Vijay Politics: నెంబర్ గేమ్ పాలిటిక్స్లో విజయ్ బోల్తా - సేఫ్గా ఉండాలంటే అన్నాడీఎంకేతో పొత్తే బెటర్ - ఏం చేయబోతున్నారు?
Tamilnadu TVK: విజయ్ పవర్ పాలిటిక్స్ కు కొత్త. పూర్తి మెజార్టీ రాకపోవడం అనే క్లిష్ట పరిస్థితి వచ్చింది. చిన్న పార్టీల మద్దతు తీసుకున్నా.. రోజూ టెన్షన్ తోనే పాలన చేయాల్సి ఉంటుంది.
Vijay fail in number game politics: టీవీకే విజయ్ పవర్ పాలిటిక్స్ కు కొత్త. ఆరంభంలోనే ఆయనకు ప్రజల తీర్పు వచ్చినా.. పూర్తి మెజార్టీ రాకపోవడం అనే క్లిష్ట పరిస్థితి వచ్చింది. తాను సింగల్ అని చెప్పుకుని సీట్లు తెచ్చుకున్న తర్వాత పది సీట్ల కోసం చిన్నా, చితకా పార్టీలను బతిమాలుకోవడం ఆయనకు ఇబ్బందికరమే.. ఒక వేళ వారు మద్దతిచ్చినా తాత్కాలికంగా గట్టెక్కగలరు. ఆరు నెలల్లో మళ్లీ సమస్యలు వస్తాయి. ఆయన గ్రాఫ్ పడిపోయిందని అనుకున్న మరుక్షణం.. ఆ చిన్నా చితకా పార్టీలన్నీ మళ్లీ డీఎంకే వద్దకు చేరిపోతాయి. ఎందుకంటే ఇప్పుడు వారు డీఎంకే కూటమిలో ఉన్నారు. డీఎంకే సూచనలతోనే విజయ్ కూటమిలోకి వస్తున్నారు. అందుకే విజయ్ ఇలాంటి పొత్తులను .. నెంబర్స్ ను నమ్ముకుని ప్రభుత్వాన్ని ఏర్పాటు చేస్తే అనేక సమస్యలు వస్తాయి. అందుకే స్థిరమైన ప్రభుత్వాన్ని ఏర్పాటు చేయాలంటే.. డీఎంకేతో కలిసి వెళ్లడమే విజయ్కు అత్యంత సురక్షితం.
విజయ్ ముందున్న రాజ్యాంగ సవాల్!
తమిళనాడులో ప్రస్తుతం నెలకొన్న అనిశ్చితికి ప్రధాన కారణం నెంబర్స్. విజయ్ తన పార్టీ ఒంటరిగా పోటీ చేసి 108 సీట్లు సాధించినప్పటికీ, ప్రభుత్వాన్ని నిలబెట్టుకోవడానికి మరో 11 మంది ఎమ్మెల్యేల మద్దతు అనివార్యం. కేవలం పది సీట్ల కోసం చిన్నా చితకా పార్టీలను, స్వతంత్రులను ఆశ్రయించడం విజయ్ ప్రతిష్టకు భంగం కలిగించే అంశమం. ఈ పార్టీలు ఏ క్షణమైనా తమ మద్దతును ఉపసంహరించుకునే ప్రమాదం ఉండటంతో, విజయ్ ప్రభుత్వం ఒక వేలాడే కత్తి కింద ఉన్నట్లే. ప్రస్తుతం విజయ్ కూటమిలోకి రావాలని భావిస్తున్న కొన్ని చిన్న పార్టీలు అధికారికంగా డీఎంకే కూటమిలో భాగస్వాములుగా ఉన్నాయి. స్టాలిన్ ప్రభుత్వం పట్ల సానుకూలంగా ఉంటూనే, విజయ్కు మద్దతు పలకడం వెనుక డీఎంకే వ్యూహం ఉందనే ప్రచారం జరుగుతోంది. విజయ్ ప్రభుత్వాన్ని ఏర్పాటు చేసినా, ఈ పార్టీల ద్వారా రిమోట్ కంట్రోల్ డీఎంకే చేతిలోనే ఉండే అవకాశం ఉంది. ఒకవేళ విజయ్ గ్రాఫ్ తగ్గుతోందని భావిస్తే, ఈ పార్టీలన్నీ మళ్లీ డీఎంకే గూటికి చేరిపోవడం ఖాయం. ఇది విజయ్ను రాజకీయంగా మరింత బలహీనపరిచే ప్రమాదం ఉంది.
