InPics: చివరి రోజు ఆటకు వర్షం అడ్డంకి... భారత్ X ఇంగ్లాండ్ మధ్య తొలి టెస్టు డ్రా
ప్రపంచ టెస్టు ఛాంపియన్షిఫ్ తొలి టెస్టు విజయంతో మొదలుపెట్టాలనుకున్న కోహ్లీ సేనకు నిరాశే ఎదురైంది. భారత్Xఇంగ్లాండ్ మధ్య తొలి టెస్టు చివరి రోజు ఆటకు వర్షం అడ్డంకిగా మారింది. దీంతో తొలి టెస్టు డ్రాగా ముగిసింది.
తొలి ఇన్నింగ్స్లో ఇంగ్లాండ్ 183 పరుగులకు ఆలౌట్ కాగా.. భారత్ 278 పరుగులు చేసింది. రెండో ఇన్నింగ్స్లో ఇంగ్లాండ్ 303 పరుగులు సాధించింది.
ఈ మ్యాచ్లో భారత బౌలర్ బుమ్రా 9 వికెట్లు పడగొట్టడం విశేషం.
మ్యాచ్లో చివరి రోజైన ఆదివారం వర్షం కారణంగా కనీసం ఒక బంతి కూడా పడలేదు. దాంతో.. మ్యాచ్ డ్రాగా ముగిసింది. 9 వికెట్లు చేతిలో ఉన్న భారత్ జట్టు కనీసం రెండు సెషన్ల ఆట సాధ్యమైనా గెలిచే అవకాశం ఉండేది.
ఈ టెస్టులో కెప్టెన్ విరాట్ కోహ్లీ టెస్టుల్లో చెత్త రికార్డ్ నమోదు చేశాడు. తొలి ఇన్నింగ్స్లో గోల్డెన్ డక్గా వెనుదిరిగిన కోహ్లీ.. టెస్టు క్రికెట్లో అత్యధిక సార్లు డకౌటైన భారత కెప్టెన్గా రికార్డుల్లో నిలిచాడు.
రూట్కు ‘మ్యాన్ ఆఫ్ ద మ్యాచ్’ అవార్డు దక్కింది. ప్రపంచ టెస్టు ఛాంపియన్షిప్ కొత్త పాయింట్ల విధానం ప్రకారం భారత్, ఇంగ్లాండ్ జట్లకు చెరో నాలుగు పాయింట్లు లభించాయి.
టెస్టు క్రికెట్ చరిత్రలో 2 వేల పరుగులు, 200 వికెట్లు తీసిన ఐదో భారత ఆల్రౌండర్గా రవీంద్ర జడేజా ఈ టెస్టు ద్వారా రికార్డుల్లో నిలిచాడు.
5టెస్టు మ్యాచ్ల సిరీస్లో రెండో టెస్టు ఈ నెల 12న లార్డ్స్లో ఆరంభమవుతుంది.