Guru Purnima 2025: గురువుల అనుగ్రహం కోసం ఎదురుచూపు! ఈ శ్లోకాలతో మీ గురువులకు శుభాకాంక్షలు చెప్పండి!
Guru Purnima Wishes In Telugu 2025: ఇవాళ (జూలై 10) ఆషాఢ పూర్ణిమ ఇదే రోజు గురు పౌర్ణమి. మిమ్మల్ని సరైన మార్గంలో నడిపించిన గురుదేవులను స్మరించుకునే రోజు.. ఈ శ్లోకాలతో వారిని స్మరించుకోండి
Guru Purnima Wishes 2025 : గురు పరంపరకు అలవాలం భారతదేశం. పూర్వకాలంలో గురుకుల విద్యా విధానం ఉండే సమయంలో గురువులను దైవంతో సమానంగా పూజించేవారు. ఆ గురువులు కూడా శిష్యులను కన్న బిడ్డలకన్నా ఎక్కువ ప్రేమించేవారు. విద్యార్థులను ఉత్తమంగా తీర్చిదిద్దడంలో తమవంతు సంపూర్ణ ప్రయత్నం చేసేవారు.
ఆదియోగి అయిన ఈశ్వరుడు సప్త రుషులకు జ్ఞానబోధ చేసింది గురు పౌర్ణమి రోజే
తన శిష్యులకు దత్తాత్రేయుడు జ్ఞానబోధ ప్రారంభించిన రోజు గురు పౌర్ణమి
మత్స్యకన్య అయిన సత్యవతికి - పరాశరమహర్షికి వ్యాసభగవానుడు జన్మించిన రోజు గురు పౌర్ణమి
వేదాలను.. బుగ్వేదం, సమావేదం, అధర్వణవేదం, యజుర్వేదం అని 4 భాగాలుగా వ్యాసమహర్షి విభజించిన రోజు గురు పౌర్ణమి
మహాభారతం, భాగవతం, అష్టాదశ పురాణాలు ఇవన్నీ అందించిన వ్యాసమహర్షి జన్మథిని ఆషాఢ పూర్ణమి. ఆయనను తొలి గురువుగా పూజిస్తూ గురు పౌర్ణమిని వ్యాస పౌర్ణమిగా జరుపుకుంటారు.
జీవితానికి మార్గనిర్ధేశం చేసే గురువులను పూజించి, కానుకలు సమర్పించి ఆశీర్వచనం తీసుకుంటారు. ఈ సందర్భంగా గురువులపై భక్తి భావాన్ని తెలిపే కొన్ని శ్లోకాలు
2025 ఇవాళ (జూలై 10గురువారం ) గురు పౌర్ణమి
గురు ప్రార్ధన
వ్యాసాయ విష్ణురూపాయ వ్యాసరూపాయ విష్ణవే
నమోవై బ్రహ్మనిదయే వాసిష్టాయ నమో నమః
విష్ణు స్వరూపుడైన వ్యాసుడికి , వ్యాసుడి రూపంలో ఉన్న విష్ణువుకి, బ్రహ్మవిద్యానిలయుడైన వ్యాసభగవానుడికి నమస్కారం
గురువు విశిష్టత
గురుబ్రహ్మ గురుర్విష్ణు: గురుర్దేవో మహేశ్వర:
గురుస్సాక్షాత్ పరబ్రహ్మ తస్మై శ్రీ గురువే నమ:
గురువే బ్రహ్మ, గురువే శ్రీ మహావిష్ణువు, గురువే శివుడు..త్రిమూర్తి స్వరూపుడైన గురువుకి నమస్కారం...
