Karthikeya 2: ‘కార్తికేయ 2’లో కథను నడిపించే కీలక పాత్రలు ఇవేనట!

హీరో నిఖిల్, దర్శకుడు చందు మొండేటి కాంబినేషన్‌లో వస్తున్న మరో చిత్రం ‘కార్తికేయ 2’. వీరి కాంబినేషన్‌లో ఇదివరకు విడుదలైన ‘కార్తికేయ’ సినిమా ఎంతటి ఘన విజయం సాధించిందో తెలిసిందే. ‘కార్తికేయ-2’లో అనుపమా పరమేశ్వరన్ కథానాయిక. ఇటీవలే ఈ సినిమా ఫస్ట్ లుక్, మోషన్ పోస్టర్‌ను విడుదల చేశారు. ‘సముద్రం దాచుకున్న అతి పెద్ద సహస్యం ఈ ద్వారకా నగరం’ అంటూ నిఖిల్ చెప్పిన డైలాగ్‌తో.. ఆకాశంలో మెరుపులు - ఉరుములు... పక్షులు... మధ్యలో వెళ్తున్న పడవలో నిఖిల్, అనుపమ, శ్రీనివాసరెడ్డి నిలబడి ఆశ్చర్యంగా చూస్తున్నట్లుగా ఫస్ట్ లుక్ ఉంటుంది. ఈ చిత్రాన్ని పీపుల్స్ మీడియా ఫ్యాక్టరీ, అభిషేక్ అగ‌ర్వాల్ ఆర్ట్స్ పతాకాలపై టీజీ విశ్వప్రసాద్, అభిషేక్ అగ‌ర్వాల్ సంయుక్తంగా నిర్మిస్తున్నారు. బాలీవుడ్ నటుడు అనుపమ్ ఖేర్ కీలక పాత్రలో నటిస్తున్నారు. జూలై 22న ప్రపంచవ్యాప్తంగా తెలుగు, తమిళ, కన్నడ, మలయాళం, హిందీ భాషల్లో ఈ సినిమాను విడుదల కానుంది. ఈ నేపథ్యంలో శుక్రవారం ఈ సినిమా నుంచి మరో అప్‌డేట్ వచ్చింది. ఈ సినిమాలో వివిధ పాత్రలను ప్రేక్షకులను పరిచయం చేస్తూ మరికొన్ని పోస్టర్స్‌ను విడుదల చేశారు. ఎవరెవరు ఏయే పాత్రల్లో కనిపించనున్నారో ఇక్కడ చూసేయండి.

ధన్వంత్రిగా అనుపమ్ ఖేర్

ముగ్దాగా అనుపమా పరమేశ్వరన్

సదానందగా శ్రీనివాస రెడ్డి

కార్తికేయగా నిఖిల్

శాంతానుగా ఆదిత్య మీనన్

సులేమాన్‌గా హర్ష

ఇవే.. ‘కార్తికేయ 2’ టీమ్ రిలీజ్ చేసిన ఆ ఆరు కీలక పాత్రలు