ipl

KL Rahul Future Clarity: ట్రేడింగ్ రూమర్లకు చెక్ పెట్టిన రాహుల్..తన ట్వీట్ తో క్లారిటీ , ఇక హార్దిక్ పాండ్యా ఇష్యూలో మ‌రో ట్విస్ట్

Ayesha — Tue, 8 Sep 2026 12:20:26 +0530

Delhi Capitals Retain KL Rahul Ahead Of Auction: ఇండియన్ ప్రీమియర్ లీగ్ (ఐపీఎల్) 2027 మినీ వేలానికి ముందు స్టార్ బ్యాటర్ కేఎల్ రాహుల్ భవితవ్యంపై నెలకొన్న ఎండ్ కార్డు ప‌డింది. గత 2026 సీజన్ ముగిసిన నాటి నుంచి ఫ్రాంచైజీల మధ్య ఆటగాళ్ల ట్రేడింగ్ గురించి పలు రకాల ప్రచారాలు జరిగాయి. ఇప్పటికే రిషభ్ పంత్ తిరిగి ఢిల్లీ క్యాపిటల్స్ గూటికి చేరగా, స్పిన్నర్ కుల్దీప్ యాదవ్ లక్నో సూపర్ జెయింట్స్ జట్టులోకి వెళ్లే భారీ ట్రేడ్ అధికారికంగా స్ప‌ష్ట‌మైంది. ఈ పరిణామాల నేపథ్యంలో రాహుల్ కూడా వేరే ఫ్రాంచైజీలోకి వెళ్తాడనే ఊహాగానాలు జోరందుకున్నాయి. అయితే రాబోయే సీజన్‌లో తాను ఢిల్లీ క్యాపిటల్స్ తరఫునే బరిలోకి దిగుతానని రాహుల్ స్వయంగా తేల్చిచెప్పాడు.

🚨 BIG NEWS FOR DC FANS! 🚨 KL Rahul will reportedly stay with the Delhi Capitals for IPL 2027! 💙 Can’t wait to see him back in action and creating more memorable moments. 🏏🔥

.

.

.#KLRahul #KLRahul #DelhiCapitals #DC #IPL #IPL2027 #Cricket #IndianCricket #CricketFans pic.twitter.com/V0CmOUZBKh
— cricketfastliveline (@cfll_official) September 8, 2026

ట్వీట్ తో రాహుల్ క‌న్ఫర్మేష‌న్..
ఢిల్లీ క్యాపిటల్స్ సహ యజమాని పార్థ్ జిందాల్ సోషల్ మీడియా వేదికగా రాహుల్‌ను ప్రశంసిస్తూ పెట్టిన పోస్ట్‌తో ఈ చర్చలకు తెరపడింది. రాహుల్‌ను అత్యుత్తమ క్లచ్ ప్లేయర్‌గా అభివర్ణించిన జిందాల్, ఫ్రాంచైజీతో ఇంకా సాధించాల్సింది చాలా ఉందని రాసుకొచ్చాడు. "కేఎల్ రాహుల్ ఢిల్లీ క్యాపిటల్స్‌కు నిజమైన ఆస్తి. జట్టు ప్రయోజనాలను ఎల్లప్పుడూ ముందుంచే వ్యక్తి. రాబోయే సీజన్‌లో ఢిల్లీని గర్వపడేలా చేయడానికి కలిసి శ్రమిస్తాం" అని జిందాల్ పేర్కొన్నాడు. దీనికి రాహుల్ స్పందిస్తూ "థ్యాంక్స్, వచ్చే సీజన్ కోసం ఆసక్తిగా ఎదురుచూస్తున్నా" అని బదులిచ్చాడు. దీంతో అతడు ఢిల్లీ క్యాపిటల్స్ జెర్సీలోనే కొనసాగుతాడన్న విషయం అధికారికంగా రూఢీ అయింది. 2025 సీజన్‌లో రూ. 14 కోట్లకు ఢిల్లీలో చేరిన రాహుల్, తొలి ఏడాది 539 రన్స్, 2026 సీజన్‌లో 593 రన్స్ చేసి అద్భుత ఫామ్ కనబరిచాడు.

ముంబైలోనే హార్దిక్ .. రోహిత్ శర్మ కీలక పాత్ర
మరోవైపు ముంబై ఇండియన్స్ స్టార్ ఆల్‌రౌండర్ హార్దిక్ పాండ్యా ట్రేడింగ్ వ్యవహారంలో కీలక మలుపు తిరిగింది. సరైన డీల్ కుదరకపోవడంతో హార్దిక్ మరో ఏడాది పాటు ముంబై ఇండియన్స్ జట్టులోనే కొనసాగే అవకాశాలు కనిపిస్తున్నాయి. అయితే 2027 సీజన్ కోసం జట్టు నాయకత్వంలో మార్పులు జరగనున్నాయని, కొత్త కెప్టెన్ ఎంపిక ప్రక్రియలో మాజీ సారథి రోహిత్ శర్మ కీలక నిర్ణయాలు తీసుకుంటున్నాడని తెలుస్తోంది. కెప్టెన్సీ కోల్పోయినప్పటికీ హార్దిక్ జట్టులో ఒక ఆటగాడిగా కొనసాగే అవకాశాలను ఫ్రాంచైజీ పరిశీలిస్తోంది.

ట్రేడింగ్ పుకార్లు..
ఫ్రాంచైజీలు తమ కోర్ గ్రూప్‌ను పటిష్టం చేసుకునే క్రమంలో వ్యూహాత్మకంగా వ్య‌వ‌హ‌రిస్తున్నాయి. రిషభ్ పంత్ రీఎంట్రీ, రాహుల్ కొనసాగింపుతో ఢిల్లీ క్యాపిటల్స్ మరింత బలంగా మారగా, మిగిలిన జట్లు సైతం సమతుల్యత కోసం ట్రేడింగ్ మార్గాలను అన్వేషిస్తున్నాయి.

MS Dhoni, Suresh Raina Retirement: ధోనీ రిటైర్మెంట్ ప్ర‌క‌టించిన వెంటనే రైనా కూడా గుడ్ బై.. విషయం తెలిసి MSD రియాక్ష‌న్ ఏంటంటే ?

