Golden Super Saturday: హాకీలో మలేసియాను చిత్తు చేసి పసిడి వేటను ముగించిన భారత్.. ఒకే రోజు 5 స్వర్ణాలతో సంచలనం, 85 పతకాలతో టాప్ ఫోర్ లోకి టీమ్ ఇండియా

ఆసియా క్రీడల చివరి రోజు హాకీ ఫైనల్లో మలేసియాను 5-1తో ఓడించి భారత్ 21వ స్వర్ణం సాధించి పతకాల పట్టికలో నాలుగో స్థానానికి చేరింది.

హాకీలో మలేసియాను చిత్తు చేసి పసిడి వేటను ముగించిన భారత్.. ఒకే రోజు 5 స్వర్ణాలతో సంచలనం, 85 పతకాలతో టాప్ ఫోర్ లోకి టీమ్ ఇండియా

Source : X

Indian Hockey Team Completes Day Of Five Gold Medals In Nagoya: ఆసియా క్రీడలు 2026లో శనివారం భారత అథ్లెట్లు చారిత్రక స్వర్ణ విప్లవాన్ని సృష్టించారు. పురుషుల హాకీ ఫైనల్ మ్యాచ్‌లో భారత జట్టు తిరుగులేని ఆధిపత్యాన్ని ప్రదర్శిస్తూ మలేసియాను 5-1 తేడాతో చిత్తు చేసి బంగారు పతకాన్ని ముద్దాడింది. ప్రస్తుత ఆసియా క్రీడల్లో ఇది భారత్‌కు 21వ స్వర్ణ పతకం కాగా, శనివారం ఒక్క రోజే ఏకంగా ఐదో పసిడి పతకం కావడం విశేషం. ఈ అద్భుత విజయంతో భారత పతకాల సంఖ్య 85కు చేరింది. ఇందులో 21 స్వర్ణాలు, 27 రజతాలు, 37 కాంస్య పతకాలు ఉన్నాయి. దీంతో ఉజ్బెకిస్తాన్‌ను అధిగమించి భారత్ పతకాల పట్టికలో అధికారికంగా నాలుగో స్థానానికి దూసుకెళ్లి తమ ప్రచారాన్ని ఘనంగా ముగించింది. అంతకుముందు క్రికెట్ ఫైనల్లో చిరకాల ప్రత్యర్థి పాకిస్తాన్‌పై భారత్ 19 పరుగుల తేడాతో విజయం సాధించి బంగారు పతకాన్ని నిలబెట్టుకుంది. 

Aman Sehrawat turns his Hangzhou bronze into Aichi-Nagoya gold with an 11-7 victory over Han Chong Song in a thrilling 57kg final.

Watch the 20th Asian Games Aichi-Nagoya 2026, LIVE on Sony Sports Network TV channels & Sony LIV.#SonySportsNetwork #SonyLIV #AsianGames… pic.twitter.com/eGmmnVBepd

— Sony Sports Network (@SonySportsNetwk) October 3, 2026

అమన్ సెహ్రావత్ అద్భుత కమ్‌బ్యాక్.. కుంకుమ్ మొహోద్ చారిత్రక పసిడి
రెజ్లింగ్ పురుషుల ఫ్రీస్టైల్ 57 కేజీల గోల్డ్ మెడల్ బౌట్‌లో యువ రెజ్లర్ అమన్ సెహ్రావత్ చివరి నిమిషంలో అసాధారణ పోరాట పటిమతో మ్యాచ్‌ను మలుపు తిప్పాడు. మ్యాచ్ ముగియడానికి నిమిషం కంటే తక్కువ సమయం ఉన్నప్పుడు 6-7తో వెనుకబడిన అమన్, వరుసగా 5 పాయింట్లు సాధించి ఉత్తర కొరియా రెజ్లర్ హాన్ చోంగ్ సాంగ్‌ను చిత్తు చేసి స్వర్ణాన్ని ఎగురేసుకుపోయాడు. ఆర్చరీ మహిళల వ్యక్తిగత రికర్వ్ విభాగంలో కుంకుమ్ మొహోద్ సంచలనం సృష్టించింది. ఉత్కంఠభరితంగా సాగిన ఫైనల్లో దక్షిణ కొరియాకు చెందిన ఓహ్ యేజిన్‌ను 6-5తో ఓడించి ఈ విభాగంలో భారత్‌కు మొట్టమొదటి ఆసియా క్రీడల స్వర్ణాన్ని అందించింది. పురుషుల రికర్వ్ వ్యక్తిగత కాంస్య పోరులో నీరజ్ చౌహాన్ 6-4తో ధీరజ్ బొమ్మదేవరపై గెలిచాడు.

