వాస్తు చిట్కాలు: పురాతన భారతీయ శాస్త్రాలలో చెట్లకు ప్రత్యేక ప్రాముఖ్యత ఉంది. కొన్ని చెట్లను పూజ్యనీయంగా భావిస్తారు, మరికొన్నింటిని అశుభంగా భావిస్తారు. చెట్లు , మొక్కలు ఇంటికి అదృష్టం సానుకూల శక్తిని తెస్తాయి. కానీ కొన్ని చెట్లు ఇంటి ఆవరణలో ఉండడం శుభంగా పరిగణించరు. వాటి నీడ కూడా ఇంటిపై పడటం అశుభంగా భావిస్తారు
వాస్తు శాస్త్రం ,పురాణాలలో, కొన్ని చెట్ల శక్తి చాలా బలంగా ఉంటుందని స్పష్టంగా ఉంది. వాటి నీడ నేరుగా ఇంటిపై పడితే, ఇది ఇంటి యజమాని నుంచి మొత్తం కుటుంబానికి అడ్డంకులు, ధన నష్టం , మానసిక ఒత్తిడికి కారణం కావచ్చు. శాస్త్రం ప్రకారం, నీడ నుంచి జాగ్రత్త వహించమని సలహా ఇచ్చే అలాంటి చెట్ల గురించి తెలుసుకుందాం.
జ్యోతిష్యుడు అనీష్ వ్యాస్ చెప్పిన వివరాల ప్రకారం..ఇంట్లో మాత్రమే కాదు వెలుపల లేదా ముందు కూడా నాటకూడని కొన్ని చెట్ల గురించి తెలుసుకుందాం. ఈ చెట్లు ప్రతికూల శక్తిని ప్రసారం చేస్తాయని వాటి నీడ కూడా ఇంటిపై పడటం మంచిది కాదని నమ్ముతారు.
రావి చెట్టు
హిందూ మతంలో చెట్లు , మొక్కలను పవిత్రంగా పూజ్యనీయంగా భావిస్తారు. రావి కూడా వాటిలో ఒకటి, దీనిని మతపరంగా పవిత్రమైన చెట్టుగా భావిస్తారు. శాస్త్రాల ప్రకారం, రావిలో దేవతలు నివసిస్తారు. కానీ దీనితో పాటు, రావి చెట్టులో పూర్వీకులు కూడా నివసిస్తారని చెబుతారు. శాస్త్రాల ప్రకారం, రావి చెట్టు నీడ కూడా ఇంటిపై పడటం మంచిది కాదు. దాని శక్తి ఆధ్యాత్మికమైనది అయినప్పటికీ, ఇది ఇంటి భౌతిక సౌకర్యాలు, కుటుంబ జీవితం సమతుల్యతను ప్రభావితం చేస్తుంది. అందువల్ల, రావి చెట్టును దేవాలయాలు, కూడళ్లు లేదా బహిరంగ ప్రదేశాలలో నాటడం మంచిది. కాబట్టి, ఈ చెట్టు ఇంటి చుట్టూ ఉండకుండా చూసుకోవడం చాలా ముఖ్యం.
చింత చెట్టు
శాస్త్రాలలో చింత చెట్టు నీడను భారీ నీడ అని పిలుస్తారు. అందుకే పెద్దలు కూడా సాయంత్రం తర్వాత చింత చెట్టు దగ్గరకు వెళ్లకూడదని లేదా చింత చెట్టు కింద కూర్చోకూడదని చెబుతారు. ఈ చెట్టు నీడ పడే లేదా చింత చెట్టు ఉన్న ఇంట్లో బద్ధకం, వ్యాధులు మానసిక ఒత్తిడి పెరుగుతుందని నమ్ముతారు.
మారేడు చెట్టు
మతపరంగా మారేడు చెట్టు, పండ్లు, ఆకులు అన్నీ చాలా పవిత్రమైనవిగా పరిగణించబడతాయి. ముఖ్యంగా ఈ చెట్టు శివునికి చాలా ఇష్టం. కానీ మారేడు చెట్టు కూడా ముళ్ళతో ఉంటుంది. వాస్తు ప్రకారం, ఇంట్లో ముళ్ళ చెట్టును నాటడం మంచిది కాదు. అలాగే, మారేడు పెద్ద చెట్టు ఇంటికి చాలా దగ్గరగా ఉండటం కూడా మంచిది కాదు. దీనికి కారణం మారేడు నీడలో తీవ్రమైన శక్తి ఉంటుంది, ఇది ఇంటి ప్రశాంతమైన వాతావరణాన్ని ప్రభావితం చేస్తుంది. అందువల్ల, దీనిని బహిరంగ ప్రదేశాలలో లేదా దేవాలయాలలో నాటడం చాలా మంచిది.
ఈ చెట్లు ఇంటికి లేదా ఇంటి చుట్టూ ఉంటే ఏం చేయాలి
రావి, మారేడు, చింతతో పాటు, మందారం, ఖర్జూరం, గోరింటాకు, రేగు లాంటి ముళ్ల చెట్లు.... బొప్పాయి, సపోటా లాంటి పాల చెట్లు కూడా ఇంటికి మంచివి కావు. కానీ ఈ చెట్లు ఇప్పటికే ఇంటిలో లేదా ఇంటి చుట్టూ ఉంటే ఏం చేయాలి? వారానికి ఒకసారి ఇంటిని గంగాజలంతో శుభ్రం చేయండి.. ఇది ప్రతికూల శక్తిని తొలగిస్తుంది.
సూర్యాస్తమయం సమయంలో ఇంటి ప్రధాన ద్వారం వద్ద దీపం వెలిగించండి.
మీ ఇంటి పెరట్లో తులసి మొక్కను నాటండి. ఇది చుట్టుపక్కల ఉన్న ఏదైనా ప్రతికూల చెట్టు ప్రభావాన్ని తగ్గిస్తుంది.
ఈ చెట్ల నీడ ఇంటిపై పడకుండా కొమ్మలను ఎప్పటికప్పుడు కట్ చేయండి. గమనిక: ఇక్కడ అందించిన సమాచారం నమ్మకాలు ఆధారంగా సేకరించింది మాత్రమే . ఇక్కడ ABPదేశం ఏదైనా నమ్మకం లేదా సమాచారాన్ని ధృవీకరించదని చెప్పడం ముఖ్యం. ఏదైనా సమాచారం లేదా నమ్మకాన్ని అమలు చేయడానికి ముందు, సంబంధిత నిపుణుడిని సంప్రదించండి.