Ayesha — Sat, 5 Sep 2026 11:41:48 +0530

Suresh Raina Retirement Secret Revealed: భారత క్రికెట్‌లో ఎంఎస్, ధోనీ, సురేశ్ రైనా బంధం గురించి ప్రత్యేకంగా చెప్పాల్సిన అవసరం లేదు. ఇండియా టీమ్‌తో పాటు Chennai Super Kingsలో దాదాపు దశాబ్దానికి పైగా కలిసి ప్రయాణించిన ఈ ఇద్దరు 2020 ఆగస్టు 15న అంతర్జాతీయ క్రికెట్‌కు ఒకే రోజు గుడ్‌బై చెప్పి, అభిమానుల‌కు షాకిచ్చారు. ధోనీ సాయంత్రం 7:29 గంటలకు సోషల్ మీడియా ద్వారా తన రిటైర్మెంట్‌ను ప్రకటించాడు. కొద్దిసేపటికే రైనా కూడా అంతర్జాతీయ క్రికెట్ నుంచి తప్పుకుంటున్నట్లు వెల్లడించాడు. అయితే తాను కూడా అదే రోజు రిటైర్ అవుతానని ధోనీకి చెప్పినప్పుడు అతడు ఆశ్చర్యపోయాడని రైనా ఇప్పుడు వెల్లడించాడు.

కుటుంబం కోసం నిర్ణ‌యం..

మాజీ ఇండియా బ్యాటర్ ఆకాశ్ చోప్రాతో మాట్లాడిన రైనా తన నిర్ణయం వెనుక కుటుంబం కూడా ఒక ముఖ్యమైన కారణమని వెల్ల‌డించాడు. క్రికెట్ కోసం ఆటగాడిగా ఎంతో త్యాగం చేయాల్సి వస్తుందని, దేశం కోసం ఆడటంతో పాటు తల్లిదండ్రులు కూడా ఎన్నో త్యాగాలు చేస్తారని గుర్తుచేశాడు. అయితే ఆ సమయంలో తన వయసు 32 లేదా 33 ఏళ్లుగా ఉన్నా, కుటుంబంతో ఎక్కువ సమయం గడపాల్సిన అవసరం ఉందని భావించినట్లు రైనా తెలిపాడు. ధోనీ రిటైర్మెంట్ ప్రకటించిన తర్వాత అత‌ని ద‌గ్గ‌రికి వెళ్లి తన నిర్ణయం కూడా పూర్తయిందని చెప్పగా, అస్స‌లు నువ్వేం చేశావంటూ ధోనీ ఆశ్చర్యపోయాడని గుర్తుచేశాడు. ఆ సమయంలో ఇద్దరూ CSK బయోబబుల్‌లో ఉన్నారు. కరోనా కారణంగా 2020 IPL సెప్టెంబర్ నుంచి నవంబర్ వరకు UAEలో నిర్వహించడంతో, అక్కడి నుంచి టోర్నమెంట్ కోసం UAEకి వెళ్లేందుకు సిద్ధమవుతున్నారు.

తన కోసం ధోనీ త్యాగం..

ధోనీతో తన బంధం గురించి కూడా రైనా ఆసక్తికర విషయాలు చెప్పాడు. తనకు బ్యాటింగ్ ఆర్డర్‌లో పై స్థానంలో అవకాశం రావడానికి ధోనీ తన స్థానాన్ని త్యాగం చేశాడని తెలిపాడు.సౌర‌వ్ గంగూలీ కెప్టెన్‌గా ఉన్న సమయంలో ధోనీ పై స్థానంలో బ్యాటింగ్ చేసేవాడు. అయితే రైనా, యువ‌రాజ్ సింగ్ ల‌కు ఎక్కువ అవకాశాలు ఇచ్చేందుకు ధోనీ తన స్థానాన్ని మార్చుకున్నాడని రైనా చెప్పాడు. తనపై ధోనీ చూపించిన నమ్మకం తనను మరింత కష్టపడేలా చేసిందని రైనా తెలిపాడు. ఫీల్డింగ్ అయినా బౌలింగ్ అయినా, బ్యాటింగ్ అయినా పూర్తి డెడికేష‌న్ తో టీమ్ కోసం ఆడాలని అప్పుడే నిర్ణయించుకున్నట్లు చెప్పాడు. తన కోసం ఎవరైనా ఇంత త్యాగం చేస్తే తిరిగి ఏదైనా ఇవ్వాలనే భావన ఉండాలని చెప్పాడు. డబ్బు అందరికీ ఉండొచ్చని, కానీ ఇత‌రుల కోసం త్యాగాలు చేసేంత పెద్ద మనసు అంద‌రికీ ఉండ‌బోద‌ని పేర్కొన్నాడు. ధోనీతో తన స్నేహం అలా ఏర్పడిందని, ఆ బంధం ఎప్పటికీ కొనసాగుతుందని రైనా చెప్పాడు.

ఇంపాక్ట్ ప్లేయర్ గా ఆడను.. బద్రీనాథ్ తో ధోనీ ఏమన్నాడంటే..?

ABP Desam — Fri, 4 Sep 2026 12:36:04 +0530

ఐపీఎల్‌లో ఇంపాక్ట్ ప్లేయర్ నిబంధనపై టీమిండియా లెజెండ్ మహేంద్ర సింగ్ ధోనీ తనదైన శైలిలో స్పందించాడు. మాజీ క్రికెటర్ ఎస్.బద్రీనాథ్‌తో ధోనీ మాట్లాడుతూ.. ఈ రూల్ వల్ల ఆలిండియా ఆల్ రౌండర్ల పాత్ర తగ్గిపోతుందని, భవిష్యత్తులో ఆటగాళ్లు బౌలింగ్ చేయడం పూర్తిగా మానేస్తారంటూ ఆసక్తికరమైన కామెంట్స్ చేశాడు.

IPL MI Hardik Pandya Retention: కెప్టెన్సీ లేక‌పోయినా ముంబైలోనే హార్దిక్ .. రోహిత్ నిర్ణయంతో ఆ ప్లేయ‌ర్ కి కెప్టెన్సీ..

Ayesha — Tue, 1 Sep 2026 22:23:19 +0530

Mumbai Indians Plan Major Leadership Transition: ఐపీఎల్ ట్రేడింగ్ రూమర్ల నడుమ స్టార్ ఆల్‌రౌండర్ హార్దిక్ పాండ్యా మరో ఏడాది పాటు ముంబై ఇండియన్స్ (ఎంఐ) ఫ్రాంచైజీలోనే కొనసాగే అవకాశాలు ఉన్న‌ట్లు తెలుస్తోంది. కెప్టెన్సీ పదవి నుంచి అతడిని తప్పించినప్పటికీ, సరైన ట్రేడ్ డీల్ కుదరకపోవడంతో ఐపీఎల్ 2027 సీజన్ కోసం ముంబై జట్టులోనే అతడు కొనసాగేందుకు మార్గం సుగమమైంది. అయితే కెప్టెన్సీలో మాత్రం భారీ మార్పులు చోటుచేసుకోనున్నాయని స‌మాచారం. కొత్త సారథిని ఎంపిక చేసే కీలక చర్చల్లో ఐదుసార్లు ట్రోఫీ గెలిపించిన మాజీ కెప్టెన్ రోహిత్ శర్మ క్రియాశీలక పాత్ర పోషిస్తున్నాడు.

