Ind vs NZ Final Highights: 72 పరుగులకే 5 వికెట్లు కోల్పోయిన కివీస్.. చరిత్రకు అడుగు దూరంలో భారత్

టీ20 వరల్డ్ కప్ ఫైనల్లో న్యూజిలాండ్ బ్యాటర్లకు టీమిండియా బౌలర్లు చుక్కలు చూపిస్తున్నారు. 256 పరుగుల భారీ టార్గెట్ ఛేదించేందుకు దిగిన కివీస్ 72 పరుగులకే సగం టీమ్ వికెట్లు కోల్పోయింది.

వికెట్ తీసిన ఆనందంలో టీమిండియా క్రికెటర్లు

Source : BCCI

అహ్మదాబాద్‌లోని నరేంద్ర మోదీ స్టేడియంలో జరుగుతున్న 2026 టీ20 వరల్డ్ కప్ ఫైనల్ పోరులో భారత్ చారిత్రక విజయం దిశగా దూసుకుపోతోంది. సంజూ శాంసన్ సెంచరీ, అభిషేక్ శర్మ రికార్డు హాఫ్ సెంచరీతో టీమిండియా నిర్ణీత 20 ఓవర్లలో 5 వికెట్ల నష్టానికి 255 పరుగుల భారీ స్కోరు సాధించింది. కానీ ఛేజింగ్ లో కివీస్ బ్యాటర్లు చేతులెత్తేస్తున్నారు. 72 పరుగులకు సగం జట్టు ఔట్ అయి పీకల్లోతు కష్టాల్లో పడింది. న్యూజిలాండ్ ఓపెనర్ టిమ్ సీఫర్ట్ (26 బంతుల్లో 52; 2x4 6x6) రాణించాడు. వరుణ్ చక్రవర్తి వేసిన ఇన్నింగ్స్ 9వ ఓవర్ తొలి బంతికి ఔటయ్యాడు. సీఫర్డ్ ఆడిన బంతిని ఇషాన్ కిషన్ క్యాచ్ అందుకోవడంతో పెవిలియన్ చేరాడు.

256 పరుగుల భారీ లక్ష్యంతో బరిలోకి దిగిన న్యూజిలాండ్ జట్టుకు భారత బౌలర్లు చుక్కలు చూపిస్తున్నారు. పదునైన బౌలింగ్‌తో కివీస్ బ్యాటర్లను కట్టడి చేయడంతో ఆ జట్టు కేవలం 72 పరుగులకే 5 కీలక వికెట్లు కోల్పోయి పీకల్లోతు కష్టాల్లో పడింది. ప్రస్తుతం ఉన్న పరిస్థితుల్లో టీమిండియా వరుసగా రెండోసారి టీ20 ప్రపంచ కప్ టైటిల్‌ను గెలవడం దాదాపు ఖాయంగా కనిపిస్తోంది.

2️⃣ wickets in 2️⃣ overs 🔥

Hardik Pandya and Varun Chakaravarthy join the wicket-taking party 👏

Updates ▶️ https://t.co/5LXBod8bl1#TeamIndia | #T20WorldCup | #MenInBlue | #Final | #INDvNZ | @hardikpandya7 | @chakaravarthy29 pic.twitter.com/ked39ZeNbj

— BCCI (@BCCI) March 8, 2026

31 పరుగులకు తొలి వికెట్ కోల్పోయిన న్యూజిలాండ్ ఆ మరుసటి పరుగుకే మరో వికెట్ కోల్పోయింది. ఇలా 72 పరుగులకే టాపార్డర్, మిడిలార్డర్ వికెట్లు మొత్తం 5 వికెట్లు కోల్పోయింది. అసలే బిగ్ టార్గెట్ అందులోనూ ఫైనల్ కావడంతో కివీస్ బ్యాటర్లు ఒత్తిడిని జయించలేకపోయారు. ఫిన్ అలెన్ ను అక్షర్ పటేల్ ఔట్ చేశాడు. అలెన్ షాట్ ఆడిన బంతిని తిలక్ వర్మ క్యాచ్ అందుకోవడంతో కివీస్ తొలి వికెట్ కోల్పోయింది. మరుసటి ఓవర్లో జస్ప్రిత్ బుమ్రా కివీస్ కీలక బ్యాలర్ రచిన్ రవీంద్ర (1) పనిపట్టాడు. ఇషాన్ కిషన్ క్యాచ్ అందుకోవడంతో రచిన్ నిరాశగా వెనుదిరిగాడు.

Leg stump rattled |/ 🔥

Vice-captain Axar Patel castles Glenn Phillips#TeamIndia have Wicket No. 3⃣ 👏

Updates ▶️ https://t.co/5LXBod8bl1#T20WorldCup | #MenInBlue | #Final | #INDvNZ | @akshar2026 pic.twitter.com/dwcl1AIaQH

— BCCI (@BCCI) March 8, 2026

హాఫ్ సెంచరీలతో చెలరేగిన భారత టాపార్డర్..

అభిషేక్ శర్మ  (21 బంతుల్లో 52; 6x4 3x6), (46 బంతుల్లో 89; 5x4 8x6) , ఇషాన్ కిషన్ (25 బంతుల్లో 54; 4x4 4x6) హాఫ్ సెంచరీలతో సత్తా చాటారు. చివర్లో శివం దుబే 8 బంతుల్లో 26 పరుగులతో మెరుపు బ్యాటింగ్ తో ఇన్నింగ్స్ ముగించాడు.

ఒకవేళ భారత్ ఈ విజయాన్ని పూర్తి చేస్తే, ఐసీసీ ప్రకటించిన ప్రైజ్ పూల్ నుండి సుమారు రూ. 27.48 కోట్ల భారీ నగదు బహుమతిని సొంతం చేసుకుంటుంది. డిఫెండింగ్ ఛాంపియన్‌గా బరిలోకి దిగిన సూర్యకుమార్ యాదవ్ సేన, అద్భుత ప్రదర్శనతో మరోసారి ప్రపంచ క్రికెట్‌లో తమ ఆధిపత్యాన్ని చాటుకునేందుకు సిద్ధంగా ఉంది.

మరిన్ని చదవండి

శాంసన్, అభిషేక్, ఇషాన్ హాఫ్ సెంచరీలు.. న్యూజిలాండ్‌కు రికార్డ్ టార్గెట్

అభిషేక్ శర్మ హాఫ్ సెంచరీ.. కివీస్‌తో ఫైనల్లో భారత్ రికార్డుల వర్షం