cricket

Siraj Wierd Throw Towords Umpire: అంపైర్ వైపు దూసుకొచ్చిన సిరాజ్ రాకెట్ త్రో.. జడేజా ఫన్నీ రియాక్షన్ తో గాలే టెస్టులో నవ్వులు.. ఆన్ ఎయిర్ లో తిట్టుకున్న కామేంటేటర్లు..!

Ayesha — Tue, 18 Aug 2026 12:27:46 +0530

IND VS SL, Ravindra Jadeja Laughs At Siraj Throw: శ్రీలంకతో గాలే వేదికగా జరిగిన తొలి టెస్ట్ మ్యాచ్ మూడో రోజు ఆటలో ఒక ఆసక్తికర సన్నివేశం చోటుచేసుకుంది. బౌండరీ లైన్ వద్ద ఫీల్డింగ్ చేసిన మహమ్మద్ సిరాజ్ వేగంగా విసిరిన త్రో నేరుగా లెగ్ అంపైర్ అహ్సన్ రజా వైపు దూసుకొచ్చింది. రాడ్ టక్కర్ స్థానంలో సబ్‌స్టిట్యూట్ అంపైర్‌గా వచ్చిన రజా, అప్రమత్తమై చివరి క్షణంలో పక్కకు తప్పుకోవడంతో ప్రమాదం తప్పింది. ఈ మొత్తం ఎపిసోడ్‌ను చూసి రవీంద్ర జడేజా ఫన్నీగా నవ్వుతూ ఎంజాయ్ చేసిన విజువల్స్ సోషల్ మీడియాలో విపరీతంగా వైరల్ అయ్యాయి.

Mohammed Siraj's wild throw from the deep almost hits on-field umpire on Day 3 of SL vs IND 2026 1st Test pic.twitter.com/ocxa97aycj
— Cricket Hub (@Anurag9793) August 17, 2026

కామేంటేటర్ల మాటల యుద్ధం..

మరోవైపు మూడో రోజు లంచ్ బ్రేక్ సమయంలో లైవ్ టెలివిజన్ లో అనూహ్య సీన్ కనిపించింది. టీమ్ ఇండియా మాజీ క్రికెటర్లు సంజయ్ మంజ్రేకర్, మురళీ కార్తీక్ మధ్య ఆన్-ఎయిర్ లో వాడివేడి మాటల యుద్ధం నడిచింది. స్టూడియోలో ఉన్న కార్తీక్, గాలే గ్రౌండ్ లో ఉన్న మంజ్రేకర్ ముఖ కవళికలు, పౌట్ పై జోకులు వేయడంతో ఈ గొడవ మొదలైంది. వీరిద్దరి మధ్య జరిగిన మాటల యుద్ధం వీడియో సోషల్ మీడియాలో విపరీతంగా వైరల్ అయింది.

పౌట్ పై కార్తీక్ కామెంట్స్.. మాటలు అర్థం కావట్లేదని ఎద్దేవా
లంచ్ సమయంలో లైవ్ లో మాట్లాడుతూ మురళీ కార్తీక్ మొదట రెచ్చగొట్టేలా మాట్లాడాడు. "ఇక్కడున్న అందరి తరఫున ఒక చిన్న రిక్వెస్ట్. నీది శతాబ్దపు బెస్ట్ పౌట్. కానీ నువ్వు అలా పెదవులు ముడుచుకుని మాట్లాడటం వల్ల నువ్వు ఏం మాట్లాడుతున్నావో మాకు అస్సలు అర్థం కావట్లేదు. కాబట్టి దయచేసి ఆ పౌట్ ను కాస్త తగ్గించుకో" అని కార్తీక్ ఎద్దేవా చేశాడు. దాంతో గాలే గ్రౌండ్ లో ఉన్న మంజ్రేకర్ ఒక్కసారిగా అసహనానికి గురయ్యాడు.

CRICKET LAFDA LOADING…

Sanjay Manjrekar and Murli Karthik Heated Convo Escalated So Quickly!

Karthik- because of your pout we are not understanding what you are saying so Limit your Pout Sanjay.

Rahane- i was not part of it.

Sanjay- Do you ever Look into Mirror, its not very…
— Sunil Gavaskar (@virender_swag) August 17, 2026

రహానే ఫేస్ బాగుంది.. కెమెరా అటు తిప్పమన్న మంజ్రేకర్
కార్తీక్ మాటలకు గట్టి కౌంటర్ ఇస్తూ మంజ్రేకర్ తీవ్ర వ్యాఖ్యలు చేశాడు. మొదటిసారి అంతర్జాతీయ మ్యాచ్ కు కామెంట్రీ చెబుతున్న అజింక్య రహానే వైపు కెమెరా తిప్పాలని డైరెక్టర్ ను కోరాడు. "ఇది చాలా చెత్త కామెంట్. స్క్రీన్ ను స్ప్లిట్ చేసి కెమెరాను రహానే వైపు తిప్పండి. ఎందుకంటే అతడు మాట్లాడుతున్నప్పుడు చాలా ఆహ్లాదంగా ఉంటుంది. అతడి ముఖం కూడా ఎంతో ప్రశాంతంగా, అందంగా ఉంటుంది. కార్తీక్ అద్దంలో చూసుకుంటూ తన వాయిస్ ను తానే పొగుడుకుంటాడు" అని మంజ్రేకర్ అన్నాడు. దీనికి కార్తీక్ బదులిస్తూ, "నేను అద్దంలో చూసుకోను, అది చేసేది నువ్వు మాత్రమే" అని బదులిచ్చాడు.

సోషల్ మీడియాకు పండగే.. గొడవను ఆపేసిన మంజ్రేకర్
పరిస్థితి మరింత సీరియస్ గా మారకముందే మంజ్రేకర్ జోక్యం చేసుకుని టాపిక్ ను ముగించే ప్రయత్నం చేశాడు. "అద్దంలో చూసుకోవడానికి ఒక ఆకర్షణ ఉండాలి. నీ విషయంలో అది పెద్దగా మోటివేటింగ్ గా ఉండదని నేను అర్థం చేసుకోగలను. ఎలాగూ మనం ఇద్దరం లైన్ దాటుతున్నాం, ఇది చూసి సోషల్ మీడియాలో పండగ చేసుకుంటారు" అని మంజ్రేకర్ వ్యాఖ్యానించాడు. దీంతో ఇద్దరి మధ్య వాగ్వాదం ముగిసినా, లైవ్ లో సీనియర్ ప్లేయర్లు ఇలా తిట్టుకోవడం ఫ్యాన్స్ ను ఆశ్చర్యానికి గురిచేసింది.

Pujara Bold Strategy: టీమిండియా గెలవాలంటే సాహసోపేత డిక్లరేషన్ ఇవ్వాల్సిందే.. గాలే టెస్ట్ లో నెగ్గాలంటే ఏం చేయాలో చెప్పిన మాజీ క్రికెట‌ర్!

Ayesha — Tue, 18 Aug 2026 11:08:18 +0530

IND VS SL Galle Test, Chateshwar Pujara Demands Brave Target Declaration: వరల్డ్ టెస్ట్ ఛాంపియన్‌షిప్ (WTC) ఫైనల్ ఆశలు సజీవంగా ఉండాలంటే శ్రీలంకతో జరుగుతున్న గాలే టెస్ట్ ఇండియాకు తప్పక గెలవాల్సిన మ్యాచ్ గా మారింది. పాయింట్ల పట్టికలో ఐదో స్థానంలో ఉన్న ఇండియా, ఫైనల్ చేరాలంటే మిగిలిన తొమ్మిది టెస్టుల్లో కనీసం ఆరు నుంచి ఏడు మ్యాచ్ లు గెలవాలి. తొలి టెస్టులో ఇండియా 178 పరుగుల తొలి ఇన్నింగ్స్ ఆధిక్యంతో పటిష్ట స్థితిలో ఉంది. అయితే వర్షం ముప్పు పొంచి ఉండటంతో సమయం చాలా తక్కువగా ఉంది. ఈ పరిస్థితుల్లో భారత మాజీ బ్యాటర్ ఛటేశ్వర్ పూజారా మాట్లాడుతూ, కెప్టెన్ శుభ్‌మన్ గిల్ సేన బోల్డ్ డెసిషన్ తీసుకుని త్వరగా డిక్లేర్ చేయాలని పేర్కొన్నాడు.