2 minutes silence for those who still believe Hardik Pandya will come to CSK and Dhoni will convince him to come. https://t.co/kwaluDLusQ
— Nightwing (@Mr_Vigilante01) September 1, 2026

న‌యా కెప్టెన్ అత‌డే..!
ముంబై ఇండియన్స్ భవిష్యత్తు కోసం సరికొత్త నాయకత్వంలో ముందుకు వెళ్లాలని మేనేజ్‌మెంట్ ఆలోచిస్తోంది. రోహిత్ శర్మ తిరిగి కెప్టెన్సీ బాధ్యతలు చేపట్టేందుకు సిద్ధంగా లేకపోవడంతో, కొత్త నాయకుడి ఎంపికపై తన అమూల్యమైన సలహాలు అందిస్తున్నాడు. ప్రస్తుతం కెప్టెన్సీ రేసులో తెలుగు స్టార్ తిలక్ వర్మ, పేస్ గుర్రం జస్ప్రీత్ బుమ్రా పేర్లు ప్రముఖంగా వినిపిస్తున్నాయి. వీరిలో తిలక్ వర్మ వైపే ఫ్రాంచైజీ మేనేజ్‌మెంట్ ఎక్కువగా మొగ్గు చూపుతోందని స‌మాచారం.

The Dark Reality of Hardik Pandya 💔

-Hardik to be traded — KKR, MI, CSK & RR interested.

-No talks with CSK.

-Hardik–KKR deal almost done.

- Then Hardik to CSK with Shivam Dube & Dewald Brevis.

- Hardik wants GT return + captaincy.
GT reportedly rejects the demand.

Latest:… pic.twitter.com/nHhITYChKX
— Amar💫 (@KUNGFU_PANDYA_0) September 1, 2026

చ‌ర్చ‌లు జరిగినా, నో డీల్..
హార్దిక్ పాండ్యా ట్రేడింగ్ కోసం కోల్‌కతా నైట్ రైడర్స్ (కేకేఆర్) - ముంబై ఇండియన్స్ మ‌ధ్య‌ సంప్రదింపులు జ‌రిగాయి. ఆస్ట్రేలియా ఆల్‌రౌండర్ కామెరాన్ గ్రీన్‌ను ట్రేడ్ అసెట్ గా కేకేఆర్ ముందుకు తెచ్చినప్పటికీ, వచ్చే ఏడాది అతడి వర్క్‌లోడ్ సమస్యల కారణంగా ముంబై ఆసక్తి చూపలేదు. మరోవైపు చెన్నై సూపర్ కింగ్స్ (సీఎస్కే) తమ కొత్త హెడ్ కోచ్‌ను ఖరారు చేసిన తర్వాత వారితో చర్చలు జరిగే అవకాశం ఉందని స‌మాచారం. అయితే ట్రేడింగ్ జరగకపోతే హార్దిక్ ముంబైలోనే సాధారణ ప్లేయర్‌గా కొనసాగుతాడని ఫ్రాంచైజీ వర్గాలు వెల్లడించాయి.

స్కై రిటెన్ష‌న్..
2026 సీజన్ లో ఆశించిన స్థాయిలో రాణించలేకపోయినప్పటికీ, 35 ఏళ్ల సూర్యకుమార్ యాదవ్‌ను ఐపీఎల్ 2027 కోసం ముంబై ఇండియన్స్ రిటైన్ చేసుకోనుందని తెలుస్తోంది. ఒక్క సీజన్ వైఫల్యంతో ప్లేయర్లను వదిలేసే సంస్కృతి తమది కాదని, 'వన్ ఫ్యామిలీ' సిద్ధాంతానికి కట్టుబడి ఉంటామని మేనేజ్‌మెంట్ తెలిపింది. హెడ్ కోచ్ గా మహేల జయవర్ధనే మరో ఏడాది పాటు సేవ‌లందించ‌నున్నాడు. మెగా వేలానికి ముందు చివరి ఏడాది కావడంతో జట్టులో పెను మార్పులు చేయకుండా స్థిరత్వాన్ని కాపాడుకోవాలని ముంబై యోచిస్తోంది.

MS Dhoni CSK Stake: సీఎస్‌కేలో ధోనీకి 25 శాతం వాటా రూమ‌ర్స్ ... ఆకాష్ చోప్రా క్లారిటీ!

Ayesha — Thu, 27 Aug 2026 16:13:47 +0530

Former India Cricketer Aakash Chopra Reacts To Mahendra Singh Dhoni CSK Stake Controversy: ఇండియన్ ప్రీమియర్ లీగ్‌లో చెన్నై సూపర్ కింగ్స్ ఫ్రాంచైజీ, మహేంద్ర సింగ్ ధోనీ పేర్లు విడదీయరాని బంధంగా మారాయి. ఐపీఎల్ 2026 సీజన్‌లో ఒక్క మ్యాచ్ కూడా ఆడకపోయినా ధోనీ చుట్టూనే చర్చంతా కొన‌సాగుతోంది. 45 ఏళ్ల వయసులోనూ జట్టుకు మార్గదర్శిగా నిలుస్తున్నాడు. ఐపీఎల్ 2027 రిటెన్షన్ తేదీలు ఇంకా ఖరారు కాకముందే ధోనీ సీఎస్‌కే యాజమాన్యాన్ని 25 శాతం వాటా అడిగాడని, ఆ తర్వాత దాన్ని 20 శాతానికి తగ్గించగా ఫ్రాంచైజీ 5.5 శాతం ఆఫర్ చేసిందంటూ తాజాగా రూమ‌ర్స్ వెలువ‌డ్డాయి. ఈ ప్రచారం సోషల్ మీడియాలో తీవ్ర సంచలనంగా మారింది.

🚨 REPORTS 🚨

According to reports, MS Dhoni had shown interest in taking a stake in CSK, initially demanding 25%, while the franchise owners reportedly offered just 3%.

