పాడ్యమి నుంచి పౌర్ణమి, అమావాస్య వరకూ.. ఏ తిథి మంచిది? ఏ తిథి మంచిది కాదు?

పాడ్యమి నుంచి పౌర్ణమి 15 రోజులు.. పాడ్యమి నుంచి అమావాస్య 15 రోజులు.. మొత్తం నెల రోజులు. తిథులు మొత్తం పాడ్యమి నుంచి చతుర్థశి వరకూ 14.. పౌర్ణమి, అమావాస్యతో కలపి 16

ఈ తిథుల్లో పాడ్యమి మొదటి సగం మంచిది కాదు రెండో సగం ఏపని అయినా ప్రారంభించవచ్చు. విదియ, తదియ మంచి తిథులు. చవితి తిథి మంచిదే..అయితే ఈ తిథి కూడా పాడ్యమిలా ఫస్టాఫ్ కన్నా సెకెండాఫ్ మంచిది

పంచమి తిథిలో ఏ పనిచేసినా కలిసొస్తుంది, షష్టి తిథిలో ఏ పనీ ప్రారంభించకపోవడమే మంచిది. విద్యకు సంబంధించిన విషయాలకు సప్తమి తిథి మంచిది

అష్టమి తిథి రోజు ఏం చేసినా అష్టకష్టాలు తప్పవంటారు. నవమి తిథి కూడా అంతే..రాముడికే తిప్పలు తప్పలేదు

దశమి రోజు ఏ పని చేసినా విజయమే... ఏకాదశి రోజు పది పనులు ప్రారంభిస్తే ఒకటి పూర్తవుతుందంటారు - ఈ రోజు దాన ధర్మాలకు మంచిది

ద్వాదశి ప్రయాణాలకు మంచిది, త్రయోదశి తిథి విజయాన్నిస్తుంది. చతుర్థశి తిథి దేనికీ కలసి రాదు

పౌర్ణమి అన్నింటికీ శుభమే... అమావాస్య రోజు కొత్తగా ఏ పనీ ప్రారంభించకపోవడమే మంచిది. కొన్ని తిథులు మంచివి కాకపోయినా తారాబలం బావుంటే ఏదైనా కార్యాన్ని తలపెట్టవచ్చు