cricket

ఫ్యాన్స్ తో ముంబైలో సూర్యకుమార్ యాదవ్

ABP Desam — Wed, 9 Sep 2026 13:07:57 +0530

మైదానంలోనే కాకుండా బయట కూడా తన సింప్లిసిటీతో అందరినీ ఆకట్టుకునే టీమిండియా టీ20 కెప్టెన్ సూర్యకుమార్ యాదవ్ తాజాగా ముంబైలో అభిమానులతో కనిపించారు.

Tactical Mastermind Sooryavanshi: బ్యాట్‌తో తగ్గినా బుర్రతో కొట్టాడు.. మైదానంలో వైభవ్ సూర్యవంశీ మైండ్ గేమ్ తో ర‌చ్చ‌..

Ayesha — Wed, 9 Sep 2026 06:34:28 +0530

Vaibhav Masterminds Key Dismissals For East Zone: చెన్నైలోని ఎంఏ చిదంబరం స్టేడియంలో సౌత్ జోన్‌తో జరుగుతున్న దులీప్ ట్రోఫీ 2026 ఫైనల్ సమరంలో ఈస్ట్ జోన్ వైస్ కెప్టెన్ వైభవ్ సూర్యవంశీ తన మైండ్ గేమ్‌తో స‌త్తాచాటాడు. బ్యాటింగ్‌లో పెద్ద స్కోరు చేయలేకపోయినప్పటికీ, మైదానంలో తన అద్భుత వ్యూహాలు, చురుకైన పరిశీలనలతో 15 ఏళ్ల ఈ సంచలన కుర్రాడు అందరి దృష్టిని ఆకర్షించాడు. సౌత్ జోన్ స్టార్ బ్యాటర్లు రికీ భుయ్, గత రంజీ సీజన్ టాప్ స్కోరర్ స్మరణ్ రవిచంద్రన్ వికెట్లను పడగొట్టడంలో వైభవ్ అత్యంత కీలక పాత్ర పోషించాడు. సరైన సమయంలో రివ్యూ తీసుకోవాలని పట్టుబట్టడం, బౌలింగ్ మార్పులతో ప్రత్యర్థిని దెబ్బకొట్టడం ద్వారా జట్టుకు భారీ ఆధిక్యం అందించడంలో త‌న వంతు పాత్ర పోషించాడు.

VAIBHAV SOORYAVANSHI × DRS! A brilliant review from the 15-year-old in the Duleep Trophy semifinal paid off, showcasing remarkable composure and cricketing awareness.
#VaibhavSooryavanshi #DuleepTrophy #Cricket pic.twitter.com/gdek11H7hl
— Vartika (@Vartika04688652) September 8, 2026

రివ్యూకు ఒప్పించి మ‌రీ..
కెప్టెన్ ఇషాన్ కిషన్ సాధించిన 270 పరుగుల మెరుపు ఇన్నింగ్స్‌తో ఈస్ట్ జోన్ మొదటి ఇన్నింగ్స్‌లో 708 పరుగుల కొండంత స్కోరు నమోదు చేసింది. రెండో రోజు తొలి సెషన్‌లో బౌలింగ్ ప్రారంభించిన ఈస్ట్ జోన్ పేసర్ ముఖేష్ కుమార్ లెగ్ సైడ్ వేసిన బంతిని రికీ భుయ్ ఫ్లిక్ చేయబోగా వికెట్ కీపర్ కుమార్ కుషాగ్ర క్యాచ్ అందుకున్నాడు. అంపైర్ నాటౌట్ ఇవ్వడంతో వెంటనే వైభవ్ సూర్యవంశీ కెప్టెన్ ఇషాన్ కిషన్‌ను ఒప్పించి డీఆర్‌ఎస్ తీసుకునేలా చేశాడు. రిప్లేలో బంతి బ్యాట్‌ను తాకినట్లు స్పైక్ కనిపించడంతో అంపైర్ నిర్ణయం మారి భుయ్ వెనుదిరిగాడు. దీనిపై బీసీసీఐ డొమెస్టిక్ సైతం సోషల్ మీడియాలో పోస్ట్ చేస్తూ వైభవ్ నిర్ణయాన్ని కొనియాడింది.

తాత్కాలిక కెప్టెన్ గా స‌త్తా..
టీ విరామానికి కొద్ది నిమిషాల ముందు ఇషాన్ కిషన్ కొద్దిసేపు మైదానం వీడటంతో వైభవ్ తాత్కాలిక కెప్టెన్‌గా బాధ్యతలు నిర్వ‌ర్తించాడు. మెడ నొప్పితో విశ్రాంతి తీసుకుని మళ్లీ గ్రౌండ్‌లోకి వచ్చిన సీనియర్ పేసర్ మహమ్మద్ షమీని సరైన సమయంలో బౌలింగ్‌కు పిలిచాడు. వైభవ్ నమ్మకాన్ని నిలబెడుతూ షమీ ఆఫ్ స్టంప్ ఆవల వేసిన అద్భుత బంతికి స్మరణ్ రవిచంద్రన్ డ్రైవ్ ఆడబోయి ఎడ్జ్ ఇచ్చాడు. కీపర్ కుషాగ్ర సూచనతో వైభవ్ మరోసారి సమర్థవంతంగా రివ్యూ తీసుకోవడంతో అల్ట్రా ఎడ్జ్ ద్వారా వికెట్ ప‌డింది. దీంతో సౌత్ జోన్ టీ సమయానికి 176 పరుగులకే 5 వికెట్లు కోల్పోయి పీకల్లోతు కష్టాల్లో పడింది.

