Ind vs Pak T20 World Cup 2026: టాస్ నెగ్గిన పాక్ కెప్టెన్, భారత్‌దే ఫస్ట్ బ్యాటింగ్.. ప్లేయింగ్ 11 జట్లు ఇవే

Ind vs Pak T20 World Cup 2026 | ఆర్ ప్రేమదాస స్టేడియంలో జరగనున్న హో వోల్టేజ్ మ్యాచులో టాస్ నెగ్గిన పాక్ కెప్టెన్ సల్మాన్ ఆగా బౌలింగ్ ఎంచుకున్నాడు.

భారత్, పాక్ కెప్టెన్లు సల్మాన్ ఆఘా, సూర్యకుమార్

Source : x.com

India vs Pakistan T20 World Cup 2026 | కొలంబో: టీమిండియాతో జరగనున్న మ్యాచ్‌లో టాస్ నెగ్గిన పాక్ కెప్టెన్ సల్మాన్ ఆగా బౌలింగ్ ఎంచుకున్నాడు. దాంతో టీమిండియా ఫస్ట్ బ్యాటింగ్ చేయనుంది. సూర్య సైతం తాను బ్యాటింగ్ తీసుకోవాలని భావించినట్లు తెలిపాడు. అభిషేక్ శర్మ, కుల్దీప్ యాదవ్ జట్టులోకి రాగా సంజూ శాంసన్, అర్షదీప్ సింగ్ లను పక్కనపెట్టారు.

పాకిస్థాన్ ప్లేయింగ్ 11: సాహిబ్జాదా ఫర్హాన్ (కీపర్), సయీమ్ అయూబ్, సల్మాన్ అఘా (కెప్టెన్), బాబర్ ఆజం, షాదాబ్ ఖాన్, ఉస్మాన్ ఖాన్ (కీపర్), మహ్మద్ నవాజ్, షాహీన్ షా అఫ్రిది, ఫహీమ్ అష్రఫ్, ఉస్మాన్ తారిఖ్, అబ్రార్ అహ్మద్

ఇండియా XI: ఇషాన్ కిషన్ (కీపర్), అభిషేక్ శర్మ, తిలక్ వర్మ, సూర్యకుమార్ యాదవ్ (కెప్టెన్), హార్దిక్ పాండ్యా, శివమ్ దూబే, రింకూ సింగ్, అక్షర్ పటేల్, కుల్దీప్ యాదవ్, వరుణ్ చక్రవర్తి, జస్ప్రీత్ బుమ్రా

టోర్నమెంట్‌కు భారత్ కో-హోస్ట్ దేశం అయినప్పటికీ, హైబ్రిడ్ మోడల్ కారణంగా టీమ్ ఇండియా లంకలో ఆడాల్సి వచ్చింది. అందుకు కారణం పాక్ జట్టు. 2026 టీ20 వరల్డ్ కప్‌లో ఇప్పటి వరకు టాస్ ఫలితాలు మ్యాచ్ ఫలితాల్లో చాలా కీలక పాత్ర పోషిస్తూ వస్తున్నాయి. భారత్-పాక్ మ్యాచ్ ఈరోజు రాత్రి 7 గంటలకు ప్రారంభం అవుతుంది. 

ఇప్పటి వరకు టీ20 వరల్డ్ కప్ మ్యాచ్‌లలో టాస్ చాలా ముఖ్యమైన పాత్ర పోషించింది. ముఖ్యంగా సాయంత్రం వేళల్లో మంచు కురుస్తుండటంతో మెజారిటీ జట్లు మొదట బౌలింగ్‌ను ఎంచుకుంటున్నాయి. భారత్, పాకిస్థాన్ మ్యాచ్‌లో కూడా మంచు కురుస్తుందా? ఒకవేళ భారత్ టాస్ గెలిచి తర్వాత ఛేజింగ్ చేయాలని నిర్ణయించుకుంటే, గెలుపు అవకాశాలు ఎంత మేరకు ఉంటాయి? భారత్-పాక్ మ్యాచ్‌లో టాస్ ఎంత కీలకమో ఇక్కడ తెలుసుకోండి.

భారత్-పాక్ మ్యాచ్‌లో టాస్ ఎంత కీలకం?
ఈ వరల్డ్ కప్‌లో ఆర్. ప్రేమదాస స్టేడియంలో ఇప్పటి వరకు 3 మ్యాచ్‌లు జరిగాయి. వీటిలో టాస్ గెలిచిన జట్లు 2 సార్లు బౌలింగ్ ఎంచుకోగా, ఆ రెండు సందర్భాల్లోనూ ఆ జట్లే ఓడిపోయాయి. మరోవైపు, ఈ స్టేడియంలో మొదట బ్యాటింగ్ ఎంచుకున్న ఏకైక జట్టు ఆస్ట్రేలియా, వారు ఐర్లాండ్‌ను 67 పరుగుల తేడాతో చిత్తుగా ఓడించారు.

భారత్-పాకిస్థాన్ మ్యాచ్ సమయంలో వర్షం వచ్చే అవకాశం ఉన్నందున, రెండో ఇన్నింగ్స్‌లో బౌలింగ్ చేయడం అస్సలు సులభం కాదు. మైదానం తడిగా ఉండటం వల్ల బౌలర్లు బంతిపై సరైన గ్రిప్ సాధించలేరు.

చరిత్ర ఏం చెబుతోంది?
ఈ వరల్డ్ కప్‌లో జరిగిన 3 మ్యాచ్‌లలో ఛేజింగ్ ఎంచుకున్న జట్టుకు 2 మ్యాచులలో వ్యతిరేకంగా రిజల్ట్ వచ్చినప్పటికీ, రికార్డులు మాత్రం మరోలా ఉన్నాయి. ఆర్. ప్రేమదాస స్టేడియంలో ఇప్పటి వరకు మొత్తం 51 టీ20 మ్యాచ్‌లు జరగగా, వాటిలో 22 సార్లు మొదట బ్యాటింగ్ చేసిన జట్టు, 28 సార్లు ఛేజింగ్ చేసిన జట్టు విజయం సాధించాయి. ఇక్కడ టాస్ గెలిచి మొదట బౌలింగ్ ఎంచుకున్న జట్ల గెలుపు శాతం 54.90% గా ఉంది.

ఈ స్టేడియంలో జరిగిన గత 11 మ్యాచ్‌లలో ఛేజింగ్ జట్ల ఆధిపత్యం కొనసాగింది. గత 11 టీ20 మ్యాచ్‌లలో ఇక్కడ 8 సార్లు ఛేజింగ్ చేసిన జట్లే గెలిచాయి. మ్యాచ్‌కు వాతావరణం అంతరాయం కలిగించకపోతే, ఛేజింగ్ చేసే జట్టుకే విజయావకాశాలు ఎక్కువగా ఉన్నాయని రికార్డులు సాక్ష్యం చెబుతున్నాయి.

మరిన్ని చదవండి

అభిషేక్ శర్మ, పాండ్యా, ఉస్మాన్ తారిఖ్ సహా వీరిలో ఎవరు రాణించినా ప్రత్యర్థికి కష్టమే!

IND vs PAK మ్యాచ్ లో వీరి మధ్య పోరు మరింత ఆసక్తికరం.. పైచేయి సాధించేది ఎవరు?