Pakistan Vs Namibia: నేడు పాకిస్తాన్కు చావో రేవో.. నమీబియా చేతిలో ఓడితే టోర్నీ నుంచి ఔట్
ICC T20 ప్రపంచ కప్ 2026లో పాకిస్తాన్కు లీగ్ స్టేజీ చివరి మ్యాచ్ డూ-ఆర్-డై గా మారింది. టీమిండియా చేతిలో చేతిమి పాక్ జట్టును ఇరకాటంలో పడేసింది. నేడు నమీబియాపై నెగ్గితేనే సూపర్ 8 చేరుతుంది.
Pakistans Do Or Die Match Against Namibia: తన చిరకాల ప్రత్యర్థి భారత్తో జరిగిన మ్యాచ్లో ఘోర పరాభవం తరువాత టీ20 ప్రపంచకప్లో పాకిస్థాన్ కథ క్లైమాక్స్కు చేరుకుంది. ఈరోజు నమీబియాతో జరిగే మ్యాచ్ ఆ జట్టుకు డూ ఆర్ డై లాంటిది. మొన్నటివరకూ పాకిస్థాన్ సూపర్ 8లో చోటు దక్కించుకునే జట్లలో ఒకటిగా పటిష్ట స్థితిలో కనిపించింది. కానీ టీమిండియా చేతిలో ఓటమి ఆ జట్టును తీవ్రంగా దెబ్బకొట్టింది. దీంతో గ్రూప్-ఎ లోని తన చివరి మ్యాచ్లో పాక్ తప్పక గెలవాల్సిన పరిస్థితిని ఎదుర్కొంటోంది. మ్యాచ్ మధ్యాహ్నం 3 గంటలకు ప్రారంభమవుతుంది.
టీ20 ప్రపంచ కప్లో ప్రతి గ్రూప్ నుండి లీగ్ స్టేజీ నుంచి 2 జట్లు మాత్రమే సూపర్ 8కు చేరుకుంటాయి. లీగ్ స్టేజీని తొలి 2 స్థానాలతో పూర్తి చేస్తేనే ఆ అవకాశం పాక్కు లభిస్తుంది. పాకిస్థాన్ ప్రస్తుతం పాయింట్ల పట్టికలో భారత్, అమెరికా తర్వాత 3వ స్థానంలో ఉంది. భారత్ 3 మ్యాచ్లలో నెగ్గి నేరుగా సూపర్ 8కు అర్హత సాధించగా, అమెరికా 4 పాయింట్లు, మెరుగైన రన్ రేట్ కారణంగా 2వ స్థానంలో ఉంది.
నమీబియాపై నెగ్గితేనే పాకిస్థాన్కు ఛాన్స్..
నమీబియా చేతిలో ఓడిపోవడం అసాధ్యంగా అనిపించినప్పటికీ, పాకిస్థాన్ నిలకడలేమిని బట్టి చూస్తే ఏదైనా జరగొచ్చు అనిపిస్తుంది. ఈ మ్యాచ్లో ఓడిపోతే పాకిస్థాన్ టోర్నమెంట్ నుండి ఇంటిదారి పడుతుంది. అమెరికా సూపర్ 8లో చోటు దక్కించుకుంటుంది. అయితే పాకిస్థాన్ ఎదుర్కొంటున్న జట్టు ఇప్పటికే ఆడిన 3 మ్యాచ్లలో ఓడిపోయి గ్రూప్లో చివరి స్థానంలో ఉంది. బాబర్ ఆజం, ఓపెనర్ సాహిబ్జాదా ఫర్హాన్, సైమ్ అయూబ్, కెప్టెన్ సల్మాన్ అలీ ఆగా రాణిస్తేనే పాకిస్థాన్ నెగ్గుతుంది.
భారత్తో మ్యాచులో పాక్ బ్యాటర్లు ఫెయిల్
భారత ఫాస్ట్ బౌలర్లు జస్ప్రీత్ బుమ్రా, హార్దిక్ పాండ్యా జోడీ పాకిస్థాన్ జట్టును 3 వికెట్లకు 13 పరుగులుగా చేసింది. పాకిస్థాన్ మిడిల్ ఆర్డర్ ఎలాంటి ప్రభావం చూపలేదు. నమీబియా కనుక సంచలనం చేస్తే పాక్ ఇంటికి వెళ్లడం ఖాయం. ఫాస్ట్ బౌలర్ షాహీన్ షా ఆఫ్రిది రెండు ఓవర్లలో 31 పరుగులు ఇచ్చి ఒక వికెట్ మాత్రమే తీశాడు. సైమ్ అయూబ్ రాణించి 3 వికెట్లు తీసి భారత్ టాపార్డర్ను కష్టాల్లోకి నెట్టాడు. నమీబియాపై ఆఫ్రిది వికెట్లు తీయాలి. పవర్ ప్లేలో ఓపెనర్లు ఔట్ చేస్తే పాకిస్థాన్ మ్యాచ్పై పట్టు సాధించే అవకాశం ఉంటుంది.
పాకిస్థాన్కు పవర్ప్లే బలహీనత
పాకిస్థాన్ పవర్ప్లే వీక్ నెస్ ఉంది. గత మ్యాచ్లో పవర్ప్లేలో 4 వికెట్లు కోల్పోయింది. మిడిల్ ఆర్డర్లో పదేపదే మార్పులు టీంను దెబ్బతీస్తున్నాయి. నమీబియా వద్ద టాలెంటెడ్ బౌలర్లు ఉన్నారు. టాపార్డర్ ను త్వరగా ఔట్ చేస్తే, పాక్ కోలుకోవడం కష్టమే. ఒక్క విజయంతోనైనా టోర్నీ నుంచి నిష్క్రమించాలని టీం భావిస్తోంది. ఒకవేళ ఆ జట్టు పాకిస్థాన్ను తక్కువ స్కోరుకే కట్టడి చేస్తే మరో సంచలనం తప్పదు.
గెర్హార్డ్ ఎరాస్మస్, జెజె స్మిత్లపై నమీబియా ఆశలు
భారత్పై 4 వికెట్లు తీసిన ఆల్రౌండర్, కెప్టెన్ గెర్హార్డ్ ఎరాస్మస్, ఎడమచేతి వాటం ఫాస్ట్ బౌలర్ జెజె స్మిత్ ప్రత్యర్థి జట్టును దెబ్బతీయగలరు. ఓపెనర్ లారెన్ స్టెయిన్క్యాంప్ గత మ్యాచ్ల్లో రాణించగా, జాన్ నికోలా ఫ్రైలింక్, జాన్ నికోల్ లాఫ్టీ-ఈటన్ నమీబియాకు ఆశాకిరణాలుగా ఉన్నారు.
టాప్ హెడ్ లైన్స్
ట్రెండింగ్ వార్తలు
