Abhishek Sharma : టీ20 ప్రపంచ కప్‌లో టీం ఇండియాకు బిగ్‌షాక్! పాకిస్థాన్‌తో జరిగే మ్యాచ్‌కు అభిషేక్ శర్మ దూరం? 

Abhishek Sharma : అభిషేక్ శర్మకు సంబంధించి హెల్త్ అప్‌డేట్‌పై సూర్యకుమార్ యాదవ్ షాకింగ్ న్యూస్ చెప్పాడు. పాకిస్తాన్‌తో జరిగే మ్యాచ్‌లో అతను ఆడకపోవచ్చని చెప్పాడు.  

టీ20 ప్రపంచ కప్‌లో టీం ఇండియాకు బిగ్‌షాక్! పాకిస్థాన్‌తో జరిగే మ్యాచ్‌కు అభిషేక్ శర్మ దూరం? 

Source : Social Media

Show Quick Read

Key points generated by AI, verified by newsroom

Abhishek Sharma : T20 ప్రపంచ కప్ 2026 భారత్ తన రెండో మ్యాచ్ ఆడుతోంది. మొదటి మ్యాచ్‌లో అమెరికాపై విజయం సాధించింది. ఇప్పుడు రెండో మ్యాచ్ నమీబియాతో తలపడుతోంది. మొదటి మ్యాచ్‌లో తొలి బంతికే అవుట్ అయిన అభిషేక్ శర్మ ఆరోగ్యం ఇప్పుడు టీమిండియాను టెన్షన్ పెడుతోంది. అభిషేక్ కడుపు సమస్యతో ఇబ్బంది పడుతున్నాడు. ఆసుపత్రిలో చేరాల్సి వచ్చింది. 

ఇప్పుడు, నమీబియాతో జరిగే రెండో మ్యాచ్ కోసం అభిషేక్ ప్లేయింగ్ ఎలెవెన్‌లో చోటు దక్కలేదు. మ్యాచ్‌కు ముందు టాస్ సందర్భంగా, భారత కెప్టెన్ సూర్యకుమార్ యాదవ్ అభిషేక్ శర్మ ఆరోగ్యం గురించి అప్‌డేట్ ఇచ్చాడు. సూర్య అప్‌డేట్ అభిమానులకు నిజంగా షాక్‌కి గురి చేసింది. పాకిస్తాన్‌తో జరిగే తదుపరి మ్యాచ్‌కు అభిషేక్ కూడా దూరంగా ఉండవచ్చని అతను చెప్పడం ఆందోళనకలిగిస్తోంది.  

సూర్యకుమార్ యాదవ్ ఏమన్నారు?

టాస్ తర్వాత అభిషేక్ ఆరోగ్యం గురించి అడిగిన ప్రశ్నకు సూర్యకుమార్ యాదవ్ స్పందిస్తూ, "అభిషేక్ ఇంకా బాగా లేదు. అతను ఒకటి లేదా రెండు మ్యాచ్‌లకు దూరమవుతాడు" అని అన్నారు.

సూర్య ప్రకటన స్పష్టంగా అర్థం ఏమిటంటే, నమీబియా తర్వాత, పాకిస్తాన్‌తో జరిగే తదుపరి మ్యాచ్‌కు కూడా అభిషేక్ దూరమవవచ్చు. భారత్‌, పాకిస్తాన్ మధ్య మ్యాచ్ ఫిబ్రవరి 15 ఆదివారం శ్రీలంకలోని కొలంబోలో జరుగుతుంది. ఈ మ్యాచ్‌కు అభిషేక్ తిరిగి వస్తాడా లేదా అనేది ఆసక్తికరంగా మారింది. టోర్నమెంట్‌లో భారత్‌ ప్రధాన ఓపెనింగ్ బ్యాట్స్‌మన్ అభిషేక్ శర్మ. అతని స్థానంలో ఓపెనింగ్ వస్తున్న సంజూ శాంసన్ ఫామ్‌లో లేడు. ఆయన ధాటిగా ఆడటానికి పరుగులు చేయడానికి ఇబ్బంది పడుతున్నాడు. 

అయితే, అమెరికాతో జరిగిన మ్యాచ్‌లో అభిషేక్ విఫలమయ్యాడు. ఖాతా తెరవకుండానే మొదటి బంతికే ఔటయ్యాడు. అయినప్పటికీ, పాకిస్థాన్‌తో జరిగే మ్యాచ్‌లో అభిషేక్ ఉండటం టీమ్ ఇండియాకు పెద్ద ప్రయోజనకరంగా ఉంటుంది. కానీ సూర్య చెప్పినదే నిజమైతే కచ్చితంగా భారత్‌కు మానసికంగా దెబ్బ తగిలినట్టే. 

2025 ఆసియా కప్‌లో పాకిస్థాన్‌పై అభిషేక్ విధ్వంసకరమైన బ్యాటింగ్ చేశాడు. ఇప్పుడు పాకిస్తాన్‌పైనే కాకుండా ఆ వరల్డ్‌కప్‌ మొత్తంలో  అభిషేక్ ధాటిగా ఆడటం భారత్‌కు చాలా అవసరం.  

మరిన్ని చదవండి

టీం ఇండియా స్టార్ ఓపెనర్ అభిషేక్ శర్మ అనారోగ్యం! వచ్చే మ్యాచ్‌లో ఆడుతున్నాడా లేదా? 

Abhishek Sharma Health Update | స్టార్ ఓపెనర్ అభిషేక్ శర్మ అనారోగ్యం