భారీ స్కోరుతో ఈస్ట్ జోన్ పట్టు.. కుషాగ్ర సెంచరీ
అంతకుముందు బ్యాటింగ్‌లో ఈస్ట్ జోన్ జట్టు తిరుగులేని ఆధిపత్యాన్ని ప్రదర్శించింది. ఇషాన్ కిషన్ 270 పరుగుల మారథాన్ ఇన్నింగ్స్ ఆడగా, వికెట్ కీపర్ బ్యాటర్ కుమార్ కుషాగ్ర 101 పరుగులతో అద్భుత సెంచరీ సాధించాడు. శిఖర్ మోహన్ 85 రన్స్, అభిమన్యు ఈశ్వరన్ 72 పరుగులతో రాణించడంతో జట్టు 708 పరుగుల రికార్డు స్కోరు సాధించి మ్యాచ్‌పై పట్టు బిగించింది. ఇక మంగ‌ళ‌వారం మూడోరోజు ఆట‌ముగిసేస‌రికి 6 వికెట్ల‌కు 242 ప‌రుగుల పీక‌ల్లోతు క‌ష్టాల్లో ప‌డిది. ఫామ్ లో ఉన్న దేవ‌ద‌త్ ప‌డిక్క‌ల్ (62), కెప్టెన్ తిల‌క్ వ‌ర్మ (56 బ్యాటింగ్) అర్థ సెంచ‌రీల‌తో స‌త్తా చాటారు బౌల‌ర్ల‌లో ష‌మీ, ముఖేశ్ ల‌కు త‌లో రెండు వికెట్లు ద‌క్కాయి. ఇంకా రెండు రోజుల ఆట మిగిలి ఉన్న క్ర‌మంలో సౌత్ జోన్ ఇంకా 466 ప‌రుగుల వెనుకంజ‌లో ఉంది.

BCCI Mega Sponsorship: కొత్త స్పాన్ష‌ర్ షిప్ తో బీసీసీఐకి కాసుల పంట‌.. కింద‌టి సారి కంటే ఈసారి ఏకంగా 44 వృద్ధి సాధించిన వైనం

Ayesha — Tue, 8 Sep 2026 21:47:18 +0530

Three Global Brands Partner With Indian Cricket Board: భారత క్రికెట్ నియంత్రణ మండలి (బీసీసీఐ) తమ స్వదేశీ క్రికెట్ సీజన్ కోసం కీలక వాణిజ్య భాగస్వామ్యాలను అధికారికంగా డిక్లేర్ చేసింది. ప్రముఖ పానీయాల బ్రాండ్ కాంపా, ప్రముఖ బీమా సంస్థ ఎస్బీఐ లైఫ్, ప్ర‌తిష్టాత్మ‌క‌ చాట్‌జీపీటీలను ఇండియా హోమ్ సీజన్ అసోసియేట్ పార్ట్‌నర్లుగా బోర్డు ప్రకటించింది. వెస్టిండీస్‌తో స్వదేశంలో త్వరలో ప్రారంభం కానున్న ద్వైపాక్షిక సిరీస్ నుంచి మొదలుకొని మార్చి 2028 వరకు ఈ ఒప్పందం రెండేళ్ల పాటు అమలులో ఉంటుందని తెలిపింది. ఈ మూడు కొత్త ఒప్పందాల మొత్తం విలువ 130 కోట్ల రూపాయలకు పైగా ఉంటుందని, గత సైకిల్ కంటే ఇది ఏకంగా 44 శాతం పెరుగుదలను సూచిస్తుందని బీసీసీఐ అధికారిక ప్రకటన లో తెలిపింది.

🇮🇳 BCCI secures ₹130+ crore sponsorship deals for India's home season.

Partners announced:
• Campa Cola
• SBI Life
• ChatGPT

Bidding details:
• Campa Cola: ₹1.31 Crore/Match
• SBI Life: ₹1.20 Crore/Match
• ChatGPT: ₹1.20 Crore/Match pic.twitter.com/2dyapTWQDG
— The Indian Info (@theindianinfohq) September 8, 2026

ఈసారి స‌రికొత్త వ్యూహంతో..
పానీయాలు, ఇన్సూరెన్స్, ఆర్టిఫిషియల్ ఇంటెలిజెన్స్ (ఏఐ) టెక్నాలజీ వంటి విభిన్న రంగాలకు చెందిన అగ్రగామి సంస్థలను క్రికెట్ వేదికపైకి తీసుకురావడం ద్వారా బోర్డు తమ కమర్షియల్ పోర్ట్‌ఫోలియోను సరికొత్త స్థాయికి తీసుకెళ్లిందని విశ్లేష‌కులు పేర్కొంటున్నారు. దీనిపై బీసీసీఐ ప్రెసిడెంట్ మిథున్ మన్హాస్ స్పందిస్తూ, "దేశంలో భారత హోమ్ సీజన్ ఎల్లప్పుడూ అత్యంత విలువైన, ఆకర్షణీయమైన క్రీడా ప్రాపర్టీగా కొనసాగుతోంది. కాంపా, ఎస్బీఐ లైఫ్, చాట్‌జీపీటీలతో కుదిరిన ఈ భాగస్వామ్యాలు భారత క్రికెట్ వ్యవస్థకున్న తిరుగులేని శక్తిని చాటుతున్నాయి. ఒప్పందం విలువలో 44 శాతం భారీ పెరుగుదల కనిపించడం ఎంతో ప్రోత్సాహకరమైన పరిణామం. బీసీసీఐ విస్తృతి, ఫ్యాన్స్ ఎంగేజ్‌మెంట్‌పై దిగ్గజ బ్రాండ్లకు ఉన్న అచంచలమైన నమ్మకానికి ఇది నిదర్శనం" అని పేర్కొన్నారు.

