IND vs ENG U19 World Cup Final Highlights:ఫైనల్లో ఇంగ్లాండ్ను ఓడించి ఆరోసారి ప్రపంచ ఛాంపియన్గా భారత్! హీరోగా మారిన వైభవ్ సూర్యవంశీ!
IND vs ENG U19 World Cup Final Highlights:అండర్-19 ప్రపంచ కప్ 2026ను భారత్ గెలుచుకుంది. ఫైనల్లో ఇంగ్లాండ్ను 100 పరుగుల తేడాతో టీమిండియా ఓడించింది.
IND vs ENG U19 World Cup Final Highlights: అండర్-19 వరల్డ్ కప్ 2026 టైటిల్ను ఇండియా గెలుచుకుంది. ఫైనల్లో టీమ్ ఇండియా ఇంగ్లాండ్ను 100 పరుగుల తేడాతో ఓడించింది. అండర్-19 స్థాయిలో భారత్ ప్రపంచ ఛాంపియన్గా నిలవడం ఇది ఆరోసారి. వైభవ్ సూర్యవంశీ 175 పరుగులు, బౌలర్ల అద్భుతమైన ప్రదర్శనతో భారత్ చారిత్రాత్మక విజయాన్ని అందుకుంది. ఇంగ్లాండ్ తన 28 ఏళ్ల టైటిల్ కరవును తీర్చుకోలేకపోయింది. భారత జట్టు విసిరిన సవాలును అధిగమించడంలో ఇంగ్లీష్ జట్టు ఫెయిల్ అయ్యింది.
జింబాబ్వే రాజధాని హరారేలో జరిగిన ఫైనల్ మ్యాచ్లో, భారత్ మొదట బ్యాటింగ్ చేసి 411 పరుగులు చేసింది. అండర్-19 ప్రపంచ కప్ ఫైనల్లో ఏ జట్టు సాధించిన అత్యధిక స్కోరు ఇది. వైభవ్ సూర్యవంశీ 80 బంతుల్లో 15 ఫోర్లు, 15 సిక్సర్లతో 175 పరుగులు చేశాడు. భారీ లక్ష్య సాధనతో బరిలోకి దిగిన ఇంగ్లాండ్ జట్టు 311 పరుగులు మాత్రమే చేయగలిగింది.
ఆరోసారి ఛాంపియన్గా నిలిచిన భారత్
అండర్-19 ప్రపంచ కప్ విజయాల రికార్డును భారత జట్టు అధిగమించింది. అండర్-19 ప్రపంచ కప్ను నాలుగుసార్లు గెలుచుకున్న ఆస్ట్రేలియా తర్వాత, భారత్ ఇప్పుడు ఆరోసారి ఛాంపియన్గా నిలిచింది. భారత్ గతంలో 2000, 2008, 2012, 2018, 2022లో అండర్-19 ప్రపంచ కప్ను గెలుచుకుంది. టీమిండయాను చారిత్రాత్మక విజయం దిశగా నడిపించినందున ఆయుష్ మాత్రే పేరు చరిత్రలో ప్రత్యేక స్థానాన్ని సంపాదించుకుంది.
వరల్డ్ కప్ హీరో వైభవ్ సూర్యవంశీ
వైభవ్ సూర్యవంశీ భారత ప్రపంచ కప్ విజయానికి పునాది వేశాడు. అతను కేవలం 55 బంతుల్లోనే తన సెంచరీని పూర్తి చేశాడు, ఇది అండర్-19 ప్రపంచ కప్ ఫైనల్ చరిత్రలో ఒక ఆటగాడు చేసిన అత్యంత వేగవంతమైన సెంచరీ. ఆ తర్వాత అతను 71 బంతుల్లో 150 పరుగుల మార్కును చేరుకున్నాడు. చివరి మ్యాచ్లో వైభవ్ 80 బంతుల్లో 175 పరుగులు చేయడం మ్యాచ్లో భారత్ పైచేయి సాధించేందుకు అవకాశం ఇచ్చింది.
టాప్ హెడ్ లైన్స్
ట్రెండింగ్ వార్తలు
