Samantha : ఏడాదికి రెండు మూవీస్ చేయాలి... కానీ - మా ఇంటి బంగారంపై సమంత రియాక్షన్

Samantha Reaction : మా ఇంటి బంగారంలో చీరలో ఫైట్స్, యాక్షన్ సీన్స్ కొంచెం కష్టంగా అనిపించిందని అన్నారు స్టార్ హీరోయిన్ సమంత. ప్రీ రిలీజ్ ఈవెంట్‌లో ఆమె ఇంట్రెస్టింగ్ కామెంట్స్ చేశారు.

ప్రీ రిలీజ్ ఈవెంట్‌లో సమంత స్పీచ్

మా ఇంటి బంగారం మూవీని టీం అంతా చాలా ప్రేమతో చేశామని చెప్పారు సమంత. నటిగా, నిర్మాతగా ఉండడం చాలా కష్టమని... అందరం కలిసి ఇష్టంగా వర్క్ చేయడం వల్లే ఈ సినిమా ఇంత బాగా వచ్చిందని అన్నారు.

సినిమాలో చీరలో ఫైట్స్ చేయడం చాలా కష్టంగా అనిపించిందని... యాక్షన్ సీన్స్ అన్నీ అలరిస్తాయని అన్నారు సామ్. ప్రతీ ఒక్కరూ అద్భుతంగా నటించారని చెప్పారు.

ఏడాదికి రెండు సినిమాలు చేయాలని... కానీ ఒక్క సినిమా మాత్రం చాలా బాగా చేశామని ప్రామిస్ చేశారు సమంత. తన సినిమా వచ్చి మూడేళ్లైనా అదే ప్రేమ చూపిస్తున్నారని.. తానేం చేశానో తనకు తెలియదని అన్నారు.

బాలీవుడ్‌లో చాలా మూవీస్ చేసినా... మా ఇంటి బంగారానికి వస్తున్న రెస్పాన్స్ ఎక్కడా చూడలేదని చెప్పారు సమంత భర్త రాజ్ నిడిమోరు. మా అమ్మ కాలేజీ దగ్గర హోర్డింగ్స్ పెట్టారని... ఫస్ట్ టైం ఇంత హడావిడి చూస్తున్నట్లు తెలిపారు.

నందిని రెడ్డి దర్శకత్వంలో సమంత ప్రధాన పాత్రలో నటించిన మా ఇంటి బంగారంలో శ్రీముఖి, దిగంత్, గుల్షన్ దేవయ్య, సీనియర్ నటి గౌతమి, మంజుషా తదితరులు కీలకపాత్రలు పోషించారు. జూన్ 19న సినిమా ప్రేక్షకుల ముందుకు రానుంది.