Shreyas Iyer Success Story: క్రికెట్ పిచ్పై బంతి ఎంత వేగంగా బౌన్స్ అవుతుందో.. అంతకంటే వెయ్యి రెట్ల వేగంతో కెరీర్లో బౌన్స్ బ్యాక్ అయిన లయన్ హార్ట్ స్టోరీ ఇది! ఒకానొక దశలో టీమిండియా సెంట్రల్ కాంట్రాక్ట్ కోల్పోయి జట్టులో స్థానం లేక, గాయాలతో సతమతమవుతూ.. కెరీర్ ముగిసిపోయిందనుకున్న చోటు నుండే, ఇప్పుడు ఏకంగా కెప్టెన్గా సింహాసనాన్ని అధిరోహించాడు!వినడానికి ఇదొక సినిమా స్టోరీలా ఉన్నా.. శ్రేయస్ అయ్యర్ సాధించిన రియల్ లైఫ్ హై-వోల్టేజ్ సక్సెస్ సాగా ఇది. అసలు అయ్యర్ జట్టులో చోటు ఎలా కోల్పోయాడు? తనను తాను ఎలా మలుచుకున్నాడు? సెలక్టర్లు అతన్ని తప్పనిసరిగా తీసుకోవాల్సిన పరిస్థితి ఎందుకు వచ్చిందో చూద్దాం!
టీమిండియా నుంచి అవుట్..
మూడేళ్ల కిందట టీమిండియా మిడిలార్డర్ లో కీలక బ్యాట్స్మెన్ శ్రేయస్ అయ్యర్. టెస్టుల్లో కాకపోయినా.. వన్డే, టీ-20 లో తన స్థానం కచ్చితంగా ఉండేది. విరాట్, రోహిత్ ఎక్సిట్ తర్వాత శుభమన్, శ్రేయస్ ఆ రోల్ తీసుకుంటారు అని చాలా మంది అభిమానులు భావించారు. కానీ ఎక్కడ తేడా వచ్చిందో ఎంటో పాతాళానికి పడిపోయాడు. గాయం టీమ్కు దూరం చేసిందంటారు కానీ... అంతకంటే ఎక్కువుగా అతని యాటిట్యూట్ దెబ్బతీసింది. 2023 డిసెంబర్ తర్వాత శ్రేయస్ T20 ఇంటర్నేషనల్ ఆడలేదు. 2024 వైజాగ్ టెస్ట్ తర్వాత టెస్టుల్లోకి తీసుకోలేదు. మధ్యలో వన్డేలు ఆడినప్పటికీ అతని పెర్ఫార్మెన్స్ బాలేదు.. టీమ్ కూడా సరిగ్గా చాన్స్ ఇవ్వలేదు. 2024 ఏడాది మొత్తం మూడు మ్యాచ్లలో చాన్స్ వస్తే.. మూడింట్లో ఫెయిల్ అయ్యాడు. 2026 జనవరి న్యూజీలాండ్ సిరిస్లో కూడా ఫెయిలే..
ఇంటర్నేషనల్ కెరీర్ దెబ్బతింది ఇలా...
శ్రేయస్ ఇంటర్నేషనల్ క్రికెట్కు దూరం కావడానికి అతని గాయాలు- ఓ కారణమైతే.. తను స్వయంగా చేసిన తప్పులు కూడా మరో కారణం.
- కెరీర్ పీక్ స్టేజ్లో ఉన్నప్పుడు వెన్నునొప్పి వల్ల అయ్యర్ క్రికెట్కు దూరం అయ్యాడు..
- విదేశీ పిచ్లపై షార్ట్ పిచ్ (Short-ball) బంతులను ఎదుర్కోవడంలో అయ్యర్ తడబడుతున్నాడనే విమర్శలు వెల్లువెత్తాయి. ప్రత్యర్థి బౌలర్లు దాన్నే అస్త్రంగా చేసుకుని అతన్ని టార్గెట్ చేశారు.
- BCCI ఆగ్రహం - కాంట్రాక్ట్ రద్దు: గాయం నుంచి కోలుకున్న తర్వాత దేశవాళీ క్రికెట్ ఆడాలన్న బోర్డు ఆదేశాలను అయ్యర్ పక్కన పెట్టాడనే టాక్ నడిచింది. రంజీలు ఆడమంటే వెన్నునొప్పి అని సాకు చెప్పిన అతను.. IPL ఆడాడు. దీనిపై తీవ్ర విమర్శలు వచ్చాయి. దీనికి ఆగ్రహించిన BCCI.. 2024 ఆరంభంలో అతని సెంట్రల్ కాంట్రాక్ట్ను రద్దు చేసింది
ఆ తర్వాత తనను తీసుకుంటారేమో అని ఎదురు చూశాడు కానీ.. బోర్డు పెద్దల ఆగ్రహంతో కుదరలేదు.
పడి లేచిన కెరటంలా..
BCCI కి తను పట్టించుకునే ఉద్దేశ్యం లేదని గుర్తించిన అయ్యర్.. తనను వాళ్లు గుర్తించక తప్పనిసరి పరిస్థితి కల్పించాలనుకున్నాడు. విమర్శలకు నోటితో కాదు.. బ్యాట్తోనే సమాధానం చెప్పాలని డిసైడ్ అయిన అయ్యర్, అహాన్ని పక్కన పెట్టి దేశవాళీ క్రికెట్ రూట్లోకి వచ్చాడు. తన సొంత జట్టు ముంబై తరపున రంజీ ట్రోఫీ బరిలోకి దిగాడు.