భారీగా పెరిగిన మార్కెట్ వ్యాల్యూ..
బోర్డు ఆదాయంలో వృద్ధి సాధించడంపై బీసీసీఐ గౌరవ కార్యదర్శి దేవజిత్ సైకియా హ‌ర్షం వ్య‌క్తం చేశారు. "హోమ్ సీజన్ పార్ట్‌నర్‌షిప్ విలువలలో భారీ వృద్ధి నమోదు కావడం టీమ్ ఇండియా బ్రాండ్ ఇమేజ్‌కు నిదర్శనం. 130 కోట్ల రూపాయల మేర ఒప్పందాలు జరగడం అనేది ఇండియన్ క్రికెట్‌తో చేతులు కలపడానికి కార్పొరేట్ సంస్థల మధ్య ఉన్న విపరీతమైన డిమాండ్‌ను స్పష్టం చేస్తోంది. కాంపా, ఎస్బీఐ లైఫ్, చాట్‌జీపీటీ అనేవి మూడు పూర్తి వైవిధ్యభరితమైన విభాగాలు. రాబోయే రెండేళ్ల కాలంలో ఈ భాగస్వామ్యాల ద్వారా మైదానంలో క్రికెట్ అభిమానులకు సరికొత్త అనుభూతిని అందించేందుకు కృషి చేస్తాం" అని తెలిపారు.

లాభాల పంట‌..
ప్రపంచవ్యాప్తంగా టెక్నాలజీ రంగాన్ని శాసిస్తున్న ఏఐ సంస్థలు భారత క్రికెట్‌లోకి భాగస్వాములుగా ప్రవేశించడం క్రీడా వాణిజ్య రంగంలో కొత్త మలుపుగా మారిందని తెలుస్తోంది. రాబోయే హోమ్ సిరీస్‌లలో ప్రేక్షకుల అనుభవాన్ని మెరుగుపరిచేందుకు ఆధునిక సాంకేతికతను జోడించే దిశగా బీసీసీఐ వ్యూహాత్మకంగా అడుగులు వేస్తోంది. మ‌రోవైపు హోమ్ సీజ‌న్ కోసం తొలుత సింగిల్ పార్ట్న‌ర్ కోసం టెండ‌ర్లు పిల‌వ‌గా, స్పంద‌న అంతంత‌మాత్రంగానే వ‌చ్చిన‌ట్లు స‌మాచారం. దీంతో బోర్డు.. ఈసారి ఏకంగా మూడు కంపెనీల‌తో స్పాన్స‌ర్షిప్ ను ఖ‌రారు చేసుకుని, లాభాల పంట పండించుకుంది.

KL Rahul Future Clarity: ట్రేడింగ్ రూమర్లకు చెక్ పెట్టిన రాహుల్..తన ట్వీట్ తో క్లారిటీ , ఇక హార్దిక్ పాండ్యా ఇష్యూలో మ‌రో ట్విస్ట్

Ayesha — Tue, 8 Sep 2026 12:20:26 +0530

Delhi Capitals Retain KL Rahul Ahead Of Auction: ఇండియన్ ప్రీమియర్ లీగ్ (ఐపీఎల్) 2027 మినీ వేలానికి ముందు స్టార్ బ్యాటర్ కేఎల్ రాహుల్ భవితవ్యంపై నెలకొన్న ఎండ్ కార్డు ప‌డింది. గత 2026 సీజన్ ముగిసిన నాటి నుంచి ఫ్రాంచైజీల మధ్య ఆటగాళ్ల ట్రేడింగ్ గురించి పలు రకాల ప్రచారాలు జరిగాయి. ఇప్పటికే రిషభ్ పంత్ తిరిగి ఢిల్లీ క్యాపిటల్స్ గూటికి చేరగా, స్పిన్నర్ కుల్దీప్ యాదవ్ లక్నో సూపర్ జెయింట్స్ జట్టులోకి వెళ్లే భారీ ట్రేడ్ అధికారికంగా స్ప‌ష్ట‌మైంది. ఈ పరిణామాల నేపథ్యంలో రాహుల్ కూడా వేరే ఫ్రాంచైజీలోకి వెళ్తాడనే ఊహాగానాలు జోరందుకున్నాయి. అయితే రాబోయే సీజన్‌లో తాను ఢిల్లీ క్యాపిటల్స్ తరఫునే బరిలోకి దిగుతానని రాహుల్ స్వయంగా తేల్చిచెప్పాడు.

🚨 BIG NEWS FOR DC FANS! 🚨 KL Rahul will reportedly stay with the Delhi Capitals for IPL 2027! 💙 Can’t wait to see him back in action and creating more memorable moments. 🏏🔥

.

.

