SA vs AFG Super Over: T20 ప్రపంచ కప్‌లో దక్షిణాఫ్రికా థ్రిల్లింగ్ విక్టరీ! రెండో సూపర్ ఓవర్‌లో ఆఫ్ఘనిస్తాన్‌పై విజయం

SA vs AFG Super Over: T20 ప్రపంచ కప్ చరిత్రలో ఒక మ్యాచ్‌లో రెండు సూపర్ ఓవర్లు జరగడం ఇదే తొలిసారి. రెండు సూపర్ ఓవర్లలోని ప్రతి బంతి కూడా ఉత్కంఠభరితంగా సాగింది.

T20 ప్రపంచ కప్‌లో దక్షిణాఫ్రికా థ్రిల్లింగ్ విక్టరీ! రెండో సూపర్ ఓవర్‌లో ఆఫ్ఘనిస్తాన్‌పై విజయం

Source : Social Media

Show Quick Read

Key points generated by AI, verified by newsroom

SA vs AFG Super Over: T20 ప్రపంచ కప్ 2026‌లో దక్షిణాఫ్రికా vs ఆఫ్ఘనిస్తాన్ మ్యాచ్ ఫలితం రెండో సూపర్ ఓవర్‌లో నిర్ణయమైంది. 188 పరుగుల లక్ష్యాన్ని ఛేదించే క్రమంలో ఆఫ్ఘనిస్తాన్ అద్భుతంగా బ్యాటింగ్ చేసింది. మ్యాచ్ అంతటా ఇరు జట్లు కూడా పోటాపోటీగా తలపడ్డాయి. ప్రతి బంతి ఉత్కంఠతో సాగింది. ఈ ఎడిషన్‌లో ఇప్పటివరకు జరిగిన అత్యంత థ్రిల్లింగ్‌ మ్యాచ్‌ ఇదే. చివరి ఓవర్‌లో ఆఫ్ఘనిస్తాన్ 13 పరుగులు చేయాల్సి వచ్చింది.  తొమ్మిది వికెట్లు కోల్పోయింది. ఆ తర్వాత, చివరి ఓవర్ మొదటి బంతికే నూర్ అహ్మద్ క్యాచ్ అవుట్ అయ్యాడు, కానీ మ్యాచ్ అక్కడితో ఆగిపోలేదు. అది నో-బాల్‌గా అంపైర్ ప్రకటించడంతో అక్కడి నుంచి మరికాసేపు అదే టెన్షన్ కొనసాగింది. 

చివరి ఓవర్లో ఆఫ్ఘనిస్తాన్ గెలవడానికి 13 పరుగులు అవసరం. కానీ వారి చేతిలో ఒకే ఒక వికెట్ ఉంది. నూర్ అహ్మద్ స్ట్రైక్‌లో ఉన్నాడు. చివరి ఓవర్‌ను కగిసో రబాడకు అప్పగించారు. నూర్ అహ్మద్ తొలి బంతికే క్యాచ్ అవుట్ అయ్యాడు, మ్యాచ్ ముగిసినట్లు అనిపించింది. కానీ అది నో-బాల్. 

తరువాత వైడ్ వచ్చింది, మొదటి లీగల్ బాల్ డాట్ అయింది. రెండో లీగల్ బాల్‌లో నూర్ అహ్మద్ సిక్స్ కొట్టాడు. మూడో బంతి డాట్ అయింది, నూర్ అహ్మద్ నాల్గో బంతికి రెండు పరుగులు తీసుకున్నాడు. కానీ నాల్గో బంతి కూడా నో-బాల్ అయింది, దీని వలన మ్యాచ్ ఆఫ్ఘనిస్తాన్ చేతిలోకి వెళ్లింది. గెలవడానికి ఆఫ్ఘనిస్తాన్‌కు మూడు బంతుల్లో రెండు పరుగులు అవసరం. బ్యాట్స్ మెన్ బాల్‌ను గాల్లోకి లేపాడు. బంతి ఫీల్డర్ చేతిలో ఉండగానే పరుగెత్తి రన్స్‌ కోసం ప్రయత్నించాడు రెండు పరుగులు తీసే ప్రయత్నంలో రన్‌ అవుట్ అయ్యాడు. ఫ్రీ హిట్ బాల్‌లో రెండో రన్ కోసం ప్రయత్నించిన ఫజల్హాక్ ఫరూక్ రనౌట్ అవ్వడంతో మ్యాచ్ సూపర్ ఓవర్ లోకి వెళ్ళింది.

మొదటి సూపర్ ఓవర్ కూడా టైగా ముగిసింది.

సూపర్ ఓవర్‌లో ఆఫ్ఘనిస్తాన్ ముందుగా బ్యాటింగ్ చేసింది. మ్యాచ్‌లో ముందుగా బ్యాటింగ్ చేసిన జట్టు సూపర్ ఓవర్‌లో ముందుగా బౌలింగ్ చేస్తుందని గమనించాలి. సూపర్ ఓవర్ ఆడితే కూడా ఆర్డర్ మారుతుంది. ముందుగా బ్యాటింగ్ చేసిన ఆఫ్ఘనిస్తాన్ 17 పరుగులు చేసింది. లుంగీ ఎన్‌గ్డీ వేసిన ఈ ఓవర్‌లో అజ్మతుల్లా ఒమర్జాయ్ రెండు ఫోర్లు, ఒక సిక్స్ కొట్టాడు.