90 నుంచి 100 ఓవర్ల టైమ్.. పూజారా కీలక సూచనలు
తాజాగా మాట్లాడిన పూజారా, ఇండియా దూకుడు వ్యూహాన్ని అమలు చేయాలని సూచించాడు. "ఇండియా తమ ఉద్దేశాన్ని చాలా స్పష్టంగా చాటిచెప్పాలి. టెస్ట్ మ్యాచ్ లో ఎక్కువ సమయం మిగిలి లేదు. వర్ష సూచనను దృష్టిలో పెట్టుకోవాలి, దాన్ని విస్మరించలేం. డబ్ల్యూటీసీ ఫైనల్ కు క్వాలిఫై కావాలంటే ఈ రెండు టెస్టులను గెలవాల్సిందే. అందుకోసం కాస్త సాహసం, మరింత దూకుడు ప్రదర్శించాలి. బౌలర్లకు లంక 10 వికెట్లు పడగొట్టేందుకు కనీసం 90 నుంచి 100 ఓవర్ల సమయం ఇవ్వాలి. అందుకే 350 నుంచి 375 రన్స్ టార్గెట్ సెట్ చేసి డిక్లేర్ చేయడం బెస్ట్. ఒకవేళ శ్రీలంక ఆ టార్గెట్ చేజ్ చేసినా క్రెడిట్ వాళ్లకే దక్కుతుంది, కానీ ఇండియా మాత్రం సాహసం చేయక తప్పదు" అని విశ్లేషించాడు.

గాలేలో 178 రన్స్ లీడ్.. రెండో ఇన్నింగ్స్ పైనే దృష్టి
తొలి ఇన్నింగ్స్ లో ఇండియా చేసిన 462 పరుగులకు బదులుగా శ్రీలంక 284 రన్స్ మాత్రమే చేయడంతో గిల్ సేనకు 178 పరుగుల భారీ లీడ్ లభించింది. నాలుగో రోజు ఆటలో భారత బ్యాటర్లు వేగంగా పరుగులు సాధించి శ్రీలంక ముందు భారీ లక్ష్యాన్ని ఉంచేందుకు ప్రణాళికలు సిద్ధం చేసుకుంటున్నారు. క‌డ‌ప‌టి వార్త‌లందేస‌రికి 16 ఓవ‌ర్ల‌లో 2 వికెట్ల‌కు 72 ప‌రుగులు చేసింది. ఓపెనర్ కేఎల్ రాహుల్ (35), యశస్వి జైస్వాల్ డకౌట్ అయ్యాడు. క్రీజులో దేవదత్ పడిక్కల్ (29 బ్యాటింగ్), కెప్టెన్ శుభమాన్ గిల్ (1 బ్యాటింగ్) ఉన్నారు. ప్ర‌స్తుతం ఓవ‌రాల్ లీడ్ 254 ప‌రుగులకు చేరింది. వాతావరణం అనుకూలిస్తే భారత బౌలర్లు లంక రెండో ఇన్నింగ్స్ ను త్వరగా కట్టడి చేసి విజయం సాధించే అవకాశాలు పుష్కలంగా కనిపిస్తున్నాయి.

సొనాల్ దినుష తొలి సెంచరీ.. లంక 284 పరుగులకు ఆలౌట్
మూడో రోజు ఆటలో శ్రీలంక తరఫున యువ బ్యాటర్ సొనాల్ దినుష తొలి టెస్ట్ సెంచరీ సాధించి ఆకట్టుకున్నాడు. వికెట్ కీపర్ బ్యాటర్ నిరోషన్ డిక్వెల్లా (80) తో కలిసి దినుష ఆరో వికెట్‌కు 146 రన్స్ జోడించి భారత బౌలర్లకు కాసేపు అడ్డుగోడగా నిలిచాడు. అయితే పేసర్ ప్రసిద్ధ్ కృష్ణ 62వ ఓవర్లో డిక్వెల్లాను అవుట్ చేసి ఈ పార్ట్‌నర్‌షిప్‌ను బ్రేక్ చేశాడు. ఆ తర్వాత స్పిన్నర్లు మానవ్ సుతార్ 4/76, రవీంద్ర జడేజా 3/57 బౌలింగ్ తో శ్రీలంకను 284 పరుగులకు ఆలౌట్ చేశారు.

Shubman Gill Flying Catch: నిన్న లంక కెప్టెన్, నేడు భార‌త కెప్టెన్.. స్ట‌న్నింగ్ క్యాచ్ లతో దుమ్మురేపిన సార‌థులు.. సోష‌ల్ మీడియాలో వైర‌ల్ గా మారిన ధ‌నంజ‌య‌, గిల్ క్యాచ్ లు..

Ayesha — Mon, 17 Aug 2026 18:40:18 +0530

Shubman Gill Flying Catch Marvel, IND VS SL Galle Test Updates: శ్రీలంకతో గాలే వేదికగా జరుగుతున్న తొలి టెస్ట్ మ్యాచ్ లో తొలుత శ్రీలంక కెప్టెన్ ధ‌నంజ‌య డిసిల్వా, ఆ త‌ర్వాత భార‌త సార‌థి శుభ‌మాన్ గిల్ అద్భుత‌మైన క్యాచ్ లతో అలరించారు. ముఖ్యంగా మూడో రోజు ఆటలో టీమ్ ఇండియా కెప్టెన్ శుభ్‌మన్ గిల్ తన అద్భుతమైన ఫీల్డింగ్ విన్యాసంతో అందరినీ ఆశ్చర్యపరిచాడు. ఎక్స్‌ట్రా కవర్ లో ఫీల్డింగ్ చేస్తున్న గిల్, గాల్లోకి ఎగురుతూ ఎడమవైపునకు డైవ్ చేసి పట్టిన క్యాచ్ మ్యాచ్ కే హైలైట్ గా నిలిచింది. ఈ స్టన్నింగ్ క్యాచ్ చూసిన కామెంటేటర్లు, ఫ్యాన్స్ ఫిదా అయిపోయారు.

గాల్లోకి లేచిన గిల్.. కమిందు మెండిస్ ఔట్
ఇన్నింగ్స్ 17వ ఓవ‌ర్లో చైనామన్ స్పిన్నర్ కుల్దీప్ యాదవ్ వేసిన ఫుల్లర్ లెంగ్త్ బంతిని లంక బ్యాటర్ కమిందు మెండిస్ ముందుకు వచ్చి డ్రైవ్ చేయడానికి ప్రయత్నించాడు. అయితే బంతి గాల్లోకి లేవడంతో చాలా మంది ఫీల్డర్లు బంతిని కేవలం ఆపడానికే ట్రై చేసే పరిస్థితి ఉంది. కానీ గిల్ మాత్రం అద్భుతమైన రిఫ్లెక్స్ ప్రదర్శిస్తూ గాల్లోకి డైవ్ చేసి బంతి నేలను తాకే లోపే ఒంటిచేత్తో గట్టిగా ఒడిసిపట్టాడు. క్యాచ్ పట్టిన తర్వాత బంతిని పైకి విసిరేసి గిల్ సంబరాలు చేసుకున్నాడు.

