Hanuman Jayanti 2026 wishes in Telugu: మే 12 మంగళవారం హనుమజ్జయంతి - మీరు పఠించేందుకు, శుభాకాంక్షలు తెలిపేందుకు పవర్ ఫుల్ శ్లోకాలు!
Hanuman Jayanti: చైత్ర మాసంలో జరుపుకున్నది హనుమాన్ విజయోత్సవం.. వైశాఖ మాసంలో పౌర్ణమి తర్వాత వచ్చే దశమి రోజు హనుమాన్ జయంతి. ఈ సందర్భంగా మీరు పఠించేందుకు, శుభాకాంక్షలు తెలిపేందుకు పవర్ ఫుల్ శ్లోకాలు!
Hanuman Jayanti wishes in Telugu: చైత్ర పౌర్ణమి రోజు హనుమాన్ విజయోత్సవాన్నే కొన్ని ప్రాంతాల్లో హనుమాన్ జయంతిగా జరుపుకుంటారు. వాస్తవానికి ఆంజనేయుడు జన్మించింది వైశాఖమాసం బహుళపక్ష దశమి. దీనికి సంబంధించి ఓ శ్లోకం కూడా ఉంది. ఈ ఏడాది హనుమాన్ జయంతి మే 12 మంగళవారం వచ్చింది.
మే 12 మంగళవారం హనుమాన్ జయంతి. ఈ సందర్భంగా
ఓం శ్రీ హనుమతే నమః
మీకు మీ కుటుంబ సభ్యులకు హనుమాన్ జయంతి శుభాకాంక్షలు
ఆంజనేయుడి ఆశీర్వాదం మీపై ఉండాలి
బలం, ధైర్యం, కార్యసిద్ధిని ప్రసాదించాలి
హనుమాన్ జయంతి శుభాకాంక్షలు
మనోజవం మారుతతుల్య వేగం
జితేంద్రియం బుద్ధిమతాంవరిష్టం
వాతాత్మజం వానరయూథ ముఖ్యం
శ్రీరామ దూతం శిరసా నమామి
మనసు వేగంతో సమాన వేగం కలవాడు, వాయువుతో సమానమైన బలం కలవాడు, ఇంద్రియాలను జయించినవాడు, బుద్ధిమంతులలో శ్రేష్ఠుడు, వాయుపుత్రుడు, వానర సైన్యాధిపతి, శ్రీరాముడి దూత అయిన హనుమంతుడిని శరణు వేడుకుంటున్నా
అతులిత బలధామం స్వర్ణశైలభ దేహం
దనుజవనక్రుశానుం ఙ్ఞానినాం అగ్రగణ్యం
సకలగుణ నిధానం వానరాణాం అధీశం
రఘుపతిప్రియభక్తం వాతజాతం నమామి
అపారమైన బలానికి నిలయం, బంగారు పర్వతం లాంటి శరీరం కలవాడు, రాక్షసులు అనే అడవికి అగ్నివంటివాడు, జ్ఞానుల్లో అగ్రగణ్యుడు, సర్వగుణాలకు నిధి, వానరులకు రాజు, రాముడి ప్రియభక్తుడు, వాయుపుత్రుడైన హనుమంతుడికి నమస్కారం
ఆంజనేయాయ విద్మహే వాయు పుత్రాయ ధీమహి
తన్నో హనుమత్ ప్రచోదయాత్
వాయుపుత్రుడైన హనుమంతుడు బుధ్దిని ప్రకాశింపజేయుగాక
అసాధ్యసాధక స్వామిన్ అసాధ్యం తవకింవద
రామదూత కృపాసింధో మమ కార్యం సాధయ ప్రభో
అసాధ్యాలను సాధ్యం చేసేవాడు, రామదూత, కరుణాసముద్ర..నా కార్యాన్ని సాధించు ప్రభో!
బుద్ధిర్బలం యశో ధైర్యం నిర్భయత్వమరోగతా
అజాడ్యం వక్పటుత్వంచ హనుమత్ స్మరణాత్ భవేత్
ఆంజనేయుడి స్మరణతో బుద్ధి, బలం, కీర్తి, ధైర్యం, నిర్భయత్వం, ఆరోగ్యం, అలసట లేని శక్తి, వాక్చాతుర్యం సిద్ధిస్తాయి
యత్ర యత్ర రఘునాథ కీర్తనం తత్ర తత్ర కృత మస్తకాంజలిం
భాస్పవారి పరిపూర్ణ లోచనం మారుతిం నమత రాక్షసాంతకం
ఎక్కడైనా రాముడి కీర్తన జరిగితే అక్కడ చేతులు జోడించి కళ్లనిండా ఆనందభాష్పాలతో ఉండే రాక్షస సంహారకుడు అయిన హనుమంతుడికి నమస్కారం
అంజనానందం వీరం జానకీ శోక నాశనం
కపీషమక్ష హంతారం వందే లంకాభయంకరం
అంజనాదేవి ఆనందానికి కారణమైన వీరడు, జానకీమాత శోకాన్ని పోగొట్టేవాడు, వానర రాజు, అక్షకుమారుని సంహరించినవాడు, లంకకు భయం కలిగించినవాడు అయిన హనుమంతుడికి వందనం
గోష్పదీకృత వారాశిం మశకీకృత రాక్షసం
రామాయణం మహామాలారత్నం వందే అనిలాత్మజం
సముద్రాన్ని గోమాత పాదపుట్టుంత చిన్నదిగా చేసినవాడు, రాక్షసులను దోమలంత మార్చేసినవాడు, రామాయణ మాలలో వజ్రరత్నం వంటి అనిలాత్మజుడైన హనుమంతుడికి నమస్కారం
ఉల్లంఘ్య సింధో సలిలం సలీలం
యః శోకవహ్నిం జనకాత్మజాయా
ఆదాయ తేనైవ దదాహ లంకాం
నమామి త్వం ప్రాంజలీరాంజనేయం
హనుమాన్ జయంతి శుభాకాంక్షలు
ఆంజనేయమతిపాటలాలనం
కాంచనాద్రి కమనీయ విగ్రహం
పారిజాత తరుమూల వాసినం
భావయామి పవమాన నందనం
హనుమాన్ జయంతి శుభాకాంక్షలు
సర్వ కల్యాణ తథాతరం సర్వాపద్గణ వారకం
అపర కరుణా మూర్తిం ఆంజనేయం నమామ్యహం
హనుమాన్ జయంతి శుభాకాంక్షలు
హనుమాన్ జయంతి సందర్భంగా ఈ శ్లోకాలను ఒక్కసారైనా పఠించండి..
మీకు మీ కుటుంబ సభ్యులకు హనుమాన్ జయంతి శుభాకాంక్షలు
Before You Go
Vinayaka Chavithi 2025 Bala Gangadhar Tilak Ganesh Festivals History | చవితి ఉత్సవాలను ప్రారంభించిన వ్యక్తి తిలక్ | ABP Desam
టాప్ హెడ్ లైన్స్
ట్రెండింగ్ వార్తలు
