IND vs PAK T20 World Cup 2026: మ్యాచ్ లో వీరి మధ్య పోరు మరింత ఆసక్తికరం.. పైచేయి సాధించేది ఎవరు?
Jasprit Bumrah vs Sahibzada Farhan | భారత్, పాక్ జట్ల మధ్య T20 ప్రపంచ కప్ లో 5 ఆసక్తికర పోరాటాలు జరగనున్నాయి. బుమ్రా వర్సెస్ సాహిబ్జాదా ఫర్హాన్ లలో పైచేయి సాధించేది ఎవరో చూద్దాం.
T20 WC 2026 IND vs PAK 5 battles: టీ20 ప్రపంచ కప్లో మరికొన్ని గంటల్లో ఆసక్తికర పోరు ప్రారంభం కానుంది. డిఫెండింగ్ ఛాంపియన్ భారత్, మాజీ ఛాంపియన్ పాకిస్తాన్ జట్లు రాత్రి 7 గంటలకు శ్రీలంకలోని కొలంబోలోని ఆర్ ప్రేమదాస స్టేడియంలో తలపడనున్నాయి. 6.30 గంటలకు టాస్ వేస్తారు. కీలక మ్యాచ్ ప్రారంభానికి మరికొంత సమయం ఉంది. ఈ మ్యాచ్లో జస్ప్రీత్ బుమ్రా వర్సెస్ సాహిబ్జాదా ఫర్హాన్, ఉస్మాన్ తారిక్ వర్సెస్ హార్దిక్ పాండ్యా మధ్య ఆసక్తికర పోరు చూడవచ్చు. ఈ హైవోల్టేజ్ మ్యాచ్లో ఈ రకమైన ఐదు ఆసక్తికరమైన ఫైట్స్ చూసేందుకు అంతా సిద్ధంగా ఉన్నారు.
1. అభిషేక్ శర్మ వర్సెస్ షాహీన్ అఫ్రిది
2025 ఆసియా కప్లో భారత్, పాకిస్తాన్ మధ్య 3మ్యాచ్లు జరిగాయి. ఈ మ్యాచ్లలో భారత బ్యాటర్ అభిషేక్ శర్మ, పాక్ ఫాస్ట్ బౌలర్ షాహీన్ అఫ్రిది మధ్య తీవ్రమైన పోటీ కనిపించింది. అభిషేక్ షాహీన్ బౌలింగ్లో చాలా పరుగులు చేశాడు. ఇద్దరి మధ్య రికార్డు విషయానికి వస్తే, షాహీన్ టీ20 ఇంటర్నేషనల్లో అభిషేక్కు 19 బంతులు వేయగా అభిషేక్ 7 ఫోర్లు, 3 సిక్సర్ల సహాయంతో 36 పరుగులు చేశాడు. షాహీన్ ఇప్పటివరకు అభిషేక్ను అవుట్ చేయలేదు.
2. సాహిబ్జాదా ఫర్హాన్ వర్సెస్ జస్ప్రీత్ బుమ్రా
ఈ మ్యాచులో మరో ఆసక్తికర అంశం సాహిబ్జాదా ఫర్హాన్, జస్ప్రీత్ బుమ్రా మధ్య చూడవచ్చు. టీ20 ఇంటర్నేషనల్లో బుమ్రా బౌలింగ్ లో 34 బంతులు ఆడిన పాక్ బ్యాటర్ సాహిబ్జాదా 51 పరుగులు చేశాడు. అయితే, బుమ్రా ఇప్పటివరకు పాక్ బ్యాట్స్మెన్ను ఒక్కసారి కూడా అవుట్ చేయలేదు. బుమ్రా బౌలింగ్ లో ఎక్కువ సిక్సర్లు కొట్టిన బ్యాటర్.
3. తిలక్ వర్మ వర్సెస్ అబ్రార్ అహ్మద్
భారత్, పాక్ మ్యాచ్లో భారత బ్యాటర్ తిలక్ వర్మ, అబ్రార్ అహ్మద్ మధ్య కూడా ఫైట్ ఆసక్తికరంగా ఉంటుంది. ఇప్పటివరకు టీ20 ఇంటర్నేషనల్లో తిలక్ అబ్రార్ ను బౌలింగ్ లో 26 బంతుల్లో 23 పరుగులు చేశాడు. అబ్రార్ తిలక్ను ఔట్ చేయలేదు. బౌలింగ్ ఆడేందుకు తిలక్ సిద్ధంగా ఉన్నాడు.
4. సామ్ అయూబ్ వర్సెస్ అర్ష్దీప్
పాకిస్తాన్ లెఫ్ట్ హ్యాండ్ బ్యాటర్ సామ్ అయూబ్, లెఫ్ట్ ఆర్మ్ బౌలర్ అర్ష్దీప్ సింగ్ మధ్య కూడా గట్టి పోటీ ఉంటుంది. సామ్ ఓపెనింగ్ బ్యాటర్ కాగా, అదే సమయంలో అర్ష్దీప్ కూడా కొత్త బంతితో బౌలింగ్ చేస్తాడు. ఈ మ్యాచులో అదనపు స్పిన్నర్ కోసం వెళ్తే మాత్రం అర్షదీప్ జట్టులో ఉండడు. వీరి మధ్య పోరు అభిమానులు మిస్ అవుతారు.
5. ఉస్మాన్ తారిక్ వర్సెస్ హార్దిక్ పాండ్యా
ఈ టోర్నమెంట్లో తన యాక్షన్తో హెడ్లైన్స్లో నిలిచాడు పాకిస్తాన్ స్పిన్నర్ ఉస్మాన్ తారిక్. అతడి బౌలింగ్ సమర్థవంతంగా ఎదుర్కొనేందుకు కెప్టెన్ సూర్యకుమార్ యాదవ్, ఆల్ రౌండర్ హార్ధిక్ పాండ్యా సిద్ధంగా ఉన్నారు. తారిక్ బంతులను బౌండరీలకు తరలిస్తామని వీరు ధీమా వ్యక్తం చేస్తున్నారు. అయితే సూర్య, హార్దిక్ పాండ్యాలను నిలువరిస్తాడా.. లేక పరుగులు సమర్పిస్తాడా అనేది నేటి రాత్రి జరిగే మ్యాచ్లో ఆసక్తికరంగా ఉంటుంది.
టాప్ హెడ్ లైన్స్
ట్రెండింగ్ వార్తలు