Dhananjaya De Silva caught a screamer. 🤯 pic.twitter.com/5Ax4jIxaHs
— Mufaddal Vohra (@mufaddal_vohra) August 16, 2026

సంజయ్ మంజ్రేకర్ కాంప్లిమెంట్స్.. అసాధ్యమైన క్యాచ్ గా వర్ణన
ఈ క్యాచ్ పై లైవ్ కామెంట్రీలో ఉన్న భారత మాజీ బ్యాటర్ సంజయ్ మంజ్రేకర్ ప్రశంసలు కురిపించాడు. "వావ్, ఆ క్యాచ్ ను అలా పట్టడం నిజంగా అసాధ్యం. నిజాయితీగా చెప్పాలంటే ఆ బంతి అతడి రీచ్ లో అస్సలు లేదు. బ్యాటర్ కూడా బంతి గాల్లో ఉన్నా ఫీల్డర్ కు చాలా దూరంగా ఉందని అనుకుని ఉంటాడు. ఎక్స్‌ట్రా కవర్ ఏరియాలో మీరు చూసే బెస్ట్ క్యాచ్ లలో ఇది కచ్చితంగా ఒకటి" అని కొనియాడాడు.

Dhananjaya De Silva caught a screamer. 🤯 pic.twitter.com/5Ax4jIxaHs
— Mufaddal Vohra (@mufaddal_vohra) August 16, 2026

ధనంజయ సూపర్ క్యాచ్.. జురెల్ వికెట్ హైలైట్
ఇంతకుముందు రెండో రోజు ఆటలో శ్రీలంక కెప్టెన్ ధనంజయ డి సిల్వా కూడా ఇదే తరహా అద్భుతమైన క్యాచ్ తో మెరిశాడు. ప్రభాత్ జయసూర్య వేసిన ఇన్నింగ్స్, 110వ ఓవ‌ర్లోని ఒక‌ బంతిని డిఫెన్స్ చేయబోయిన భారత బ్యాటర్ ధ్రువ్ జురెల్ ఎడ్జ్ తీసుకోగా, ఫస్ట్ స్లిప్ లో ఉన్న లంక కెప్టెన్ ధనంజయ డి సిల్వా ఒక చేత్తో సూపర్ క్యాచ్ అందుకున్నాడు. రెండో రోజు ఆటలో 51 పరుగులు చేసిన జురెల్ ఆ క్యాచ్ తో వెనుదిరిగాడు. పడిక్కల్ 167 రన్స్, రాహుల్ 82 రన్స్ చేయడంతో ఇండియా తొలి ఇన్నింగ్స్ లో 462 ప‌రుగులకు ఆలౌటైంది. మ‌రోవైపు లంక 284 ప‌రుగుల‌కు ఆలౌట‌వ‌గా, ఇండియాకు 178 ప‌రుగుల భారీ ఆధిక్యం ద‌క్కింది.

Indian Spin Magic, SL Allout: భారత స్పిన్నర్ల మాయాజాలంలో చిక్కుకున్న లంక.. 284 ర‌న్స్ కే ఆలౌట్.. 178 పరుగుల భారీ ఆధిక్యంతో టీమిండియా..

Ayesha — Mon, 17 Aug 2026 17:53:27 +0530

Galle Test Updates, Indian Spinners Demolish Lanka: శ్రీలంకతో గాలే వేదికగా జరుగుతున్న తొలి టెస్ట్ మ్యాచ్ సోమ‌వారం మూడో రోజు ఆటలో టీమ్ ఇండియా పూర్తి ఆధిపత్యం ప్రదర్శించింది. స్పిన్న‌ర్లు మాయాజాలం ప్ర‌ద‌ర్శిచ‌డంతో లంకను 79.4 ఓవర్లలో 284 పరుగులకే ఆలౌట్ చేశారు. మిడిలార్డ‌ర్ బ్యాట‌ర్ సోనాల్ దినుష స్ట‌న్నింగ్ సెంచ‌రీ (168 బంతుల్లో 100, 4 ఫోర్లు, 2 సిక్స‌ర్లు) తో టాప్ స్కోర‌ర్ గా నిలిచాడు. బౌల‌ర్ల‌లో మాన‌వ్ సుతార్ కు నాలుగు వికెట్ల‌తో స‌త్తా చాటాడు. అంత‌కుముందు మూడో రోజు ఆట ప్రారంభమైన నాలుగు బంతుల్లోనే ఇండియా తొలి ఇన్నింగ్స్ 462 పరుగుల వద్ద ముగిసింది. అయితే ఆ ఆనందం ఆతిథ్య శ్రీలంక జట్టుకు ఎంతోసేపు నిలవలేదు. భారత బౌలర్లు క్రమశిక్షణతో బౌలింగ్ చేస్తూ శ్రీలంక బ్యాటింగ్ లైనప్ ను కకావికలం చేశారు. పేసర్ మహమ్మద్ సిరాజ్ ఆరంభంలోనే వికెట్ తీయగా, ఆ తర్వాత స్పిన్నర్లు రంగంలోకి దిగి మ్యాచ్ ను తమ గుప్పిట్లోకి తెచ్చుకున్నారు.

Innings Break!

Sri Lanka are all-out for 2⃣8⃣4⃣

4⃣ wickets for Manav Suthar
3⃣ wickets for Ravindra Jadeja
1⃣ wicket each for Mohammed Siraj, Prasidh Krishna and Kuldeep Yadav

Scorecard ▶️ https://t.co/M9LVyCAp8y #TeamIndia | #SLvIND pic.twitter.com/kOzprMVVsZ
— BCCI (@BCCI) August 17, 2026

మానవ్ సుతార్ ఫస్ట్ బాల్ మ్యాజిక్.. కుప్పకూలిన లంక టాప్ ఆర్డర్
యువ స్పిన్నర్ మానవ్ సుతార్ తన తొలి బంతికే లంక సీనియర్ బ్యాటర్ దినేష్ చండిమాల్ ను అవుట్ చేసి మైండ్ బ్లోయింగ్ ఎంట్రీ ఇచ్చాడు. శ్రీలంక మిడిలార్డర్ కాసేపు ప్రతిఘటించినా భారత స్పిన్ త్రయం రవీంద్ర జడేజా, కుల్దీప్ యాదవ్, మానవ్ సుతార్ వరుసగా ఒత్తిడి పెంచారు. దాంతో లంక స్కోరు 27/1 నుంచి 59/4 కి పడిపోయింది. లంచ్ సమయానికి జడేజా మరో కీలక వికెట్ తీసి లంకను కోలుకోలేని దెబ్బ తీశాడు.

Wicket No. 2⃣ for Manav Suthar 👏

Yashasvi Jaiswal takes the catch as #TeamIndia pick the 3⃣rd Sri Lankan wicket 👌

Updates ▶️ https://t.co/WHXkfnivbw #SLvIND pic.twitter.com/vnHRyYUzZX
— BCCI (@BCCI) August 17, 2026

284 పరుగులకే శ్రీలంక ఆలౌట్.. భారీగా పెరిగిన వర్షం
ఆ తర్వాత సెషన్లలో శ్రీలంక బ్యాటర్లు కాస్త పోరాడినప్పటికీ భారత బౌలర్లు కట్టుదిట్టమైన బంతులతో లంకను చాలా త్వ‌ర‌గానే ఆలౌట్ చేశారు. ఆఖరి వికెట్ స్టంపింగ్ తో ముగియడంతో ఇండియాకు తొలి ఇన్నింగ్స్ లో ఏకంగా 178 పరుగుల భారీ ఆధిక్యం లభించింది. మిగ‌తా బౌల‌ర్లలో వెట‌ర‌న్ ర‌వీంద్ర జ‌డేజాకు మూడు, మ‌హ్మ‌ద్ సిరాజ్, ప్ర‌సిధ్ కృష్ణ‌, కుల్దీప్ యాద‌వ్ కు త‌లో వికెట్ ద‌క్కింది. ఆ వెంటనే మైదానంలో భారీ వర్షం మొదలవడంతో అంపైర్లు మూడో రోజు ఆటను ముగిస్తున్నట్లు ప్రకటించారు. ఆకాశం పూర్తిగా నల్లటి మేఘాలతో కమ్ముకోవడంతో గ్రౌండ్ స్టాఫ్ కవర్లతో పిచ్ ను కప్పివేశారు.

