Friday Box Office: బాలీవుడ్ సినిమాలను బీట్ చేసిన 'పెద్ది'... కంగనా రనౌత్ కంటే రామ్ చరణ్ సినిమాకు ఎక్కువ

Peddi Vs Bollywood Movies: జూన్ 12న హిందీ సినిమాల కంటే రామ్ చరణ్ 'పెద్ది' సినిమా ఎక్కువ కలెక్షన్స్ సాధించింది. కంగనా రనౌత్ 'భారత భాగ్య విధాత', మనోజ్ బాజ్‌పాయి 'గవర్నర్'ను బీట్ చేసింది.

రామ్ చరణ్ 'పెద్ది' సినిమాకు థియేటర్లలో విడుదలైన 9వ రోజు కూడా కలెక్షన్లు బావున్నాయి. ఈ వారం థియేటర్లలో విడుదలైన కంగనా రనౌత్, మనోజ్ బాజ్‌పేయి, దిల్జీత్ దోసాంజ్ హిందీ సినిమాల కంటే 'పెద్ది'కి ఎక్కువ కలెక్షన్స్ రావడం విశేషం.

రామ్ చరణ్ హీరోగా నటించిన 'పెద్ది' సినిమా తొమ్మిది రోజుల్లో రూ. 198.70 కోట్ల నెట్ కలెక్ట్ చేసింది. తొమ్మిదో రోజు (శుక్రవారం) ఇండియాలో 5.15 కోట్ల నెట్ రాబట్టింది.

రామ్ చరణ్ 'పెద్ది' తొమ్మిది రోజుల క్రితం విడుదలైనప్పటికీ... ఈ వారం విడుదలైన హిందీ సినిమాల కంటే ఎక్కువ వసూళ్లను సాధించింది. 'పెద్ది' తర్వాత రోజు విడుదలైన 'జవానీ హై తో ఇష్క్ హోనా  హై' కంటే ఎక్కువ కలెక్ట్ చేసింది. హిందీ సినిమాలపై 'పెద్ది' ఎఫెక్ట్ ఉందని చెప్పవచ్చు.

వరుణ్ ధావన్ హీరోగా, పూజా హెగ్డే & మృణాల్ ఠాకూర్ హీరోయిన్లుగా నటించిన 'హై జవానీ తో ఇష్క్ హోనా హై' (Hai Jawani To Ishq Hona Hai) మొదటి వారంలో రూ. 36.85 కోట్లు కలెక్ట్ చేయగా... థియేటర్లలో విడుదలైన ఎనిమిదవ రోజు రూ. 1.85 కోట్లు కలెక్ట్ చేసింది.

కంగనా రనౌత్ ప్రధాన పాత్రలో నటించిన 'భారత్ భాగ్య విధాత' (Bharat Bhhagya Viddhaata First Day India Net Collection) మొదటి రోజు కేవలం కోటి మాత్రమే వసూలు చేసింది.

మనోజ్ బాజ్‌పేయి ప్రధాన పాత్రలో నటించిన గవర్నర్ (Governor) సినిమా అయితే మొదటి రోజు 90 లక్షలు మాత్రమే కలెక్ట్ చేసింది. ఆ సినిమాకు థియేటర్లలో జనాలు లేదు. ఆక్యుపెన్సీ 14 శాతమే.

దిల్జిత్ దోసాంజ్ హీరోగా నటించిన రొమాంటిక్ డ్రామా 'మై వాపస్ ఆవుంగా' (Main Vaapas Aaunga) మొదటి రోజు రూ. 1.15 కోట్లు వసూలు చేసింది.