Apara Ekadashi 2026: ఈ రోజు అపర ఏకాదశి - సాయంత్రం ఈ ప్రదేశాల్లో దీపం వెలిగిస్తే అద్భుతాలు జరుగుతాయి!

Jyeshtha Ekadashi Vrat 2026: జ్యేష్ఠ మాసం కృష్ణ పక్షంలోని 11వ రోజు అయిన మే 13వ తేదీన అపరా ఏకాదశి వ్రతం పాటిస్తున్నారు. ఈ రోజును పవిత్రంగా చేసుకోవడానికి సాయంత్రం ఈ ప్రదేశాలలో దీపాలు వెలిగించండి.

Apara Ekadashi 2026 Puja Vidhi in Telugu

Source : https://in.pinterest.com/pin/1102748658785730229/

Ekadashi Vrat 2026: అపరా ఏకాదశి హిందూ మతంలోని ప్రత్యేక ఏకాదశి తేదీలలో ఒకటి. ఇది జ్యేష్ఠ మాసంలోని కృష్ణ పక్షం ఏకాదశి రోజున వస్తుంది. అపరా ఏకాదశిని అచల ఏకాదశి అని కూడా పిలుస్తారు. అపరా ఏకాదశి వ్రతం ఆచరించడం వల్ల జీవితంలో అపారమైన ఆనందం , శ్రేయస్సు కలుగుతాయని నమ్ముతారు.

పంచాంగం ప్రకారం 2026 మే 13న అపర ఏకాదశి పాటిస్తున్నారు.  ఏకాదశి తిథి మే 12 మంగళవారం ఉదయం ప్రారంభమైంది.. మే 13 బుధవారం మధ్యాహ్నం లోపు ముగుస్తోంది. అయినప్పటికీ  సూర్యోదయ తిథి ప్రకారం మే 13 బుధవారమే అపరా ఏకాదశి వ్రతం పాటిస్తారు. ఏప్రిల్ 14వ తేదీన వ్రతం విరమిస్తారు. జైపూర్-జోధ్‌పూర్‌లోని పాల్ బాలాజీ జ్యోతిష్య సంస్థ డైరెక్టర్, ప్రఖ్యాత జ్యోతిష్కుడైన డాక్టర్ అనీష్ వ్యాస్ ప్రకారం , అపరా ఏకాదశి నాడు సూర్యోదయానికి ముందే స్నానం చేయడం, ఉపవాసం ఉండటం, విష్ణువును ప్రార్థించడం,  దానధర్మాలు చేయడం పుణ్యకార్యాలుగా పరిగణిస్తారు. ఈ ఏకాదశి నాడు సూర్యాస్తమయం తర్వాత నిర్దిష్ట ప్రదేశాలలో దీపాలు వెలిగించడం లక్ష్మీదేవి ఆశీస్సులను తెస్తుంది. అపరా ఏకాదశిని శుభప్రదంగా మార్చడానికి, సాయంత్రం కాగానే ఈ ప్రదేశాలలో తప్పకుండా దీపాలు వెలిగించండి. ఇది మీ ఇంటికి , కుటుంబానికి అదృష్టాన్ని సానుకూలతను తెస్తుంది.

లక్ష్మీ నారాయణ ప్రార్థన

అపరా ఏకాదశి రోజు సాయంకాల ప్రార్థనల సమయంలో, విష్ణుమూర్తి లక్ష్మీదేవి ముందు నెయ్యి దీపాన్ని వెలిగించండి. ప్రదోష కాలంలో వెలిగించిన ఈ దీపం మీ జీవితంలోకి ఆనందాన్ని తీసుకురాగలదు.

ప్రధాన ద్వారం 

ఏకాదశి రోజున సాయంత్రం మీ ఇంటి ప్రధాన ద్వారం వద్ద లేదా ఆవరణలో దీపం వెలిగించండి. ఇది ప్రతికూల శక్తిని తొలగించి, ఇంటికి శుభాన్ని చేకూరుస్తుంది.

తులసి దగ్గర 

ఏకాదశి రోజు సాయంత్రం తులసి దగ్గర దీపం వెలిగించడం చాలా శుభప్రదంగా భావిస్తారు. మీరు దీన్ని క్రమం తప్పకుండా కూడా చేయవచ్చు. దీనివల్ల లక్ష్మీదేవి మీ ఇంటికి వస్తుంది.

నది లేదా సరస్సు 

ఏకాదశి సాయంత్రం, పవిత్రమైన నది లేదా సరస్సు దగ్గర దీపం వెలిగించాలి. సమీపంలో నది లేదా సరస్సు లేకపోతే, బావి దగ్గర లేదా ఆలయ ప్రాంగణంలో దీపం వెలిగించవచ్చు. ఇది పితృదేవతల ఆశీర్వాదాలను అందించి, మోక్షానికి దారి తీస్తుంది.

దీపం వెలిగించడం వల్ల ఏం జరుగుతుంది?

పూజ సమయంలో దీపం వెలిగించడం చాలా శుభప్రదంగా భావిస్తారు. ఏకాదశి నాడు విష్ణుమూర్తి, లక్ష్మీదేవి ముందు దీపం వెలిగించడం ఆశీస్సులను తెస్తుంది.  

అపరా ఏకాదశి వ్రతం ఆచరిస్తే బ్రహ్మహత్య, అబద్ధ సాక్ష్యం, గురు నింద లాంటి పాపాలు తొలగిపోతాయని విష్ణు పురాణం చెబుతోంది. ఈ రోజు గంగాస్నానం, కాశీ యాత్ర, గోదానం చేస్తే అత్యంత పుణ్యఫలం. ఏకాదశి రోజు భక్తితో చేసే ఉపవాసం, విష్ణుధ్యానం ఆధ్యాత్మిక శాంతిని అందిస్తాయి. భవబంధనాల నుంచివిముక్తి కలిగించేందుకు ఏకాదశి ఉపవాసం శ్రేష్ఠమైనదిగా భావిస్తారు భక్తులు.  

గమనిక: ఇక్కడ అందించిన సమాచారం కేవలం నమ్మకాలపై ఆధారపడి ఉంటుంది. పండితులు చెప్పిన వివరాలు, ఆధ్యాత్మిక గ్రంధాల నుంచి సేకరించి అందించిన వివరాలు ఇవి. వీటిని ఎంతవరకూ పరిగణలోకి తీసుకోవాలన్నది పూర్తిగా మీ వ్యక్తిగతం. ఏదైనా సమాచారం లేదా నమ్మకాన్ని అమలు చేయడానికి ముందు సంబంధిత నిపుణుడిని సంప్రదించండి.

 

మరిన్ని చదవండి

జ్యేష్ఠ మాసంలో 4 ఏకాదశిలు! అపర, పద్మిని, పరమ, నిర్జల ఏకాదశి ఉపవాసాల తేదీలు తెలుసుకోండి!

కాశీలో 9 రాత్రులు నిద్ర చేయాలనడం వెనుకున్న ఆంతర్యం ఏంటి? వారణాసిలో ఆ 9 రోజులు ఏం చేయాలి?