నాల్గో రోజు ఉదయమే ఆట షురూ.. ఉదయం 9:45 గంటలకు ఫస్ట్ బాల్
వర్షం కారణంగా కోల్పోయిన సమయాన్ని భర్తీ చేసేందుకు నాల్గో రోజు ఆటను కాస్త ముందుగానే ప్రారంభించనున్నారు. భారత కాలమానం ప్రకారం ఉదయం 9:45 గంటలకు తొలి బంతి పడనుంది. భారీ ఆధిక్యంతో ఉన్న టీమ్ ఇండియా రెండో ఇన్నింగ్స్ లో వేగంగా పరుగులు జోడించి శ్రీలంక ముందు భారీ టార్గెట్ ఉంచేందుకు వ్యూహాలు రచిస్తోంది.

Mohammad Kaif Slams Rishabh Pant: పంత్ కి కామన్ సెన్స్ లేదు.. చెత్త షాట్ తో వికెట్ పారేసుకున్నాడు..మాజీ క్రికెటర్ ఫైర్!

Ayesha — Mon, 17 Aug 2026 12:10:21 +0530

IND VS SL 1st Test, Mohammad Kaif Criticizes Rishabh Pant Dismissal: శ్రీలంకతో గాలే వేదికగా జరుగుతున్న తొలి టెస్ట్ మ్యాచ్ రెండో రోజు ఆటలో స్టార్ వికెట్ కీపర్ బ్యాటర్ రిషభ్ పంత్ అవుటైన తీరుపై తీవ్ర విమర్శలు వ్యక్తమవుతున్నాయి. క్రీజులో కుదురుకున్న తర్వాత 62 బంతుల్లో 39 రన్స్ చేసి మంచి స్కోరు దిశగా సాగుతున్న సమయంలో అనవసరమైన షాట్ ఆడి వికెట్ పారేసుకున్నాడు. శ్రీలంక 81వ ఓవర్లో రెండో కొత్త బంతిని తీసుకున్న వెంటనే పంత్ క్రీజు వదిలి ముందుకు వచ్చి భారీ షాట్ ఆడబోయాడు. అయితే బంతి బ్యాట్ కింది భాగానికి తగిలి మిడ్ ఆఫ్ లో క్యాచ్ గా వెళ్లింది. పంత్ ఆడిన ఈ షాట్ సెలెక్షన్‌ను భారత మాజీ బ్యాటర్ మహమ్మద్ కైఫ్ తీవ్రంగా తప్పుబట్టాడు.

Sri Lanka finally get the breakthrough!
Rishabh Pant departs for 39, ending a crucial partnership. pic.twitter.com/5kB9InyH6G
— Rehan 56 (@imrehan56) August 16, 2026

కామన్ సెన్స్ వాడాలి.. కొత్త బంతిని చూడకుండానే అటాక్
తాజాగా ఒక‌ ఛానెల్ లో మాట్లాడిన మహమ్మద్ కైఫ్, పంత్ బ్యాటింగ్ తీరుపై అసహనం వ్యక్తం చేశాడు. "పంత్ అవుటైన విధానంపై నాకు ఎలాంటి ఫిర్యాదు లేదు, అతడు ఎప్పుడూ అలాగే ఆడతాడు. కానీ కామన్ సెన్స్ ఉండాలి కదా అన్నదే నా అభ్యంతరం. లంక టీమ్ కొత్త బంతి తీసుకున్న మొదటి ఓవర్ అది. ఆ ఓవర్లోనే అతడు మూడుసార్లు క్రీజు వదిలి ముందుకు దూకాడు. కామన్ సెన్స్ ఉంటే కట్ షాట్ ఆడేవాడు. టెస్ట్ మ్యాచ్ సంప్రదాయం ప్రకారం కొత్త బంతి ప్రభావం తగ్గే వరకు కనీసం ఐదారు ఓవర్లు వేచి చూడాలి. ఎంత దూకుడుగా ఆడే ప్లేయర్ అయినా కనీస ఆలోచన ఉపయోగిస్తాడు" అని పేర్కొన్నాడు.

🔴 RISHABH PANT IN TEST AFTER ENGLAND SERIES 🤦

- In South Africa series: 49 runs in 4 innings.

- In Afghanistan Series: 81 runs in one inning.

- In Srilanka Series*: 39 runs in 1st inning.

From inconsistency in white-ball cricket to struggling in red-ball cricket, Pant needs… pic.twitter.com/kPQxTuBgKv
— Sam (@cricsam02) August 16, 2026

150 రన్స్ చేసినా బంతులు వదిలేస్తారు..
మిగతా బ్యాటర్లలో ఉండే క్రికెటింగ్ లాజిక్ పంత్ లో కనిపించలేదని కైఫ్ చెప్పాడు. "ఓవర్ తొలి బంతికే అతడు ముందుకు దూకడం నన్ను ఆశ్చర్యపరిచింది. కొద్దిగానైనా మ్యాచ్ పరిస్థితిని లెక్కించాలి. ఒక బ్యాటర్ 150 రన్స్ మీద ఉన్నా కూడా కొత్త బంతి వచ్చినప్పుడు కొన్ని బంతులను జాగ్రత్తగా ఆడతాడు. అందుకే పంత్ కు నేను కొన్ని మార్కులు కట్ చేస్తున్నాను. క్రికెటింగ్ సెన్స్, లాజిక్ విషయంలో అతడు చాలా వెనుకబడిపోయాడు" అని విశ్లేషించాడు. పంత్‌ను లంక అరంగేట్ర బౌలర్ కేశర నువాంత పెవిలియన్ పంపాడు.

పీక‌ల్లోతు క‌ష్టాల్లో లంక‌.. 5 వికెట్లు డౌన్
ఇక తొలి టెస్టులో శ్రీలంక పీక‌ల్లోతు క‌ష్టాల్లో ప‌డింది. భార‌త్ సాధించిన తొలి ఇన్నింగ్స్ స్కోరు 462ను మ్యాచ్ చేసేందుకు తంటాలు ప‌డుతుంది. క‌డ‌ప‌టి వార్త‌లందేస‌రికి 26.3 ఓవ‌ర్ల‌లో 5 వికెట్ల‌కు 90 ప‌రుగులు మాత్ర‌మే చేసింది. ఓపెన‌ర్ లాహిరు ఉదారా (27) టాప్ స్కోర‌ర్ గా నిలిచాడు. మాన‌వ్ సుతార్ కు రెండు, మ‌హ్మ‌ద్ సిరాజ్, కుల్దీప్ యాద‌వ్, రవీంద్ర జడేజా కు త‌లో వికెట్ ద‌క్కింది. ప్ర‌స్తుతం భార‌త్ కంటే 372 ప‌రుగుల వెనుకంజ‌లో నిలిచింది.

Galle Rain Threat: టీమిండియా 462కి ఆలౌట్.. తొలి ఓవ‌ర్లోనే సిరాజ్ పంజా..గాలే డే త్రీలో వ‌రుణుడి ముప్పు త‌ప్ప‌దా..!

