IPL Success Followed By International Failures: కేవలం నెల రోజుల క్రితం వరకు ఐపీఎల్ 2026 లో రాజస్థాన్ రాయల్స్ తరఫున 16 మ్యాచ్లలో 776 రన్స్ చేసి ఆరెంజ్ క్యాప్ గెలిచిన వైభవ్ సూర్యవంశీని చూసి అందరూ ఆశ్చర్యపోయారు. జస్ప్రీత్ బుమ్రా, ప్యాట్ కమిన్స్, భువనేశ్వర్ కుమార్ లాంటి వరల్డ్ క్లాస్ బౌలర్లను సైతం ఊచకోత కోస్తూ భారీ సిక్సర్లు బాదిన ఈ 15 ఏళ్ల సంచలనానికి ఐర్లాండ్, ఇంగ్లాండ్ టూర్కు వెళ్లే సీనియర్ ఇండియా టీమ్లో కూడా చోటు దక్కింది. అయితే ఐపీఎల్ ముగిసిన తర్వాత సీన్ కంప్లీట్గా రివర్స్ అయింది. శ్రీలంకలో జరుగుతున్న ట్రై-సిరీస్లో ఇండియా ఏ టీమ్ తరఫున ఆడుతున్న వైభవ్ ఘోరంగా తడబడుతున్నాడు.
వన్డేలలో కన్సిస్టెన్సీ మిస్
ట్రై-సిరీస్లో ఆడిన మూడు ఇన్నింగ్స్లలో వైభవ్ ఒక్క హాఫ్ సెంచరీ కూడా చేయలేకపోయాడు. ప్రతి మ్యాచ్లోనూ ఒకే తరహాలో అవుట్ అవ్వడం ఫ్యాన్స్ను నిరాశపరుస్తోంది. ఇన్నింగ్స్ స్టార్టింగ్లో కొన్ని క్లాస్ ఫోర్లు కొట్టి మంచి టచ్లో ఉన్నట్లు కనిపించినా ఆ తర్వాత వికెట్ పారేసుకుంటున్నాడు. మూడు ఇన్నింగ్స్లలో వరుసగా 14, 44, 21 రన్స్ మాత్రమే చేశాడు. సోమవారం శ్రీలంక ఏ టీమ్తో జరిగిన మ్యాచ్లో చమిక గుణశేఖర వేసిన ఒకే ఓవర్లో ఒక సిక్స్, రెండు ఫోర్లు కొట్టి జోరు చూపించినా లంక కెప్టెన్, స్పిన్నర్ సహన్ అరాచ్చిగే వేసిన స్లో బాల్కు భారీ షాట్ ఆడబోయి వనుజ సహన్కు క్యాచ్ ఇచ్చి అవుట్ అయ్యాడు. అంతకుముందు అఫ్గానిస్తాన్పై 44 రన్స్ వద్ద అబ్దుల్ రహ్మాన్ షార్ట్ బాల్కు పెవిలియన్ చేరాడు.
సూపర్ ఓవర్ ప్రెజర్, లంక ప్లేయర్ తో గొడవ
శ్రీలంక ఏ టీమ్తో జరిగిన టై మ్యాచ్లో ఇండియాను గెలిపించేందుకు వైభవ్కు సూపర్ ఓవర్ రూపంలో రెండో ఛాన్స్ దక్కింది. 17 రన్స్ టార్గెట్తో బరిలోకి దిగిన వైభవ్ కేవలం 3 బంతుల్లో 6 రన్స్ మాత్రమే చేయగలిగాడు. ప్రెజర్ కంట్రోల్ చేసుకోలేక కేవలం ఒకే ఒక్క ఫోర్ కొట్టి చేతులెత్తేయడంతో ఇండియా ఏ టీమ్ ఓడిపోయింది. ఈ ఓటమి తర్వాత గ్రౌండ్ లో ఎమోషన్స్ హీటెక్కాయి. లంక బౌలర్ కుగదాస్ మథులన్ సెలబ్రేషన్స్ చూసి కోపంతో ఊగిపోయిన వైభవ్ అతనితో వాగ్వాదానికి దిగాడు. మధ్యలో వచ్చిన లంక ప్లేయర్ వి షేన్ హలంబగేను వైభవ్ నెట్టడంతో సీనియర్ ప్లేయర్ నిరోషన్ డిక్వెల్లా జోక్యం చేసుకొని ఇద్దరినీ విడదీశాడు. ఈ ప్రవర్తనతో వైభవ్ ఐసీసీ కోడ్ ఆఫ్ కాండక్ట్ కింద ఇబ్బందుల్లో పడే ఛాన్స్ ఉంది.
వన్డే ఫార్మాట్ లో సత్తా చాటాల్సిన టైమ్
టి20 క్రికెట్ హ్యాంగోవర్ నుంచి వైభవ్ ఇంకా బయటకు రాలేకపోతున్నాడని స్పోర్ట్స్ అనలిస్టులు చెప్తున్నారు. 50 ఓవర్ల వన్డే ఫార్మాట్లో ఇన్నింగ్స్ బిల్డ్ చేయడానికి చాలా టైమ్ ఉంటుంది కానీ వైభవ్ ప్రతి బాల్ను బాదాలనే తొందరలో పేషెన్స్ కోల్పోతున్నాడు. ఇండియా ఫ్యూచర్ సూపర్ స్టార్ అనే ట్యాగ్ లైన్ కారణంగా మీడియా ఫోకస్ మొత్తం అతని మీదే ఉంది. ప్రతీ షాట్ను మైక్రోస్కోప్లో పెట్టి చూస్తుండటంతో 15 ఏళ్ల కుర్రాడిపై విపరీతమైన ప్రెజర్ పడుతోంది. ఈ గడ్డు కాలం నుంచి వైభవ్ ఎలా కంబ్యాక్ ఇస్తాడనే దానిపైనే అతని కెరీర్ ఆధారపడి ఉంది.