THE SWEETEST SOUND AFTER A GOLD MEDAL.🥇🎶

Watch the 20th Asian Games Aichi-Nagoya 2026, LIVE on Sony Sports Network TV channels & Sony LIV.#SonySportsNetwork #SonyLIV #AsianGames #AichiNagoya2026 #BaarBaarBharatHarBaarBharat pic.twitter.com/HyOsSkdgUU

— Sony Sports Network (@SonySportsNetwk) October 3, 2026

ప్రణవి ఉర్స్ గోల్ఫ్ డబుల్ ధమాకా.. రెజ్లింగ్‌లో రజతం కాంస్యం
గోల్ఫ్ కోర్టులో యువ సంచలనం ప్రణవి ఉర్స్ సరికొత్త చరిత్రను లిఖించింది. మహిళల వ్యక్తిగత స్ట్రోక్ ప్లే విభాగంలో భారత్‌కు మొట్టమొదటి స్వర్ణ పతకాన్ని అందించడమే కాకుండా, అదితి అశోక్, దీక్షా దాగర్‌లతో కలిసి టీమ్ విభాగంలో రజత పతకాన్ని కూడా ఖాతాలో వేసుకుంది. ఇక రెజ్లింగ్‌లో మహిళల 53 కేజీల విభాగంలో అంతిమ్ పంగల్ జపాన్ రెజ్లర్ మో క్యోకా చేతిలో ఓడి రజతం సాధించగా, పురుషుల 97 కేజీల ఫ్రీస్టైల్ పోరులో దీపక్ పూనియా కాంస్య పతకాన్ని కైవసం చేసుకున్నాడు.

85 పతకాలతో నాలుగో స్థానం.. భారత అథ్లెట్ల రికార్డు ముగింపు
ఇతర క్రీడల్లో మహిళల రగ్బీ సెవెన్స్ క్లాసిఫికేషన్ మ్యాచ్‌లో భారత్ 22-5తో సింగపూర్‌ను ఓడించి ఆకట్టుకోగా, పురుషుల వాలీబాల్‌లో థాయ్‌లాండ్ చేతిలో 2-3తో ఓడి ఆరో స్థానంతో సరిపెట్టుకుంది. తైక్వాండోలో కాశిష్ మాలిక్, జ్యోతి యాదవ్ ప్రిక్వార్టర్స్‌లోనే వెనుదిరిగారు. అన్ని విభాగాల పోటీలు ముగియడంతో భారత్ మొత్తం 85 పతకాలతో ఆసియా వేదికపై తమ ఆధిపత్యాన్ని చాటుతూ విజయవంతంగా టోర్నీని ముగించింది.

మరిన్ని చదవండి

పసిడిని నిలబెట్టుకున్న భారత్.. దాయాది పాక్ పై బంప‌ర్ విక్ట‌రీ.. అభిషేక్, తిలక్ మెరుపులు, రాణించిన దూబే, వాషింగ్టన్, అక్షర్

కెప్టెన్ గిల్ రికార్డుల జాత‌ర‌..సార‌థిగా త‌న ఖాతాలో నయా రికార్డు.. ఛేజింగ్ లోనూ హైయెస్ట్ స్కోరుతో మ‌రో ఘ‌న‌త‌