.#KLRahul #KLRahul #DelhiCapitals #DC #IPL #IPL2027 #Cricket #IndianCricket #CricketFans pic.twitter.com/V0CmOUZBKh
— cricketfastliveline (@cfll_official) September 8, 2026

ట్వీట్ తో రాహుల్ క‌న్ఫర్మేష‌న్..
ఢిల్లీ క్యాపిటల్స్ సహ యజమాని పార్థ్ జిందాల్ సోషల్ మీడియా వేదికగా రాహుల్‌ను ప్రశంసిస్తూ పెట్టిన పోస్ట్‌తో ఈ చర్చలకు తెరపడింది. రాహుల్‌ను అత్యుత్తమ క్లచ్ ప్లేయర్‌గా అభివర్ణించిన జిందాల్, ఫ్రాంచైజీతో ఇంకా సాధించాల్సింది చాలా ఉందని రాసుకొచ్చాడు. "కేఎల్ రాహుల్ ఢిల్లీ క్యాపిటల్స్‌కు నిజమైన ఆస్తి. జట్టు ప్రయోజనాలను ఎల్లప్పుడూ ముందుంచే వ్యక్తి. రాబోయే సీజన్‌లో ఢిల్లీని గర్వపడేలా చేయడానికి కలిసి శ్రమిస్తాం" అని జిందాల్ పేర్కొన్నాడు. దీనికి రాహుల్ స్పందిస్తూ "థ్యాంక్స్, వచ్చే సీజన్ కోసం ఆసక్తిగా ఎదురుచూస్తున్నా" అని బదులిచ్చాడు. దీంతో అతడు ఢిల్లీ క్యాపిటల్స్ జెర్సీలోనే కొనసాగుతాడన్న విషయం అధికారికంగా రూఢీ అయింది. 2025 సీజన్‌లో రూ. 14 కోట్లకు ఢిల్లీలో చేరిన రాహుల్, తొలి ఏడాది 539 రన్స్, 2026 సీజన్‌లో 593 రన్స్ చేసి అద్భుత ఫామ్ కనబరిచాడు.

ముంబైలోనే హార్దిక్ .. రోహిత్ శర్మ కీలక పాత్ర
మరోవైపు ముంబై ఇండియన్స్ స్టార్ ఆల్‌రౌండర్ హార్దిక్ పాండ్యా ట్రేడింగ్ వ్యవహారంలో కీలక మలుపు తిరిగింది. సరైన డీల్ కుదరకపోవడంతో హార్దిక్ మరో ఏడాది పాటు ముంబై ఇండియన్స్ జట్టులోనే కొనసాగే అవకాశాలు కనిపిస్తున్నాయి. అయితే 2027 సీజన్ కోసం జట్టు నాయకత్వంలో మార్పులు జరగనున్నాయని, కొత్త కెప్టెన్ ఎంపిక ప్రక్రియలో మాజీ సారథి రోహిత్ శర్మ కీలక నిర్ణయాలు తీసుకుంటున్నాడని తెలుస్తోంది. కెప్టెన్సీ కోల్పోయినప్పటికీ హార్దిక్ జట్టులో ఒక ఆటగాడిగా కొనసాగే అవకాశాలను ఫ్రాంచైజీ పరిశీలిస్తోంది.

ట్రేడింగ్ పుకార్లు..
ఫ్రాంచైజీలు తమ కోర్ గ్రూప్‌ను పటిష్టం చేసుకునే క్రమంలో వ్యూహాత్మకంగా వ్య‌వ‌హ‌రిస్తున్నాయి. రిషభ్ పంత్ రీఎంట్రీ, రాహుల్ కొనసాగింపుతో ఢిల్లీ క్యాపిటల్స్ మరింత బలంగా మారగా, మిగిలిన జట్లు సైతం సమతుల్యత కోసం ట్రేడింగ్ మార్గాలను అన్వేషిస్తున్నాయి.

Historic IND VS JPN Clash: వ‌ర‌ల్డ్ ఛాంపియన్ ఇండియాతో చారిత్రాత్మక పోరుకు జపాన్ సిద్ధం.. జ‌ట్టును ప్ర‌క‌టించిన ఆ దేశ క్రికెట్ బోర్డు

Ayesha — Tue, 8 Sep 2026 11:52:00 +0530

Japan Ready To Face World Champions In Landmark Match: ప్రస్తుత టీ20 ప్రపంచ ఛాంపియన్, ఐసీసీ నంబర్ వన్ ర్యాంకర్ అయిన టీమ్ ఇండియాతో సెప్టెంబర్ 22న టోచిగిలోని సానో ఇంటర్నేషనల్ క్రికెట్ గ్రౌండ్‌లో జరిగే చారిత్రాత్మక టీ20 సమరానికి జపాన్ క్రికెట్ బోర్డు.. తమ జట్టును అధికారికంగా అనౌన్స్ చేసింది. అంతర్జాతీయ క్రికెట్ మండలి (ఐసీసీ) నివేదిక ప్రకారం, ఈ మ్యాచ్ ముగిసిన రెండు రోజులకే నగోయాలో ఆరంభమయ్యే స్వదేశీ ఆసియా క్రీడల కోసం ఎంపిక చేసిన స్క్వాడ్‌నే ఈ మ్యాచ్ బరిలోకి దించుతున్నారు. జపాన్ తరఫున అంతర్జాతీయ టీ20ల్లో అత్యధిక పరుగులు సాధించిన ఆటగాడు కెండల్ కడోవాకి-ఫ్లెమింగ్ ఈ జట్టు ప‌గ్గాలు చేప‌ట్ట‌నున్నాడు. అతడితో పాటు 50కి పైగా టీ20 మ్యాచ్‌లు ఆడిన అనుభవజ్ఞులైన ఇబ్రహీం తకాహాషి, డెక్లాన్ సుజుకి-మెక్‌కాంబ్ జట్టులో కీలకం కానున్నారు.