సూపర్ ఓవర్‌లో దక్షిణాఫ్రికా తరఫున డేవిడ్ మిల్లర్, డెవాల్డ్ బ్రెవిస్ బరిలోకి దిగారు. బ్రెవిస్ రెండో బంతికి సిక్స్ కొట్టి మూడో బంతికి అవుట్ అయ్యాడు. ఆ తర్వాత ట్రిస్టన్ స్టబ్స్ వచ్చి ఫోర్ కొట్టాడు. బంతికి ఏడు పరుగులు అవసరమైనప్పుడు, స్టబ్స్ సిక్స్‌తో స్కోరును సమం చేశాడు. మ్యాచ్ రెండో సూపర్ ఓవర్‌లోకి వెళ్ళింది.

రెండో సూపర్ ఓవర్‌లో ముందు బ్యాటింగ్ చేసిన దక్షిణాఫ్రికా 23 పరుగులు చేసింది. ఆఫ్ఘనిస్తాన్‌కు 24 పరుగుల లక్ష్యాన్ని నిర్దేశించారు, కానీ ఆ జట్టు 18 పరుగులు మాత్రమే చేయగలిగారు.

తొలి సూపర్ ఓవర్ ఉత్కంఠభరితం

ఆఫ్ఘనిస్తాన్ బ్యాటింగ్

• మొదటి బంతికి 4 పరుగులు వచ్చాయి
• రెండో బంతికి 6 పరుగులు వచ్చాయి
• మూడో బంతికి 1 పరుగు
• నాలుగో బంతికి 1 పరుగు
• ఐదో బంతికి 4 పరుగులు వచ్చాయి.
• ఆరో బంతికి 1 పరుగు

సూపర్ ఓవర్ - 4, 6, 1, 1, 4, 1 - ఆఫ్ఘనిస్తాన్ 17 పరుగులు చేసింది

దక్షిణాఫ్రికా బ్యాటింగ్

• - మొదటి బంతికి 1 పరుగు
• రెండో బంతికి 6 పరుగులు వచ్చాయి
• మూడో బంతికే డెవాల్డ్ బ్రెవిస్ ఔటయ్యాడు .
• నాల్గో బంతికి 4 పరుగులు వచ్చాయి
• ఐదో బంతి డాట్
• ఆరో బంతికి 6 పరుగులు వచ్చాయి.

సూపర్ ఓవర్ - 1, 6, వికెట్, 4, 0, 6 - దక్షిణాఫ్రికా గెలవడానికి చివరి బంతికి 7 పరుగులు అవసరం. ట్రిస్టన్ స్టబ్స్ చివరి బంతికి సిక్స్ కొట్టి మ్యాచ్‌ను రెండో సూపర్ ఓవర్‌లోకి తీసుకెళ్లాడు.

మొదటి సూపర్ ఓవర్ టైగా ముగిసింది, రెండు జట్లు చెరో 17 పరుగులు చేశాయి.

రెండో సూపర్ ఓవర్ ఉత్కంఠభరితం

దక్షిణాఫ్రికా బ్యాటింగ్

• మొదటి బంతికి 6 పరుగులు వచ్చాయి
• రెండో బంతికి 1 పరుగు
• మూడో బంతికి 2 పరుగులు
• నాలుగో బంతికి 6 పరుగులు వచ్చాయి.
• ఐదో బంతికి 6 పరుగులు వచ్చాయి.
• ఆరో బంతికి 2 పరుగులు వచ్చాయి.

సూపర్ ఓవర్ - 6, 1, 2, 6, 6, 2 - మొదట బ్యాటింగ్ చేసిన దక్షిణాఫ్రికా 23 పరుగులు చేసింది.

ఆఫ్ఘనిస్తాన్ బ్యాటింగ్

• మొదటి బంతి డాట‌ బాల్
• రెండో బంతికే మహ్మద్ నబీ ఔటయ్యాడు .
• మూడో బంతికి 6 పరుగులు వచ్చాయి.
• నాలుగో బంతికి 6 పరుగులు వచ్చాయి.
• ఐదో బంతికి 6 పరుగులు వచ్చాయి.
• ఆరో బంతికి రహ్మానుల్లా గుర్బాజ్ ఔటయ్యాడు .

రెండో సూపర్ ఓవర్‌లో ఆఫ్ఘనిస్తాన్ 18 పరుగులు చేయగలిగింది.

రెండు బంతులు పరుగులేమీ చేయకుండానే మిగిలిపోయాయి. కానీ రహ్మానుల్లా గుర్బాజ్ వరుసగా మూడు సిక్సర్లు కొట్టి మ్యాచ్‌ను మలుపు తిప్పాడు. ఆఫ్ఘనిస్తాన్ గెలుస్తుందని అనిపించింది, కానీ చివరి బంతికి గుర్బాజ్ ఔటయ్యాడు.