Dhoni later lowered his demand to 18%, while CSK increased their offer to 5.5%, but the talks reportedly… pic.twitter.com/TzgbarkdHn
— Sportskeeda (@Sportskeeda) August 26, 2026

చోప్రా స్పంద‌న‌..
ఈ వార్తలపై ఇండియా మాజీ ఓపెనర్, కోల్‌కతా నైట్ రైడర్స్ మాజీ ప్లేయర్ ఆకాష్ చోప్రా తన యూట్యూబ్ ఛానెల్ వేదికగా క్లారిటీ ఇచ్చాడు. ఈ ప్రచారంలో ఏమాత్రం వాస్తవం లేదని, ఇదంతా పూర్తిగా అవాస్తవమని కొట్టిపారేశాడు. రీసెంట్‌గా ఆర్సీబీని కొనుగోలు చేసినప్పుడు దాదాపు 1.7 నుంచి 1.8 బిలియన్ డాలర్ల వ్యాల్యుయేషన్ చర్చ నడిచిందని తెలిపాడు. చెన్నై సూపర్ కింగ్స్ కూడా ఐదు ట్రోఫీలు గెలిచి, విదేశాల్లోనూ లీగ్ జట్లను కలిగి ఉన్న అత్యంత విలువైన అంతర్జాతీయ బ్రాండ్ అని వివరించాడు.

Did MS Dhoni want a 20–25% stake in CSK? 👀

A report claims he was offered around 4–5%, but there’s no official confirmation of the ownership talks.#msdhoni #csk #ipl #cricket #justcricket #justcricketapp pic.twitter.com/Qnp56xgayV
— Just Cricket (@justcricket_app) August 26, 2026

ఉచితంగా ఎవ‌రూ ఇవ్వ‌రు..
సీఎస్‌కే విలువ 1.8 బిలియన్ డాలర్లు అనుకుంటే అందులో 25 శాతం వాటా అంటే దాదాపు 400 మిలియన్ డాలర్లు అవుతుందని ఆకాష్ లెక్కలు కట్టాడు. ఎవరూ కూడా అంత పెద్ద మొత్తాన్ని ఉచితంగా ఎవరికీ ఇవ్వరని, 25 శాతం వాటా పొందాలంటే స్వయంగా 400 మిలియన్ డాలర్లు పెట్టుబడి పెట్టాల్సి ఉంటుందని పేర్కొన్నాడు. ఐపీఎల్ ఫ్రాంచైజీలో ఎవరైనా 25 శాతం వాటా ఇస్తారనుకోవడం కేవలం హాస్యాస్పదమని తెలిపాడు

నిజం లేదు..
చివరకు 5.5 శాతం వాటా ఇచ్చారన్న వార్త కూడా నమ్మశక్యంగా లేదని ఆకాష్ తెలిపాడు. 2 శాతం లేదా 5 శాతం వాటా అంటేనే వందల కోట్ల రూపాయల భారీ మొత్తంతో కూడుకున్న వ్యవహారమని వ్యాఖ్యానించాడు. మొదట 25 శాతం అడగడం, నిరాకరించడం, ఆ తర్వాత 5.5 శాతానికి ఒప్పందం కుదరడం లాంటివన్నీ ప్లాన్ ప్రకారం సృష్టించిన తప్పుడు కథనంగా కనిపిస్తోందని తెలిపాడు. కచ్చితమైన ఆధారాలు లేనందున ఫేక్ న్యూస్ అని తేల్చలేకపోయినా, ఈ వార్తలో ఎలాంటి నిజం లేదని తాను బలంగా నమ్ముతున్నట్లు పేర్కొన్నాడు.

IPL Hardik Trade : హార్దిక్ ట్రేడింగ్ రూమ‌ర్స్ పై స్పందించిన గావ‌స్క‌ర్.. ఆ నిబంధ‌న‌లు పాటించాల‌ని సూచ‌న‌

Ayesha — Thu, 20 Aug 2026 12:58:27 +0530

IPL News, Sunil Gavaskar Questions Secret Trades: ఐపీఎల్ 2027 సీజన్ రాకముందే ఇండియన్ ప్రీమియర్ లీగ్ లో ప్లేయర్ల ట్రేడింగ్ లొల్లి స్టార్ట్ అయింది. స్టార్ ఆల్‌రౌండర్ హార్దిక్ పాండ్యాను ముంబై ఇండియన్స్ వేరే ఫ్రాంచైజీకి ట్రేడ్ చేయబోతోందనే ప్రచారం ఊపందుకుంది. 2015 లో ముంబై తరఫున ఎంట్రీ ఇచ్చిన హార్దిక్, 2022 లో గుజరాత్ టైటాన్స్ కు వెళ్లి కెప్టెన్ గా టైటిల్ నెగ్గాడు. ఆ తర్వాత ట్రేడింగ్ విండో ద్వారా తిరిగి ముంబైకి వచ్చి కెప్టెన్సీ తీసుకున్నప్పటికీ ఆశించిన ఫలితాలు ల‌భించ‌లేదు. 2024 లో పాయింట్ల పట్టికలో అట్టడుగున నిలవగా, 2025 లో క్వాలిఫైయర్ 2 వరకు వెళ్లి, 2026 సీజన్ లో తొమ్మిదో స్థానంతో స‌రిపెట్టుకుంది. ఈ ట్రేడ్ రూమర్స్ నడుమ ముంబై యాజమాన్యం హార్దిక్ ఫోటోలను సోషల్ మీడియాలో పోస్ట్ చేయడం మరింత అగ్నికి ఆజ్యం పోసిన‌ట్ల‌య్యింది.

అలాంటివి చేయ‌కూడ‌దు..గావ‌స్క‌ర్
ఈ ట్రేడింగ్ వ్యవహారాలపై భారత క్రికెట్ దిగ్గజం సునీల్ గవాస్కర్ తాజాగా త‌న‌ కాలమ్‌లో స్పందిస్తూ కీలక విషయాలపై చ‌ర్చించాడు. "ఒక ఫ్రాంచైజీ నుంచి మరో జట్టుకు ప్లేయర్ల బదిలీపై మీడియాలో పెద్ద ఎత్తున ఊహాగానాలు చెల‌రేగుతున్నాయి. ట్రేడింగ్ విండో క్లోజ్ కావడానికి ఇంకా సమయం మిగిలుంది. ఒక ఆటగాడి బదిలీ పబ్లిక్ డొమైన్ లో ఉన్నప్పటికీ, ట్రేడ్ జరిగినప్పుడు దానికి సంబంధించిన అమౌంట్ వివరాలు కేవలం రెండు ఫ్రాంచైజీలు, ఆ ప్లేయర్, బిసిసిఐకి మాత్రమే తెలుస్తున్నాయి" అని గుర్తు చేశాడు.

