Kenatha Kanom OTT : యోగిబాబు సెటైరికల్ కామెడీ కెనతా కనోమ్ స్ట్రీమింగ్ - తెలుగులోనూ చూడొచ్చు... సినిమా ఎందుకంత స్పెషల్?

Kenatha Kanom OTT Platform : తమిళ స్టార్ కమెడియన్ యోగిబాబు లేటెస్ట్ సెటైరికల్ కామెడీ కెనతా కనోమ్ ఓటీటీలోకి వచ్చేసింది. తమిళం, తెలుగు, సహా ఇతర భాషల్లోనూ స్ట్రమింగ్ అవుతోంది. ఈ సినిమా ఎందుకంత స్పెషల్..

కెనతా కనోమ్ ఓటీటీ స్ట్రీమింగ్

రామనాథపురం జిల్లాలోని కరువుతో అల్లాడుతున్న కుగ్రామం. గ్రామస్థులు తాగు, సాగు నీటి కోసం తీవ్ర ఇబ్బందులు పడుతుంటారు. ఆ ఊరి గుడిలో పూజారే మణివాసరన్ (యోగిబాబు).

నీటి కొరత తీర్చేందుకు పూజారి సలహాతో గ్రామస్థులంతా ఆయన ఇంటి ముందే ఓ బావి తవ్వాలని నిర్ణయించుకుంటారు. అలా చేయి చేయి కలిపి బావి తవ్వడం మొదలు పెడతారు.

అలా తవ్వుతుండగా మిలియన్ల ఏళ్ల నాటి ఓ పురాతన డైనోసార్ శిలాజం బయటపడుతుంది. ఈ విషయం తెలుసుకున్న పోలీసులు, ఆర్కియాలజీ డిపార్ట్‌మెంట్ అధికారులు ఆ ప్రాంతాన్ని తమ ఆధీనంలోకి తీసుకుంటారు.

ఆ తర్వాత గ్రామస్థులు, అధికారుల మధ్య ఏం జరిగింది? అనేదే ఈ మూవీ. అదే స్టార్ కమెడియన్ యోగిబాబు ప్రధాన పాత్రలో నటించిన కెనతా కనోమ్.

ప్రముఖ ఓటీటీ జియో హాట్ స్టార్‌లో మంగళవారం నుంచి ఈ మూవీ స్ట్రీమింగ్ అవుతోంది. తమిళంతో పాటు తెలుగు, హిందీ, బెంగాళీ, మలయాళం, మరాఠీ, కన్నడ భాషల్లో అందుబాటులో ఉంది.