RR vs DC IPL 2026 Suyash Sharma | ఐపీఎల్ చరిత్రలోనే సుయాశ్ శర్మ వరల్డ్ రికార్డ్

Abhishek Sharma Comments: ఆ క్రికెట‌ర్ వల్లే నా ఆట మారింది.. సక్సెస్ సీక్రెట్ ఇదే! వరల్డ్ నంబర్ 1 బ్యాటర్ అభిషేక్ శర్మ

Ayesha — Wed, 29 Apr 2026 23:49:43 +0530

Abhishek Sharma Credits Travis Head for His Aggressive Batting Approach: ఐపీఎల్ 2026 సీజన్‌లో సన్‌రైజర్స్ హైదరాబాద్ (SRH) ఓపెనర్ అభిషేక్ శర్మ పరుగుల సునామీ సృష్టిస్తున్నాడు. ప్రస్తుతం టీ20 ఫార్మాట్‌లో ప్రపంచ నంబర్ వన్ బ్యాటర్‌గా ఉన్న అభిషేక్, తన అద్భుతమైన ఫామ్ వెనుక ఉన్న అసలు కారణాన్ని వెల్లడించాడు. ఆస్ట్రేలియా స్టార్ ఆటగాడు, తన టీమ్ మేట్ ట్రావిస్ హెడ్ ప్రభావం తన బ్యాటింగ్ శైలిపై చాలా ఎక్కువగా ఉందని అభిషేక్ పేర్కొన్నాడు. జియో స్టార్ (JioStar) తో జరిగిన సంభాషణలో అభిషేక్ తన మనసులోని మాటలను పంచుకున్నాడు. హెడ్ తన బ్యాటింగ్ అప్రోచ్ ను ఎలా మార్చాడో, మైదానంలో భయం లేకుండా ఎలా ఆడాలో నేర్పించాడో వివరించాడు.

హెడ్ నుంచి నేర్చుకున్న పాఠాలు..
ట్రావిస్ హెడ్ సన్‌రైజర్స్ హైదరాబాద్ జట్టులోకి రాకముందు నుండే తాను అతని ఆటను గమనిస్తున్నానని, దాదాపు ఏడాదిన్నర కాలంగా అతని బ్యాటింగ్ స్టైల్ త‌న‌ను ఆకట్టుకుందని అభిషేక్ తెలిపాడు. అతను త‌న టీమ్ మేట్ అయినప్పుడు తాను చాలా సంతోషించాన‌ని, అతనితో డ్రెస్సింగ్ రూమ్ పంచుకోవడం ఒక గొప్ప అనుభవమ‌ని వెల్ల‌డించాడు. అతనితో మాట్లాడినప్పుడు మొదట అడిగింది అతని బ్యాటింగ్ మైండ్‌సెట్ గురించేన‌ని, మూడు ఫార్మాట్లలోనూ అతను బౌలర్లపై ఎలా ఆధిపత్యం చెలాయిస్తాడో తెలుసుకోవాలని అనుకున్నానని అభిషేక్ చెప్పాడు.

సింపుల్ ఫిలాసఫీ.. పక్కా ప్లాన్:
బ్యాటింగ్ విషయంలో ట్రావిస్ హెడ్ చాలా సింపుల్ ప్లాన్ ఫాలో అవుతాడని అభిషేక్ తెలిపాడు. "బంతిని జాగ్రత్తగా గమనించు, మొదటి బంతి నుండే బాదగలనని నీకు అనిపిస్తే ఏమాత్రం ఆలోచించకుండా షాట్ ఆడేయ్ అని హెడ్ నాకు సలహా ఇచ్చాడు. ఐపీఎల్ ప్రాక్టీస్ సెషన్లలో నేను అదే ఫాలో అయ్యాను. ఇప్పుడు నా మైండ్‌సెట్ పూర్తిగా మారిపోయింది. బంతి నా జోన్ లో పడితే చాలు, మొదటి బంతి నుండే సిక్సర్ బాదడానికి ప్రయత్నిస్తున్నాను. ఈ అగ్రెసివ్ అప్రోచ్ వల్లే నేను పవర్ ప్లేలో ఎక్కువ రన్స్ చేయగలుగుతున్నాను" అని ఈ యంగ్ సెన్సేషన్ వివరించాడు.

