Neha Shetty: లెహంగాలో మెరిసిన నేహా శెట్టి - డ్రీమ్స్ కోసం పరుగులు పెడుతున్నానంటూ ఇంట్రెస్టింగ్ పోస్ట్
Neha Shetty Traditional Look:'డీజే టిల్లు' కంటే ముందు నేహా శెట్టి తెలుగులో పలు సినిమాలు చేసింది. ఆమెను గుర్తింపు ఇచ్చింది మాత్రం 'డిజే టిల్లు'నే. ఇందులో ఆమె చేసిన రాధిక పాత్రతో సెన్సేషన్ అయ్యింది.
రాత్రికిరాత్రే స్టార్డమ్ తెచ్చింది. ఈ సినిమాలో ఆమెకు వచ్చిన పాపులారిటీతో ఇక మోస్ట్ వాంటెడ్ హీరోయిన్ అవుతుందనున్నారు.
ఇక వరుస ఆఫర్స్తో బిజీ అవుతుందనుకుంటే అందుకు భిన్నంగా ఆమె కెరీర్ సాగుతుంది. డీజే టిల్లు వచ్చి రెండేళ్లు అవుతుంది. కానీ ఈ చిత్రం తర్వాత ఆమె నటించింది మూడు సినిమాలే.
'బెదురులంక 2012', 'రూల్స్ రంజన్', 'గ్యాంగ్స్ ఆఫ్ గోదావరి'. ఇందులో గ్యాంగ్స్ ఆఫ్ గోదావరి రిలీజ్ కావాల్సి ఉండగా ఆ ముందు సినిమాలు ఆమెకు ఆశించిన విజయం ఇవ్వలేకపోయాయి.
అయితే మరోవైపు ఈ బ్యూటీ షాపింగ్ మాల్స్ ప్రారంభోత్సవాలు, రెస్టారెంట్ ఓపెనింగ్స్కి స్పెషల్ గెస్ట్గా హజరవుతూ సందడి చేస్తుంది. మరోవైపు సోషల్ మీడియాలోనూ తన లేటెస్ట్ లుక్, గ్లామరస్ ఫోటోలు షేర్ చేస్తూ నెటిజన్లను ఆకట్టుకుంటుంది.
తాజాగా ఈ బ్యూటీ లెహంగాలో ఆకట్టుకుంటుంది. దీనికి 'హై హీల్స్, లెహంగాలో డ్రీమ్స్ కోసం పరుగులు పెడుతున్నా' అంటూ ఆసక్తికర క్యాప్షన్ ఇచ్చింది. ప్రస్తుతం ఆమె ఫోటోలు నెటిజన్లను బాగా ఆకట్టుకుంటున్నాయి.