West Indies vs Australia : ఆస్ట్రేలియాతో జరిగిన టెస్టు మ్యాచ్‌లో 27 పరుగులకే వెస్ట్‌ ఇండీస్ ఆలౌట్‌! భారత్ గాయాన్ని రేపిన ఆసిస్‌

West Indies vs Australia : వెస్టిండీస్ ఆస్ట్రేలియా మధ్య జరిగిన మ్యాచ్‌లో 27 పరుగులు మాత్రమే చేసింది. టెస్ట్ చరిత్రలో ఇది రెండో అత్యల్ప స్కోరు. భారత్ అత్యల్ప స్కోరు 2020 లో నమోదైంది.

ఆస్ట్రేలియాతో జరిగిన మ్యాచ్‌లో 27 పరుగులకు ఆలౌట్ అయిన వెస్టిండీస్

ఆస్ట్రేలియా- వెస్టిండీస్ మధ్య మూడు మ్యాచ్‌ల టెస్ట్ సిరీస్‌లో మూడో మ్యాచ్ జమైకాలో జరిగింది. ఈ మ్యాచ్‌లో వెస్టిండీస్ ఒక చెడు రికార్డును నమోదు చేసింది. వారు కేవలం 27 పరుగులకే ఆలౌట్ అయ్యారు. ఇక్కడ టెస్ట్ క్రికెట్‌లో భారత జట్టు అత్యల్ప స్కోరు ఎంత ఉందో చూడండి

వెస్టిండీస్ మూడో రోజున 204 పరుగుల లక్ష్యాన్ని ఛేదించేందుకు బరిలో దిగింది. కాని వెస్టిండీస్ కేవలం 27 పరుగులకే కుప్పకూలింది. ఇది టెస్ట్ క్రికెట్ చరిత్రలో రెండో అత్యల్ప స్కోరు. వెస్టిండీస్ ఈ మ్యాచ్‌ను176 పరుగుల తేడాతో ఓడిపోయింది.

వెస్టిండీస్ ఇంత తక్కువ స్కోరుకు ఆలౌట్ అవ్వడంలో మిచెల్ స్టార్క్ ప్రధాన పాత్ర పోషించాడు. స్టార్క్ వెస్టిండీస్‌పై విజృంభించాడు. స్టార్క్ 7.3 ఓవర్లు బౌలింగ్ చేసి కేవలం 9 పరుగులు ఇచ్చి 6 వికెట్లు పడగొట్టాడు.

భారత టెస్ట్ క్రికెట్‌లో అత్యల్ప స్కోరు విషయానికి వస్తే, అది 2020 లో ఆస్ట్రేలియాపైనే నమోదైంది. ఆ టైంలో భారత జట్టుకు దిగ్గజ ఆటగాడు విరాట్ కోహ్లీ కెప్టెన్ గా ఉన్నారు.

భారత జట్టు సిరీస్ మొదటి మ్యాచ్‌లో అడిలైడ్ మైదానంలో రెండో ఇన్నింగ్స్‌లో కేవలం 36 పరుగులు మాత్రమే చేసి ఆలౌట్ అయింది. ఆస్ట్రేలియా తరపున జోష్ హేజిల్వుడ్ 5 వికెట్లు, పాట్ కమ్మిన్స్ నాలుగు వికెట్లు తీసుకున్నారు.

భారత జట్టు సిరీస్ మొదటి మ్యాచ్‌లో ఓడిపోయింది. కానీ భారత జట్టు ఈ సిరీస్‌లో చరిత్ర సృష్టించింది. భారత జట్టు ఆస్ట్రేలియాను వారి సొంత గడ్డపై 2-1 తేడాతో సిరీస్‌లో ఓడించింది.