ఐపీఎల్ ఒక గొప్ప లెర్నింగ్ ప్లాట్‌ఫారమ్..
ప్రపంచంలోనే ఐపీఎల్ నంబర్ వన్ టీ20 లీగ్ అని అభిషేక్ కొనియాడాడు. ప్రపంచవ్యాప్తంగా ఉన్న దిగ్గజ ఆటగాళ్లతో కలిసి ఆడటం ఒక వరం లాంటిదని అభిప్రాయపడ్డాడు. ప్రతి ఐపీఎల్ సీజన్‌ను తానొక పాఠంలా భావిస్తానని, అగ్రశ్రేణి ఆటగాళ్లతో పోటీ పడటం వల్ల ఎన్నో విషయాలు నేర్చుకోవచ్చని చెప్పాడు. మైదానంలో ఎదురయ్యే ఒత్తిడిని ఎలా ఎదుర్కోవాలో ఐపీఎల్ నేర్పిస్తుందని అభిషేక్ అభిప్రాయపడ్డాడు.

గణాంకాల్లో అభిషేక్ జోరు..
ఈ సీజన్‌లో అభిషేక్ శర్మ ఆడిన తొమ్మిది మ్యాచ్‌ల్లో 425 పరుగులు చేశాడు. టోర్నీలో అత్యధిక పరుగులు చేసిన బ్యాటర్ల జాబితాలో అతను అగ్ర‌ స్థానంలో నిలిచి, ఆరెంజ్ క్యాప్ ను సొంత చేసుకున్నాడు. 400 పరుగులతో రెండో స్థానంలో 15 ఏళ్ల వయసున్న వైభవ్ సూర్యవంశీ ఉన్నాడు. ఈ సీజన్‌లో అభిషేక్ ఇప్పటికే ఒక సెంచరీ, మూడు హాఫ్ సెంచరీలు నమోదు చేశాడు. ముఖ్యంగా 200+ స్ట్రైక్ రేట్ తో బ్యాటింగ్ చేస్తూ బౌలర్లకు పీడకలలా మారాడు. 50కిపైగా యావరేజ్ తో నిలకడగా రాణిస్తున్నాడు. ఇక ముంబై ఇండియ‌న్స్ తో జ‌రుగుతున్న మ్యాచ్ లోనూ అభిషేక్ స‌త్తా చాటాడు. 24 బంతుల్లోనే 45 పరుగులు సాధించి, 425 ప‌రుగుల‌తో ఆరెంజ్ క్యాప్ దక్కించుకున్నాడు. ఇందులో 4 ఫోర్లు, 3 సిక్స‌ర్లు ఉన్నాయి. ఇక 244 ప‌రుగుల టార్గెట్ తో బ‌రిలోకి దిగిన స‌న్ రైజ‌ర్స్ హైద‌రాబాద్ కు మ‌రో ఓపెన‌ర్ హెడ్ (30 బంతుల్లో 76, 4 ఫోర్లు, 8 సిక్స‌ర్లు) తో క‌లిసి అభిషేక్ 129 ప‌రుగులు జోడించాడు.

Ryan Rickelton Smashes Fastest IPL Century: వాంఖడేలో ర్యాన్ రికెల్టన్ విధ్వంసం.. ముంబై ఇండియన్స్ చరిత్రలోనే ఫాస్టెస్ట్ సెంచరీ!

