This Week Theatrical Releases : పెద్ది తర్వాత వారం థియేటర్లలో చిన్న సినిమాల సందడి - ఈ మూవీస్ డోంట్ మిస్

This Week Movies : గత వారం రిలీజైన పెద్ది బాక్సాఫీస్ వద్ద సంచలన విజయం సాధించింది. మరి ఈ వారం థియేటర్లలో చిన్న సినిమాలు సందడి చేయనున్నాయి.

ఈ వారం థియేట్రికల్ రిలీజెస్

94 ఏళ్ల వయసులో లెజెండరీ డైరెక్టర్ సింగీతం శ్రీనివాసరావు దర్శకత్వంలో రాబోతోన్న మూవీ సింగ్ గీతం. వైజయంతి మూవీస్ బ్యానర్‌పై నాగ్ అశ్విన్ ఈ సినిమాను నిర్మించారు. అయాన్, అహల్య, శాలిని ప్రధాన పాత్రలు పోషించారు. జూన్ 11న సినిమా ప్రేక్షకుల ముందుకు రానుంది.

బాలీవుడ్ హీరోయిన్ కంగనా రనౌత్ ప్రధాన పాత్ర పోషించిన లేటెస్ట్ మూవీ 'భారత్ భాగ్య విధాత'. మనోజ్ తపాడియా దర్శకత్వం వహించిన ఈ సినిమా జూన్ 12న ప్రేక్షకుల ముందుకు రానుంది. ఇందులో కంగనా నర్సు పాత్రలో కనిపించనున్నారు.

ఫేమస్ సింగర్ సునీత తనయుడు ఆకాశ్ గోపరాజు హీరోగా నటించిన లేటెస్ట్ మూవీ కొత్త మలుపు. శివ వరప్రసాద్ కేశనకుర్తి దర్శకత్వం వహించిన ఈ సినిమాలో భైరవి అర్ధ్యా హీరోయిన్‌గా నటించారు. జూన్ 12 సినిమా థియేటర్లలోకి రానుంది.

వరలక్ష్మీ శరత్ కుమార్, నవీన్ చంద్ర, కృష్ణసాయి ప్రధాన పాత్రల్లో నటించిన మూవీ 'పోలీస్ కంప్లైంట్'. సంజీవ్ మేగోటి దర్శకత్వం వహించిన ఈ సినిమాను బాలకృష్ణ మహారాణా నిర్మించారు. జూన్ 12న సినిమా ప్రేక్షకుల ముందుకు రానుంది.