. ఈ మ్యాచ్ లో గెలిచిన జ‌ట్టు టేబుల్ టాపర్ గా నిలుస్తుంది. 

Moving step by step closer to the W! 🎯

Sanju Samson 🤝 Kartik Sharma 💛

Updates ▶️ https://t.co/f1bRZthndy#TATAIPL | #KhelBindaas | #DCvCSK | @ChennaiIPL pic.twitter.com/MoCXAPFl6Q

— IndianPremierLeague (@IPL) May 5, 2026

ఆరంభంలోనే షాక్..
క‌ష్ట‌మైన పిచ్ పై, కాస్ ట్రిక్కీ టార్గెట్ తో బ‌రిలోకి దిగిన చెన్నైకి ఆరంభంలోనే ఎదురుదెబ్బ త‌గిలింది. ఫామ్ లో ఉన్న ఓపెన‌ర్ క‌మ్ కెప్టెన్ రుతురాజ్ గైక్వాడ్ (6) త్వ‌ర‌గానే ఔట‌య్యాడు. ఎంగిడి అద్భుత‌మైన బంతితో త‌న‌ను బోల్తా కొట్టించాడు. ఈ ద‌శ‌లో సంజూ శాంస‌న్ త‌న టెంప‌ర్మెంట్ ప్ర‌ద‌ర్శించాడు. ఆరంభంలో చాలా స‌మ‌యం తీసుకున్న అత‌డు ఆ త‌ర్వాత రెచ్చిపోయాడు. ఇక వ‌న్ డౌన్ బ్యాట‌ర్ ఉర్విల్ ప‌టేల్ (17) మాత్రం వేగంగా ఆడే ప్ర‌య‌త్నం చేశాడు. వీరిద్ద‌రూ ప‌వ‌ర్ ప్లే వ‌ర‌కు ఆడ‌రు. ఆ త‌ర్వాత ప‌టేల్ బౌలింగ్ లో కేఎల్ రాహుల్ మెరుపు స్టంపింగ్ తో ఉర్విల్ ఔటయ్యాడు. దీంతో 21 ప‌రుగుల చిన్న పార్ట్న‌ర్షిప్ కు తెర‌ప‌డింది. 

A Sanju Samson alert that no bowler wants to see 🫣😬

🎥 @ChennaiIPL's man in form is in the groove 😎

Updates ▶️ https://t.co/f1bRZthndy#TATAIPL | #KhelBindaas | #DCvCSK | @IamSanjuSamson pic.twitter.com/jM0XAnVoLA

— IndianPremierLeague (@IPL) May 5, 2026

మ్యాచ్ విన్నింగ్ భాగ‌స్వామ్యం..
ఆరంభంలో ఆచి తూచి ఆడ‌టంతో ప‌వ‌ర్ ప్లేలోనే 44 ప‌రుగులు మాత్ర‌మే వ‌చ్చాయి. ఆ త‌ర్వాత యువ ప్లేయ‌ర్ కార్తీక్ శర్మ (31 బంతుల్లో 41 నాటౌట్, 4 ఫోర్లు, 2 సిక్స‌ర్లు)తో క‌లిసి సంజూ ఇన్నింగ్స్ ను న‌డిపించాడు. హ‌య్యెస్ట్ పెయిడ్ అన్ క్యాప్డ్ ప్లేయ‌ర్ గా నిలిచిన కార్తీక్.. త‌న ప్రైస్ ట్యాగ్ కు న్యాయం చేస్తూ, వ‌రుస‌గా రెండో మ్యాచ్ లోనూ స‌త్తా చాటాడు. ఈ క్ర‌మంలో జోరు పెంచిన శాంస‌న్ 32 బంతుల్లోనే ఫిఫ్టీ పూర్తి చేసుకున్నాడు. ఇక క్ర‌మంగా రిక్వయిర్డ్ ర‌న్ రేట్ చేతిలోకి వ‌చ్చాక‌, బ్యాట్ ఝ‌ళిపించి మ్యాచ్ ను ముగించారు. మ‌రో 15 బంతులు మిగిలి ఉండ‌గానే, చెన్నై ఘ‌న విజయం త‌న ఖాతాలో వేసుకుంది. ఇక అబేధ్య‌మైన మూడో వికెట్ కు వీరిద్ద‌రూ 114 ప‌రుగులు జోడించ‌డం విశేషం.  

మరిన్ని చదవండి

MI ప్లేయర్ రఘు శర్మ ఎమోషనల్ సెలబ్రేషన్.. వికెట్ తీశాక జేబులోంచి నోట్ తీసి ఏం చూపించాడంటే! LSGతో మ్యాచ్‌లో మిస్టరీ నోట్ వైరల్