Ayesha — Wed, 29 Apr 2026 23:15:20 +0530

Ryan Rickelton Smashes Fastest IPL Century for Mumbai Indians: ఐపీఎల్ 2026 సీజన్‌లో వరుస ఓటములతో సతమతమవుతున్న ముంబై ఇండియన్స్ (MI) ఎట్టకేలకు ఫామ్‌లోకి వచ్చింది. బుధవారం సన్‌రైజర్స్ హైదరాబాద్‌తో జరుగుతున్న తప్పక గెలవాల్సిన మ్యాచ్‌లో ముంబై బ్యాటర్ ర్యాన్ రికెల్టన్ చరిత్ర సృష్టించాడు. గత కొన్ని మ్యాచ్‌లలో వరుసగా సింగిల్ డిజిట్ స్కోర్లకే అవుట్ అవ్వడంతో జట్టుకు దూరమైన రికెల్టన్, దాదాపు రెండు వారాల తర్వాత మళ్ళీ తుది జట్టులోకి వచ్చాడు. వచ్చిన అవకాశాన్ని రెండు చేతులా వాడుకున్న ఈ 29 ఏళ్ల వికెట్ కీపర్ బ్యాటర్, వాంఖడే స్టేడియంలో సిక్సర్ల వర్షం కురిపించి ముంబై ఇండియన్స్ తరపున ఐపీఎల్‌లో అత్యంత వేగవంతమైన సెంచరీ చేసిన ప్లేయర్‌గా నిలిచాడు.

రికార్డుల వేటలో రికెల్టన్..

టాస్ గెలిచి బ్యాటింగ్ కు దిగిన ముంబైకి రికెల్టన్ అదిరిపోయే ఆరంభాన్ని ఇచ్చాడు. కేవలం 55 బంతుల్లోనే 123 పరుగులు చేసి అజేయంగా నిలిచాడు. అతని ఇన్నింగ్స్‌లో 10 ఫోర్లు, 8 సిక్సర్లు ఉన్నాయి. కేవలం 44 బంతుల్లోనే సెంచరీ మార్కును చేరుకోవడం ద్వారా 2008లో సనత్ జయసూర్య (45 బంతుల్లో సెంచరీ) పేరిట ఉన్న రికార్డును రికెల్టన్ అధిగమించాడు. అంతేకాకుండా, ముంబై తరపున ఒక మ్యాచ్‌లో అత్యధిక పరుగులు చేసిన బ్యాటర్‌గా కూడా జయసూర్య (114 నాటౌట్) రికార్డును తుడిచిపెట్టేశాడు. రోహిత్ శర్మ, క్వింటన్ డికాక్, సూర్యకుమార్ యాదవ్ వంటి దిగ్గజాల స్కోర్లను దాటి రికెల్టన్ ఇప్పుడు అగ్రస్థానంలో నిలిచాడు.

Also Read: డ్రెస్సింగ్ రూంలో ఈ సిగరెట్ తాగిన రియాన్ పరాగ్, BCCI ఏ చర్యలు తీసుకుంటుంది!

విధ్వంసకర ఇన్నింగ్స్..

కొత్త ఓపెనింగ్ పార్ట్నర్ విల్ జాక్స్ (46) తో కలిసి రికెల్టన్ ఇన్నింగ్స్ ప్రారంభించాడు. పవర్‌ప్లే ముగిసేసరికి ఈ జోడి 78 పరుగులు పిండుకుంది. కేవలం 23 బంతుల్లోనే హాఫ్ సెంచరీ పూర్తి చేసిన రికెల్టన్, ఆ తర్వాత మరింత వేగంగా ఆడి మరో 21 బంతుల్లోనే సెంచరీ పూర్తి చేశాడు. ఒకవైపు విల్ జాక్స్, సూర్యకుమార్ యాదవ్ (5), నమన్ ధీర్ (22) అవుట్ అయినా, రికెల్టన్ మాత్రం ఏమాత్రం తగ్గకుండా ఇన్నింగ్స్ ను ముందుకు నడిపించాడు. కెప్టెన్ హార్దిక్ పాండ్యా (31) కూడా చివర్లో మెరుపులు మెరిపించడంతో ముంబై నిర్ణీత 20 ఓవర్లలో 5 వికెట్ల నష్టానికి 243 పరుగుల భారీ స్కోరు సాధించింది.

Also Read: సెల్ఫీకి రూ. 100 వసూలు చేస్తున్న వైభవ్ సూర్యవంశీ! వైరల్ అవుతున్న వీడియో!