సుస్థిరత కోసమే అన్నా ఎంకేతో దోస్తీ?
విజయ్ రాజకీయాల్లో తన అస్థిత్వాన్ని కాపాడుకోవాలంటే ప్రస్తుతానికి అన్నాడీఎంకేతో కలిసి వెళ్లడమే అత్యంత సురక్షితమైన మార్గం. అన్నాడీఎంకే వంటి బలమైన యంత్రాంగం ఉన్న పార్టీ మద్దతు ఉంటేనే విజయ్ తన ఐదేళ్ల పాలనను ప్రశాంతంగా పూర్తి చేయగలరు. చిన్న పార్టీలపై ఆధారపడితే ప్రతి ఆరు నెలలకోసారి రిసార్ట్ రాజకీయాలు , విశ్వాస తీర్మానాలు' వంటి ఇబ్బందులు తప్పవు. కొత్తగా రాజకీయాల్లోకి వచ్చిన విజయ్కు ఇలాంటి అస్థిరమైన పరిస్థితులు ఆయన భవిష్యత్తుకు చేటు చేస్తాయని రాజకీయ విశ్లేషకులు హెచ్చరిస్తున్నారు. తాను సింగిల్ గానే వస్తానని, మార్పు తెస్తానని విజయ్ ప్రజలకు హామీ ఇచ్చారు. ఇప్పుడు అన్నా డీఎంకే వంటి పార్టీలతో రాజీ పడటం ఆయన ఇమేజ్ను దెబ్బతీస్తుందనే భయం ఆయనలో ఉంది. అయితే, పాలిటిక్స్ లో ప్రతిష్ట కంటే ప్రాక్టికాలిటీ ముఖ్యమని విశ్లేషకులు గుర్తు చేస్తున్నారు. మెజార్టీ లేని స్థితిలో ప్రభుత్వం ఏర్పాటు చేయడం కంటే, బలమైన కూటమిని నిర్మించుకోవడం విజయ్కు శ్రేయస్కరం. అలా కాకుండా పది సీట్ల కోసం వెంపర్లాడితే, చివరికి ఆ ఆరుగురు ఎమ్మెల్యేల డైరక్షన్ లో పాలన చేయాల్సి వస్తుంది.
విజయ్ తేల్చుకోవాల్సిన సమయం
తమిళనాడు రాజకీయాలు ఒక సంధి కాలంలో ఉన్నాయి. విజయ్ ఇతర చిన్న పార్టీలను నమ్ముకుని అస్థిరమైన ప్రభుత్వాన్ని నడిపిస్తారా? లేక అన్నాడీఎంకేతో వ్యూహాత్మక ఒప్పందం కుదుర్చుకుని సుస్థిరమైన పాలన అందిస్తారా? అన్నదే ఇప్పుడు ప్రధాన ప్రశ్న. అన్నాడీఎంకేతో దోస్తీ విజయ్ రాజకీయ ఆశయాలకు విరుద్ధం కావొచ్చు కానీ, ప్రస్తుత సంఖ్యా బలం ప్రకారం అదే ఆయనకు రాజకీయ కవచం అనేది ఎక్కువ మంది అభిప్రాయం.
Before You Go
Telangana Politics: మరో స్థాయికి వెళ్లిన బూతుల పంచాయతీ.. కంట్రోల్ తప్పిన పొలిటీషియన్స్
టాప్ హెడ్ లైన్స్
ట్రెండింగ్ వార్తలు
