ఈ సారి వస్తున్న రాఖీ పండుగ కొన్ని రాశులవారి దశ మార్చనుందట. 200 సంవత్సరాలకు ఒకసారి మాత్రమే వచ్చే అరుదైన గ్రహస్థితి వల్ల ఊహించని ఫలితాలు పొందుతారని పండితులు అంచనా వేస్తున్నారు. ఈ రాఖి పౌర్ణమి రోజున రవియోగంతో పాటు శతభిషా నక్షత్రంలో బుధయోగం కూడా ఏర్పడబోతోందట.


ఈ గ్రహస్థితి ప్రభావం కచ్చితంగా అన్ని రాశుల మీదా ఉంటుందట. ముఖ్యంగా మూడు రాశుల వారికి ఈ గ్రహస్థితి చాలా మేలు చేయనుందని పండితులు అంటున్నారు. ఈ మూడు రాశుల మీద లక్ష్మీ కరుణా కటాక్షం ఉండబోతుందని అంటున్నారు. వీరి వృత్తి, ఉద్యోగాల్లో చాలా మంచి పురోగతి ఉండబోతోందట. ఈ రాశులకు చెందిన వారి వ్యాపారాలు విస్తరించి గొప్ప స్థితికి చేరుకోబోతున్నారట. ఈ గ్రహస్థితి వారి జీవితంలో ఒక గొప్ప మలుపుకు కారణం అవుతుందని పండితులు చాలా కచ్చితంగా చెబుతున్నారు.


ఇప్పటి వరకు డబ్బు లేకపోవడం వల్ల ఆగిపోయిన పనులన్నీ పూర్తి చెయ్యగలుగుతారు. రక్షాబంధనం తర్వాత రోజు నుంచి మంచి మార్పులు కనిపిస్తాయి. ఇక రాబడికి ఎటువంటి లోటు ఉండదు. శని, గురు గ్రహాల శుభ దృష్టి వల్ల జీవితంలో గొప్ప గొప్ప అనుభవాలను సొంతం చేసుకోబోతున్నారు.


అంతేకాదు గురు, శని గ్రహాలు తమ తమ స్వస్థానాల్లో బలంగా ఉండడం వల్ల మూడు రాశుల వారికి అదృష్టం పట్టబోతోంది. అదృష్ట వంతులైన ఆమూడు రాశులు ఏవో ఇప్పుడు మనం తెలుసుకుందాం. 200 సంవత్సరాలకు ఒకసారి వచ్చే ఈ గ్రహస్థితి వల్ల యోగించే మూడు రాశులు ఇవే.


మిథున రాశి


చాలా అరుదుగా సంభవించే ఈ గ్రహస్థితి రాఖి పౌర్ణమి తర్వాత ఏర్పడబోతోంది. మిథున రాశి వారు ఇప్పటి వరకు అనుభవించిన ఆర్థిక సంక్షోభం నుంచి వీరికి విముక్తి లభిస్తుంది. వీరు ఆర్థికంగా స్థిరపడబోతున్నారు. కేవలం ఆర్థిక సంక్షోభాలు తొలగిపోవడం మాత్రమే కాదు వీరు డబ్బు పొదుపు కూడా చేస్తారు. డబ్బు లేక ఆగిపోయిన అన్ని పనులు ఒక్కొక్కటిగా విజయవంతంగా పూర్తి చేస్తారు. మిథున రాశి వారికి రాఖి పౌర్ణమి తర్వాత జీవితంలో గొప్ప మార్పులతో మంచి రోజులు ప్రారంభం అవుతాయని చెప్పవచ్చు.


సింహ రాశి


సింహరాశి వారికి రాఖీ పౌర్ణమి తర్వత మంచి రోజులు ప్రారంభం అవుతాయి. ఇప్పటి వరకు మూసుకున్న అన్ని దారులు తెరచుకుంటాయి. లక్ష్మీ కటాక్షం లభిస్తుంది. మీరు ఇప్పటి వరకు పెట్టిన పెట్టుబడులన్నీ కూడా చాలా మంచి ఫలితాలను ఇస్తాయి. అంతేకాదు అనారోగ్యాలన్నీ కుదుట పడి ఆరోగ్యవంతులు కూడా అవుతారు.


ధనస్సు రాశి


ధనస్సు రాశి వారికి రాఖీ పౌర్ణమి తర్వాత అదృష్టం పట్టబోతుంది. వీరి కేరీర్ లో ఉన్నత స్థానానికి చేరబోతున్నారు. ప్రమోషన్ల తో పాటు రాబడి కూడా పెరుగుతుంది. అంతేకాదు కొత్త సంపాదన మార్గాలు కూడా దొరకుతాయి. మీరు, మీ కుటుంబంతో ఆనందంగా సమయం గడుపుతారు. దంపతుల మధ్య అనుబంధం బలపడుతుంది. దాంపత్య బంధం మధురంగా ఉంటుంది.


Also read : నిద్రకూ ఉన్నాయి వాస్తు నియమాలు - ఇలా చేస్తే మీ జీవితానికి కలిగే మేలు ఇదే!


Disclaimer: ఇక్కడ అందించిన సమాచారం కేవలం మత విశ్వాసాల మీద ఆధారపడి సేకరించింది మాత్రమే. దీనికి సంబంధించిన శాస్త్రీయ ఆధారాలకు సంబంధించి ‘ఏబీపీ దేశం’ ఎలాంటి భాధ్యత తీసుకోదు. ఈ సమాచారాన్ని పరిగణనలోకి తీసుకునే ముందు పండితులను సంప్రదించి పూర్తి వివరాలు తెలుసుకోగలరు. ‘ఏబీపీ దేశం’, ‘ఏబీపీ నెట్‌వర్క్’ ఈ విషయాలను దృవీకరించడం లేదని గమనించలరు.


ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.


Join Us on Telegram: https://t.me/abpdesamofficial