Tulasi Plant Vastu: హిందూ మతం ప్రకారం తులసి మొక్క చాలా పవిత్రమైనదిగా పరిగణిస్తారు. మత విశ్వాసాల ప్రకారం, తులసిని లక్ష్మీదేవి స్వరూపంగా భావిస్తారు. ఈ కారణంగా, చాలా ఇళ్లలో తులసిని పూజిస్తారు. సాయంత్రం పూట తులసి దగ్గర దీపం వెలిగిస్తారు. కార్తీకమాసంలో ఉదయం, సాయంత్రం తులసి మొక్క దగ్గర వెలిగిస్తారు. అయితే ఇంట్లో తులసిని ఉంచేందుకు దిశ కూడా ముఖ్యమే అని చెబుతారు వాస్తు శాస్త్ర నిపుణులు. తులసి మొక్కను తప్పుడు దిశలో నాటితే దాని నుంచి లభిస్తే శుభ ఫలితాలు తగ్గిపోవచ్చు.. ఇంట్లో తులసి మొక్క నాటకూడని 7 ప్రదేశాలు ఏంటో తెలుసుకోండి.
దక్షిణ దిశలో తులసి మొక్క నాటొద్దు
వాస్తు శాస్త్రం ప్రకారం తులసి మొక్కలను దక్షిణ దిశలో నాటకూడదు. మత విశ్వాసాల ప్రకారం, దక్షిణ దిశ యముడితో ముడిపడి ఉంటుంది. అందువల్ల, ఈ దిశ తులసి మొక్కలను నాటడానికి అనువైనది కాదు. మీరు ఈ మొక్కను ఉత్తరం, తూర్పు లేదా ఈశాన్య దిశలో నాటవచ్చు.
పడకగదిలో తులసి మొక్కను ఉంచవద్దు
తులసి మొక్కను చాలా పవిత్రమైనదిగా , పూజనీయమైనదిగా భావిస్తారు. అందువల్ల, దానిని పడకగదిలో ఉంచవద్దని సలహా ఇస్తారు. దానికి బదులుగా, మీరు ఆ మొక్కను శుభ్రమైన , ప్రశాంతమైన ప్రదేశంలో ఉంచుకోవచ్చు.
బాత్రూం లేదా టాయిలెట్ ప్రాంతంలో మొక్కలు ఉంచవద్దు బాత్రూంలలో లేదా టాయిలెట్ల సమీపంలో తులసి మొక్కలను నాటకూడదు. మత విశ్వాసాల ప్రకారం, ఈ ప్రదేశాలు తులసి మొక్కలకు పవిత్రమైనవిగా పరిగణించరు. తులసిని ఎల్లప్పుడూ శుభ్రమైన ప్రదేశంలో ఉంచాలి.
తులసిని చీకటి ప్రదేశంలో ఉంచవద్దు
తులసి మొక్కలకు గాలి, వెలుతురు చేరని ప్రదేశాలలో ఉంచకూడదు. తులసి మొక్కను మూసి ఉన్న గదిలో లేదా చీకటి ప్రదేశంలో నాటడం దాని ఆరోగ్యంపై ప్రభావం చూపుతుంది.
మొక్కలను గ్యాస్ దగ్గర ఉంచవద్దు
వాస్తు శాస్త్రం ప్రకారం తులసి మొక్కలను వంటగదిలో ఎప్పుడూ ఉంచకూడదు. అధిక వేడి , పొగ మొక్కను దెబ్బతీస్తాయి.
మొక్కను చెత్తబుట్ట దగ్గర లేదా అపరిశుభ్రమైన ప్రదేశంలో ఉంచవద్దు
మేము తులసిని పవిత్రమైనదిగా భావిస్తాం. అందువల్ల, ఈ మొక్కను చెత్తబుట్ట దగ్గర లేదా అపరిశుభ్రమైన ప్రదేశంలో ఉంచకూడదు. తులసి మొక్కలను క్రమం తప్పకుండా జాగ్రత్తగా చూసుకోవాలి.
మెట్ల కింద పెట్టవద్దు ఇంట్లో మెట్ల కింద తులసి మొక్కలను నాటకూడదు. అలాంటి ప్రదేశాలలో అవసరమైన వెలుతురు, గాలి లభించవు.
వాస్తు శాస్త్రం ప్రకారం, 'ఈ' దిశ సరైనది
వాస్తు శాస్త్రం ప్రకారం, ఉత్తరం, తూర్పు లేదా ఈశాన్య దిశలో తులసి మొక్కను నాటడం శుభప్రదంగా భావిస్తారు. చాలా ఇళ్లలో ఈ దిశలో తులసి మొక్కలను నాటి ఉండటం కనిపిస్తుంది
అరుణాచలంలో కార్తీక శోభ - గిరిప్రదక్షిణ అంటే అలా తిరిగేసి వచ్చేయడం కాదు ఈ 44 ఎనర్జీ పాయింట్స్ చూడాల్సిందే!
ఆలయం నుంచి వరుసగా 17వ ఎనర్జీ పాయింట్ వరకూ వివరాల కోసం ఈ లింక్ క్లిక్ చేయండి
18వ ఎనర్జీ పాయింట్ నుంచి 44వ ఎనర్జీ పాయింట్ వరకూ వివరాల కోసం ఈ లింక్ క్లిక్ చేయండి