నిబంధ‌నాలు పాటించారా..?
ట్రేడ్ మనీ వివరాలు గోప్యంగా ఉంచడం వల్ల ఇతర జట్లలో అనుమానాలు వస్తాయని గవాస్కర్ పేర్కొన్నాడు. "ఇలాంటి పరిస్థితుల్లో ప్రతి జట్టుకు ఉండే నిర్దేశిత శాలరీ క్యాప్ ను పాటించారా లేదా నిబంధనలు ఉల్లంఘించారా అనేది మిగతా ఫ్రాంచైజీలకు తెలియకుండా ఉంటోంది. అందుకే పూర్తి ట్రాన్స్‌పరెన్సీ కోసం ట్రేడ్ అమౌంట్ నంబర్లను కూడా అధికారికంగా బయటపెట్టడం ఎంతో కీల‌కం" అని పేర్కొన్నాడు.

వేలెత్తి చూపే అవ‌కాశం ఉండ‌కూడ‌దు..
ప్రపంచంలోనే బెస్ట్ టీ20 లీగ్ గా ఉన్న ఐపీఎల్ ప్రతిష్టను కాపాడటానికి పూర్తి పారదర్శకత అవసరమని గవాస్కర్ వ్యాఖ్యానించాడు. "ఐపీఎల్ అనేది ప్రపంచంలోనే అత్యుత్తమ టీ20 లీగ్ అన‌డంలో ఎలాంటి సందేహం లేదు. దీనిపై అసూయపడేవారు వేలెత్తి చూపే అవకాశం ఇవ్వకుండా ఉండాలంటే అన్ని డీల్స్ క్లియర్ గా ఉండేలా చూసుకోవాలి" అని పేర్కొన్నాడు. హార్దిక్ పాండ్యా భవిష్యత్ పై ఇంకా అఫీషియల్ క్లారిటీ రానప్పటికీ ట్రేడింగ్ నిబంధనలపై గవాస్కర్ చేసిన వ్యాఖ్యలు క్రికెట్ సర్కిల్స్ లో తీవ్ర చ‌ర్చ‌నీయాంశం అవుతున్నాయి. మరోవైపు హార్దిక్ ట్రేడింగ్ రేసులో చెన్నై సూపర్ కింగ్స్, కోల్ కతా నైట్ రైడర్స్ ఉన్నాయి.

Hardik IPL Trade Drama: ఆ టీమ్ లోకి హార్దిక్ పాండ్యా రీ-ఎంట్రీ.. అశ్విన్ ఇంట్రెస్టింగ్ ప్రిడిక్షన్, ఐపీఎల్ ట్రేడింగ్ లో మైంబ్ బ్లోయింగ్ ట్విస్ట్!

Ayesha — Fri, 14 Aug 2026 12:22:01 +0530

Hardik Gujarat Titans Reunion Possible: ఐపీఎల్ 2027 సీజన్ లో ఆల్‌రౌండర్ హార్దిక్ పాండ్యా ఏ ఫ్రాంచైజీ తరఫున ఆడతాడనే డిస్కషన్ క్రికెట్ సర్కిల్స్‌లో హీటెక్కింది. ముంబై ఇండియన్స్‌తో 2026 సీజన్ తీవ్ర నిరాశను మిగల్చడంతో హార్దిక్ కొత్త జట్టు వైపు చూస్తున్నాడు. కోల్‌కతా నైట్ రైడర్స్, చెన్నై సూపర్ కింగ్స్ రేసులో ఉన్నట్లు వార్తలు వస్తున్నా, అతడి మాజీ సహచరుడు రవిచంద్రన్ అశ్విన్ మాత్రం గుజరాత్ టైటాన్స్ (GT) వైపే మొగ్గు చూపాడు. కెప్టెన్సీ ఇవ్వనందుకు ట్రేడ్ డీల్ క్యాన్సిల్ అయినట్లు ప్రచారం సాగినా, నాయకత్వం లేకపోయినా హార్దిక్, జిటి వైపు వెళ్లడమే కరెక్ట్ అని అశ్విన్ తన యూట్యూబ్ ఛానెల్ లో విశ్లేషించాడు.

🚨 Shubman Gill Rejected Hardik Pandya’s Return to Gujarat Titans 🚨

Hardik Pandya wanted to return to Gujarat Titans and demanded the captaincy. Ashish Nehra wanted Hardik Pandya back at GT, but the final decision was in Shubman Gill’s hands. Gill wanted to remain captain and… pic.twitter.com/pfa2JXnIRA
— Central Cricket (@arshdeep3444) August 14, 2026

గుజరాత్ తో గోల్డెన్ మెమొరీస్.. అశ్విన్ స్పెషల్ విశ్లేషణ
"హార్దిక్ జిటి యాజమాన్యంతో మాట్లాడటంలో ఎలాంటి తప్పు లేదు. అతడి కేరియర్‌లోనే బెస్ట్ ఫేజ్ గుజరాత్ టైటాన్స్‌లోనే వచ్చింది. బ్యాటింగ్ లోనైనా, కెప్టెన్సీలోనైనా అక్కడ బాగా ఎంజాయ్ చేశాడు. ముంబైతో టైటిల్ గెలవలేకపోయినా, జిటితో మళ్లీ ఛాంపియన్ గా నిలిచి తన సత్తా నిరూపించుకోవాలనే పట్టుదల అతడిలో ఉంటుంది. ముంబై మంచి ప్యాకేజ్ తీసుకుని ట్రేడ్ చేస్తే హార్దిక్‌కు అది హ్యాపీ ప్లేస్ అవుతుంది. అతడు మళ్లీ జిటి లోకే వెళ్తాడని నాకు గట్టి నమ్మకం ఉంది" అని అశ్విన్ పేర్కొన్నాడు.

