Pak vs NZ T20 world cup: పాకిస్తాన్, న్యూజిలాండ్ మ్యాచ్.. ఓడిన జట్టు సెమీఫైనల్ రేసు నుంచి తప్పుకుంటుందా?

Pakistan vs New Zealand: టీ20 ప్రపంచ కప్ 2026 సూపర్ 8 రౌండ్ పాకిస్తాన్ vs. న్యూజిలాండ్ మ్యాచ్‌తో ప్రారంభమవుతుంది. రెండు జట్లు సమ ఉజ్జీగా ఉన్నా ఒక్క జట్టే విజేత అవుతుంది.

న్యూజిలాండ్ కెప్టెన్ సల్మాన్ మిచెల్ శాంట్నర్, పాక్ కెప్టెన్ సల్మాన్ ఆఘా

Source : T20WorldCup

టీ20 వరల్డ్ కప్ 2026 టైటిల్ వేటలో ఇంకా 8 జట్లు ఉన్నాయి. మొత్తం 10 జట్లతో టోర్నీ ప్రారంభం కాగా, మిగిలిన 12 జట్లు పొట్టి ప్రపంచ కప్ నుండి నిష్క్రమించాయి. సూపర్-8 రౌండ్ ఈరోజు ప్రారంభమవుతోంది. మొదటి మ్యాచ్‌లో పాకిస్థాన్,  న్యూజిలాండ్ తలపడుతున్నాయి. ఈరోజు గెలిచిన జట్టు సెమీఫైనల్ దిశగా తొలి అడుగు వేస్తుంది. అయితే ఓడిపోయిన జట్టు టోర్నీ నుంచి తప్పుకుంటుందా.. ? ఈ సూపర్ 8 రౌండ్ పూర్తి ఫార్మాట్ గురించి తెలుసుకోండి.

సల్మాన్ అలీ ఆఘా సారథ్యంలోని పాకిస్థాన్ లీగ్ స్టేజ్‌లో 4 మ్యాచ్‌లలో 3 గెలిచి సూపర్ 8కు చేరుకుంది. లీగ్ స్టేజీలో పాక్ జట్టు భారత్ చేతిలో మాత్రమే ఓడిపోయింది. న్యూజిలాండ్ పరిస్థితి కూడా ఇలాంటిదే. కివీస్ జట్టు తమ టేబుల్ టాపర్ దక్షిణాఫ్రికా చేతిలో ఓడిపోగా, మిగిలిన 3 మ్యాచ్‌లలో విజయం సాధించింది. టీ20 వరల్డ్ కప్ 2026 సూపర్-8 రౌండ్‌లో న్యూజిలాండ్, పాకిస్థాన్ గ్రూప్ 2లో ఉన్నాయి. వీరితో పాటు ఇంగ్లాండ్, శ్రీలంక కూడా ఉన్నాయి. గ్రూప్ 1లో భారత్, వెస్టిండీస్, దక్షిణాఫ్రికా, జింబాబ్వే జట్లు ఉన్నాయి.

A blockbuster opening to the #T20WorldCup Super 8 phase 🍿

Don't miss the action! Broadcast details here 📲 https://t.co/Wf4VaE4pSJ pic.twitter.com/oP38uiREeK

— T20 World Cup (@T20WorldCup) February 21, 2026

పాక్ లేదా న్యూజిలాండ్ లలో ఏ టీం స్ట్రాంగ్ ?
పాకిస్థాన్ ఓపెనర్ సాహిబ్జాదా ఫర్హాన్ ఇప్పటివరకు ఈ ఎడిషన్‌లో అత్యధిక పరుగులు చేసిన బ్యాటర్‌గా ఉన్నాడు. అతను 4 మ్యాచ్‌ల్లో ఏకంగా 220 పరుగులు చేశాడు. ఇందులో నమీబియాపై సెంచరీ కూడా సాధించాడు. టాప్-5 రన్ స్కోరర్లలో న్యూజిలాండ్ బ్యాటర్ ఎవరూ లేరు. టాప్ 5 వికెట్ టేకర్లలో పాకిస్థాన్, న్యూజిలాండ్ బౌలర్లు ఎవరూ లేరు.

