Alaya F: గ్లామర్‌తో అదరగొడుతున్న ఈ బాలీవుడ్ బ్యూటీ ఎవరో తెలుసా?

బాలీవుడ్ నటి అలాయా ఎఫ్ గ్లామరస్ ఫొటోలు ఇన్‌స్టాగ్రామ్‌లో షేర్ చేశారు. బాలీవుడ్‌లో అలాయా మంచి హీరోయిన్. ఈమె పూర్తి పేరు ఆలియా ఫర్నీచర్‌వాలా. ప్రముఖ నటి పూజా బేడీ కూతురే ఈ అలాయా ఎఫ్.

2020లో వచ్చిన ‘జవానీ జానేమన్’ సినిమాతో అలాయా బాలీవుడ్‌లో ఎంట్రీ ఇచ్చారు. 2022లో వచ్చిన ‘ఫ్రెడ్డీ’ అలాయాకు మంచి బ్రేక్ ఇచ్చింది. కార్తీక్ ఆర్యన్ ఈ సినిమాలో హీరోగా నటించారు.

2023లో కూడా అలాయా రెండు సినిమాలతో ప్రేక్షకులను పలకరించారు. అవే ‘ఆల్మోస్ట్ ప్యార్ విత్ డీజే మొహబ్బత్’, ‘యూ-టర్న్’. వీటిలో మొదటి సినిమా బాక్సాఫీస్ వద్ద బకెట్ తన్నేసింది. కేవలం రూ.25 లక్షల గ్రాస్ మాత్రమే ఈ సినిమా వసూలు చేసింది.

సమంత ‘యూటర్న్’ను కూడా అలాయా బాలీవుడ్‌లో రీమేక్ చేశారు. ఈ సినిమా అదే పేరుతో విడుదల అయింది. కానీ డైరెక్ట్‌గా జీ5 ఓటీటీలో ఈ సినిమా విడుదల అయింది. కానీ ఈ సినిమాకు మంచి రివ్యూలు రాలేదు.

ప్రస్తుతం అలాయా చేతిలో కూడా రెండు సినిమాలు ఉన్నాయి. అవే ‘శ్రీ’, ‘బడేమియా చోటేమియా’. వీటిలో ‘బడేమియా చోటేమియా’ బాలీవుడ్‌లోనే క్రేజీ ప్రాజెక్టు.

ఏప్రిల్ 5వ తేదీన ‘బడేమియా చోటేమియా’ ప్రేక్షకుల ముందుకు రానుంది. ఈ సినిమాకు అలీ అబ్బాస్ జాఫర్ దర్శకత్వం వహించారు. అక్షయ్ కుమార్, టైగర్ ష్రాఫ్ హీరోలుగా నటించారు. టైగర్ ష్రాఫ్ సరసన అలాయా హీరోయిన్‌గా నటించారు.