IND Tour of JPN 2026, One-Off T20I

- Japan Cricket Association has Unveiled their Squad for the Historic IND Tour of JPN 2026, One-Off T20I 🥳 pic.twitter.com/ZUbn0oX8PA
— Aswin Dugout 🏏 (@M_Aswin100) September 8, 2026

నిబంధ‌న‌లను అనుస‌రించి..
ఆసియా క్రీడల నిబంధనలను దృష్టిలో ఉంచుకుని ఈ జట్టును సెలెక్ట్ చేయడంతో, ఐసీసీ అర్హత ఉన్నప్పటికీ గేమ్స్ నిబంధనల పరిధిలోకి రాని కొంతమంది ఆటగాళ్లను తప్పించాల్సి వచ్చిందని తెలుస్తోంది. ఈ పరిణామం దేశవాళీ క్రికెట్‌లో అద్భుత ప్రతిభ కనబరిచిన యువ స్పిన్ ఆల్‌రౌండర్ జేక్ కుసుడ-నైర్న్‌కు మార్గం సుగమం చేసింది. 2013లో మొదటిసారి జపాన్‌కు ప్రాతినిధ్యం వహించిన సీనియర్ ఆటగాడు సుయోషి తకాడా మళ్లీ జట్టులోకి రీఎంట్రీ ఇచ్చాడు. స్కూల్ క్రికెట్ బుకాట్సు ప్రోగ్రామ్‌ల ద్వారా వెలుగులోకి వచ్చిన వతారు మియాచి, మకోటో తానియామాలు ఈ లైనప్‌లో చోటు దక్కించుకున్నారు. ఆస్ట్రేలియా దిగ్గజం షేన్ వార్న్ బౌలింగ్ వీడియోలు చూస్తూ లెగ్ స్పిన్ నేర్చుకున్న తానియామా, తన ఆరాధ్య క్రికెటర్ జెర్సీ నంబర్ 23 ధరించి ఆడ‌నున్నారు.

అరుదైన వేడుక‌ల్లో భాగంగా..
ఈ అరుదైన మ్యాచ్ భారత్, జపాన్ దేశాల ద్వైపాక్షిక సంబంధాల 75 సంవత్సరాల వేడుకల్లో భాగంగా 'స్పోర్ట్ 75' పేరుతో నిర్వ‌హిస్తున్నారు. భారత ప్రధానమంత్రి నరేంద్ర మోదీ, జపాన్ ప్రధాని సనాయ్ తకైచిల మధ్య కుదిరిన ఒప్పందం మేరకు ఇరు దేశాల ప్రజల మధ్య క్రీడా సంబంధాలను విస్తరించడానికి ఈ వేదిక ఉపయోగపడనుంది. భారత్‌తో పోరుకు ముందు జపాన్ సెప్టెంబర్ 19, 20 తేదీల్లో హాంకాంగ్‌తో రెండు టీ20లలో అమీతుమీ తేల్చుకోనుంది. ఆ తర్వాత ఆసియా క్రీడల్లో భాగంగా సెప్టెంబర్ 24న అఫ్గానిస్తాన్, 26న నేపాల్‌తో తలపడనుంది.

బ‌ల‌మైన టీమిండియా..
మరోవైపు టీమ్ ఇండియా ఈ చారిత్రక పోరు కోసం శ్రేయస్ అయ్యర్ సారథ్యంలో అభిషేక్ శర్మ, సంజూ శాంసన్, ఇషాన్ కిషన్, శివం దూబే, తిలక్ వర్మ, నితీష్ కుమార్ రెడ్డి, అక్షర్ పటేల్, వాషింగ్టన్ సుందర్, వరుణ్ చక్రవర్తి, రవి బిష్ణోయ్, జస్ప్రీత్ బుమ్రా, హర్షిత్ రాణా, అర్ష్‌దీప్ సింగ్, వైభవ్ సూర్యవంశీలతో కూడిన దుర్బేధ్య‌మైన‌ జట్టును ప్ర‌క‌టించింది.

Epic Knock Return: టీమిండియాలో ప్లేస్ ఔట్.. క‌ట్ చేస్తే సెంచ‌రీల మోత‌.. ప‌డిలేచిన కెర‌టం ఇషాన్ కిష‌న్

Ayesha — Mon, 7 Sep 2026 21:44:29 +0530

Ishan Kishan Reflects On Epic Double Century: దులీప్ ట్రోఫీ ఫైనల్లో సౌత్ జోన్‌పై 270 పరుగుల సంచలన డబుల్ సెంచరీతో విరుచుకుపడిన ఈస్ట్ జోన్ కెప్టెన్ ఇషాన్ కిషన్ తన అద్భుతమైన ఇన్నింగ్స్ వెనుక ఉన్న రహస్యాన్ని వెల్ల‌డించాడు. కెరీర్‌లో గడ్డు కాలాన్ని ఎదుర్కొన్న తర్వాత అనవసరపు ఆలోచనలు, అంచనాలను పక్కన పెట్టి పూర్తిగా బ్యాటింగ్‌పైనే దృష్టి సారించినట్లు పేర్కొన్నాడు. సోమవారం ఆట ముగిసిన అనంతరం విలేకరుల సమావేశంలో మాట్లాడిన కిషన్, "నేను మారడానికి ప్రత్యేకంగా ఎలాంటి ప్రయత్నాలు చేయలేదు, సహజంగానే మార్పు వచ్చింది. ఇండియా జట్టుకు దూరమైనప్పుడు మన బాధ్యత కేవలం క్రీజులోకి వెళ్లి పరుగులు చేయడమేనని గుర్తించాను. కెరీర్‌కు ఉపయోగపడేది పరుగులు మాత్రమే. బయటి ఆలోచనలు మైండ్‌సెట్‌ను దెబ్బతీసి అనవసరపు ఒత్తిడిని పెంచుతాయి. జట్టును గెలిపించడం మీదే శ్రద్ధ పెట్టాలి" అని తెలిపాడు.

