Dhanteras 2025:దీపావళికి ముందు ధనత్రయోదశి ఎందుకు? పురాణ ప్రాముఖ్యత తెలుసుకోండి!

ధంతేరస్ 2025: దీపావళికి రెండు రోజుల ముందు ధంతేరస్ జరుపుకుంటారు. ఇది దీపావళి ప్రారంభానికి గుర్తు. కార్తీక మాసంలో వస్తుంది.

Dhanteras 2025

పురాణాల ప్రకారం ధనత్రయోదశి రోజున క్షీరసాగర మథనం సమయంలో ధన్వంతరి భగవానుడు అమృత కలశంతో అవతరించాడని నమ్ముతారు. అందుకే ఈ రోజును ధనత్రయోదశి అని కూడా అంటారు. ధనత్రయోదశి సంపద ..ఆరోగ్యానికి సంబంధించినది.

ధన్వంతరిని వైద్యం , ఆయుర్వేదం దేవుడిగా భావిస్తారు. విష్ణువు అంశావతారంగా కూడా పిలుస్తారు. వైద్య విజ్ఞానాన్ని ప్రచారం చేయడానికి వ్యాప్తి చేయడానికి ఆయన అవతరించారని నమ్ముతారు.

ధనత్రయోదశి నుంచే దీపావళి ఐదు రోజుల వేడుక ప్రారంభమవుతుంది. ఈ ఏడాది అక్టోబర్ 18 శనివారం ధనత్రయోదశి వచ్చింది..

ఈ రోజున ప్రజలు కొత్త పాత్రలు, బంగారం, వెండి , ఇతర శుభ వస్తువులను కొనుగోలు చేస్తారు, దీనివల్ల ఇంట్లో ఆనందం పెరుగుతుందని నమ్మకం

ధనత్రయోదశిని ఉత్తర పశ్చిమ భారతదేశంలో చాలా ఉత్సాహంగా జరుపుకుంటారు. ఇది కేవలం బంగారం కొనడం లేదా లక్ష్మీ పూజ చేసుకోవడం వరకే పరిమితం కాదు, చాలా వ్యాపార వర్గాలకు ఇది కొత్త ఆర్థిక సంవత్సరం ప్రారంభం రోజు. చాలా మంది ఈ రోజున కొత్త వ్యాపారాలు కూడా ప్రారంభిస్తారు లేదా పెద్ద కొనుగోళ్లు చేస్తారు.

ధనత్రయోదశి పండుగ ధన్వంతరి భగవానుడు అవతరించిన సందర్భంగా జరుపుకుంటారు. ఈ రోజు ధనం సంపదకు అధిపతి అయిన కుబేరుడిని పూజిస్తే ఆర్థిక సమస్యలు తీరిపోతాయని నమ్మకం