సూర్యకుమార్ నిరాశ - ముంబై సంతాపం..

టీమ్ ఇండియా టీ20 కెప్టెన్ సూర్యకుమార్ యాదవ్ ఈ మ్యాచ్‌లోనూ ఫామ్ అందుకోవడంలో తడబడ్డాడు. ఈషన్ మలింగ వేసిన షార్ట్ బంతిని పుల్ చేయబోయి ఫైన్ లెగ్ లో క్యాచ్ ఇచ్చి పెవిలియన్ చేరాడు. మరోవైపు ముంబై ఇండియన్స్ ఆటగాళ్లు ఈ మ్యాచ్‌లో నల్లటి రిబ్బన్లు ధరించి మైదానంలోకి దిగారు. ముంబై సపోర్ట్ స్టాఫ్ లో ఒకరి కుమార్తె అకాల మరణం చెందడంతో ఆమెకు నివాళిగా ప్లేయర్లు ఈ నిర్ణయం తీసుకున్నారు. వాంఖడే పిచ్ బ్యాటింగ్‌కు అనుకూలంగా ఉండటంతో రికెల్టన్ తన షాట్లతో అభిమానులను ఉర్రూతలూగించాడు.

గతంలో ఎస్ఏ20 (SA20) లో కూడా ముంబై కేప్ టౌన్ తరపున రెండు సెంచరీలు చేసిన రికెల్టన్, ఇప్పుడు ఐపీఎల్‌లో కూడా తన సత్తా చాటుకున్నాడు. ప్లేఆఫ్స్ రేసులో నిలవాలంటే గెలవాల్సిన ఈ మ్యాచ్‌లో ముంబై భారీ టార్గెట్ ను సెట్ చేయడంతో ఇప్పుడు బంతి సన్‌రైజర్స్ కోర్టులో ఉంది. రికెల్టన్ విధ్వంసం ముంబై టీమ్ లో కొత్త ఉత్సాహాన్ని నింపింది.

వైభవ్ సూర్యవంశీపై యశస్వి జైస్వాల్ కామెంట్స్

ABP Desam — Wed, 29 Apr 2026 14:50:45 +0530

వైభవ్ సూర్యవంశీపై యశస్వి జైస్వాల్ కామెంట్స్

ఐపీఎల్ చరిత్రలోనే సుయాశ్ శర్మ వరల్డ్ రికార్డ్

ABP Desam — Wed, 29 Apr 2026 14:47:12 +0530

ఐపీఎల్ చరిత్రలోనే సుయాశ్ శర్మ వరల్డ్ రికార్డ్

పంజాబ్ వరుస విజయాలకు .. రాజస్థాన్ బ్రేక్

ABP Desam — Wed, 29 Apr 2026 14:43:18 +0530

పంజాబ్ వరుస విజయాలకు .. రాజస్థాన్ బ్రేక్

ఫొటోకు రూ. 100 డిమాండ్‌ చేసిన వైభవ్‌..

ABP Desam — Wed, 29 Apr 2026 14:34:58 +0530

ఫొటోకు రూ. 100 డిమాండ్‌ చేసిన వైభవ్‌..

RR vs PBKS IPL 2026 Highlights | రాజస్థాన్ రాయల్స్ సంచలన విజయం

ABP Desam — Wed, 29 Apr 2026 12:03:53 +0530

ఐపీఎల్ 2026లో పంజాబ్ కింగ్స్ వరుస విజయాలకు బ్రేక్ పడింది. వరుసగా 6 మ్యాచ్‌ల్లో గెలిచి ముందుకు వెళ్తున్న పంజాబ్ ను రాజస్థాన్ రాయల్స్ అడ్డుకుంది. 223 పరుగుల భారీ టార్గెట్ ను చేజ్ చేసి, 6 వికెట్ల తేడాతో రాజస్థాన్ అద్భుత విజయాన్ని అందుకుంది.