చీక‌టి రోజుల నుంచి వెలుగులోకి..
2023 లో భారత్ తరఫున అన్ని ఫార్మాట్లు ఆడిన ఇషాన్ కిషన్, కొన్ని ఊహించని పరిణామాల వల్ల చివరకు బీసీసీఐ సెంట్రల్ కాంట్రాక్ట్‌ను సైతం కోల్పోయాడు. అయితే నిరాశ చెందకుండా దేశవాళీ క్రికెట్‌లో క‌ఠోర సాధ‌న చేశాడు. 2025-26 రంజీ ట్రోఫీలో శతకాలతో పాటు, జార్ఖండ్.. సయ్యద్ ముస్తాక్ అలీ ట్రోఫీ గెలవడంలో 517 పరుగులు చేసి రెండు సెంచరీలతో కీలక పాత్ర పోషించాడు. దాంతో మళ్లీ బీసీసీఐ కాంట్రాక్ట్‌తో పాటు వైట్ బాల్ జట్టులో స్థానం పొందాడు. "ప్రస్తుతం నేను చేస్తున్న అత్యుత్తమ పని ఏమీ ఆలోచించకపోవడమే. బంతిని చూడటం, దానికి తగ్గట్లు ఆడటం తప్ప నాపై నేనే ఎలాంటి అంచనాలు పెట్టుకోవడం లేదు. సంయమనం కోల్పోయినప్పుడు మనసును ప్రశాంతంగా ఉంచుకోవడమే ముఖ్యం" అని పేర్కొన్నాడు.

ప్ర‌త్యేక ప్రాక్టీస్..
ఫైనల్ మ్యాచ్ వ్యూహాలను వివరిస్తూ, "సౌత్ జోన్‌తో మ్యాచ్‌కు ముందు బీసీసీఐ సీవోఈలో రెడ్ బాల్‌తో ప్రత్యేక ప్రాక్టీస్ చేశాను. టీ20లు ఎక్కువగా ఆడినప్పుడు షాట్లు ఎక్కువగా ఆడాలనిపిస్తుంది. నార్త్ ఈస్ట్ జోన్‌తో జరిగిన తొలి ఇన్నింగ్స్‌లో కట్ షాట్ ఆడబోయి ఔటయ్యాను. ఫైనల్లో ఆ తప్పు చేయకూడదని నిర్ణయించుకున్నాను. ఇండియాకు ఆడిన అనుభవం ఉన్నప్పుడు జట్టు మన నుంచి భారీ స్కోరు ఆశిస్తుంది. అందుకే నా పార్ట్‌నర్‌తో కలిసి యాభై పరుగుల చొప్పున భాగస్వామ్యాలు నిర్మిస్తూ వికెట్ కాపాడుకోవాలని లక్ష్యంగా పెట్టుకున్నాను" అని వ్యాఖ్యానించాడు.

డొమెస్టిక్ క్రికెట్ లో ఎంతో నేర్చుకోవ‌చ్చు..
రెండు సంవత్సరాల పాటు గ్రౌండ్‌లో కష్టపడటం తనకు ఎంతో మేలు చేసిందని కిషన్ తెలిపాడు. భారత జట్టులో ఆడుతున్నప్పుడు ఒకే ఫ్లోలో వెళ్లిపోతామని, ఒక దశలో గ్రోత్ ఆగిపోతుందని పేర్కొన్నాడు. తిరిగి డొమెస్టిక్ క్రికెట్‌కు వచ్చినప్పుడు సున్నా నుంచి మళ్లీ ప్రారంభించాల్సి ఉంటుందని, స్టార్ట్స్ ను పెద్ద స్కోర్లుగా ఎందుకు మార్చలేకపోయామో సమీక్షించుకోవడానికి సమయం లభిస్తుందని వివరించాడు.

Fatima Sana Fined: భారత ప్లేయర్లను క‌వ్వించిన‌ పాక్ కెప్టెన్ ఫాతిమా సనా.. కొరడా ఝుళిపించిన ఐసీసీ

Ayesha — Mon, 7 Sep 2026 20:09:26 +0530

Fatima Penalised For Breaching ICC Conduct Against India: మహిళల టీ20 ఆసియా కప్ 2026 గ్రూప్ ఏ మ్యాచ్‌లో భారత జట్టుతో తలపడిన వేళ అనుచితంగా ప్రవర్తించిన పాకిస్తాన్ కెప్టెన్ ఫాతిమా సనాపై అంతర్జాతీయ క్రికెట్ కౌన్సిల్ (ఐసీసీ) పై కొర‌డా ఝ‌ళిపించింది. లెవల్ 1 ప్రవర్తనా నియమావళిని ఉల్లంఘించినందుకు ఆమె మ్యాచ్ ఫీజులో 10 శాతం కోత విధించడంతో పాటు ఒక డీమెరిట్ పాయింట్‌ను ఖాతాలో చేర్చింది. దుబాయ్ ఇంటర్నేషనల్ స్టేడియంలో శనివారం భారత్‌తో జరిగిన మ్యాచ్‌లో ఈ ఘటన జ‌రిగింది. ఐసీసీ కోడ్ ఆఫ్ కండక్ట్ ఆర్టికల్ 2.5 ప్రకారం బ్యాటర్ ఔటైన తర్వాత ప్రత్యర్థిని రెచ్చగొట్టేలా సైగలు చేయడం, అనుచిత భాష లేదా దూకుడు ప్రవర్తనను ప్రదర్శించడం నిబంధనలకు విరుద్ధం.