టీమిండియా నుంచి ఉద్వాసనకు గురైన వెంటనే అయ్యర్ తన సొంత జట్టు ముంబై తరపున రంజీ బరిలోకి దిగాడు. తీవ్రమైన వెన్నునొప్పితో బాధపడుతున్నా, ఒత్తిడిని అధిగమించి మ్యాచ్ విన్నింగ్ ప్రదర్శనలు చేశాడు.
2024 రంజీ ట్రోఫీ సెమీఫైనల్, ఫైనల్ మ్యాచ్లలో అయ్యర్ ఆడిన ఇన్నింగ్స్లు అద్భుతం. ముఖ్యంగా విదర్భతో జరిగిన **ఫైనల్ మ్యాచ్ రెండో ఇన్నింగ్స్లో 95 పరుగుల మెరుపు ఇన్నింగ్స్ ఆడి ముంబైని రంజీ ఛాంపియన్గా నిలబెట్టాడు.
ఆ తర్వాతి రంజీ సీజన్లలో ఒడిషాపై కేవలం 228 బంతుల్లోనే 233 పరుగులు చేసి డబుల్ సెంచరీతో గర్జించాడు. అలాగే మహారాష్ట్రపై 142 పరుగులు సాధించి ఫామ్లోకి వచ్చాడు.
రెడ్-బాల్ క్రికెట్లో తన సత్తా ఏంటో సెలక్టర్లకు చూపించడానికి దులీప్ ట్రోఫీ, ఇరానీ ట్రోఫీని కూడా వదలకుండా ఆడాడు.
T 20ల్లోనూ తాను తక్కువ కాదు అని నిరూపించడానికి సయ్యద్ ముస్తాక్ అలీ ట్రోఫీ లోనూ చెలరేగిపోయాడు
బ్యాట్స్మెన్గా కాదు.. లీడర్గా
ఇవన్నీ ఒకెత్తైతే.. లీడర్గా ఐపీఎల్లో తన రెండో సైడ్ ఏంటో చూపించాడు అయ్యర్. 2024 IPL లో కెప్టెన్గా KKRకు టైటిల్ సాధించి పెట్టాడు. ఆ తర్వాత 2025లో పంజాబ్ అతన్ని 26కోట్ల 75లక్షలకు కొనుక్కుంది. PBKSను అతను.. ఆ టీమ్ను Unstopable గా మార్చాడు. అసలు అంతకు ముందు IPLలో ఉందో లేదో అన్నట్లు ఉన్న పంజాబ్ కింగ్స్ నిరుడు IPL ఫైనల్లో అడుగుపెట్టింది. ఈ సీజన్లో మొదట్లో వరుసగా 6 మ్యాచ్లు గెలిచిన పంజాబ్ను చూసి.. మరీ ఇలా ఉన్నారేంట్రా..అని మిగతా జట్లు వణికిపోయాయి. శ్రేయస్ ఆ రేంజ్లో టీమ్ను నిలబెట్టాడు. అతని ఆట... వేట చూసిన తర్వాత ఇక టీమిండియాలోకి తీసుకోక తప్పని సరి అయింది సెలక్టర్లకు. శ్రేయస్ లీడర్షిప్ చూశాక కెప్టెన్సీ కూడా అతనికే అప్పగించారు.
నాయకత్వ లోటు
SKYను జట్టులో నుంచే తప్పించాలన్సిన పరిస్థితుల్లో టీమిండియా టీ20 జట్టుకు సరైన లీడర్ అవసరమయ్యాడు. ఐపీఎల్లో వరుసగా అద్భుతాలు చేసిన అయ్యర్ కంటే బెస్ట్ కెప్టెన్ ఆప్షన్ సెలక్టర్లకు కనిపించలేదు.ఒత్తిడిలో స్పిన్ను సమర్థవంతంగా ఎదుర్కొంటూ, ఇన్నింగ్స్ను నిర్మించే ఒక సాలిడ్ బ్యాటర్ దేశంలో అయ్యర్ కంటే మెరుగ్గా ఎవరూ లేరని గత మూడు ఐపీఎల్ సీజన్ల రికార్డులు నిరూపించాయి. హెడ్ కోచ్ గౌతమ్ గంభీర అయ్యర్ లీడర్షిప్ స్టైల్పై పూర్తి నమ్మకం ఉండటం కూడా దీనికి కారణం.
గ్రేట్ కమ్ బ్యాక్ :నిన్నటి వరకు 'నువ్వు జట్టుకు అవసరం లేదు' అని కాంట్రాక్ట్ రద్దు చేసిన వాళ్లే.. ఈరోజు 'నువ్వే మా టీ20 కెప్టెన్'అని బాధ్యతలు అప్పగించారు. గాయాలు, కాంట్రాక్ట్ వివాదాలు, ఫామ్ లేమి.. ఇలా అన్ని అడ్డంకులను తన బ్యాట్ పవర్ తో బౌండరీ అవతలికి బాదాడు శ్రేయస్ అయ్యర్.కచ్చితంగా ఇది వన్ ఆఫ్ ద గ్రేట్ కమ్ బ్యాక్. ఈ అవకాశాన్ని ఎలా నిలుపుకుంటాడో చూడాలి.