గుకారశ్చాంధకారస్తు రుకార్తన్నిరోధకృత్
‘గు’ - చీకటి, ‘రు’ - ఆ చీకటిని అడ్డగించేవాడు. అంటే అజ్ఞానం అనే చీకటిని తొలగించే శక్తి గురువుకి మాత్రమే సాధ్యం
అజ్ఞాన తిమిరాంధస్య జ్ఞానాంజన శలాకయా
చక్షురున్మీలితం యేన తస్మై శ్రీగురవేనమః
అజ్ఞానమనే చీకటితో అందులైన వారిని జ్ఞానం అనే అంజనాన్నిచ్చి కళ్లు తెరిపించి నడిపించే గురువుకి నమస్కారం
అఖండ మండలాకారం వ్యాప్తం యేన చరాచరం
తత్పదం దర్శితం యేన తస్మై శ్రీ గురవే నమః
ప్రపంచాన్ని గగనంలా వ్యాపించిన ఏ గురుతత్వం అయితే తత్ అని పిలిచే బ్రహ్మకు మరో రూపమై నిలుస్తుంది..అలాంటి గురువుకి వందనం
‘న గురోరధికం తత్త్వం న గురోరధికం తపః
తత్త్వఙ్ఞానాత్పరం నాస్తి తస్మై శ్రీగురవే నమః’
గురువును మించిన తత్వం, తపస్సు, జ్ఞానం ఇంకేదీ లేదు
నిధయే సర్వవిద్యానాం భిషజే భవరోగిణామ్
గురవే సర్వలోకానాం దక్షిణామూర్తయే నమః
గురు పౌర్ణమి శుభాకాంక్షలు
ఈశ్వరో గురురాత్మేతి మూర్తిభేదవిభాగినే
వ్యోమవద్వ్యాప్తదేహాయ దక్షిణామూర్తయే నమః
గురు పౌర్ణమి శుభాకాంక్షలు
చిత్రం వటతరోర్మూలే వృద్ధాః శిష్యా గురుర్యువా
గురోస్తు మౌనం వ్యాఖ్యానం శిష్యాస్తుచ్ఛిన్నసంశయాః
గురు పౌర్ణమి శుభాకాంక్షలు
శ్రీ కృష్ణాష్టకం
వసుదేవసుతం దేవం కంసచాణూరమర్దనమ్ |
దేవకీపరమానందం కృష్ణం వందే జగద్గురుమ్ ||
అతసీపుష్పసంకాశం హారనూపురశోభితమ్ |
రత్నకంకణకేయూరం కృష్ణం వందే జగద్గురుమ్ ||
కుటిలాలకసంయుక్తం పూర్ణచంద్రనిభాననమ్ |
విలసత్కుండలధరం కృష్ణం వందే జగద్గురుమ్ ||
మందారగంధసంయుక్తం చారుహాసం చతుర్భుజమ్ |
బర్హిపింఛావచూడాంగం కృష్ణం వందే జగద్గురుమ్ ||
ఉత్ఫుల్లపద్మపత్రాక్షం నీలజీమూతసన్నిభమ్ |
యాదవానాం శిరోరత్నం కృష్ణం వందే జగద్గురుమ్ ||
రుక్మిణీకేళిసంయుక్తం పీతాంబరసుశోభితమ్ |
అవాప్తతులసీగంధం కృష్ణం వందే జగద్గురుమ్ ||
గోపికానాం కుచద్వంద్వకుంకుమాంకితవక్షసమ్ |
శ్రీనికేతం మహేష్వాసం కృష్ణం వందే జగద్గురుమ్ ||
శ్రీవత్సాంకం మహోరస్కం వనమాలావిరాజితమ్ |
శంఖచక్రధరం దేవం కృష్ణం వందే జగద్గురుమ్ ||
కృష్ణాష్టకమిదం పుణ్యం ప్రాతరుత్థాయ యః పఠేత్ |
కోటిజన్మకృతం పాపం స్మరణేన వినశ్యతి ||
ఇతి శ్రీ కృష్ణాష్టకమ్ ||
టాప్ హెడ్ లైన్స్
ట్రెండింగ్ వార్తలు