Fatima Sana was fined 10% of her match fee for giving Shafali Verma a 'send-off'. pic.twitter.com/XLUnchAIAh
— Cricket News (@I_am_Unkar_006) September 7, 2026

పెవిలియ‌న్ కు వెళ్లిపో అన్న‌ట్లు సైగలు..
భారత ఇన్నింగ్స్ రెండో ఓవర్‌లో ఈ వివాదాస్పద దృశ్యం న‌మోదైంది. భారత స్టార్ ఓపెనర్ షఫాలీ వర్మను ఔట్ చేసిన తర్వాత ఫాతిమా సనా తీవ్ర దూకుడుతో పెవిలియన్ వైపు వెళ్లమంటూ చేతితో సైగలు చేసింది. ఈ చర్యను తీవ్రంగా పరిగణించిన ఆన్-ఫీల్డ్ అంపైర్లు నిమాలి పెరీరా, షతీరా జాకిర్ జెసీ, థర్డ్ అంపైర్ రోకేయా సుల్తానా, నాల్గవ అంపైర్ రబాబ్ అహ్సన్ ఐసీసీ మ్యాచ్ రిఫరీకి అధికారికంగా కంప్ల‌యింట్ చేశారు. ఎమిరేట్స్ ఐసీసీ ఇంటర్నేషనల్ ప్యానెల్ మ్యాచ్ రిఫరీ సుప్రియారాణి దాస్ విధించిన శిక్షను ఫాతిమా సనా అంగీకరించడంతో అధికారిక విచారణ అవసరం లేకుండానే కేసులో తీర్పు చెప్పారు.

డ‌బులైన డీ మెరిట్ పాయింట్లు..
గత 24 నెలల కాలంలో ఫాతిమా సనా చేసిన రెండో తప్పు ఇది కావ‌డం గ‌మ‌నార్హం. దీంతో ఆమె ఖాతాలోని డీమెరిట్ పాయింట్ల సంఖ్య రెండుకు చేరుకుంది. గతంలో 2025 ఆగస్టు 6న డబ్లిన్‌లో ఐర్లాండ్‌తో జరిగిన తొలి టీ20 మ్యాచ్‌లో ఆమె మొదటి డీమెరిట్ పాయింట్‌ను సాధించింది. ఐసీసీ నిబంధనల ప్రకారం లెవల్ 1 తప్పిదానికి అధికారిక హెచ్చరికతో పాటు గరిష్టంగా 50 శాతం మ్యాచ్ ఫీజు కోత, ఒకటి లేదా రెండు డీమెరిట్ పాయింట్లు విధించే వెసులుబాటు ఉంటుంది.

ప‌రిధి దాటితే వేటే..
ఐసీసీ రూల్స్ ప్రకారం ఒక ఆటగాడు 24 నెలల వ్యవధిలో నాలుగు లేదా అంతకంటే ఎక్కువ డీమెరిట్ పాయింట్లు పొందితే అవి సస్పెన్షన్ పాయింట్లుగా మారుతాయని స‌మాచారం. రెండు సస్పెన్షన్ పాయింట్లు ఒక టెస్ట్ లేదా రెండు వన్డేలు లేదా రెండు టీ20ల నిషేధానికి దారితీస్తాయి. ఈ పాయింట్లు విధించిన తేదీ నుంచి రెండేళ్ల పాటు ప్లేయర్ రికార్డులో కొనసాగుతాయని, ఆ గడువు తీరిన తర్వాత రద్దు చేయబడతాయని నిపుణులు పేర్కొంటున్నారు.

Sreesanth VS Sanju Samson, Kerala League Rift: శ్రీశాంత్-సంజూ మ‌ధ్య విబేధాలు..!! వేదికపై షేక్ హ్యాండ్ ఇవ్వ‌ని శ్రీశాంత్.. వీడియో వైరల్

Ayesha — Mon, 7 Sep 2026 15:04:38 +0530

Viral Stage Video Sparks Speculation Between Kerala Stars: కేరళ క్రికెట్ లీగ్ 2026 ఫైనల్ బహుమతుల ప్రదానోత్సవ వేదికపై జరిగిన ఒక సంఘటన ఇప్పుడు నెట్టింట తీవ్ర సంచ‌న‌లంగా మారింది. కేరళకు చెందిన ఇద్దరు స్టార్ క్రికెటర్లు సంజూ శాంసన్, ఎస్ శ్రీశాంత్ మధ్య విభేదాలు తారస్థాయికి చేరాయంటూ ఒక వీడియో విపరీతంగా చక్కర్లు కొడుతోంది. ఈ వేడుకలో ట్రోఫీ పక్కనే సంజూ శాంసన్ ఇతర అధికారులతో కలిసి నిలబడి ఉండగా, శ్రీశాంత్ వేదికపైకి వ‌చ్చాడు. అక్కడ ఉన్న నిర్వాహకులు, అధికారులందరికీ చేతులు కలిపిన శ్రీశాంత్, సరిగ్గా తన పక్కనే ఉన్న సంజూ శాంసన్‌కు మాత్రం షేక్ హ్యాండ్ ఇవ్వకుండా ముందుకు సాగిపోయాడు. సంజూ కూడా శ్రీశాంత్ వైపు చేయి చాచకుండా అలాగే చూస్తూ నిల‌బ‌డ్డాడు. ఈ విజువల్స్ బయటకు రావడంతో వీరిద్దరి మధ్య అంతర్గత వివాదం ఏమైనా మొదలైందా అని అభిమానులు ప్రశ్నల వర్షం కురిపిస్తున్నారు. అయితే దీనిపై ఇరు ఆటగాళ్ల నుంచి ఎలాంటి అధికారిక ప్రకటన వెలువడక‌పోవ‌డం విశేషం.