Ayesha — Mon, 17 Aug 2026 10:55:24 +0530

IND VS SL Day 3 Live Updates: శ్రీలంకతో గాలే వేదికగా జరుగుతున్న తొలి టెస్ట్ మ్యాచ్ మూడో రోజు ఆటలో ఆట ప్రారంభ‌మైన 4 బంతుల‌కే ఇండియా ఇన్నింగ్స్ ముగిసింది. 116.4 ఓవ‌ర్ల‌లో 462 ప‌రుగుల‌కు ఆలౌటైంది. అనంత‌రం తొలి ఇన్నింగ్స్ ప్రారంభించిన లంకకు ఆరంభంలోనే ఎదురుదెబ్బ త‌గిలింది. రెండో బంతికే మ‌హ్మ‌ద్ సిరాజ్.. వికెట్ తీసి లంక‌ను దెబ్బ కొట్టాడు. మ‌రోవైపు మూడో రోజు వాతావరణం తీవ్ర ఉత్కంఠ రేపుతోంది. రెండో రోజులాగే మూడో రోజు కూడా వర్షం వల్ల ఆట మాటిమాటికీ ఆగిపోయే ఛాన్స్ ఉందని వాతావరణ శాఖ హెచ్చరించింది. రోజంతా దాదాపు 83 శాతం వర్షం పడే అవకాశాలు ఉన్నాయ‌ని తెలుస్తోంది.

Innings Break!#TeamIndia post 4⃣6⃣2⃣ in the first innings 👏👏

Devdutt Padikkal top-scores with 1⃣6⃣7⃣ 🫡
Fifties from KL Rahul & Dhruv Jurel 👌

Over to our bowlers 💪

Scorecard ▶️ https://t.co/M9LVyCAp8y #SLvIND pic.twitter.com/cdMA1JyumY
— BCCI (@BCCI) August 17, 2026

రోజంతా వాన ముప్పు.. సెషన్ల వారీగా ఆక్యువెదర్ రిపోర్ట్
ఆక్యువెదర్ రిపోర్ట్ ప్రకారం గాలే మైదానంలో మూడు సెషన్లలోనూ వర్షం అంతరాయం కలిగించే అవకాశం ఉంది. ఉదయం 10 గంటలకు 51 శాతం వర్ష సూచన ఉండగా, 11 గంటలకు 47 శాతానికి తగ్గింది. మధ్యాహ్నం 12 గంటలకు 44 శాతం, 1 గంటకు 48 శాతంగా ఉంది. మధ్యాహ్నం 2 గంటల సమయంలో అత్యధికంగా 52 శాతం వర్షం కురిసే అవకాశం ఉంది. ఆఖరి సెషన్ లో 3 గంటలకు 45 శాతం, సాయంత్రం 5 గంటల నాటికి 34 శాతానికి తగ్గే ఛాన్స్ ఉంది. దీంతో గాలే ఇంటర్నేషనల్ స్టేడియం గ్రౌండ్ స్టాఫ్ కు భారీ పనిభారం తప్పేలా లేదు.

Edged & taken!

𝗪𝗵𝗮𝘁 𝗮 𝘀𝘁𝗮𝗿𝘁 𝗳𝗼𝗿 #𝗧𝗲𝗮𝗺𝗜𝗻𝗱𝗶𝗮 𝘄𝗶𝘁𝗵 𝘁𝗵𝗲 𝗯𝗮𝗹𝗹! 🙌 🙌

Mohammed Siraj strikes as Devdutt Padikkal takes the catch 👌

Updates ▶️ https://t.co/WHXkfnivbw #SLvIND pic.twitter.com/86sdYpKcWe
— BCCI (@BCCI) August 17, 2026

ఇండియా ఇన్నింగ్స్ ముగింపు.. పడిక్కల్ 167 రన్స్ విశ్వరూపం
రెండో రోజు ఆట ముగిసే సమయానికి 460/9 స్కోరుతో ఉన్న ఇండియా, మూడో రోజు ఉదయం కేవలం మూడు నిమిషాల వ్యవధిలోనే చివరి వికెట్ కోల్పోయింది. నంబర్ 3 బ్యాటర్ దేవదత్ పడిక్కల్ 167 రన్స్ తో టాప్ స్కోర‌ర్ గా నిలిచాడు. బౌల‌ర్ల‌లో ప్ర‌భాత్ జ‌య‌సూర్య నాలుగు వికెట్లు, కేష‌ర నువాంత‌కు మూడు, అషిత ఫెర్నాండో కు రెండు వికెట్లు ద‌క్కాయి. మ‌రోవైపు ఉదయం పిచ్ రోలర్ ను ఇండియా ఉపయోగించలేదని, పిచ్ మరింతగా దెబ్బతినాలనే ప్లాన్ తోనే అలా చేశారని సంజయ్ మంజ్రేకర్ విశ్లేషించాడు. భారీ స్కోరు బోర్డుపై ఉండటంతో మ్యాచ్ పై ఇండియా పట్టు బిగించేందుకు మార్గం సుగ‌మం చేసుకుంద‌ని విశ్లేష‌కులు భావిస్తున్నారు.

లంక రెండు వికెట్లు డౌన్..
శ్రీలంక తమ తొలి ఇన్నింగ్స్ ప్రారంభించిన వెంటనే మహమ్మద్ సిరాజ్ నిప్పులు చెరిగే బంతితో విరుచుకుపడ్డాడు. సీమ్ అవుతూ వేగంగా వచ్చిన బంతిని డిఫెన్స్ చేయబోయిన లంక ఓపెనర్ నిషాన్ మధుష్క, బ్యాట్ ఎడ్జ్ తీసుకుని ఫస్ట్ స్లిప్ లో ఉన్న దేవదత్ పడిక్కల్ చేతికి చిక్కాడు. దీంతో ఖాతా తెరవకుండానే మధుష్క డకౌట్ గా పెవిలియన్ చేరాడు. సిరాజ్ వేసిన ఈ దెబ్బతో లంకకు ఆరంభంలోనే క‌ష్టాలు ఎదుర‌య్యాయి. మ‌రికాసేప‌టికే మాన‌వ్ సుతార్.. వెట‌రన్ దినేశ్ చండిమాల్ (5) ను పెవిలియ‌న్ కు పంపాడు. దీంతో 27 ప‌రుగుల‌కే లంక రెండు వికెట్లు కోల్పోయిన‌ట్ల‌య్యింది.

Gavaskar Comments : జిమ్ ఫిట్‌నెస్ కాదు మ్యాచ్ ఫిట్‌నెస్ ముఖ్యం.. బుమ్రా, హార్దిక్ గాయాలపై గవాస్కర్ క్లాస్, ట్రెయినింగ్ పద్ధతులపై ఫైర్ !

Ayesha — Sun, 16 Aug 2026 22:23:30 +0530

Sunil Gavaskar Questions Fitness Culture: ఇండియన్ క్రికెట్ టీమ్‌లో స్టార్ పేసర్ జస్ప్రీత్ బుమ్రా, ఆల్‌రౌండర్ హార్దిక్ పాండ్యా, సాయి సుదర్శన్, హర్షిత్ రాణా వంటి కీలక ప్లేయర్లు వరుసగా గాయాలపాలవుతుండటం తీవ్ర చర్చనీయాంశంగా మారింది. బెంగళూరులోని బిసిసిఐ సెంటర్ ఆఫ్ ఎక్సలెన్స్ (CoE) పై విమర్శలు వస్తున్న వేళ, భారత దిగ్గజ క్రికెటర్ సునీల్ గవాస్కర్ రంగంలోకి దిగాడు. సీఓఈ ఫిజియోలను నిందించడం సరైంది కాదని, అసలు లోపం ప్లేయర్ల ట్రెయినింగ్ పద్ధతుల్లోనే ఉందని గవాస్కర్ కుండబద్దలు కొట్టాడు. ఆటగాళ్లు జిమ్ ఫిట్‌నెస్ కంటే మ్యాచ్ ఫిట్‌నెస్‌కు ప్రాధాన్యత ఇవ్వాలని మిడ్-డే కాలమ్‌లో రాసుకొచ్చాడు.

