రావి చెట్టు రహస్యం: రావిచెట్టుకి ఎందుకు పూజ చేయాలి, ఇతర చెట్లకి దీనికి ఏంటి వ్యత్యాసం?
భగవద్గీతలో భగవాన్ శ్రీకృష్ణుడు అన్ని చెట్లలో నేను అశ్వత్థ రూపంలో ఉన్నాను అని చెప్పారు. అశ్వత్థ అనేది సంస్కృత పదం, దీని అర్థం రావి చెట్టు.
సనాతన ధర్మం ప్రకారం, రావి చెట్టు చాలా ఉపయోగకరమైనది. దీని వేళ్ళలో బ్రహ్మదేవుడు ఉంటాడు. కొమ్మలలో శ్రీహరి , ఆకులలో శివుడు ఉంటారు.
త్రిమూర్తులు కొలువై ఉండడం వల్ల రావిచెట్టు పూజ్యనీయమైనది. రావి చెట్టును నరకడం పాపంగా పరిగణిస్తారు
రావి చెట్టు ఇతర చెట్ల కంటే ఎక్కువ ఆక్సిజన్ అందిస్తుంది. ఇది మనకు మన పరిసరాలకు చాలా అవసరం. రావి చెట్టును ఆయుర్వేదంలో మందులు తయారు చేయడానికి ఉపయోగిస్తారు.
రావి చెట్టు చుట్టూ రోజూ 7 ప్రదక్షిణలు చేయాలి. దీనితో పాటు నీరు సమర్పించాలి. ప్రదక్షిణలు చేసేటప్పుడు 'ఓం నమో భగవతే వాసుదేవాయ' మంత్రాన్ని జపించండి.
ఏదైనా కారణం చేత మీరు దీన్ని ప్రతిరోజూ చేయలేకపోతే, గురువారం, శనివారం, అమావాస్య రోజులలో తప్పకుండా చేయండి.