🚨 HARDIK PANDYA TO KKR IN IPL 2027? 💜🔥

- KKR are reportedly the clear favourites to sign Hardik Pandya for IPL 2027! 👀

A blockbuster move that could shake up the league! 💥🏏#HardikPandya #KKR #IPL2027 #KnightRiders #IPL #Cricket 💜🔥 pic.twitter.com/o5b1BbEakw
— Akaran.A (@Akaran_1) August 14, 2026

శుభ్‌మన్ గిల్ కెప్టెన్సీ.. నాయకత్వం లేకుండానే ఎంట్రీ
గుజరాత్ లో ఉండే మంచి బ్యాటింగ్ వికెట్లు హార్దిక్ గేమ్‌కు బాగా సెట్ అవుతాయి. గత రెండేళ్లుగా కెప్టెన్ గా శుభ్‌మన్ గిల్ టీమ్‌ను అద్భుతంగా లీడ్ చేస్తున్నాడు. దీంతో హార్దిక్‌కు మళ్లీ కెప్టెన్సీ దక్కే ఛాన్స్ లేదు. అయినప్పటికీ వచ్చిన అవకాశాన్ని వాడుకుని హార్దిక్,జిటి లో చేరడమే మంచి నిర్ణయమని, ఇది జరిగే ఛాన్సెస్ చాలా ఎక్కువగా ఉన్నాయని అశ్విన్ తెలిపాడు. 2022 లో జిటిని ఛాంపియన్ గా నిలిపిన హార్దిక్, 2023 లో ఫైనల్ కు చేర్చిన తర్వాత ముంబై ఇండియన్స్ కు వెళ్లిపోయాడు.

ఫ్రాంచైజీల నుంచి నో అఫీషియల్ వర్డ్.. ఆల్రెడీ పంత్, కుల్దీప్ ట్రేడ్స్
ఈ ట్రేడింగ్ రూమర్స్‌పై అటు హార్దిక్ పాండ్యా గానీ, ఇటు ముంబై ఇండియన్స్ గానీ ఇప్పటివరకు ఎలాంటి అఫీషియల్ స్టేట్‌మెంట్ ఇవ్వలేదు. మరోవైపు ఐపీఎల్ 2026 తర్వాత భారీ ట్రేడ్స్ ఇప్పటికే స్టార్ట్ అయ్యాయి. లోకల్ స్టార్ రిషభ్ పంత్ లక్నో సూపర్ జెయింట్స్ నుంచి ఢిల్లీ క్యాపిటల్స్ కు రీ-ఎంట్రీ ఇవ్వగా, స్పిన్నర్ కుల్దీప్ యాదవ్ లక్నో సూపర్ జెయింట్స్ లో జాయిన్ అయ్యాడు. రాబోయే వేలానికి ముందు హార్దిక్ ఫ్యూచర్ పై ఎలాంటి అనౌన్స్‌మెంట్ వస్తుందో చూడాలి.

IPL Hardik Drama: ఆ ఫ్రాంచైజీ ఆఫర్‌ను తిరస్కరించిన హార్దిక్ .. కెప్టెన్సీ కండిషన్ తో రివర్స్ అయిన డీల్

Ayesha — Wed, 12 Aug 2026 11:46:32 +0530

Hardik Pandya Rejected GT Return: ఐపీఎల్ 2027 సీజన్‌కు ముందు ముంబై ఇండియన్స్ ఆల్‌రౌండర్ హార్దిక్ పాండ్యా ఫ్యూచర్ చుట్టూ కొత్త డ్రామా మొదలైంది. ముంబై ఇండియన్స్ టీమ్ నుంచి బయటకు వెళ్లాలని ప్లాన్ చేస్తున్న హార్దిక్, ఇప్పటికే చెన్నై సూపర్ కింగ్స్, కోల్‌కతా నైట్ రైడర్స్‌తో ట్రేడింగ్ టాక్స్ జరిపినట్లు ప్రచారం సాగింది. తాజాగా త‌ను పాత ఫ్రాంచైజీ గుజరాత్ టైటాన్స్ (GT) వైపు కూడా మొగ్గు చూపినట్లు రిపోర్టులు వెల్లడిస్తున్నాయి. జిటి యాజమాన్యం హార్దిక్‌ను టీమ్ లోకి తీసుకోవడానికి ఓకే చెప్పినప్పటికీ, అతడు పెట్టిన కెప్టెన్సీ కండిషన్ డీల్ క్లోజ్ అవ్వకుండా అడ్డుపడింది.

🚨 GT DENIED HARDIK PANDYA RETURN!

Hardik Pandya discussed a possible return to Gujarat Titans.

However, GT rejected the move after Hardik made it conditional on being reinstated as captain.

The situation adds another twist to the Hardik Pandya trade saga.
(Indian Express) pic.twitter.com/ETF6X82F6g
— Clutch Sports (@Clutchsportsz) August 12, 2026

గిల్ గ్రీన్ సిగ్నల్ ఇచ్చినా నో చెప్పిన యాజమాన్యం
తాజా రిపోర్ట్ ప్రకారం, హార్దిక్‌ను రీ-ట్రేడ్ చేసుకోవడంపై గుజరాత్ టైటాన్స్ తమ ప్రెజెంట్ కెప్టెన్ శుభ్‌మన్ గిల్‌తో కూడా డిస్కస్ చేసింది. గిల్ కూడా హార్దిక్ రాకకు గ్రీన్ సిగ్నల్ ఇచ్చాడు. కానీ హార్దిక్ తనకు మళ్లీ కెప్టెన్సీ బాధ్యతలు ఇస్తేనే టీమ్ లోకి వస్తానని కండిషన్ పెట్టడంతో మేనేజ్‌మెంట్‌లో ప్రతీ ఒక్కరూ నో చెప్పారు. "ఫ్రాంచైజీ అతడిని తీసుకోవడానికి రెడీగా ఉంది, గిల్ కూడా ఒకే అన్నాడు. కానీ కెప్టెన్సీ డిమాండ్ చేయడంతో అందరూ రిజెక్ట్ చేశారు" అని ఒక ఆఫీషియల్ తెలిపాడు.

Once again it's very clear to everyone that wherever Hardik Pandya goes he'll demand captaincy. That's a non-negotiable part of his contract.

That's why KKR is way ahead of other franchises at the moment. pic.twitter.com/bzHKXlnMLF
— Pratyush Halder (@pratyush_no7) August 12, 2026

ప్రత్యక్షంగా చర్చలు జరపలేదన్న హార్దిక్ టీమ్
ఈ మ్యాటర్ పై హార్దిక్ పాండ్యా ప్రతినిధి స్పందిస్తూ, హార్దిక్ ఏ ఫ్రాంచైజీతో డైరెక్ట్ గా డిస్కషన్స్ జరపలేదని క్లారిటీ ఇచ్చాడు. ఏదైనా డీల్ లేదా ట్రేడింగ్ ఆఫర్ ఉంటే అది కేవలం ముంబై ఇండియన్స్ ఫ్రాంచైజీ ద్వారానే జరుగుతుందని చెప్పాడు. హార్దిక్ 2022 లో గుజరాత్ టైటాన్స్‌కు డెబ్యూ సీజన్‌లోనే టైటిల్ తెచ్చిపెట్టాడు. నెక్స్ట్ ఇయర్ కూడా టీమ్‌ను ఫైనల్‌కు తీసుకెళ్లాడు. ఆ తర్వాత ముంబై ఇండియన్స్‌కు షిఫ్ట్ అయ్యాడు.