హామ్‌స్ట్రింగ్ గాయాలు.. జిమ్ ఫిట్ వర్సెస్ మ్యాచ్ ఫిట్
"బుమ్రాకు మోకాలి సమస్య ఉండగా, చాలా మంది ఇండియన్ ప్లేయర్లు హామ్‌స్ట్రింగ్ గాయాలతో ఇబ్బంది పడుతున్నారు. వారి ట్రెయినింగ్ విధానంలోనే ఏదో లోపం ఉంది కాబట్టే ఇలాంటి గాయాలు మళ్లీ మళ్లీ అవుతున్నాయి. వీరంతా ఇండియా తరఫున ఆడుతున్నప్పుడు గాయపడుతున్నారు, కానీ నింద మాత్రం సీఓఈ ఫిజియోలపై వేస్తున్నారు. జిమ్ ఫిట్ కావడం కంటే మ్యాచ్ ఫిట్ కావడం చాలా ముఖ్యం. బహుశా ఫిట్‌నెస్ విషయంలో విభిన్న ఆలోచనలు ఉన్న తరం నుంచి నేను వచ్చి ఉండవచ్చు" అని గవాస్కర్ పేర్కొన్నాడు.

బయోమెకానిక్స్ రూల్స్.. ఐపీఎల్ నెట్ ప్రాక్టీస్ పై విమర్శలు
నెట్ ప్రాక్టీస్ లో బౌలర్లపై విధిస్తున్న పరిమితులను గవాస్కర్ ప్రశ్నించాడు. "బయోమెకానిక్స్ పేరుతో ప్రాక్టీస్ నెట్స్‌లో బౌలర్లు ఇన్ని బంతులు మాత్రమే వేయాలనే నిబంధన సరికాదు. ఐపీఎల్ లో కొంతమంది విదేశీ ఫిజియోలు నెట్స్‌లో బౌలర్లను 20 బంతుల కంటే ఎక్కువ వేయనివ్వడం లేదని తెలిసింది. మ్యాచ్ లో నో-బాల్స్, వైడ్లు లేకుండా కనీసం 24 బంతులు వేయాల్సి వచ్చినప్పుడు, నెట్స్‌లో తక్కువ బంతులు వేయడం వల్ల ఎలాంటి లాభం ఉంటుంది?" అని నిలదీశాడు. ఇలాంటి నిబంధనల వల్ల ప్లేయర్ల సహజ సామర్థ్యం దెబ్బతింటుందని విశ్లేషించాడు.

డబ్ల్యూటీసీ ఫైనల్, 2027 వరల్డ్ కప్ సన్నాహాలకు ఎదురుదెబ్బ
బుమ్రా, హార్దిక్ లాంటి మ్యాచ్ విన్నర్లు తరచూ గాయాల పాలవ్వడం డబ్ల్యూటీసీ (WTC) 2027 ఫైనల్ రేసుతో పాటు 2027 వన్డే వరల్డ్ కప్ సన్నా హాలకు తీవ్ర ఆటంకంగా మారింది. ఈ గాయాల సమస్యను సీరియస్ గా తీసుకుని ట్రెయినింగ్ పద్ధతులను సరిదిద్దాల్సిన సమయం వచ్చిందని క్రికెట్ విశ్లేషకులు భావిస్తున్నారు. ముఖ్యంగా గత కొంతకాలంగా ముఖ్యమైన మ్యాచ్ లకు కీలక ఆటగాళ్లు దూరం కావడంపై విమర్శలు వెల్లువెత్తుతున్నాయి. ఈ క్రమంలో జట్టు ఫిజియో తో కూడా బీసీసీఐ రివ్యూ మీటింగ్ ఏర్పాటు చేస్తుందని వార్తలు వెలువడ్డాయి.

IND VS SL Galle Day 2 Updates: గాలే టెస్టులో భార‌త్ భారీ స్కోరు.. పడిక్కల్ 167 రన్స్ తో విశ్వరూపం.. స‌త్తా చాటిన రాహుల్, జురెల్..

Ayesha — Sun, 16 Aug 2026 18:47:25 +0530

Devdutt Padikkal Powers India Galle Test: శ్రీలంకతో గాలే వేదికగా జరుగుతున్న తొలి టెస్ట్ మ్యాచ్ రెండో రోజు ఆటలో తీవ్ర ఉత్కంఠ నెలకొంది. తొలి రోజు ఇండియా భారీ స్కోరు దిశగా సాగగా, రెండో రోజు ఉదయం నుంచి భారీ వర్షం కారణంగా దాదాపు ఐదు గంటల పాటు ప్లేయర్లు డ్రెస్సింగ్ రూమ్ కే పరిమితం అయ్యారు. మధ్యాహ్నం 2:35 గంటలకు ఆట తిరిగి ప్రారంభమైన తర్వాత భారత్ భారీ స్కోరు సాధించింది. ఆదివారం రెండో రోజు ఆట‌ముగిసేస‌రికి 116 ఓవ‌ర్ల‌లో 9 వికెట్ల‌కు 460 ప‌రుగులు చేసింది. లోయ‌ర్ ఆర్డ‌ర్ బ్యాట‌ర్లు కుల్దీప్ యాద‌వ్ (12), ప్ర‌సిధ్ కృష్ణ (1) క్రీజులో ఉన్నారు. ప్ర‌భాత్ జ‌య‌సూర్య‌కు నాలుగు వికెట్లు ద‌క్కాయి. రెండో రోజు శ్రీలంక బౌలర్లు కొత్త బంతితో ఊహించని రీతిలో విరుచుకుపడ్డారు. తొలి 90 నిమిషాల వ్యవధిలోనే రిషభ్ పంత్, కేఎల్ రాహుల్ వికెట్లు తీసి పర్యాటక జట్టుపై ప్రెజర్ క్రియేట్ చేశారు.

That will be Stumps on Day 2 in Galle!

A strong batting display from #TeamIndia as they reach 460/9 💪

Scorecard ▶️ https://t.co/M9LVyCAp8y #SLvIND pic.twitter.com/pKakUsHrpB
— BCCI (@BCCI) August 16, 2026

పడిక్కల్ డబుల్ సెంచరీ మిస్.. జయసూర్య, నువాంత దెబ్బ
ఇక ఆట ప్రారంభ‌మైన కాసేప‌టికి లంక అరంగేట్ర బౌలర్ కేశర నువాంత పిచ్ నుంచి వచ్చిన టర్న్, బౌన్స్ ను అద్భుతంగా వాడుకుంటూ ఇండియన్ బ్యాటర్లను ఇబ్బంది పెట్టాడు. రిషభ్ పంత్ (39) ఎక్కువ సేపు క్రీజులో నిలవలేకపోగా, రిటైర్డ్ హ‌ర్ట్ హ‌ర్ట్ త‌ర్వాత క్రీజులోకి వ‌చ్చిన కేఎల్ రాహుల్ (82) షార్ప్ టర్న్ బంతికి పెవిలియన్ చేరాడు. ఆ తర్వాత వచ్చిన రవీంద్ర జడేజా (13)ను కూడా త్వరగానే అవుట్ చేశారు. అయితే ఓ వైపు వికెట్లు పడుతున్నా యువ లెఫ్ట్ హ్యాండ్ బ్యాటర్ దేవదత్ పడిక్కల్ అద్భుత క్లాస్ తో బ్యాటింగ్ చేశాడు. డబుల్ సెంచరీ చేసేలా కనిపించిన పడిక్కల్ 167 రన్స్ చేసి లంక లెఫ్ట్ ఆర్మ్ స్పిన్నర్ ప్రభాత్ జయసూర్య బౌలింగ్ లో అవుట్ అయ్యాడు.

Half-century for Dhruv Jurel!

