IND vs PAK: పాకిస్థాన్పై ఫాస్టెస్ట్ హాఫ్ సెంచరీతో యువరాజ్ రికార్డును బద్దలు కొట్టిన ఇషాన్ కిషన్
Ishan Kishan fastest half century: టీ20 ప్రపంచ కప్ మ్యాచ్లో పాకిస్థాన్పై మెరుపు వేగంతో బ్యాటింగ్ చేయడం ద్వారా యువరాజ్ సింగ్ ఫాస్టెస్ట్ హాఫ్ సెంచరీ రికార్డును ఇషాన్ కిషన్ బద్దలు కొట్టాడు.
Ishan Kishan Record In IND vs PAK T20 WC 2026: పాకిస్థాన్తో జరుగుతున్న టీ20 వరల్డ్ కప్ 2026 27వ మ్యాచ్లో ఇషాన్ కిషన్ మెరుపు ఇన్నింగ్స్ ఆడారు. భారత ఓపెనర్ ఇషాన్ కిషన్ 40 బంతుల్లో 10 ఫోర్లు, 3 సిక్సర్ల సాయంతో 77 పరుగులు చేశారు. ఈ క్రమంలో ఇషాన్ కేవలం 27 బంతుల్లోనే హాఫ్ సెంచరీని పూర్తి చేసుకున్నాడు. ఇది టీ20 కెరీర్ లో 9వ హాఫ్ సెంచరీ. ఈ అర్థ సెంచరీతో ఎడమచేతి వాటం బ్యాటర్ ఇషాన్, పాకిస్థాన్పై ఒక భారీ రికార్డును నెలకొల్పుతూ యువరాజ్ సింగ్ రికార్డును బద్దలు కొట్టాడు.
భారత్- పాకిస్థాన్ టీ20 ఇంటర్నేషనల్ మ్యాచ్లలో యువరాజ్ కంటే వేగంగా ఫిఫ్టీ సాధించిన బ్యాటర్గా ఇషాన్ కిషన్ నిలిచాడు. ఇషాన్ 27 బంతుల్లో హాఫ్ సెంచరీ పూర్తి చేయగా, యువరాజ్ సింగ్ 2012లో పాకిస్థాన్పై టీ20 మ్యాచ్లో 29 బంతుల్లో ఫిఫ్టీ సాధించాడు.
మూడవ స్థానానికి చేరుకున్న ఇషాన్
భారత్- పాక్ మ్యాచ్లలో అత్యంత వేగంగా ఫిఫ్టీ సాధించిన బ్యాటర్ల జాబితాలో ఇషాన్ కిషన్ 3వ స్థానానికి చేరుకున్నాడు. దాంతో యువీ నాలుగో స్థానానికి పడిపోయాడు. ఈ జాబితాలో భారత ఓపెనర్ అభిషేక్ శర్మ రెండో స్థానంలో ఉండగా, పాకిస్థాన్కు చెందిన మహ్మద్ హఫీజ్ అగ్ర స్థానంలో కొనసాగుతున్నాడు.
భారత్-పాక్ మ్యాచ్లలో ఫాస్టెస్ట్ ఫిఫ్టీ సాధించిన బ్యాటర్లు
-
23 బంతుల్లో - మహ్మద్ హఫీజ్ పాక్ బ్యాటర్, అహ్మదాబాద్ (2012)
-
24 బంతుల్లో - అభిషేక్ శర్మ భారత బ్యాటర్, దుబాయ్ (2025)
-
27 బంతుల్లో - ఇషాన్ కిషన్ భారత బ్యాటర్, కొలంబో, ఆర్.పి.ఎస్ (2026)
-
29 బంతుల్లో - యువరాజ్ సింగ్ భారత బ్యాటర్, అహ్మదాబాద్ (2012)
అత్యధిక పరుగులు చేసిన రెండో బ్యాటర్గా ఇషాన్ కిషన్
ప్రస్తుత టీ20 వరల్డ్ కప్లో అత్యధిక పరుగులు చేసిన రెండో బ్యాటర్గా ఇషాన్ కిషన్ నిలిచాడు. 3 మ్యాచ్లలో 3 ఇన్నింగ్స్లలో బ్యాటింగ్ ద్వారా 52.66 సగటుతో 197.50 స్ట్రైక్ రేట్తో 158 పరుగులు చేశాడు. ఈ క్రమంలో ఇషాన్ 2 అర్థ సెంచరీలు చేయగా, అత్యధిక స్కోరు 77 పరుగులు చేశాడు.
ఈ జాబితాలో న్యూజిలాండ్కు చెందిన టిమ్ సీఫెర్ట్ మొదటి స్థానంలో ఉన్నాడు. ఇప్పటి వరకు 3 మ్యాచ్లలో 3 ఇన్నింగ్స్లలో 83.50 సగటు, 179.56 స్ట్రైక్ రేట్తో 167 పరుగులు చేశాడు. అతడు 2 ఫిఫ్టీలు చేయగా, అత్యధిక స్కోరు 89 పరుగులతో నాటౌట్ గా ఉన్నాడు. ఈ టోర్నమెంట్లో ఇషాన్ ఎప్పుడు సీఫెర్ట్ను అధిగమించి అత్యధిక పరుగులు చేయాలని భారత క్రికెట్ ఫ్యాన్స్ ఎదురుచూస్తున్నారు.
టాప్ హెడ్ లైన్స్
ట్రెండింగ్ వార్తలు