ముంబై ఇండియన్స్ లో ఫ్యాన్స్ అసంతృప్తి.. హెడ్ కోచ్ కామెంట్స్
ముంబై ఇండియన్స్‌లో రోహిత్ శర్మ ప్లేస్ లో కెప్టెన్‌గా రావడం వల్ల హార్దిక్ ఫ్యాన్స్ నుంచి తీవ్ర నిరసనలు ఎదుర్కొన్నాడు. ఎంఐ డ్రెస్సింగ్ రూమ్‌లో కూడా రోహిత్‌కు ఉన్నంత రెస్పెక్ట్ హార్దిక్‌కు దక్కలేదని సమాచారం. ఐపీఎల్ 2026 సీజన్ ముగిసిన తర్వాత కొంతమంది సీనియర్ ప్లేయర్లు అన్‌కోచబుల్ అని కోచింగ్ స్టాఫ్ కామెంట్ చేయడంతో ఎంఐ టీమ్ రీబిల్డింగ్ మోడ్‌లోకి వెళ్లింది. ఆక్షన్ కి ముందు హార్దిక్‌ను వదిలేసే ఆలోచనలో ముంబై యాజమాన్యం ఉన్నట్లు సమాచారం.

DC Coaching Setup: ఢిల్లీ క్యాపిటల్స్ లోకి దాదా, సిక్సర్ల కింగ్ ఎంట్రీ.. యువరాజ్ కొత్త రోల్ తో ఐపీఎల్ లో న్యూ జోష్!

Ayesha — Sun, 9 Aug 2026 13:48:49 +0530

Sourav Ganguly, Yuvi in Delhi Capitals Camp: ఢిల్లీ క్యాపిటల్స్ (DC) తమ కోచింగ్ సెటప్‌లో బిగ్ చేంజెస్ చేయడానికి రెడీ అవుతోంది. బెంగళూరులోని జస్ట్ క్రికెట్ అకాడమీలో జరిగిన ట్రెయినింగ్ క్యాంప్‌లో ఇండియా లెజెండ్స్ సౌరవ్ గంగూలీ, యువరాజ్ సింగ్ కనిపించడంతో ఈ ప్రచారం గట్టిగా నడుస్తోంది. ఫ్రాంచైజీ మేనేజ్‌మెంట్ మార్పుల్లో భాగంగా ఈ ఇద్దరు దిగ్గజాలు కీలక బాధ్యతలు తీసుకోనున్నారు. అభినేక్ శర్మకు మెంటార్‌గా వ్యవహరించిన యువరాజ్ పేరు ఇప్పుడు ఐపీఎల్ కోచింగ్ రేసులో హాట్ టాపిక్ గా మారింది.

Sourav Ganguly is back as Director of Cricket for the Delhi Capitals men’s team.

As JSW Group begins its two-year cycle, Dada takes charge of the IPL side once again.

Sources : Sportskeeda #DelhiCapitals #SouravGanguly pic.twitter.com/jxZqq4Q2yX
— Vishal Yadav (@VishalY73709681) August 8, 2026

నెట్స్ లో యువరాజ్ టిప్స్.. స్క్వాడ్ ప్లానింగ్ లో గంగూలీ
ట్రెయినింగ్ సెషన్‌లో యువరాజ్ సింగ్ నెట్స్ వెనుక ఉంటూ యంగ్ బ్యాటర్లకు టెక్నికల్ అడ్వైజెస్ ఇచ్చాడు. పవర్ హిట్టింగ్ మెకానిక్స్ ని అబ్జర్వ్ చేస్తూ గైడెన్స్ ఇచ్చాడు. మరోవైపు గంగూలీ టీమ్ స్క్వాడ్ ప్లానింగ్, బిగ్ పిక్చర్ పై ఫోకస్ పెట్టాడు. మాజీ స్పిన్నర్ అమిత్ మిశ్రా కూడా లోకల్ బౌలింగ్ టాలెంట్‌ను అంచనా వేస్తూ సెషన్ మేనేజ్‌మెంట్‌లో హెల్ప్ చేశాడు. గంగూలీ హెడ్ ఆఫ్ క్రికెట్‌గా బాధ్యతలు చూస్తుండగా, యువరాజ్ సింగ్ బ్యాటింగ్ మెంటార్‌గా ఎంట్రీ ఇవ్వనున్నట్లు సమాచారం.

Yuvraj singh Was Heavily invested and active During DC Trials🐯

-He Guided Many Players and rizvi went to yuvi for help we may see some technical changes in stance

Super proud of this group they r heavily invested and serious🤞 pic.twitter.com/UfIzbkxOLD
— Morris (@sinha7605) August 9, 2026

శుభ్‌మన్ గిల్, అభిషేక్ శర్మలకు మెంటార్ షిప్.. యువరాజ్ అగ్రెసివ్ మైండ్ సెట్
ఇప్పటికే శుభ్‌మన్ గిల్, అభిషేక్ శర్మ లాంటి యంగ్ ఇంటర్నేషనల్ బ్యాటర్లకు ఇన్ఫార్మల్‌గా మెంటార్ షిప్ ఇచ్చి యువరాజ్ వాళ్ల సక్సెస్ లో కీలక పాత్ర పోషించాడు. అతని టాక్టికల్ మైండ్ సెట్, అగ్రెసివ్ బ్యాటింగ్ థింకింగ్ టీమ్ కి ప్లస్ అవుతుందని యాజమాన్యం భావిస్తోంది. జేఎస్డబ్ల్యూ (JSW) ఆపరేషనల్ కంట్రోల్ తీసుకోవడంతో సపోర్ట్ స్టాఫ్ లో భారీ మార్పులు రానున్నాయి.