He brings up his second FIFTY in Test Cricket 👏👏

Fifty partnership 🆙 between Dhruv Jurel & Manav Suthar 🤝

Updates ▶️ https://t.co/M9LVyCAp8y #TeamIndia | #SLvIND pic.twitter.com/FgaEUy30i0
— BCCI (@BCCI) August 16, 2026

ధ్రువ్ జురెల్ హాఫ్ సెంచరీ.. మానవ్ సుతార్ తో కీలక భాగస్వామ్యం
జడేజా అవుటైన తర్వాత స్కోరు 377/6 వద్ద ఉన్న సమయంలో క్రీజులోకి వచ్చిన వికెట్ కీపర్ బ్యాటర్ ధ్రువ్ జురెల్ (51) ధాటిగా ఆడాడు. కెప్టెన్ శుభ్‌మన్ గిల్ ఆశించినట్లుగానే లోయర్ ఆర్డర్ లో మానవ్ సుతార్ (24)తో కలిసి 55 రన్స్ కీలక భాగస్వామ్యం నెలకొల్పాడు. వేగంగా ఆడుతూ 51 హాఫ్ సెంచరీ పూర్తి చేసుకున్న జురెల్, జట్టు స్కోరును 400 దాటించడంలో కీలక పాత్ర పోషించాడు. జయసూర్య బౌలింగ్ లో జురెల్ అవుట్ అయినా, జట్టుకు కావాల్సిన పటిష్ట స్థితిని అందించాడు.

వర్షం అంతరాయాలు..
ఆదివారం ఉదయం నుంచి ఆకాశం మేఘావృతమై ఉండటంతో గ్రౌండ్ స్టాఫ్ సూపర్ సాపర్ల సహాయంతో శ్రమించి గ్రౌండ్ ను సిద్ధం చేశారు. కేశర నువాంత 3 వికెట్లు పడగొట్టారు. రాబోయే రోజుల్లోనూ వర్షం పడే అవకాశాలు ఉన్నప్పటికీ, గాలే పిచ్ స్పిన్ కు పూర్తి స్థాయిలో అనుకూలిస్తుండటంతో ఇండియన్ స్పిన్నర్లు రంగంలోకి దిగితే మ్యాచ్ మరింత రసవత్తరంగా మారే అవకాశం స్పష్టంగా కనిపిస్తోంది.

BAN Defeats AUS In 1st Test: ఆస్ట్రేలియా గడ్డపై బంగ్లాదేశ్ చారిత్రాత్మ‌క‌ టెస్ట్ విక్టరీ.. 9 వికెట్ల‌తో కంగారులపై ఘ‌న విజ‌యం.. ఆసియా ఆవ‌త‌ల అతిపెద్ద గెలుపు, సిరీస్ పై క‌న్ను!

Ayesha — Sun, 16 Aug 2026 13:42:48 +0530

Bangladesh Stuns Australia Down Under: టెస్ట్ క్రికెట్ చరిత్రలోనే బిగ్గెస్ట్ సంచలనం నమోదైంది. ఆస్ట్రేలియా గడ్డపై బంగ్లాదేశ్ తమ మొట్టమొదటి టెస్ట్ మ్యాచ్ విజయాన్ని సాధించి సరికొత్త రికార్డు క్రియేట్ చేసింది. డార్విన్ వేదికగా జరిగిన ఫస్ట్ టెస్ట్ లో కంగారూలను 9 వికెట్ల తేడాతో బంగ్లా టైగర్స్ చిత్తు చేశారు. ఫస్ట్ ఇన్నింగ్స్ లో హసన్ మహ్ముద్ 6 వికెట్లతో చెలరేగడంతో ఆస్ట్రేలియా కేవలం 198 రన్స్ కే కుప్పకూలింది. ఆసీస్ స్టార్ స్టీవ్ స్మిత్ 71 రన్స్ తో ఒంటరి పోరాటం చేసినా మిగతా బ్యాటర్ల నుంచి ఎలాంటి సపోర్ట్ దక్కలేదు.

Bangladesh stun Australia to register landmark first Test victory Down Under 👏#WTC27 📝: https://t.co/gIQtdBGVou pic.twitter.com/xQdTVZchm6
— ICC (@ICC) August 16, 2026

తాంజిద్ హసన్ సెంచరీ మేజిక్.. బంగ్లాదేశ్ కు భారీ లీడ్
తమ ఫస్ట్ ఇన్నింగ్స్ లో బంగ్లాదేశ్ బ్యాటర్లు అద్భుతమైన ప్రదర్శన కనబరిచారు. తన కెరీర్ లో రెండో టెస్ట్ మాత్రమే ఆడుతున్న తాంజిద్ హసన్ తమీమ్ 101 రన్స్ తో అద్భుత సెంచరీ సాధించాడు. అతడికి తోడుగా మోమినుల్ హక్ (49), కెప్టెన్ నజ్ముల్ హొస్సేన్ శాంతో (84), మెహిదీ హసన్ మిరాజ్ (65) కీలక ఇన్నింగ్స్ ఆడటంతో బంగ్లాదేశ్ తొలి ఇన్నింగ్స్ లో ఏకంగా 426 రన్స్ బోర్డుపై పెట్టింది. దీంతో పర్యాటక జట్టుకు ఏకంగా 228 రన్స్ భారీ ఆధిక్యం లభించింది.

HISTORY IN AUSTRALIA! 🇧🇩🔥

BANGLADESH HAVE BEATEN AUSTRALIA IN A TEST ON AUSTRALIAN SOIL! 😱🏏

Mehidy Hassan Miraz and Hasan l! 🫡🔥

What a victory. What a statement! 🇧🇩💥#AUSvsBAN #Bangladesh #TestCricket pic.twitter.com/QOUc83x8ue
— Atul Kumar Singh (@atulsingh9018) August 16, 2026

కామెరాన్ గ్రీన్ పోరాటం వృథా.. 57 రన్స్ టార్గెట్ తో సునాయాస ఛేజింగ్
సెకండ్ ఇన్నింగ్స్ లోనూ ఆస్ట్రేలియా బ్యాటింగ్ తడబడింది. ఆల్ రౌండర్ కామెరాన్ గ్రీన్ 201 బంతుల్లో 104 రన్స్ తో సెంచరీ చేసి పరువు కాపాడటంతో ఆసీస్ 284 రన్స్ చేయగలిగింది. దీంతో బంగ్లాదేశ్ ముందు కేవలం 57 రన్స్ ఈజీ టార్గెట్ మాత్రమే మిగిలింది. మెహ‌దీ హ‌స‌న్ మిరాజ్ ఐదు వికెట్ల‌తో స‌త్తా చాటాడు నాలుగో రోజు బరిలోకి దిగిన బంగ్లాదేశ్, తొలి ఇన్నింగ్స్ సెంచ‌రీ హీరో, ఓపెనర్ తాంజిద్ హసన్ గోల్డెన్ డక్ గా అవుటైనా ఆ తర్వాత ఒక్క వికెట్ మాత్రమే కోల్పోయి లక్ష్యాన్ని సునాయాసంగా ఛేదించింది. మోమినుల్ హ‌క్ (30 నాటౌట్), షాద్ మాన్ ఇస్లాం (25 నాటౌట్) అజేయంగా నిలిచి, జ‌ట్టును విజ‌య‌తీరాల‌కు చేర్చారు.