టాస్ గెలిచి మొదట బ్యాటింగ్ చేసిన పంజాబ్ కింగ్స్ నిర్ణీత 20 ఓవర్లలో 4 వికెట్ల నష్టానికి 222 పరుగుల భారీ స్కోరు సాధించింది. ప్రభ్‌సిమ్రాన్ సింగ్ ( Prabhsimran Singh ), మార్కస్ స్టోయినీస్ ( Marcus Stoinis ) చెలరేగిపోయాడు. కేవలం 22 బంతుల్లోనే 6 సిక్సర్లతో స్టోయినీస్ స్కోరును పరుగులు పెట్టించాడు.

భారీ లక్ష్యంతో బరిలోకి దిగిన రాజస్థాన్‌కు ఓపెనర్లు యశస్వి జైస్వాల్ ( Yashasvi Jaiswal ), వైభవ్ సూర్యవంశీ ( Vaibhav Suryavanshi ) సూపర్ స్టార్ట్ ఇచ్చారు. వైభవ్ కేవలం 16 బంతుల్లో 5 సిక్సర్లతో విరుచుకుపడ్డాడు. చివరగా డోనోవన్ ఫెర్రెరియా ( Donovan Ferreira ) , ఇంపాక్ట్ ప్లేయర్ శుభమ్ దూబే ( Shubham Dube ) విధ్వంసం సృష్టించారు. దాంతో రాజస్థాన్ 19.2 ఓవర్లలోనే 228 పరుగులు చేసి విజయాన్ని అందుకుంది.

Vaibhav Fun With Kids IPL 2026 | పిల్లలతో వైభవ్ సూర్యవంశీ ఫన్నీ ప్రాంక్

ABP Desam — Wed, 29 Apr 2026 11:56:10 +0530

ఐపీఎల్ 2026లో తన బ్యాటింగ్‌తో వరల్డ్ క్లాస్ బౌలర్లను వణికిస్తున్న రాజస్థాన్ రాయల్స్ సెన్సేషన్ వైభవ్ సూర్యవంశీ.. 15 ఏళ్ల వయసులోనే స్టార్‌డమ్ సంపాదించుకున్నాడు. తాజాగా ఇద్దరు చిన్న పిల్లలతో చేసిన ఫన్నీ ప్రాంక్ సోషల్ మీడియాలో తెగ వైరల్ అవుతోంది.

వైభవ్‌తో ఫోటో దిగడానికి ఇద్దరు చిన్నారులు వచ్చారు. ఆ పిల్లల కోసం వైభవ్ ప్రాంక్ స్టార్‌లా మారిపోయి.. "నాతో ఫోటో దిగాలంటే ఫ్రీగా కుదరదు, ఒక్కో ఫోటోకి 100 రూపాయలు ఇవ్వాలి" అని ఫన్నీగా డిమాండ్ చేశాడు. దానికి ఆ పిల్లలు ఏమాత్రం తడబడకుండా "మేము 200 రూపాయలు తెచ్చాము" అని సమాధానం ఇవ్వడంతో అక్కడ ఉన్న వారంతా నవ్వుకున్నారు.

వెంటనే వైభవ్ నవ్వుతూ తను తమాషాగా అన్నానని చెప్పి, ఆ పిల్లలతో ఫోటోలు దిగాడు. డిగ్ అవుట్ లో ఎంత సరదాగా ఉన్నా గ్రౌండ్‌లోకి దిగితే మాత్రం వైభవ్ వేరే లాగా మారిపోతాడు అని అంటున్నారు. పాట్ కమిన్స్, బుమ్రా, హేజిల్‌వుడ్, భువనేశ్వర్ వంటి బౌలర్లను కూడా వదలట్లేదు.

Yashasvi Jaiswal about Vaibhav IPL 2026 | వైభవ్ సూర్యవంశీపై యశస్వి జైస్వాల్ కామెంట్స్

ABP Desam — Wed, 29 Apr 2026 11:50:21 +0530

ఐపీఎల్ 2026లో రాజస్థాన్ రాయల్స్ సంచలనాలు సృష్టిస్తోంది. పంజాబ్ కింగ్స్‌పై విజయం ఒకెత్తయితే.. ఆ టీమ్ ఓపెనింగ్ పెయిర్ హాట్ టాపిక్‌గా మారింది. ముఖ్యంగా 15 ఏళ్ల వైభవ్ సూర్యవంశీ బ్యాటింగ్ చూసి స్టార్ ఓపెనర్ యశస్వి జైస్వాల్ ఫిదా అయిపోయాడు.