ఫస్ట్ ఐపీఎల్ టైటిల్ పై టార్గెట్.. రీ-ఎంట్రీ ఇచ్చిన పంత్
గంగూలీ అడ్మినిస్ట్రేటివ్ లీడర్‌షిప్, యువరాజ్ మోడర్న్ టి20 మైండ్ సెట్ తో కలసి ఫస్ట్ ఐపీఎల్ టైటిల్ కొట్టాలని ఢిల్లీ ప్లాన్ చేస్తోంది. కొత్త సీజన్‌కు ముందే లక్నో సూపర్ జెయింట్స్ నుంచి లోకల్ స్టార్ రిషభ్ పంత్‌ను ఫ్రాంచైజీ మళ్లీ సొంతం చేసుకుంది. ఈ లెజెండరీ కాంబినేషన్ ఢిల్లీ క్యాపిటల్స్ ఫ్యూచర్ ను ఎలా మారుస్తుందో చూడాలి.

Rishabh Pant Tweet: అర్థరాత్రి వేళ పంత్ సంచలన పోస్ట్.. సొంత రాష్ట్ర సీఎంను సహాయం కోరిన స్టార్ వికెట్ కీపర్, ధామీ రిప్లైలో ఊరించే ట్విస్ట్!

Ayesha — Sat, 8 Aug 2026 11:33:12 +0530

IPL Rishabh Pant Requests Land From Uttarakand CM Pushkar Singh Dhami: ఇండియా స్టార్ వికెట్ కీపర్ బ్యాటర్ రిషభ్ పంత్ సోషల్ మీడియాలో చేసిన ఒక అర్థరాత్రి పోస్ట్ వైరల్ గా మారింది. శనివారం అర్ధరాత్రి 12:46 గంటలకు పంత్ ఎక్స్ (గతంలో ట్విట్టర్) వేదికగా ఉత్తరాఖండ్ ముఖ్యమంత్రి పుష్కర్ సింగ్ ధామీని టాగ్ చేస్తూ ల్యాండ్ అక్విజిషన్ లో హెల్ప్ చేయాలని కోరాడు. తాను ఢిల్లీ నుంచి ఉత్తరాఖండ్ కి బేస్ షిఫ్ట్ చేయాలని అనుకుంటున్నట్లు తెలిపాడు. ఈ పోస్ట్ చేసిన టైమింగ్, అందులోని గ్రామర్ మిస్టేక్స్ చూసి అభిమానులు షాక్ అవ్వడమే కాకుండా పంత్ ఆరోగ్యంపై ఆందోళన వ్యక్తం చేశారు.

प्रिय ऋषभ, आप उत्तराखण्ड के गौरव हैं। आपने अपने शानदार खेल और उपलब्धियों से देश-दुनिया में देवभूमि का नाम रोशन किया है। अपनी मातृभूमि के प्रति आपका यह प्रेम और यहां वापस आकर योगदान देने की भावना अत्यंत सराहनीय है।

आपके द्वारा उठाए गए विषय के संबंध में संबंधित अधिकारियों को… https://t.co/v3iFQVpxUK
— Pushkar Singh Dhami (@pushkardhami) August 8, 2026

అర్థరాత్రి వేళ పంత్ ట్వీట్.. గ్రామర్ మిస్టేక్స్ పై ఫ్యాన్స్ ఆందోళన
"హలో సర్ ఎలా ఉన్నారు? ఉత్తరాఖండ్ లోకల్ గా ఉంటూ చాలా కాలమైంది. ఢిల్లీ నుంచి ఉత్తరాఖండ్ కి నా బేస్ షిఫ్ట్ చేయడానికి ల్యాండ్ కొనడానికి ట్రై చేస్తున్నా. కానీ ప్రశాంతంగా ఉండటానికి పెద్ద స్థలం దొరకడం లేదు. నా హోమ్ స్టేట్ అంటే నాకు చాలా ఇష్టం. ల్యాండ్ అక్విజిషన్ లో నాకు హెల్ప్ చేయాలని కోరుతున్నా. గతంలో స్టేట్ ప్రమోషన్స్ చేసినప్పుడు రావాల్సిన ల్యాండ్ కూడా పెండింగ్ లో ఉంది. నా పహాడీ పీపుల్ దగ్గరకు వచ్చి స్టేట్ డెవలప్‌మెంట్ కి హెల్ప్ చేయాలని ఉంది. మూడేళ్ల నుంచి ల్యాండ్ కోసం వెయిట్ చేస్తున్నా" అని పంత్ రాసుకొచ్చాడు.

పంత్ పోస్ట్ పై సీఎం పుష్కర్ సింగ్ ధామీ పాజిటివ్ రిప్లై
పంత్ పోస్ట్ వైరల్ అవ్వడంతో సీఎం పుష్కర్ సింగ్ ధామీ స్పందించారు. క్రికెట్ లో పంత్ సాధించిన అచీవ్‌మెంట్స్‌ను పొగుడుతూ ఉత్తరాఖండ్ గర్వపడేలా చేశాడని ప్రశంసించారు. "డియర్ రిషభ్, నువ్వు ఉత్తరాఖండ్ గర్వకారణం. ప్రపంచ వేదికపై దేవభూమి పేరును నిలబెట్టావు. సొంత గడ్డపైకి వచ్చి సేవ చేయాలనే నీ ఆలోచన అభినందనీయం. నువ్వు లేవనెత్తిన ప్రాబ్లమ్ పై సంబంధిత అఫీషియల్స్‌కు ఇన్స్ట్రక్షన్స్ ఇస్తున్నాం. ఆఫీసర్లు త్వరలోనే నిన్ను కాంటాక్ట్ అయి రూల్స్ ప్రకారం హెల్ప్ చేస్తారు" అని ధామీ రిప్లై ఇచ్చారు.

ఐపీఎల్ 2027 ముందు లక్నో నుంచి ఢిల్లీ క్యాపిటల్స్ కి పంత్ ట్రేడ్
గత జూన్ లో ఐపీఎల్ 2027 ఆక్షన్ కి ముందు లక్నో సూపర్ జెయింట్స్ నుంచి పంత్ తన పాత ఫ్రాంచైజీ ఢిల్లీ క్యాపిటల్స్‌కు ట్రేడ్ అయ్యాడు. రూ. 15 కోట్లకు ఢిల్లీ పంత్‌ను సొంతం చేసుకోగా, లక్నో స్పిన్నర్ కుల్దీప్ యాదవ్‌ను రూ. 13.5 కోట్లకు ట్రేడ్ చేసుకుంది. పంత్ ల్యాండ్ ఇష్యూ త్వరలోనే క్లియర్ అయ్యే ఛాన్స్ కనిపిస్తోంది.