టెస్ట్ సిరీస్ పై బంగ్లా కన్ను.. చరిత్ర తిరగరాసిన టైగర్స్
గతంలో 2017 లో స్వదేశంలో వెట‌ర‌న్ ప్లేయ‌ర్ షకీబ్ అల్ హసన్ 10 వికెట్లు, 89 రన్స్ ఆల్ రౌండ్ షోతో మిర్పూర్ లో ఆస్ట్రేలియాను బంగ్లాదేశ్ ఒకసారి ఓడించింది. కానీ ఆసీస్ గడ్డపై టెస్ట్ మ్యాచ్ గెలవడం బంగ్లాదేశ్ క్రికెట్ చరిత్రలోనే ఇదే తొలిసారి. ఇరు జట్ల మధ్య ఇప్పటివరకు జరిగిన 7 టెస్టుల్లో ఆస్ట్రేలియా ఐదు గెలవగా, ఒకటి డ్రా అయింది, తాజా మ్యాచ్ తో బంగ్లాదేశ్ ఒక విక్టరీ నమోదు చేసింది. ఈ జోరుతో ఆస్ట్రేలియాపై తమ తొలి టెస్ట్ సిరీస్ విజయాన్ని అందుకోవాలని బంగ్లాదేశ్ పట్టుదలతో ఉంది. మ‌రోవైపు ఈ మ్యాచ్ కు ముందు బంగ్లాను తేలికగా తీసుకుని ఆసీస్ మూల్యం చెల్లించుకుంది. ఉప‌ఖండ‌పు వాతావ‌ర‌ణం ఉండే డార్విన్ లో ఈ మ్యాచ్ షెడ్యూల్ చేయ‌డంతో, బంగ్లా రెచ్చిపోయింది. అంత‌కుముందు ప్రాక్టీస్ మ్యాచ్ లో క్ల‌బ్ స్థాయి బౌల‌ర్ల చేతిలో బంగ్లా 54 ప‌రుగుల‌కు ఆలౌట్ కావ‌డం కూడా ఆసీస్ నిర్ల‌క్ష్యంగా వ్య‌వ‌హ‌రించేందుకు దోహ‌ద ప‌డింది. ఓవ‌రాల్ గా తొలి టెస్టులో మాత్రం అంచ‌నాల‌కు మించి, వ‌ర‌ల్డ్ నెంబ‌ర్ వ‌న్ ఆసీస్ ను త‌న సొంత‌గ‌డ్డ‌పై వ‌ర‌ల్డ్ నెంబ‌ర్ 9 బంగ్లా ఓడించి సంచ‌ల‌నం సృష్టించింది.

Padikkal Permanent Slot: సాయి సుదర్శన్ వచ్చినా పడిక్కల్ కే నంబర్ 3 ప్లేస్.. అతనిలో అద్భుత నైపుణ్యముంది.. మాజీ క్రికెట‌ర్ ప్రశంసలు!

Ayesha — Sun, 16 Aug 2026 12:28:05 +0530

Padikkal Fit For Number Three: శ్రీలంకతో గాలే వేదికగా జరుగుతున్న తొలి టెస్ట్ మ్యాచ్ మొదటి రోజే శతకంతో మెరిసిన యువ లెఫ్ట్ హ్యాండ్ బ్యాటర్ దేవదత్ పడిక్కల్ పై ప్రశంసల వర్షం కురుస్తోంది. గాయం కారణంగా రెగ్యులర్ నంబర్ 3 బ్యాటర్ సాయి సుదర్శన్ దూరమవ్వడంతో జట్టులోకి వచ్చిన పడిక్కల్, తొలి రోజే 131 పరుగులతో అజేయంగా నిలిచి భారత ఇన్నింగ్స్ ను నిలబెట్టాడు. ఈ క్రమంలో భారత మాజీ బ్యాటర్ సంజయ్ మంజ్రేకర్ స్పందిస్తూ, సుదర్శన్ రీ-ఎంట్రీ ఇచ్చినా పడిక్కల్ నే నంబర్ 3 స్థానంలో కొనసాగించాలని టీమ్ మేనేజ్ మెంట్ కు సూచించాడు. స్పిన్ బౌలింగ్ ను ఎదుర్కోవడంలో పడిక్కల్ టెక్నిక్ ఇండియాకు దేవుడిచ్చిన వరం లాంటిదని అతడు తన ఎక్స్ (ట్విట్టర్) ఖాతాలో పేర్కొన్నాడు.

స్పిన్ ను సమర్థవంతంగా ఎదుర్కొనే నైపుణ్యం.. బ్యాక్ ఫుట్ షాట్ల మేజిక్
తాజాగా ఓ చానెల్లో మాట్లాడిన సంజయ్ మంజ్రేకర్, పడిక్కల్ షాట్ సెలెక్షన్ ను కొనియాడాడు. "పడిక్కల్ రూపంలో ఇండియాకు పెద్ద మార్పు లభించింది. స్పిన్ బౌలింగ్ ను అతడు ఎంత సులభంగా ఎదుర్కొంటున్నాడో చూస్తే సెలెక్షన్ ఎంత గొప్పగా ఉందో అర్థమవుతుంది. స్పిన్ ను డిఫెన్స్ చేయడంలోనే కాకుండా ఫీల్డర్లు వెనక్కి వెళ్లినప్పుడు సింగిల్స్, డబుల్స్ తీయడంలోనూ అతడు మంచి నేర్పు కనబరిచాడు. స్లో, టర్నింగ్ పిచ్ లపై బ్యాక్ ఫుట్ తో అటాకింగ్ షాట్లు ఆడటం అద్భుతమైన విషయం. స్లో ట్రాక్స్ పై ఎక్కువ బంతులను బ్యాక్ ఫుట్ లో ఆడటమే స్పిన్ ను ఎదుర్కొనే సరైన పద్ధతి" అని వివరించాడు.

ముందుకు వచ్చి కొట్టే సత్తా.. నంబర్ 3 స్థానానికి పూర్తి అర్హుడు
పడిక్కల్ కేవలం బ్యాక్ ఫుట్ కే పరిమితం కాకుండా క్రీజు వదిలి ముందుకు వచ్చి స్ట్రెయిట్ గా సిక్సర్లు కొట్టగలడని మంజ్రేకర్ చెప్పాడు. "స్పిన్ కు ఎక్కువ అనుకూలత ఉండే పిచ్ లపై సాయి సుదర్శన్ తిరిగి వచ్చినా పడిక్కల్ నే నంబర్ 3 లో ఆడించాలి. ఎందుకంటే స్పిన్నర్ల బౌలింగ్ లో అతడు ఎంతో ప్రమాదకరమైన ఆటగాడిగా కనిపిస్తున్నాడు. అతడి వద్ద ఉన్న స్పిన్ టాలెంట్ వల్ల నంబర్ 3 స్థానంలో అతడు జట్టుకు లభించిన ఒక గొప్ప ఆస్తి" అని తెలిపాడు.

131 రన్స్ నాటౌట్.. పడిక్కల్ జోరుతో భారత్ పటిష్టం
26 ఏళ్ల పడిక్కల్ తొలి టెస్ట్ సెంచరీ సాధించి భారత జట్టును భారీ స్కోరు దిశగా నడిపించాడు. టాప్ ఆర్డర్ లో అతడి అద్భుత ఇన్నింగ్స్ వల్ల జట్టుకు స్థిరత్వం లభించింది. శ్రీలంక స్పిన్నర్ల ఎటాక్ ను అలవోకగా తిప్పికొడుతూ అతడు ఆడిన ఇన్నింగ్స్ భారత క్రికెట్ వర్గాల్లో హాట్ టాపిక్ గా మారింది. రాబోయే మ్యాచ్ లలో అతడి స్థానం మరింత సుస్థిరం అయ్యే అవకాశాలు స్పష్టంగా కనిపిస్తున్నాయి. మ‌రోవైపు ఆదివారం రెండో రోజు వ‌ర్షం కార‌ణంగా ఆట ప్రారంభం కాలేదు. వాతావ‌ర‌ణం అనుకూలంగా లేక‌పోవ‌డంతో ఎర్లీ లంచ్ బ్రేక్ తీసుకున్నారు. తొలిరోజు ఆట ముగిసేస‌రికి 73 ఓవ‌ర్ల‌లో 2 వికెట్ల‌కు 288 ప‌రుగుల‌ను భార‌త్ చేసిన సంగ‌తి తెలిసిందే.