ఆర్. ప్రేమదాస స్టేడియంలో పాకిస్థాన్ ఇప్పటివరకు 8 టీ20 ఇంటర్నేషనల్ మ్యాచ్‌లు ఆడగా, అందులో 5 గెలిచి, 3 ఓడిపోయింది. ఇదే టీ20 వరల్డ్ కప్‌లో ఇదే గ్రౌండ్‌లో భారత్ చేతిలో పాకిస్థాన్ ఓడిపోయింది. న్యూజిలాండ్ 2009లో చివరిసారిగా ఇక్కడ టీ20 మ్యాచ్ ఆడింది. ఇక్కడ ఆడిన రెండు మ్యాచ్‌ల్లోనూ న్యూజిలాండ్ నెగ్గింది.

పాకిస్థాన్ vs న్యూజిలాండ్ హెడ్ టు హెడ్ (T20)
మొత్తం మ్యాచ్‌లు: 49
పాకిస్థాన్ గెలిచినవి: 24 మ్యాచ్‌లు
న్యూజిలాండ్ గెలిచినవి: 23 మ్యాచ్‌లు

ఓడిపోయిన జట్టు టోర్నీ నుండి వెళ్లిపోతుందా ?
నేడు ఓడిపోయిన జట్టు టీ20 వరల్డ్ కప్ సెమీఫైనల్ రేసులోనే ఉంటుంది. ఒక గ్రూపులో 4 జట్లు ఉంటాయి. ప్రతి జట్టు తన గ్రూపులోని మిగిలిన 3 జట్లతో ఒక్క మ్యాచ్ ఆడుతుంది. ఆ తర్వాత గ్రూప్‌లోని టాప్-2 జట్లు సెమీఫైనల్‌ చేరుకుంటాయి. 3, 4  స్థానాల్లో నిలిచిన జట్లు టోర్నీ నుంచి నిష్క్రమిస్తాయి. కానీ ఈరోజు ఓడిపోయే జట్టు తమ తదుపరి రెండు మ్యాచ్‌లను ఖచ్చితంగా గెలవాలి. అలా గెలిచినా ఇతర జట్ల ఫలితాలపై ఆధారపడాల్సి వస్తుంది. సూపర్-8లో 3 మ్యాచ్‌లు గెలిచిన జట్టు నేరుగా సెమీఫైనల్‌లోకి ప్రవేశిస్తుంది.

న్యూజిలాండ్ స్క్వాడ్
న్యూజిలాండ్: జేమ్స్ నీషమ్, డెవాన్ కాన్వే, కోల్ మెక్కోనీ, ఇష్ సోధి, జాకబ్ డఫీ, డారిల్ మిచెల్, మిచెల్ సాంట్నర్ (కెప్టెన్), మార్క్ చాప్‌మన్, మాట్ హెన్రీ, లాకీ ఫెర్గూసన్, కైల్ జామిసన్, టిమ్ సీఫెర్ట్ (వికెట్ కీపర్), గ్లెన్ ఫిలిప్స్, ఫిన్ అలెన్, రచిన్ రవీంద్ర, బెన్ సీర్స్.

పాకిస్థాన్ స్క్వాడ్
సాహిబ్జాదా ఫర్హాన్, ఫఖర్ జమాన్, మహ్మద్ నవాజ్, బాబర్ ఆజం, సల్మాన్ అలీ ఆఘా (కెప్టెన్), ఫహీమ్ అష్రఫ్, షాదాబ్ ఖాన్, షాహీన్ షా అఫ్రిది, అబ్రార్ అహ్మద్, ఉస్మాన్ ఖాన్ (వికెట్ కీపర్), నసీమ్ షా, సైమ్ అయూబ్, సల్మాన్ మీర్జా, ఖవాజా నఫే (వికెట్ కీపర్), ఉస్మాన్ తారిక్.

మరిన్ని చదవండి

సూపర్ 8 కోసం టీం ఇండియా షాకింగ్ ప్లాన్‌! ప్లేయింగ్ 11లో భారీ మార్పులు! అభిషేక్ శర్మ సహా ముగ్గురు అవుట్‌!

T20 ప్రపంచ కప్ చరిత్రలో ఫాస్టెస్ట్ సెంచరీలు ఇవే.. రైనా స్థానం ఎంతంటే..