What’s going on between Sanju Samson and Sreesanth? 🙄#SanjuSamson #Sreesanth #KCL #KeralaCricketLeague #Cricket #ViralVideo pic.twitter.com/Xn52VXTce5
— Avinashchith SD (@avinashchith) September 7, 2026

నిల‌క‌డ లేదు..
మరోవైపు టీమ్ ఇండియా మాజీ ఓపెనర్, దేశవాళీ దిగ్గజం వసీం జాఫర్ సంజూ శాంసన్ కెరీర్‌పై కీలక వ్యాఖ్య‌లు చేశాడు. దూరదర్శన్ వేదికగా ప్రసారమైన ఒక ప్రత్యేక కార్యక్రమంలో మాట్లాడిన జాఫర్, 2027 ఐసీసీ వన్డే ప్రపంచకప్ ప్రణాళికల్లో బ్యాకప్ ఓపెనర్‌గా సంజూ శాంసన్‌ను తాను చూడటం లేదని తెలిపాడు. శాంసన్‌లో మ్యాచ్‌ను ఒంటిచేత్తో గెలిపించే ప్రతిభ ఉన్నప్పటికీ, వన్డే ఫార్మాట్ డిమాండ్ చేసే నిలకడ అతడిలో లోపించిందని తెలిపాడు. క్రీజులో ఎక్కువ సమయం గడపాల్సిన 50 ఓవర్ల ఫార్మాట్‌కు సంప్రదాయ సాంకేతికత, క్రమశిక్షణతో కూడిన గేమ్ ప్లాన్ చాలా అవసరమని వివరించాడు.

ఆ ఫార్మాటే బెస్ట్..
"2027 ప్రపంచకప్‌కు బ్యాకప్ ఓపెనర్‌గా సంజూ సరిపోతాడని నేను అనుకోవడం లేదు. అతడి ఆటతీరులో కన్సిస్టెన్సీ లోపించింది. వన్డే క్రికెట్‌లో నిలకడ చాలా ముఖ్యం, ఎందుకంటే ఇక్కడ బ్యాటర్లకు భారీ ఇన్నింగ్స్‌లు నిర్మించే సమయం లభిస్తుంది. సంజూ తన గత వన్డేలో సెంచరీ బాదిన మాట నిజమే అయినా, ఇప్పటికే అతడికి తగినన్ని అవకాశాలు వచ్చాయి. ఇండియా వద్ద శాంసన్ కంటే మెరుగైన ఆప్షన్లు అందుబాటులో ఉన్నాయి. అతడిని కేవలం టీ20 ఫార్మాట్‌కే ఆడనివ్వడం మంచిది" అని జాఫర్ పేర్కొన్నాడు.

తీవ్ర‌మైన పోటీ..
రాబోయే వన్డే ప్రపంచకప్ కోసం భారత యాజమాన్యం సరైన కాంబినేషన్లను సిద్ధం చేస్తున్న వేళ, బ్యాకప్ స్థానాల కోసం దేశవాళీ క్రికెట్ నుంచి ఎందరో కుర్రాళ్లు జ‌ట్టులో చోటు కోసం ఎదురు చూస్తున్నారు. ఈ నేపథ్యంలో జాఫర్ చేసిన వ్యాఖ్యలు చర్చనీ యాంశంగా మారాయి.

కెప్టెన్ ఇన్నింగ్స్ తో చెలరేగిన ఇషాన్ సెలెక్టర్లకు గట్టి కౌంటర్.

ABP Desam — Mon, 7 Sep 2026 14:09:20 +0530

తనపై వస్తున్న విమర్శలకు మైదానంలోనే బ్యాట్‌తో సమాధానం చెప్పాడు యంగ్ వికెట్ కీపర్ బ్యాటర్ ఇషాన్ కిషన్. అద్భుతమైన కెప్టెన్ ఇన్నింగ్స్ ఆడి జట్టును గెలిపించడంతో పాటు, సెలెక్టర్ల నిర్ణయాలపై తన ప్రదర్శనతో గట్టి కౌంటర్ ఇచ్చాడు.

పాక్ క్రికెట్ లో విచిత్రం.. ప్లేయర్ల ఫోన్లు సీజ్ చేసిన పీసీబీ.

ABP Desam — Mon, 7 Sep 2026 14:05:20 +0530

పాకిస్థాన్ క్రికెట్ బోర్డు మరో సంచలన నిర్ణయం తీసుకుంది. జట్టులో క్రమశిక్షణ పేరిట ఏకంగా ప్లేయర్ల ఫోన్లనే సీజ్ చేస్తూ పీసీబీ తీసుకున్న ఈ విచిత్ర నిర్ణయం ఇప్పుడు క్రీడా వర్గాల్లో హాట్ టాపిక్‌గా మారింది.