Nikhil Next Movie:'18 పేజెస్', 'కార్తికేయ 2' తర్వాత నిఖిల్ సిద్దార్థ్ కొత్త సినిమా ప్రారంభం..

యంగ్ హీరో నిఖిల్-దర్శకుడిగా మెగా ఫోన్ పట్టిన ఎడిటర్ గ్యారీ కాంబినేషన్లో కొత్త ప్రాజెక్ట్ హైదరాబాద్ లో అధికారికంగా ప్రారంభమైంది. ఇందులో భాగంగా నిర్వహించిన పూజా కార్యక్రమానికి జెమిని కిరణ్, శ్రీకాంత్ అడ్డాల, శరత్ మరార్ కి ముఖ్య అతిథులుగా హాజరయ్యారు.

ఈ సినిమాలో నిఖిల్ సరసన ఐశ్వర్య మీనన్ హీరోయిన్. యాక్షన్ ఎంటర్ టైనర్ గా తెరకెక్కుతోన్న ఈ సినిమాకి ఇంకా పేరు నిర్ణయించలేదు. నిర్మాత రాజ శేఖర్ రెడ్డి క్లాప్‌ కొట్టగా ఆయన పిల్లలు ఇషాన్వి, ధృవ్ ముహూర్తం షాట్ కోసం కెమెరా స్విచ్ ఆన్ చేశారు.

ప్రస్తుతం నిఖిల్ 18 పేజెస్, కార్తికేయ 2 సినిమాతో బిజీగా ఉన్నాడు. ఈ రెండు సినిమాలు వచ్చే ఏడాది విడుదల కానున్నాయి. ఈ రోజు పూజా కార్యక్రమాలు జరుపుకున్న ఈ సినిమా కూడా వచ్చే ఏడాది విడుదలకానుంది.

రెడ్ సినిమాస్‌తో పాటు ఇడి ఎంటర్‌టైన్‌మెంట్స్ నిర్మిస్తోన్న ఈ మూవీకి ఈ శ్రీచరణ్ పాకాల సంగీత దర్శకుడు.