మ్యాచ్ అనంతరం యశస్వి జైస్వాల్ మాట్లాడుతూ.. వైభవ్ సూర్యవంశీ గురించి ఆసక్తికర వ్యాఖ్యలు చేశాడు. "వైభవ్ బ్యాటింగ్ అద్భుతం. 15 ఏళ్ల వయసులో అతను బాల్ ను కొట్టే తీరు చూస్తుంటే నాకు మాటలు రావడం లేదు. అవతలి ఎండ్‌లో నిలబడి అతని హిట్టింగ్‌ను చూడటం నేను బాగా ఎంజాయ్ చేస్తున్నాను" అని అన్నాడు.

పంజాబ్ ఇచ్చిన 223 పరుగుల టార్గెట్ గురించి స్పందిస్తూ.. "ఇది హై స్కోరింగ్ గ్రౌండ్ అని మాకు తెలుసు. అందుకే మొదటి నుంచే దూకుడుగా ఆడాలని నిర్ణయించుకున్నాం. బాల్ నా రేంజ్‌లోకి వస్తే కొట్టాలనే క్లారిటీతోనే వచ్చాను. వైభవ్ ఇచ్చిన స్టార్ట్ మాపై ఒత్తిడిని తగ్గించింది" అని జైస్వాల్ వివరించాడు.

RR vs DC IPL 2026 Suyash Sharma | ఐపీఎల్ చరిత్రలోనే సుయాశ్ శర్మ వరల్డ్ రికార్డ్

ABP Desam — Wed, 29 Apr 2026 11:48:15 +0530

ఐపీఎల్ 2026లో ఒక అద్భుతం చోటుచేసుకుంది అనే చెప్పాలి. రాయల్ ఛాలెంజర్స్ బెంగళూరు మిస్టరీ స్పిన్నర్ సుయాశ్ శర్మ .. ఇప్పటి వరకు ఎవరికీ సాధ్యం రికార్డును తన ఖాతాలో వేసుకున్నాడు. ఒక ఐపీఎల్ మ్యాచ్‌లో అత్యధిక డాట్ బాల్స్ వేసిన బౌలర్‌గా సుయాశ్ శర్మ చరిత్ర సృష్టించాడు.

తాను వేసిన 4 ఓవర్లలో ఏకంగా 20 డాట్ బాల్స్ వేసి అందరినీ ఆశ్చర్యపరిచాడు. కేవలం 7 పరుగులు మాత్రమే ఇచ్చి ఒక వికెట్ పడగొట్టిన సుయాశ్, ఒక ఓవర్‌ను మెయిడిన్‌గా ముగించాడు. సుయాశ్ వేసిన 24 బంతుల్లో 20 బంతులకు ఢిల్లీ బ్యాటర్లు ఒక్క పరుగు కూడా చేయలేక పొయ్యారు.

ఈ అద్భుత ప్రదర్శనతో సుయాశ్ శర్మ.. స్పిన్నర్ రవిచంద్రన్ అశ్విన్ పేరు మీద ఉన్న 16 ఏళ్ల రికార్డును తుడిచిపెట్టేశాడు. 2010లో డెక్కన్ ఛార్జర్స్‌పై అశ్విన్ 18 డాట్ బాల్స్ వేశాడు. ఆ తర్వాత చాహల్, రషీద్ ఖాన్ ఈ రికార్డును సమం చేసినప్పటికీ, ఎవరూ 20 డాట్ బాల్స్ మార్కును అందుకోలేకపోయారు. ఆ ఘనతను ఇప్పుడు సుయాశ్ శర్మ తన ఖాతాలో వేసుకున్నాడు.