ఇన్నొవేటివ్ డిజైన్‌తో వచ్చేసిన టెస్లా సైబర్ ట్రక్ - మస్క్ మామ ఎంత రేటు ఫిక్స్ చేశాడంటే?

టెస్లా నుంచి వినియోగదారులు ఎంతో ఆసక్తిగా ఎదురుచూస్తున్న సైబర్‌ట్రక్ ధరను ఎట్టకేలకు ఎలాన్ మస్క్ ప్రకటించాడు.

టెస్లా సైబర్ ట్రక్ ధర $60,990 (సుమారు రూ. 51 లక్షలు) నుంచి ప్రారంభం కానుంది.

2019లో సీఈవో ఎలాన్ మస్క్ పేర్కొన్న అంచనా ధర కంటే ఇది దాదాపు 50 శాతం ఎక్కువ.

ప్రస్తుతానికి ఎంపిక చేసిన కస్టమర్‌లకు మాత్రమే టెస్లా సైబర్‌ట్రక్ అందుబాటులో ఉంటుంది.

ఇందులో మూడు వేరియంట్‌లు ఉన్నాయని తెలుస్తోంది. వీటి ధర రూ.51 లక్షల నుంచి రూ. 83 లక్షల మధ్య నిర్ణయించనున్నారు.

తన సైబర్‌ట్రక్‌ను సాధారణ ట్రక్కు కంటే మెరుగైనదని, స్పోర్ట్స్ కారు కంటే వేగవంతమైనదని ఎలాన్ మస్క్ తెలిపాడు.

టెక్సాస్‌లోని ఆస్టిన్‌లో జరిగిన కార్యక్రమంలో కొంతమంది కస్టమర్‌లకు దానిని అందించాడు కూడా.

ఇది ఫ్యూచరిస్టిక్ డిజైన్ అని ఎలాన్ మస్క్ తెలిపాడు.