Gold Ornaments : పెళ్లికోసం 24 క్యారెట్ల బంగారంతో ఆభరణాలు చేయించుకోవచ్చా? మంచిదేనా?
24 క్యారెట్ల బంగారంతో జ్యూవెలరీ చేయించుకోవడం కష్టం. ఎందుకంటే దీనితో చేసిన ఆభరణాలు చాలా మృదువుగా ఉంటాయి. కాబట్టి రోజువారీ వాడేందుకు మంచిది కాదు.
అందుకే ఆభరణాలు తయారు చేయడానికి 22 క్యారెట్ల బంగారం ఉపయోగిస్తారు. ఇందులో 91.6% బంగారం, 8.4% వెండి, రాగి లేదా పల్లాడియం ఉంటుంది.
అదేవిధంగా, 18 క్యారెట్ల బంగారం కూడా జ్యూవెలరీ చేసేందుకు ఉపయోగిస్తారు. ఇందులో 75% బంగారం, 25% ఇతర లోహాలు ఉంటాయి. ఇది 22 క్యారెట్ల బంగారం కంటే ఎక్కువ మన్నికైనది.
బంగారాన్ని వంచడానికి, గుంతలు లేకుండా జ్యూవెలరీ చేసేందుకు దానిలో రాగి, వెండి, పల్లాడియంను కలుపుతారు.
స్వచ్ఛమైన 24 క్యారెట్ల బంగారంతో చేసిన డిజైన్లు చాలా మృదువుగా ఉంటాయి. ఇందులో వివిధ లోహాలను కలిపి బంగారాన్ని సాగేలా చేయవచ్చు. దీనివల్ల సంక్లిష్టమైన డిజైన్ కూడా ఈజీ అవుతుంది.
24 క్యారెట్ల బంగారం పెట్టుబడికి ఉత్తమమైనది. ఆభరణాల కోసం కాదు. 24 క్యారెట్ల బంగారం గోల్డ్ బార్స్, నాణేలు, బులియన్ తీసుకోవచ్చు.