Ram Charan: సుకుమార్ కుమార్తె సుకృతి వేణికి గ్లోబల్ స్టార్ రామ్ చరణ్ కంగ్రాట్స్ - 'గాంధీ తాత చెట్టు' టీంకు ఉపాసన అభినందన

Sukriti Veni Bandreddi: క్రియేటివ్ జీనియస్ సుకుమార్ కుమార్తె సుకృతి వేణి బండ్రెడ్డి ప్రధాన పాత్రలో నటించిన 'గాంధీ తాత చెట్టు' చిత్ర బృందానికి రామ్ చరణ్ కూడా కంగ్రాట్స్ చెప్పారు. 

సుక్కు కుమార్తెకు గ్లోబల్ స్టార్ కంగ్రాట్స్

ప్రముఖ దర్శకుడు క్రియేటివ్ జీనియస్ సుకుమార్, తబితా సుకుమార్ దంపతుల కుమార్తె సుకృతి వేణి బండ్రెడ్డిని గ్లోబల్ స్టార్ రామ్ చరణ్, ప్రముఖ ఎంటర్ప్రెన్యూర్ ఉపాసన దంపతులు అభినందించారు. 

సుకృతి వేణి ప్రధాన పాత్రలో, ఆనంద్ చక్రపాణి మరొక పాత్రలో నటించిన సినిమా 'గాంధీ తాత చెట్టు'. శుక్రవారం థియేటర్లలో విడుదల అయింది. ఈ చిత్రానికి విమర్శకులతో పాటు ప్రేక్షకుల నుంచి ప్రశంసలు లభిస్తున్నాయి.

'గాంధీ తాత చెట్టు' సినిమా చూసిన సూపర్ స్టార్ మహేష్ బాబు సుకృతి వేణిని, చిత్ర బృందాన్ని అభినందించారు. ఇప్పుడు గ్లోబల్ స్టార్ రామ్ చరణ్ తన ఇంటికి 'గాంధీ తాత చెట్టు' చిత్ర బృందాన్ని ఆహ్వానించారు. 

సుకుమార్ సతీమణి తబితతో పాటు 'గాంధీ తాత చెట్టు' చిత్ర బృందం మెగాస్టార్ ఇంటికి వెళ్ళింది. వాళ్లతో కాసేపు రామ్ చరణ్, ఉపాసన దంపతులు సంభాషించారు. మంచి సినిమా తీశారంటూ అభినందించారు.

'గాంధీ తాత చెట్టు' చిత్ర బృందంతో రామ్ చరణ్, ఉపాసన దంపతులు