Bhanu Saptami 2026: ఆరోగ్యానికి, ఐశ్వర్యానికి మార్గం! ఈ ఆదివారం సప్తమి తిథి విశిష్టత, పూజా విధానం తెలుసుకోండి!
Bhanu Saptami Puja Vidhanam : ఫిబ్రవరి 08న వచ్చే మాఘమాస ఆదివారం రోజు సప్తమి తిథి రావడంతో 'భానుసప్తమి' అంటారు.. ఈ రోజు పూజ ఎలా చేయాలి? ఫలితం ఏంటి? పూర్తి వివరాలు తెలుసుకోండి
Significance of Bhanu Saptami
సూర్యుడికి అత్యంత ప్రీతికరమైన రోజు ఆదివారం, సప్తమి తిథి..ఈ రెండూ ఒకేరోజు వస్తే ఆ రోజు మరింత విశిష్టమైనది అని చెబుతారు పండితులు
సూర్యోదయానికి ముందు నిద్రలేచి స్నానాదికాలు పూర్తిచేయకపోవడం, ఆహార నియమాలు పాటించకపోవడం అనారోగ్యానికి, దారిద్ర్యానికి హేతువు. ఈ విషయాన్ని స్వయంగా పరమేశ్వరుడు సూర్యాష్టకంలో చెబుతాడు
ఆమిషం మధుపానం చ యః కరోతి రవేర్ధినే
సప్త జన్మ భవేద్రోగీ జన్మ కర్మ దరిద్రతా
స్త్రీ తైల మధు మాంసాని హస్త్యజేత్తు రవేర్ధినే
న వ్యాధి శోక దారిద్ర్యం సూర్య లోకం స గచ్ఛతి
దీని అర్థం ఏంటంటే...
తినకూడని పదార్ధాలైన మద్య మంసాలు తీసుకునేవారు ఏడు జన్మల పాటు రోగాలతో బాధపడతారు. ఆజన్మాంతం దరిద్రం వెంటాడుతుంది. నిషిద్ధ సమయంలో స్త్రీ సమాగమము, నూనె రాసుకోవడం, మంసాన్ని విడిచిపెట్టినవారికి శోకం, వ్యాధి ఉండదు..వారు సరాసరి సూర్యలోకానికి చేరుకుంటారు
ఈ నియమాలు కేవలం భానుసప్తమి రోజు మాత్రే కాదు.. ప్రతి ఆదివారం పాటించమని పరమేశ్వరుడు సూర్యాష్టకంలో చెప్పాడు.
శ్రీ రామచంద్రుడంతటి వ్యక్తి రావణుడిపై గెలుపుకోసం సూర్యభగవానుడిని ఆరాధించాడు. ఎవరైతే ప్రతిరోజూ సూర్యోదయ సమయంలో సూర్యనమస్కారాలు చేస్తారో వారికి అన్నింటి విజయం కలుగుతుంది
ఇక భానుసప్తమి విశిష్టత, పూజా విధానం తెలుసుకుందాం!
ఆదివారం సప్తమి తిథి కలిసివచ్చినప్పుడు భానుసప్తమి అవుతుంది. దీనిని విజయ సప్తమి, కల్యాణ సప్తమి అని కూడా పిలుస్తారు. ఈ రోజు సూర్యారాధన చేయడం వల్ల సాధారణ ఆదివారాల కన్నా రెట్టింపు ఫలితం లభిస్తుందని శాస్త్రాలు చెబుతున్నాయ్.
ఆరోగ్య ప్రదాత అయిన సూర్యుడికి ఈరోజు..అర్ఘ్యం సమర్పించి, జపం, దానం, దీపారాధన చేయాలి. ఈ నిమయాలు పాటించడం ద్వారా ఆరోగ్యం, ఐశ్వర్యం, సుఖ సంపదలు, ఉద్యోగంలో ప్రమోషన్, రాజకీయాల్లో పదవులు, దీర్ఘవ్యాధుల నుంచి ఉపశమనం లభిస్తుందని చెబుతారు.
భానుసప్తమి రోజు సూర్యుడిని పూజిస్తే..కుజదోషం, పితృదోషం కూడా తొలగిపోతుంది. ఈ రోజు నిర్వహించే హోమం అనంతకోటి ఫలితాలను ఇస్తుందని శాస్త్రవచనం
ఫిబ్రవరి 8 ఆదివారం రోజు సప్తమి తిథి సూర్యోదయం సమయం నుంచి సూర్యాస్తమయం వరకూ ఉంది. కాబట్టి సూర్యభగవానుడి పూజ ఎప్పుడు చేయాలని అనే సందేహం అవసరం లేదు
సూర్యభగవానుడి పూజ చేసేవారు అభ్యంగన స్నానం చేయరాదు..సాధారణ తలస్నానం చేయొచ్చు. సూర్యోదయానికి ముందే స్నానం ఆచరించాలి. తూర్పు దిక్కున తిరిగి కూర్చుని పూజ చేయాలి
భానుసప్తమి పూజా విధానం
సూర్యోదయ సమయంలో పసుపు కలిపిన నీటితో సూర్యుడికి అర్ఘ్యం ఇవ్వాలి
ఓం సవిత్రే నమః అనే మంత్రాన్ని 108 సార్లు జపించాలి
ఓం హ్రాం హ్రీం హ్రౌం సః సూర్యాయ నమః అనే మంత్రం కానీ..సూర్య గాయత్రి, ఆదిత్యహృదయ స్తోత్రం పఠించాలి
నేతిలో దీపం వెలిగించాలి..
దానం ఇవ్వాలి అనుకుంటే గోధుమలు, బియ్యం, పసుపు కుంకుమ, ఎరుపు బట్టలు, గంధం, ఫలాలు దానం చేయడం శుభం.
రోజంతా ఉపవాసం ఉండేవారు ఉండొచ్చు లేదంటే ఒకపూట భోజనం చేయొచ్చు
భాను సప్తమి రోజు 12సార్లు సూర్యనమస్కారాలు చేయడం ఫలవంతం
ఈ పూజను అత్యంత సులువుగా ఇంట్లోనే చేసుకోవచ్చు..
సూర్యభగవానుడి అనుగ్రహంతో మీకు ఆరోగ్యం, విజయం, సంపద కలగాలని కోరుకుంటూ
భానుసప్తమి శుభాకాంక్షలు
గమనిక: ఇక్కడ అందించిన సమాచారం కేవలం నమ్మకాలపై ఆధారపడి ఉంటుంది. పండితులు చెప్పిన వివరాలు, పంచాంగం నుంచి సేకరించి అందించిన వివరాలు ఇవి. వీటిని ఎంతవరకూ పరిగణలోకి తీసుకోవాలన్నది పూర్తిగా మీ వ్యక్తిగతం.
టాప్ హెడ్ లైన్స్
ట్రెండింగ్ వార్తలు
